TITUS
Tetraevangelium (redactio praeathonensis)
Part No. 84
Previous part

Chapter: 16 


Verse: 1  Link to ntkpl   ამას გეტყოდე თქუენ, რაჲთა არა დაჰბრკოლდეთ.


Verse: 2  Link to ntkpl   კრებულისაგან განგასხნენ თქუენ. არამედ მოვალს ჟამი, რაჲთა ყოველმან რომელმან მოგწყჳდნეს თქუენ, ჰგონებდეს, ვითარმედ მსხუერპლი შეწირა ღმრთისა.

Verse: 2V    ოდეს კრებულისაგან FG.


Verse: 3  Link to ntkpl   და ესე გიყონ, რამეთუ არა იცნეს მამაჲ ჩემი, არცა მე.

Verse: 3V    გიყონ + თქუენ FG; იციან EFG.


Verse: 4  Link to ntkpl   არამედ ამას გეტყოდე თქუენ, რაჲთა, რაჟამს მოიწიოს ჟამი იგი, მოიჴსენოთ მათი, რამეთუ მე გარქუ თქუენ, ესე პირველითგან არა გარქუ, რამეთუ თქუენ თანა ვიყავ.


Verse: 5  Link to ntkpl   ხოლო აწ მივალ მომავლინებელისა ჩემისა, და არავინ თქუენგანი მკითხავს მე, ვიდრე ხუალ?


Verse: 6  Link to ntkpl   არამედ ამასღა გეტყოდე თქუენ: მწუხარებამან აღავსნა გულნი თქუენი.


Verse: 7  Link to ntkpl   არამედ მე ჭეშმარიტსა გეტყჳ თქუენ: უმჯობეს არს თქუენდა, რაჲთა მე წარვიდე; უკუეთუ მე არა წარვიდე, ნუგეშინისმცემელი იგი არა მოვიდეს თქუენდა; უკუეთუ მე წარვიდე, მოვავლინო იგი თქუენდა.

Verse: 7V    გეტყოდე FG; ხუმჯობეს X; წარვიდე, უკუეთუ მე არა X~; მოგივლინო X; თქუენ X. აქედან გრძელდება X.


Verse: 8  Link to ntkpl   და მოვიდეს იგი და ამხილოს სოფელსა ცოდვისათჳს და სიმართლისა და საშჯელისა:

Verse: 8V    და (1) -- X; ხამხილოს X.


Verse: 9  Link to ntkpl   ცოდვისათჳს ესრჱთ, რამეთუ არა ჰრწმენა ჩემდა მომართ.

Verse: 9V    ესრეთ XDFG; ხრწმენა X.


Verse: 10  Link to ntkpl   ხოლო სიმართლისათჳს, რამეთუ მამისა ჩემისა მივალ, და არღარა მხედვიდეთ მე;


Verse: 11  Link to ntkpl   ხოლო საშჯელისათჳს, რამეთუ მთავარი იგი ამის სოფლისაჲ დაშჯილ არს.

Verse: 11V    იგი -- X; სოფლისა X.


Verse: 12  Link to ntkpl   ფრიადღა მაქუს სიტყუად თქუენდა მიმართ, არამედ არღა ძალ-გიც ტჳრთვად აწ.

Verse: 12V    ფრიად ფრიადღა E; თქუენდა ... არღა X~; მიმართ -- FG; არამედ + აწ FG; აწ -- FG.


Verse: 13  Link to ntkpl   ხოლო ოდეს მოვიდეს სული იგი ჭეშმარიტებისაჲ, გიძღოდის თქუენ ჭეშმარიტებასა ყოველსა, რამეთუ არა იტყოდის თავით თჳსით, არამედ რაოდენი-რაჲ ესმეს, იტყოდის და მომავალი იგი გითხრას თქუენ.

Verse: 13V    რაოდენი-რაჲ D, ხიტყოდის (1) X; რავდენი-რაჲ DE, რავდენი FG; ხესმეს X, ესმას F; ხიტყოდის (2) X.


Verse: 14  Link to ntkpl   მან მე მადიდოს, რამეთუ ჩემგან მიიღოს და გითხრას თქუენ.


Verse: 15  Link to ntkpl   ყოველი, რაოდენი აქუს მამასა, ჩემი არს, და ამისთჳს გარქუ თქუენ, რამეთუ: ჩემგან მიიღოს და გითხრას თქუენ.

Verse: 15V    რავდენი F; ხაქუს X.


Verse: 16  Link to ntkpl   მცირედღა, და არღარა მხედვიდეთ მე; კუალად მცირედ, და მიხილოთ მე.

Verse: 16V    მე1 + და XFG.


Verse: 17  Link to ntkpl   თქუეს მოწაფეთა მისთა ურთიერთას: რაჲ არს ესე, რომელსა მეტყჳს ჩუენ: მცირედ, და არღარა მხედვიდეთ მე; და კუალად მცირედღა, და მიხილოთ მე, და მე მივალ მამისა ჩემისა?

Verse: 17V    ურთიერთარს F; რომელსა-ესე FG; არღარა FG; კულად X; მცირედღა ] მცირედ FG.


Verse: 18  Link to ntkpl   და იტყოდეს: რაჲ არს მცირედ? არა ვიცით, რასა იტყჳს.

Verse: 18V    და -- X; ხიტყოდეს X; არს + ესე XFG; ვიცით ] უწყით FG; ხიტყჳს X.


Verse: 19  Link to ntkpl   გულისხმა-ყო იესუ, რამეთუ უნდა კითხვის, და ჰრქუა მათ: ამისთჳს გამოეძიებთ ურთიერთას, რამეთუ ვთქუ: მცირედღა, და არღარა მხედვიდეთ მე; და კუალად მცირედ, და მიხილოთ მე?

Verse: 19V    გულისჴმა- DF; ხუნდა X; ხრქუა X; გამოხეძიებთ X, გამოიძიებთ D; ურთიერთარს F; კულად X; მცირედ ] მცირედღა D.


Verse: 20  Link to ntkpl   ამენ, ამენ გეტყჳ თქუენ, რამეთუ სტიროდით და ჰგოდებდეთ თქუენ, ხოლო სოფელსა უხაროდის, და თქუენ სწუხდეთ, ხოლო მწუხარებაჲ თქუენი სიხარულად გარდაიქცეს.

Verse: 20V    ხტიროდით X, ჰსტიროდით E, სტიროდით E; ჰსწუხდეთ D; ხოლო (2) ] არამედ FG. აქედან აკლია X-ს.


Verse: 21  Link to ntkpl   დედაკაცი რაჟამს შობნ, მწუხარე არნ, რამეთუ მოიწია ჟამი მისი. ხოლო რაჟამს შვის ყრმაჲ, არღარა მოიჴსენის ჭირი სიხარულითა მით, რამეთუ იშვა კაცი სოფელსა შინა.

Verse: 21V    მწუხარება D; მოეჴსენის D.


Verse: 22  Link to ntkpl   ხოლო თქუენ აწ ჭირი გაქუს. და მერმე კუალად გიხილნე თქუენ, და უხაროდის გულთა თქუენთა, და სიხარული თქუენი არავინ მიგიღოს თქუენგან.


Verse: 23  Link to ntkpl   და მას დღესა შინა მე არარაჲ მკითხოთ. ამენ, ამენ გეტყჳ თქუენ: უკუეთუ რაჲმე სთხოვოთ მამასა ჩემსა სახელითა ჩემითა, მოგცეს თქუენ.

Verse: 23V    ჰსთხოოთ D, სთხოოთ F; მოქცეს F.


Verse: 24  Link to ntkpl   აქამომდე არარაჲ გითხოვიეს. ითხოვდით და მოიღოთ, რაჲთა სიხარული თქუენი იყოს სავსებით.

Verse: 24V    აქამომდინ F; გითხოიეს F; მოიღოთ ] მოგეცეს FG; იყჳს D; ~ სავსებით იყოს FG.


Verse: 25  Link to ntkpl   ამას იგავით გეტყოდე თქუენ, ხოლო მოვალს ჟამი, ოდეს არღარა იგავით გეტყოდი თქუენ, არამედ განცხადებულად მამისა ჩემისათჳს გითხრა თქუენ.

Verse: 25V    ხოლო ... თქუენ (2) -- DE.


Verse: 26  Link to ntkpl   მას დღესა შინა სახელითა ჩემითა ითხოვოთ, და არა გეტყჳ თქუენ, ვითარმედ: მე ვჰკითხო მამასა ჩემსა თქუენთჳს.

Verse: 26V    ~ ითხოვოთ (ითხოოთ F) სახელითა ჩემითა FG; თქუენ + ვევედრო FG; ჰკითხო D.


Verse: 27  Link to ntkpl   რამეთუ თჳთ მამასა ჩემსა უყუართ თქუენ, რამეთუ თქუენ მე შემიყუარეთ და გრწამ, რამეთუ მე ღმრთისაგან გამოვედ.

Verse: 27V    მე (2) -- E.


Verse: 28  Link to ntkpl   გამოვედ მამისაგან და მოვივლინე სოფლად და კუალად დაუტევებ სოფელსა და მივალ მამისა.

Verse: 28V    გამოვედ -- D; დაუტეობ FG.


Verse: 29  Link to ntkpl   ჰრქუეს მას მოწაფეთა მისთა: აჰა, ესერა, აწ განცხადებულად იტყჳ და იგავსა არცა ერთსა რას იტყჳ.

Verse: 29V    მისთა -- FG; ესერა -- FG; აწ -- D.


Verse: 30  Link to ntkpl   და ჩუენ აწ უწყით, რამეთუ ყოველი იცი და არა გიჴმს, რაჲთა გკითხოს ვინმე. ამისგან ვიცით, რამეთუ ღმრთისაგან გამოხუედ.

Verse: 30V    აწ + აწ E; ყოველივე FG; გიმს D.


Verse: 31  Link to ntkpl   მიუგო მათ იესუ და ჰრქუა: აწ სამე გრწამს?


Verse: 32  Link to ntkpl   აჰა, მოვალს ჟამი და მოწევნულ არს, რაჲთა განიბნინეთ კაცად-კაცადი თჳსა ადგილდ და მე მარტოჲ დამიტევოთ; და არა ვარ მე მარტოჲ, რამეთუ მამაჲ ჩემი ჩემ თანა არს.

Verse: 32V    რაჲთა ] რამეთუ G; ადგიდ D, ადგილად FG; დამიტეოთ DFG.


Verse: 33  Link to ntkpl   ამას გეტყოდე თქუენ, რაჲთა ჩემ თანა მშჳდობაჲ გაქუნდეს. სოფელსა ამას ჭირი გაქუს, არამედ ნუ გეშინინ, რამეთუ მე მიძლევიეს სოფელსა.



Next part


This text is part of the TITUS edition of Tetraevangelium (redactio praeathonensis).

Copyright TITUS Project, Frankfurt a/M, 15.2.2022. No parts of this document may be republished in any form without prior permission by the copyright holder.