TITUS
Tetraevangelium (redactio athonensis)
Part No. 17
Previous part

Chapter: 17 


Verse: 1  Link to ntkpl   და შემდგომად ექუსისა დღისა წარიყვანნა იესუ პეტრე და იაკობ და იოვანე, ძმაჲ მისი, და აღიყვანნა იგინი მთასა მაღალსა თჳსაგან.


Verse: 2  Link to ntkpl   და იცვალა მათ წინაშე სხუად ფერად, და განბრწყინდა პირი მისი, ვითარცა მზე, ხოლო სამოსელი მისი იქმნა სპეტაკ, ვითარცა ნათელი.

Verse: 2V    ნათელი ] თოვლი U


Verse: 3  Link to ntkpl   და, აჰა, ეჩუენნეს მათ მოსე და ელია მის თანა, და თანაზრახვიდეს.

Verse: 3V    ეჩუენნეს ] ეჩუჱნნეს HUX


Verse: 4  Link to ntkpl   მიუგო პეტრე და ჰრქუა იესუს: უფალო, კეთილ არს ჩუენდა აქა ყოფაჲ. და თუ გნებავს, ვქმნეთ აქა სამ ტალავარ: ერთი შენდა და ერთი მოსესა და ერთი ელიაჲსა?

Verse: 4V    და (3) ] -- N; მოსესა ] მოსესსა K; ელიაჲსა ] ელიაჲსსა KN


Verse: 5  Link to ntkpl   და ვიდრეღა იგი ამას იტყოდა, აჰა, ესერა, ღრუბელი ნათლისაჲ აგრილობდა მათ, და, აჰა, ჴმაჲ იყო ღრუბლით გამო და თქუა: ესე არს ძე ჩემი საყუარელი, რომელი მე სათნო-ვიყავ. მაგისი ისმინეთ!


Verse: 6  Link to ntkpl   და ესმა რაჲ ესე მოწაფეთა, დავარდეს პირსა ზედა თჳსსა და შეეშინა ფრიად.

Verse: 6V    თჳსსა ] მათსა X; შეეშინა ] შეჱშინა N


Verse: 7  Link to ntkpl   და მოუჴდა მათ იესუ, შეახო ჴელი და ჰრქუა: აღდეგით და ნუ გეშინინ!

Verse: 7V    შეახო ] შიახო X


Verse: 8  Link to ntkpl   და აღ-რაჲ-იხილნეს თუალნი მათნი, არა ვინ იხილეს, გარნა იესუ ხოლო. მარტოჲ

Verse: 8V    აღ-რაჲ-იხილნეს ] აღ-რაჲ-იხილნე X


Verse: 9  Link to ntkpl   და გარდამო-რაჲ-ვიდოდეს იგინი მიერ მთით, ამცნო მათ იესუ და ჰრქუა: ნუ ვის უთხრობთ ხილვასა ამას, ვიდრემდის ძე კაცისაჲ მკუდრეთით აღდგეს.


Verse: 10  Link to ntkpl   და ჰკითხეს მას მოწაფეთა მისთა და ეტყოდეს: ვითარ უკუე იტყჳან მწიგნობარნი, ვითარმედ ელიაჲსი ჯერ-არს პირველად მოსლვაჲ?

Verse: 10V    უკუე ] უკუჱ HIKJXU


Verse: 11  Link to ntkpl   ხოლო იესუ მიუგო და ჰრქუა მათ: ელია მოვიდეს პირველად და კუალადაგოს ყოველი.

Verse: 11V    პირველად ] -- X


Verse: 12  Link to ntkpl   ხოლო გეტყჳ თქუენ: რამეთუ ელია აწვე მოვიდა, და არა იცნეს იგი, არამედ უყვეს მას, რაოდენი უნდა. და ეგრეთვე ძესაცა კაცისასა ეგულების ვნებად მათგან.

Verse: 12V    რაოდენი ] რავდენი N; რაოდენი ] რაჲოდენი X; ვნებად მათგან ] მათგან ვნებად U


Verse: 13  Link to ntkpl   მაშინ გულისჴმა-ყვეს მოწაფეთა, რამეთუ იოვანე ნათლისმცემელისათჳს ჰრქუა მათ.


Verse: 14  Link to ntkpl   და ვითარცა მოვიდეს იგინი ერისა მის, მოუჴდა მას კაცი ერთი, მუჴლნი დაიდგნა მის წინაშე და ეტყოდა:

Verse: 14V    ეტყოდა ] იტყოდა X


Verse: 15  Link to ntkpl   უფალო, შეიწყალე ძე ჩემი, რამეთუ ცისად-ცისად ბოროტად იგუემების, რამეთუ მრავალგზის შთავარდის იგი ცეცხლსა და მრავალგზის -- წყალსა.

Verse: 15V    ჩემი ] ჩმი H; რამეთუ ] რომელი X; იგუემების ] იგუჱმების HJUX


Verse: 16  Link to ntkpl   და მოვჰგუარე იგი მოწაფეთა შენთა, და ვერ შეუძლეს განკურნებად მისა.

Verse: 16V    მოვჰგუარე ] მოვგუარე X; შენთა ] -- K


Verse: 17  Link to ntkpl   მიუგო იესუ და ჰრქუა მას: ჵ, ნათესავი ურწმუნოჲ და გულარძნილი! ვიდრემდის ვიყო თქუენ თანა, ვიდრემდის თავს-ვიდებდე თქუენსა? მომგუარეთ მე იგი აქა!


Verse: 18  Link to ntkpl   და ვითარცა მოჰგუარეს, შეჰრისხნა მას იესუ, და განვიდა მისგან ეშმაკი იგი. და განიკურნა ყრმაჲ იგი მიერ ჟამითგან.


Verse: 19  Link to ntkpl   მაშინ მოუჴდეს იესუს მოწაფენი თჳსაგან და ჰრქუეს: რაჲსათჳს ჩუენ ვერ შეუძლეთ განჴდად მისა?

Verse: 19V    ჰრქუეს ] ჰრქუჱს I; ჰრქუეს ] ჰრქუჱს + მას K; განჴდად ] განყოფად X; მისა ] მისსა KN


Verse: 20  Link to ntkpl   ხოლო იესუ ჰრქუა მათ: ურწმუნოებისა თქუენისათჳს. ამენ გეტყჳ თქუენ: უკუეთუ გაქუნდეს სარწმუნოებაჲ, ვითარცა მარცუალი მდოგჳსაჲ, ჰრქუათ მთასა ამას: მიიცვალე ამიერ იქი! -- და მიიცვალოს, და არარაჲ შეუძლებელ იყოს თქუენ მიერ.


Verse: 21  Link to ntkpl   ხოლო ესე ნათესავი არარაჲთ განვალს, გარნა ლოცვითა და მარხვითა.


Verse: 22  Link to ntkpl   და ვითარცა იქცეოდეს იგინი გალილეას, ჰრქუა მათ იესუ, ვითარმედ: ეგულების ძესა კაცისასა მიცემად ჴელთა კაცთასა,

Verse: 22V    გალილეას ] გალილიას X; ჴელთა ] ჴელსა X


Verse: 23  Link to ntkpl   და მოკლან იგი, და მესამესა დღესა აღდგეს. ხოლო იგინი შეწუხნეს ფრიად.

Verse: 23V    შეწუხნეს ] შეწუხდეს X


Verse: 24  Link to ntkpl   და ვითარცა მოვიდეს იგინი კაპერნაუმდ, მოუჴდეს მას, რომელნი-იგი დიდრაქმასა შეჰკრებდეს, და ჰრქუეს პეტრეს: მოძღუარმან თქუენმან არა მოგუცესა ხარკი?

Verse: 24V    იგინი ] იგი U; კაპერნაუმდ ] კაპერნაომდ X; კაპერნაუმდ ] კაპერნაომად U; რომელნი-იგი ] რომელნი-იგნი I; ჰრქუეს ] ჰრქუჱს I


Verse: 25  Link to ntkpl   ხოლო მან ჰრქუა: ჰე. და ვითარცა შევიდა იგი სახიდ, უსწრო მას იესუ და ჰრქუა: რასა ჰგონებ შენ, სიმონ: მეფენი ქუეყანისანი ვიეთგან მიიღებენ ხარკსა ანუ ზუერსა, შვილთაგან ანუ უცხოთაგან?

Verse: 25V    ჰე ] ჰჱ HIKNJX; ზუერსა ] ზუჱრსა HIU


Verse: 26  Link to ntkpl   ჰრქუა მას პეტრე: უცხოთაგან. მიუგო იესუ და ჰრქუა მას: აწ უკუე თავისუფალ სამე არიან შვილნი.

Verse: 26V    უკუე ] უკუჱ HIKJUX


Verse: 27  Link to ntkpl   ხოლო რაჲთა არა დავაბრკოლნეთ იგინი, წარვედ ზღუად და შთააგდე სამჭედური, და, რომელი პირველად აღმოჴდეს თევზი, აღიღე და აღუღე პირი მისი და ჰპოო მის შორის სტატირი, მოიღე იგი და მიეც მათ შენთჳს და ჩემთჳს.

Verse: 27V    წარვედ ] + უკუე N; აღმოჴდეს ] აღმოჰჴდეს K; სტატირი ] სტრატირი X; მოიღე ] მოჲღე J





Next part


This text is part of the TITUS edition of Tetraevangelium (redactio athonensis).

Copyright TITUS Project, Frankfurt a/M, 16.2.2022. No parts of this document may be republished in any form without prior permission by the copyright holder.