TITUS
Tetraevangelium (redactio athonensis)
Part No. 11
Previous part

Chapter: 11 


Verse: 1  Link to ntkpl   და იყო, რაჟამს დაასრულნა იესუ ბრძანებანი ესე ათორმეტთა მიმართ მოწაფეთა მისთა, წარვიდა მიერ ქადაგებად და სწავლად ქალაქებსა მათსა.

Verse: 1V    წარვიდა ] წარრვიდა K


Verse: 2  Link to ntkpl   ხოლო იოვანეს რაჲ ესმნეს საპყრობილესა შინა საქმენი ქრისტესნი, მიავლინნა ორნი მოწაფენი თჳსნი

Verse: 2V    მიავლინნა ] მიავლინა K; თჳსნი ] მისნი X


Verse: 3  Link to ntkpl   და ჰრქუა: შენ ხარა მომავალი იგი, ანუ სხუასა მოველოდით?


Verse: 4  Link to ntkpl   ხოლო იესუ მიუგო და ჰრქუა მათ: მივედით და უთხართ იოვანეს, რომელი გესმის და ჰხედავთ:

Verse: 4V    უთხართ ] უთხათ J; ჰხედავთ ] ხედავთ JUX


Verse: 5  Link to ntkpl   ბრმანი აღიხილვენ, მკელობელნი ვლენან, კეთროვანნი განწმდებიან, და ყრუთა ესმის, და მკუდარნი აღდგებიან, და გლახაკთა ეხარების,


Verse: 6  Link to ntkpl   და ნეტარ არს, რომელი არა დაბრკოლდეს ჩემდა მომართ.

Verse: 6V    დაბრკოლდეს ] დაჰბრკოლდეს X


Verse: 7  Link to ntkpl   და ვითარცა ესენი წარვიდეს, იწყო იესუ სიტყუად ერსა მას იოვანესთჳს: რაჲსა გამოხუედით უდაბნოდ ხილვად? ლერწმისა, ქარისაგან შერყეულისა?

Verse: 7V    გამოხუედით ] გამოხუჱდით HUX; უდაბნოდ ] --J; ქარისაგან ] ქარისა J


Verse: 8  Link to ntkpl   არამედ რაჲსა გამოხუედით ხილვად? -- კაცისა, ჩჩჳლითა სამოსლითა შემოსილისა? -- აჰა, ესერა, რომელნი ჩჩჳლითა სამოსლითა შემოსილ არიან, სახლთა შინა სამეუფოთა არიან.

Verse: 8V    გამოხუედით ] გამოხუჱდით HJUX; ჩჩჳლითა (1) ] ჩჳლითა X; შემოსილისა ] მოსილისა U


Verse: 9  Link to ntkpl   არამედ რაჲსა გამოხუედით ხილვად? -- წინაწარმეტყუელისა? -- ჰე, -- გეტყჳ თქუენ, -- და უმეტეს წინაწარმეტყუელისა!

Verse: 9V    გამოხუედით ] გამოხუჱდით HIJUX; ჰე ] ჰჱ IKNJ


Verse: 10  Link to ntkpl   რამეთუ ესე არს, რომლისათჳს წერილ არს: აჰა, ესერა, წარვავლინო ანგელოზი ჩემი წინაშე შენსა, რომელმან განჰმზადნეს გზანი შენნი წინაშე პირსა შენსა.


Verse: 11  Link to ntkpl   ამენ გეტყჳ თქუენ: არა აღდგომილ არს ნაშობთაგანი დედათაჲ უფროჲს იოვანეს ნათლისმცემელისა. ხოლო უმცირესი სასუფეველსა ცათასა უფროჲს მისა არს.

Verse: 11V    იოვანეს ] იოვანე JUXN; დედათაჲ ] დედათაჲსა X; მისა ] მისსა KNJUX


Verse: 12  Link to ntkpl   რამეთუ დღითგან იოვანე ნათლისმცემელისაჲთ ვიდრე აქამომდე სასუფეველი ცათაჲ იიძულების, და რომელნი აიძულებდენ, მათ მიიტაცონ იგი.

Verse: 12V    აიძულებდენ ] აჲძულებდენ JX


Verse: 13  Link to ntkpl   რამეთუ ყოველნი წინაწარმეტყუელნი და შჯული ვიდრე იოვანესამდე წინაწარმეტყუელებდეს,

Verse: 13V    შჯული ] სჯული KJUX


Verse: 14  Link to ntkpl   და უკუეთუ გნებავს შეწყნარების, იგი არს ელია, რომელი მოვალს.

Verse: 14V    უკუეთუ ] უკუჱთუ HI


Verse: 15  Link to ntkpl   რომელსა ასხენ ყურნი სმენად, ისმინენ!


Verse: 16  Link to ntkpl   აწ ვის ვამსგავსო ნათესავი ესე? მსგავს არს ყრმათა, რომელნი სხენედ უბანთა და მოუწესედ მოყუასთა თჳსთა

Verse: 16V    ვის ] რასა X


Verse: 17  Link to ntkpl   და ეტყჳედ მათ: გისტჳნევდით თქუენ, და არა ჰროკევდით; გიგოდებდით, და არა იტყებდით.


Verse: 18  Link to ntkpl   რამეთუ მოვიდა იოვანე, არცა ჭამდა, არცა სუმიდა, და იტყჳან, ვითარმედ: ეშმაკეულ არს.


Verse: 19  Link to ntkpl   მოვიდა ძე კაცისაჲ, ჭამს და სუამს, და იტყჳან: აჰა, კაცი მჭამელი და ღჳნისმსუმელი, მეგობარი მეზუერეთაჲ და ცოდვილთაჲ. და განმართლდა სიბრძნე შვილთაგან თჳსთა.

Verse: 19V    კაცი ] -- N; ღჳნისა ] ღჳნისა 3; მეზუერეთა ] მეზუჱრეთა HIUX


Verse: 20  Link to ntkpl   მაშინ იწყო იესუ ყუედრებად ქალაქებისა მის, სადა-იგი იქმნნეს უმრავლესნი ძალნი მისნი, რამეთუ არა შეინანეს:

Verse: 20V    ყუედრებად ] ყუჱდრებად HIUX; სადა-იგი ] სადა X; იქმნნეს ] იქმნეს HIX


Verse: 21  Link to ntkpl   ვაჲ შენდა, ქორაზინ, და ვაჲ შენდა, ბეთსაიდა! რამეთუ ტჳროსს თუმცა და სიდონს იქმნნეს ძალნი, რომელნი იქმნნეს თქუენ შორის, მაშინვე სამემცა ძაძითა ნაცარსა ზედა მსხდომარეთა შეინანეს.

Verse: 21V    ბეთსაიდა ] ბეთსაჲდა J; ტჳროსს ] ტჳროს X; ტჳროსს ] ტჳროს + და U; იქმნნეს (1) ] იქმნეს X; იქმნნეს (2) ] იქმნეს X;


Verse: 22  Link to ntkpl   ხოლო გეტყჳ თქუენ, რამეთუ ტჳროსი და სიდონი უმოლხინეს იყოს დღესა მას საშჯელისასა, ვიდრე თქუენ.

Verse: 22V    საშჯელისასა ] სასჯელისასა KNUX


Verse: 23  Link to ntkpl   ხოლო შენ, კაპერნაუმ, ნუ ცადმდე აჰმაღლდები, არამედ ჯოჯოხეთადმდე შთაჰჴდე, რამეთუ სოდომს თუმცა იქმნნეს ძალნი, რომელნი იქმნნეს შენ შორის, ჰგიანმცა დღენდელად დღედმდე.

Verse: 23V    კაპერნაუმ ] კაპერნაომ UX; ჯოჯოხეთადმდე ] ჯოჯოხეთამდე HINX; იქმნნეს (1) ] იქმნეს HIX; იქმნეს (2) ] იქმნეს HIX


Verse: 24  Link to ntkpl   ხოლო გეტყჳ თქუენ, რამეთუ ქუეყანაჲ იგი სოდომისაჲ უმოლხინეს იყოს დღესა მას საშჯელისასა, ვიდრე შენ.

Verse: 24V    უმოლხინეს ] ომოლხინეს K; საშჯელისასა ] სასჯელისასა KNJU


Verse: 25  Link to ntkpl   მას ჟამსა შინა იტყოდა იესუ და თქუა: აღგიარებ შენ, მამაო, უფალო ცისა და ქუეყანისაო, რამეთუ დაჰფარე ესე ბრძენთაგან და მეცნიერთა, და გამოუცხადე ესე ჩჩჳლთა.

Verse: 25V    და (2) ] -- X; ჩჩჳლთა ] ჩჳლთა X


Verse: 26  Link to ntkpl   ჰე, მამაო, რამეთუ ესრეთ სათნო იყო შენ წინაშე.

Verse: 26V    ჰე ] ჰჱ IKNJUX


Verse: 27  Link to ntkpl   ყოველივე მომეცა მე მამისა ჩემისა მიერ და არავინ იცის ძე, გარნა მამამან; არცა მამაჲ ვინ იცის, გარნა ძემან; და, რომლისაჲ უნდეს ძესა გამოცხადების.


Verse: 28  Link to ntkpl   მოვედით ჩემდა, ყოველნი მაშურალნი და ტჳრთმძიმენი, და მე განგისუენო თქუენ.

Verse: 28V    მაშურალნი ] მაშორალნი X; ტჳრთმძიმენი ] ტჳრთითა მძიმენი X; და(2) ] -- X; განგისუენო ] განგისუჱნო HIJUX;


Verse: 29  Link to ntkpl   აღიღეთ უღელი ჩემი თქუენ ზედა და ისწავეთ ჩემგან, რამეთუ მშჳდ ვარ და მდაბალ გულითა, და ჰპოოთ განსუენებაჲ სულთა თქუენთაჲ,

Verse: 29V    განსუენებაჲ ] განსუჱნებაჲ HIJ


Verse: 30  Link to ntkpl   რამეთუ უღელი ჩემი ტკბილ არს, და ტჳრთი სუბუქ არს.





Next part


This text is part of the TITUS edition of Tetraevangelium (redactio athonensis).

Copyright TITUS Project, Frankfurt a/M, 16.2.2022. No parts of this document may be republished in any form without prior permission by the copyright holder.