TITUS
Tetraevangelium (redactio athonensis)
Part No. 15
Previous part

Chapter: 15 


Verse: 1  Link to ntkpl   მაშინ მოუჴდეს იესუს იერუსალჱმით ფარისეველნი და მწიგნობარნი და ეტყოდეს:

Verse: 1V    იესუს ] იესოს I


Verse: 2  Link to ntkpl   რაჲსათჳს მოწაფენი შენნი გარდაჰვლენ მოძღურებასა ხუცესთასა? რამეთუ არა დაიბანნიან ჴელნი, რაჟამს პურსა ჭამედ.

Verse: 2V    გარდაჰვლენ ] გარდავლენ JU


Verse: 3  Link to ntkpl   ხოლო იესუ მიუგო და ჰრქუა მათ: და რაჲსათჳს თქუენცა გარდახუალთ მცნებასა ღმრთისასა მოძღურებითა თქუენითა?

Verse: 3V    და(2) ] -- U; გარდახუალთ ] გარდაჰხუალთ KN


Verse: 4  Link to ntkpl   რამეთუ ღმერთმან თქუა: პატივ-ეც მამასა შენსა და დედასა შენსა; და რომელმან თქუას ბოროტი მამისათჳს გინა დედისა, სიკუდილით მოკუედინ.

Verse: 4V    მოკუედინ ] მოკუჱდინ HIU


Verse: 5  Link to ntkpl   ხოლო თქუენ სთქუთ: რომელმან ჰრქუას მამასა თჳსსა გინა დედასა თჳსსა: ნიჭი, რომელი ჩემგან სარგებელ გეყო,

Verse: 5V    გეყო ] გეყოს U


Verse: 6  Link to ntkpl   და არა პატივ-სცეს მამასა ანუ დედასა თჳსსა, ესევითართა დაუმტკიცებელ-ჰყავთ მცნებაჲ ღმრთისაჲ მოძღურებითა თქუენითა.

Verse: 6V    თქუენითა ] თქუჱნითა H


Verse: 7  Link to ntkpl   ორგულნო, კეთილად წინაწარმეტყუელებდა თქუენთჳს ესაია და თქუა:


Verse: 8  Link to ntkpl   მახლობელ არს ჩემდა ერი ესე პირითა მათითა და ბაგითა მათითა პატივ-მცემს მე, ხოლო გულნი მათნი შორს განშორებულ არიან ჩემგან,


Verse: 9  Link to ntkpl   ამაოდ მმსახურებენ მე, რამეთუ ასწავებენ მოძღურებასა და მცნებასა კაცთასა.

Verse: 9V    მმსახურებენ ] მსახურებენ X; მცნებასა და მოძღურებასა ] მცნებასა და მოძღურებასა J


Verse: 10  Link to ntkpl   და მოუწოდა ერსა მას და ეტყოდა: ისმინეთ და გულისჴმა-ყავთ:


Verse: 11  Link to ntkpl   არა თუ პირით შემავალი შეაგინებს კაცსა, არამედ პირით გამომავალი შეაგინებს კაცსა.

Verse: 11V    შეაგინებს (1) ] შიაგინებს X; გამომავალი ] გამავალი I; შეაგინებს (2) ] შიაგინებს X


Verse: 12  Link to ntkpl   მაშინ მოუჴდეს იესუს მოწაფენი მისნი და ჰრქუეს მას: უწყია, რამეთუ ფარისეველთა რაჲ ესმა სიტყუაჲ იგი, დაჰბრკოლდეს?

Verse: 12V    ჰრქუეს ] ჰრქუჱს I


Verse: 13  Link to ntkpl   ხოლო თავადმან მიუგო და ჰრქუა მათ: ყოველი ნერგი, რომელი არა დაჰნერგა მამამან ჩემმან ზეცათამან, ძირითურთ აღიფხურას,


Verse: 14  Link to ntkpl   უტევენით ეგე, რამეთუ ბრმანი არიან და წინამძღუარნი ბრმათანი, ხოლო ბრმაჲ ბრმასა თუ წინაუძღჳნ, ორნივე მთხრებლსა შთაცჳვიან.

Verse: 14V    ხოლო ] თუ X


Verse: 15  Link to ntkpl   მიუგო პეტრე და ჰრქუა მას: გამოგჳთარგმანე ჩუენ იგავი ესე.


Verse: 16  Link to ntkpl   ხოლო იესუ ჰრქუა მას: თქუენცა უგულისჴმოვე ხართა?


Verse: 17  Link to ntkpl   და არა გიცნობიეს, რამეთუ ყოველი, რომელი შევალს პირით, მუცლად შევალს და განსავალით განვალს?

Verse: 17V    რამეთუ ყოველი ] -- X


Verse: 18  Link to ntkpl   ხოლო გამომავალი პირით გულისაგან გამოვალს და იგი შეაგინებს კაცსა.

Verse: 18V    შეაგინებს ] შიაგინებს X


Verse: 19  Link to ntkpl   რამეთუ გულისაგან გამოვლენ გულისსიტყუანი ბოროტნი, კაცის-კლვანი, მრუშებანი, სიძვანი, პარვანი, ცილისწამებანი, გმობანი.


Verse: 20  Link to ntkpl   ესენი არიან, რომელნი შეაგინებენ კაცსა, ხოლო უბანელითა ჴელითა ჭამაჲ არა შეაგინებს კაცსა.

Verse: 20V    შეაგინებენ ] შიაგინებენ X; შეაგინებს ] შიაგინებს X


Verse: 21  Link to ntkpl   და წარვიდა მიერ იესუ და მივიდა ადგილთა ტჳროსისა და სიდონისათა.

Verse: 21V    მივიდა ] მოვიდა KN; სიდონისათა ] სიდონიისათა X


Verse: 22  Link to ntkpl   და, აჰა, ესერა, დედაკაცი ქანანელი საზღვართა მათგან გამოვიდა, ღაღადებდა და იტყოდა: შემიწყალე მე, უფალო, ძეო დავითისო, რამეთუ ასული ჩემი ბოროტად ეშმაკეულ არს.


Verse: 23  Link to ntkpl   ხოლო იესუ არა მიუგო მას სიტყუაჲ. და მოუჴდეს მოწაფენი იესუს და ჰრქუეს მას: განუტევე ესე, რომელი ღაღადებს და შეგჳდგს ჩუენ.

Verse: 23V    ჰრქუეს ] ჰრქუჱს I; შეგჳდგს ] შეგჳთქს JX; შეგჳდგს ] შემიდგს U; ჩუენ ] ჩუჱნ U


Verse: 24  Link to ntkpl   ჰრქუა მათ იესუ: არა ვიდრემე მოვლინებულ ვარ, გარნა ცხოვართა მათ წარწყმედულთა სახლისა ისრაჱლისათა.


Verse: 25  Link to ntkpl   ხოლო იგი მოუჴდა და თაყუანის-სცემდა მას და ეტყოდა: უფალო, შემიწყალე მე!

Verse: 25V    და (1) ] -- U


Verse: 26  Link to ntkpl   ხოლო თავადმან მიუგო და ჰრქუა მას: არა კეთილ არს მოღებად პური შვილთაგან და დაგებად ძაღლთა.


Verse: 27  Link to ntkpl   ხოლო მან ჰრქუა: ჰე, უფალო, რამეთუ ძაღლნიცა ჭამედ ნაბიჭევისაგან, რომელ გარდამოცჳვინ ტაბლისაგან უფალთა მათთაჲსა.

Verse: 27V    ჰე ] ჰჱ IKNJX; რომელ ] რომელი NX


Verse: 28  Link to ntkpl   მაშინ მიუგო იესუ და ჰრქუა მას: ჵ, დედაკაცო! დიდ არს სარწმუნოებაჲ ეგე შენი; გეყავნ შენ, ვითარცა გნებავს. და განიკურნა ასული იგი მისი მიერ ჟამითგან.


Verse: 29  Link to ntkpl   და წარვიდა მიერ იესუ და მოვიდა ზღჳსკიდესა მას გალილეაჲსასა და აღვიდა მთასა და დაჯდა მუნ.

Verse: 29V    გალილეაჲსასა ] გალილიაჲსა X


Verse: 30  Link to ntkpl   და მოუჴდა მას ერი მრავალი, რომელთა ჰყვა მათ თანა მკელობლები, ბრმები, ყრუნი, ქუეწარმძრომელნი და სხუანი მრავალნი, თითოსახეთაგან სენთა შეპყრობილნი. და დასხნეს იგინი ფერჴთა თანა მისთა, და განკურნნა იგინი.

Verse: 30V    მკელობლები ] მკელობელები JU; ქუეწარმძრომელნი ] ქუეწარმძურომელნი N; ქუეწარმძრომელნი ] ქუჱწარმძრომელნი HIJU; თითოსახეთაგან ] თჳთოსახეთაგან X; თანა ] -- K; თანა მისთა ] მის თანა K


Verse: 31  Link to ntkpl   ვიდრე უკჳრდაცა ერსა მას, ხედვიდეს რაჲ, ვითარ-იგი ყრუნი იტყოდეს, და მკელობელნი ვიდოდეს, და ღრეკილნი განიკურნებოდეს, და ბრმანი ხედვიდეს და ადიდებდეს ღმერთსა ისრაჱლისასა.

Verse: 31V    და ბრმანი ხედვიდეს ] -- U


Verse: 32  Link to ntkpl   ხოლო იესუ მოუწოდა მოწაფეთა თჳსთა და ჰრქუა მათ: მეწყალის ერი ესე, რამეთუ აჰა, ესერა, სამი დღე არს, და მელიან მე და არარაჲ აქუს, რაჲმცა ჭამეს; და განტევებაჲ მათი უზმათაჲ არა მნებავს, ნუუკუე დაცჳვენ გზასა ზედა.

Verse: 32V    ნუუკუე ] ნუუკუჱ HIJUX


Verse: 33  Link to ntkpl   ჰრქუეს მას მოწაფეთა მისთა: ვინაჲ არს ჩუენდა უდაბნოსა ზედა პური ესოდენი, ვითარმცა განძღა ერი ესოდენი?

Verse: 33V    ჰრქუეს ] ჰრქუჱს I


Verse: 34  Link to ntkpl   ჰრქუა მათ იესუ: რაოდენი პური გაქუს? ხოლო მათ ჰრქუეს მას: შჳდი პური და მცირედ თევზი.

Verse: 34V    რაოდენი ] რაჲოდენი X; რაოდენი ] რავდენი NJ; ჰრქუეს ] ჰრქუჱს I; მცირედ ] მცირედი X


Verse: 35  Link to ntkpl   და უბრძანა ერსა მას დასხდომაჲ ქუეყანასა ზედა.


Verse: 36  Link to ntkpl   და მოიღო შჳდი იგი პური და თევზნი, ჰმადლობდა, განტეხა და მისცემდა მოწაფეთა, და მოწაფენი მისცემდეს ერსა მას.

Verse: 36V    მოიღო ] მოჲღო J; თევზნი ] თევზი X; განტეხა და ] და განტეხა X


Verse: 37  Link to ntkpl   ჭამეს ყოველთა და განძღეს; და აღიღეს ნეშტი იგი ნამუსრევი შჳდი სფჳრიდი სავსე.

Verse: 37V    იგი ] იგი -- J; სფჳრიდი ] სფურიდი HINJU; სფჳრიდი ] სფირიდი X


Verse: 38  Link to ntkpl   ხოლო რომელთა ჭამეს, იყვნეს ოთხ ათას მამანი ხოლო, თჳნიერ ყრმებისა და დედებისა.

Verse: 38V    რომელთა ] + იგი K


Verse: 39  Link to ntkpl   და განუტევა ერი იგი და აღვიდა იესუ ნავსა და მოვიდა საზღვართა მაგდალოჲსათა.

Verse: 39V    მაგდალოჲსათა ] მაღდალოჲსათა K



Next part


This text is part of the TITUS edition of Tetraevangelium (redactio athonensis).

Copyright TITUS Project, Frankfurt a/M, 16.2.2022. No parts of this document may be republished in any form without prior permission by the copyright holder.