TITUS
Tetraevangelium (redactio athonensis)
Part No. 22
Previous part

Chapter: 22 


Verse: 1  Link to ntkpl   და მერმე მიუგო მათ იესუ იგავით და ჰრქუა:


Verse: 2  Link to ntkpl   ემსგავსა სასუფეველი ცათაჲ კაცსა მეუფესა, რომელმან ყო ქორწილი ძისა თჳსისაჲ


Verse: 3  Link to ntkpl   და წარავლინნა მონანი თჳსნი მოწოდებად ჩინებულთა მათ ქორწილსა მას, და არა ინებეს მოსლვად.


Verse: 4  Link to ntkpl   კუალად წარავლინნა სხუანი მონანი და ჰრქუა: არქუთ ჩინებულთა მათ: აჰა, ესერა, პური ჩემი მზა-მიყოფიეს, ზუარაკები და უსხები ჩემი დაკლულ არიან, და ყოველივე მზა არს, მოვედით ქორწილსა ამას.


Verse: 5  Link to ntkpl   ხოლო მათ უდებ-ყვეს და წარვიდეს: რომელიმე -- თჳსსა აგარაკსა, რომელიმე -- სავაჭროსა თჳსსა.

Verse: 5V    რომელიმე ] რომელი N


Verse: 6  Link to ntkpl   ხოლო სხუათა შეიპყრნეს მონანი იგი მისნი, აგინნეს და მოსწყჳდნეს.

Verse: 6V    აგინნეს ] აგინეს HIN


Verse: 7  Link to ntkpl   ხოლო მეუფე იგი განრისხნა, ესმა რაჲ ესე, და მიავლინა ერი თჳსი და მოსრნა კაცისმკლველნი იგი და ქალაქი იგი მათი მოწუა ცეცხლითა.

Verse: 7V    იგი (2) ] -- J


Verse: 8  Link to ntkpl   მაშინ ჰრქუა მონათა თჳსთა: ქორწილი ესე მზა არს, ხოლო ჩინებულნი იგი არა ღირს იყვნეს.

Verse: 8V    თჳსთა ] მისთა X


Verse: 9  Link to ntkpl   წარვედით მებოძირთა გზათასა და, რაოდენიცა ჰპოოთ, მოუწოდეთ ქორწილსა ამას.

Verse: 9V    რაოდენიცა ] რავდენიცა N; რაოდენიცა ] რაჲოდენიცა X


Verse: 10  Link to ntkpl   და განვიდეს მონანი იგი მისნი გზათა ზედა და შეკრიბეს ყოველი, რაოდენი პოვეს ბოროტი და კეთილი, და აღივსო ქორწილი იგი მეინაჴითა.

Verse: 10V    რაოდენი ] რაჲოდენი X; რაოდენი ] რავდენი N; პოვეს ] პოეს NX


Verse: 11  Link to ntkpl   ხოლო შე-რაჲ-ვიდა მეუფე იგი ხილვად მეინაჴეთა მათ, იხილა მუნ კაცი, რომელსა არა ემოსა სამოსელი საქორწინე.

Verse: 11V    კაცი ] + ერთი X;


Verse: 12  Link to ntkpl   და ჰრქუა მას: მოყუასო, ვითარ შემოხუედ აქა, რამეთუ არა გმოსიეს სამოსელი საქორწინე? ხოლო იგი დუმნა.

Verse: 12V    და ... საქორწინე ] -- J; შემოხუედ ] შემოხუჱდ HIXU


Verse: 13  Link to ntkpl   მაშინ ჰრქუა მეუფემან მან მსახურთა თჳსთა: შეუკრენით მაგას ჴელნი და ფერჴნი და განაგდეთ ეგე ბნელსა მას გარესკნელსა. მუნ იყოს ტირილი და ღრჭენაჲ კბილთაჲ.

Verse: 13V    ეგე ] იგი I


Verse: 14  Link to ntkpl   რამეთუ მრავალ არიან ჩინებულნი და მცირედ -- რჩეულნი.

Verse: 14V    მრავალ ] მრავალნი XJ; მცირედ რჩეულნი ] მცირედნი რჩეულ X


Verse: 15  Link to ntkpl   მაშინ წარვიდეს ფარისეველნი იგი და ზრახვა-ყვეს, რაჲთა სიტყჳთა საფრჴე-უგონ მას.

Verse: 15V    საფრჴე ] საბრჴე N; დაუგონ ] დაუგონ N


Verse: 16  Link to ntkpl   და მიუვლინნეს მოწაფენი მათნი ჰეროდიანთა თანა და ჰრქუეს: მოძღუარ, ვიცით, რამეთუ ჭეშმარიტ ხარ და გზასა ღმრთისასა ჭეშმარიტად ასწავებ და არა ჰზრუნავ არავისთჳს, რამეთუ არა თუალ-აღებ პირსა კაცისასა.

Verse: 16V    თქუეს ] თქუჱს J; ხარ ] + შენ HI; ჰზრუნავ ] ზრუნავ XU


Verse: 17  Link to ntkpl   აწ მარქუ ჩუენ, რაჲ გნებავს შენ: ჯერ-არსა მიცემაჲ ხარკისაჲ კეისრისა, ანუ არა?

Verse: 17V    მარქუ ] მარქჳ N; კეისრისა ] კეისრისაჲ JXU


Verse: 18  Link to ntkpl   გულისჴმა-ყო იესუ უკეთურებაჲ მათი და ჰრქუა: რაჲსა გამომცდით მე, ორგულნო?


Verse: 19  Link to ntkpl   მიჩუენეთ მე დრაჰკანი იგი ხარკისაჲ! ხოლო მათ მოართუეს მას დრაჰკანი.

Verse: 19V    მიჩუენეთ ] მიჩუჱნეთ HJXU; მე ] -- HIKJXU; იგი ] -- J; მათ ] -- K; მოართუეს ] მოართუჱს HJU


Verse: 20  Link to ntkpl   ჰრქუა მათ იესუ: ვისი არს ხატი ესე ანუ ზედაწერილი?

Verse: 20V    ჰრქუა ] და ჰრქუა U


Verse: 21  Link to ntkpl   ჰრქუეს მას: კეისრისაჲ. მაშინ ჰრქუა მათ იესუ: მიეცით კეისრისაჲ კეისარსა და ღმრთისაჲ ღმერთსა.


Verse: 22  Link to ntkpl   და ესმა რაჲ ესე, დაუკჳრდა და დაუტევეს იგი და წარვიდეს.


Verse: 23  Link to ntkpl   მას დღესა შინა მოუჴდეს მას სადუკეველნი, რომელნი იტყოდეს, ვითარმედ: არა არს აღდგომაჲ, ჰკითხეს მას

Verse: 23V    აღდგომაჲ ] + და N


Verse: 24  Link to ntkpl   და ეტყოდეს: მოძღუარ, მოსე ესრეთ თქუა: უკუეთუ ვინმე მოკუდეს და არა ესუას შვილი, ესიძენ ძმაჲ მისი ცოლსა მისსა და აღუდგინენ თესლი ძმასა თჳსსა.

Verse: 24V    ესრეთ ] ესრე N; უკუეთუ ] უკუჱთუ K; ვინმე მოკუდეს ] ვისმე მოუკუდეს ძმაჲ J


Verse: 25  Link to ntkpl   იყვნეს უკუე ჩუენ შორის შჳდნი ძმანი, და პირველმან მან შეირთო და მოკუდა, და არა დაშთა თესლი, და დაუტევა ცოლი თჳსი ძმასა თჳსსა,

Verse: 25V    უკუე ] უკუჱ HIKJXU; მან ] ძმამან X


Verse: 26  Link to ntkpl   ეგრეთვე მეორემან და მესამემან ვიდრე მეშჳდედმდე.


Verse: 27  Link to ntkpl   ხოლო უკუანაჲსკნელ ყოველთასა მოკუდა დედაკაციცა იგი.

Verse: 27V    ყოველთასა ] ყოველთაჲსა J


Verse: 28  Link to ntkpl   აწ უკუე აღდგომასა მას ვისა შჳდთა მათგანისა იყოს იგი ცოლად? რამეთუ ყოველთა ესუა იგი?

Verse: 28V    უკუე ] უკუჱ HIKJXU; ვისა ] ვის X


Verse: 29  Link to ntkpl   მიუგო იესუ და ჰრქუა მათ: სცთებით, რამეთუ არა იცნით წიგნნი, არცა ძალი ღმრთისაჲ.


Verse: 30  Link to ntkpl   რამეთუ აღდგომასა მას არცა იქორწინებოდიან, არცა განქორწინებდენ, არამედ, ვითარცა ანგელოზნი ღმრთისანი, იყვნენ ცათა შინა.

Verse: 30V    იქორწინებოდიან ] იქორწინებოდია J; განქორწინებდენ ] განჰქორწინებდენ JXU


Verse: 31  Link to ntkpl   ხოლო აღდგომისათჳს მკუდართაჲსა არა აღმოგიკითხავსა თქუმული იგი ღმრთისამიერი, რომელსა იტყჳს:


Verse: 32  Link to ntkpl   მე ვარ ღმერთი აბრაჰამისი და ღმერთი ისაკისი და ღმერთი იაკობისი? არა არს ღმერთი -- ღმერთი მკუდართაჲ, არამედ ცხოველთაჲ.

Verse: 32V    და ] -- K; ღმერთი (2) ] -- JX


Verse: 33  Link to ntkpl   და ესმა რაჲ ესე ერსა მას, დაუკჳრდებოდა მოძღურებაჲ იგი მისი.


Verse: 34  Link to ntkpl   ხოლო ფარისეველთა რაჲ ესმა, რამეთუ დაუყო პირი სადუკეველთა მათ, შეკრბეს ერთად.

Verse: 34V    ფარისეველთა ] ფარისეველთაჲ U


Verse: 35  Link to ntkpl   და ჰკითხა ერთმან მათგანმან, შჯულისმოძღუარმან, გამოსცდიდა მას და ეტყოდა:

Verse: 35V    შჯულისმოძღუარმან ] სჯულისმოძღუარმან KJU


Verse: 36  Link to ntkpl   მოძღუარ, რომელი მცნებაჲ უფროჲს არს შჯულსა შინა?

Verse: 36V    შჯულსა ] სჯულსა KJU


Verse: 37  Link to ntkpl   ხოლო იესუ ჰრქუა მას: შეიყუარო უფალი ღმერთი შენი ყოვლითა გულითა შენითა და ყოვლითა სულითა შენითა და ყოვლითა გონებითა შენითა.


Verse: 38  Link to ntkpl   ესე არს დიდი და პირველი მცნებაჲ.


Verse: 39  Link to ntkpl   და მეორე, მსგავსი ამისი: შეიყუარო მოყუასი შენი, ვითარცა თავი თჳსი.

Verse: 39V    თჳსი ] მისი U


Verse: 40  Link to ntkpl   ამათ ორთა მცნებათა ყოველი შჯული და წინაწარმეტყუელნი დამოკიდებულ არიან.

Verse: 40V    შჯული ] სჯული KJU


Verse: 41  Link to ntkpl   შეკრებულ რაჲ იყვნეს ფარისეველნი იგი, ჰკითხა მათ იესუ


Verse: 42  Link to ntkpl   და ჰრქუა: ვითარ ჰგონებთ თქუენ ქრისტესთჳს? ვისი ძე არს? ხოლო მათ ჰრქუეს: დავითისი.

Verse: 42V    ჰრქუეს ] ჰრქუჱს I


Verse: 43  Link to ntkpl   ჰრქუა მათ იესუ: ვითარ უკუე დავით სულითა ჰხადის მას უფლად და იტყჳს:

Verse: 43V    უკუე ] უკუჱ HIJXU; ჰხადის ] ხადის U


Verse: 44  Link to ntkpl   ჰრქუა უფალმან უფალსა ჩემსა: დაჯედ მარჯუენით ჩემსა, ვიდრემდის დავსხნე მტერნი შენნი ქუეშე ფერჴთა შენთა?

Verse: 44V    ქუეშე ] ქუჱშე HJX


Verse: 45  Link to ntkpl   უკუეთუ დავით სულითა უფლად ჰხადის მას, ვითარ ძე მისი არს?

Verse: 45V    უკუეთუ ] უკუჱთო X; ჰხადის ] ხადის XU


Verse: 46  Link to ntkpl   და ვერ ვის ეძლო სიტყჳს-მი*გებად მისა, არცაღა ვინ იკადრა მიერ დღითგან კითხვად მისა არღარაჲ.

Verse: 46V    * აქედან იწყება Z; მისა ] მისსა KZ; იკადრა ] იკადა Z; მიერ ] მიერითგან X; მისა ] მისსა KNZ



Next part


This text is part of the TITUS edition of Tetraevangelium (redactio athonensis).

Copyright TITUS Project, Frankfurt a/M, 16.2.2022. No parts of this document may be republished in any form without prior permission by the copyright holder.