TITUS
Tetraevangelium (redactio praeathonensis)
Part No. 83
Previous part

Chapter: 15 


Verse: 1  Link to ntkpl   მე ვარ ვენაჴი ჭეშმარიტი, და მამაჲ ჩემი მოქმედი არს.

Verse: 1V    ჩემი -- D.


Verse: 2  Link to ntkpl   ყოველმან რტომან რომელმან არა გამოიღოს ნაყოფი ჩემ თანა, აღიღოს იგი; და ყოველმან რომელმან მოიღოს ნაყოფი, განწმიდოს იგი, რაჲთა უმრავლესი ნაყოფი მოიღოს.

Verse: 2V    რტომან + რომელი ჩემ თანა არს და FG; გამოიღოს ] მოიღოს FG; ~ ჩემ თანა ნაყოფი E; განიწმიდოს FG; უმრავლესი ] უფროჲსი FG; მოიღოს ] გამოიღოს FG.


Verse: 3  Link to ntkpl   ხოლო თქუენ აწვე წმიდა ხართ სიტყჳთა მით, რომელსა გეტყოდე თქუენ.


Verse: 4  Link to ntkpl   და დაადგერით ჩემ თანა, და მე თქუენ თანა, რამეთუ ვითარცა-იგი ნასხლევსა ვერ ჴელ-ეწიფების ნაყოფისა მოღებად თავით თჳსით, უკუეთუ არა ეგოს ვენაჴსა ზედა, ეგრევე არცა თქუენ, უკუეთუ არა დაადგრეთ ჩემ თანა.

Verse: 4V    და (1) -- FG; რამეთუ -- FG; მოღებად ] გამოღებად FG.


Verse: 5  Link to ntkpl   მე ვარ ვენაჴი, და თქუენ -- რტონი. რომელი დაადგრეს ჩემ თანა, და მე მის თანა, ამან მოიღოს ნაყოფი მრავალი, რამეთუ თჳნიერ ჩემსა არარაჲ ძალ-გიც ყოფად არცა ერთ.

Verse: 5V    მრავალი + და კეთილი FG; ერთი FG.


Verse: 6  Link to ntkpl   უკუეთუ ვინმე არა დაადგრეს ჩემ თანა, განვარდა გარე, ვითარცა ნასხლევი, და განჴმა, და შეკრიბონ იგი და ცეცხლსა დაასხან, და დაიწუეს.

Verse: 6V    განვარდეს EFG.


Verse: 7  Link to ntkpl   უკუეთუ დაადგრეთ ჩემ თანა, და სიტყუანი ჩემნი თქუენ თანა ეგნენ, რაჲ გინდეს, ითხოვეთ, და გეყოს თქუენ.

Verse: 7V    გინდეს + და DE; რაჲცა FG; ითხოეთ F.


Verse: 8  Link to ntkpl   ამით იდიდა მამაჲ ჩემი, რაჲთა ნაყოფი მრავალი გამოიღოთ და იყვნეთ ჩემდა მოწაფე.

Verse: 8V    მოწაფჱ G, მოწაფაფჱ F.


Verse: 9  Link to ntkpl   ვითარცა შემიყუარა მე მამამან, მეცა შეგიყუარენ თქუენ, დაადგერით სიყუარულსა ზედა ჩემსა.

Verse: 9V    შემიყუარე F; ~ ჩემსა ზედა FG.


Verse: 10  Link to ntkpl   უკუეთუ მცნებანი ჩემნი დაიმარხნეთ, ჰგიეთ სიყუარულსა ზედა ჩემსა, ვითარცა მე მცნებანი მამისა ჩემისანი დავიმარხენ და ვჰგიე სიყუარულსა ზედა მისსა.

Verse: 10V    მე -- E; ვგიე F; მისა F.


Verse: 11  Link to ntkpl   ამას გეტყოდე თქუენ, რაჲთა სიხარული ჩემი თქუენ თანა ეგოს, და სიხარული თქუენი სავსებით იყოს.

Verse: 11V    გეტყჳ FG; სავსჱ D; სავსე FG.


Verse: 12  Link to ntkpl   ესე არს მცნებაჲ ჩემი, რაჲთა იყუარობდეთ ურთიერთას, ვითარცა მე შეგიყუარენ თქუენ.

Verse: 12V    რამეთუ ესე FG; იყუარებოდით EF; ურთიერთარს F.


Verse: 13  Link to ntkpl   უფროჲსი ამისა სიყუარული არავის აქუს, ვითარმცა თავი თჳსი დადვა მეგობართა თჳსთა ზედა.

Verse: 13V    ამისსა G.


Verse: 14  Link to ntkpl   თქუენ მეგობარნი ჩემნი ხართ, უკუეთუ ჰყოფდეთ, რომელსა-ესე გამცნებ თქუენ.

Verse: 14V    ჰყოთ FG.


Verse: 15  Link to ntkpl   არღარა გეტყჳ თქუენ მონად, რამეთუ მონამან არა იცინ, რასა იქმნ უფალი მისი. ხოლო თქუენ გარქუ მეგობარ, რამეთუ ყოველი, რომელი მესმა მამისა ჩემისაგან, გაუწყე თქუენ.

Verse: 15V    ხიქმნ X; მისი ] თჳსი FG; მეგობრად E; რომელი ] რაოდენი DE, რავდენი FG; მამისა ჩემისაგან ] მამისაგან X. აქედან გრძელდება X.


Verse: 16  Link to ntkpl   არა თქუენ გამომირჩიეთ მე, არამედ მე გამოგირჩიენ თქუენ და დაგადგინენ თქუენ, რაჲთა თქუენ წარხჳდეთ და ნაყოფი გამოიღოთ, და ნაყოფი თქუენი ეგოს, რაჲთა, რაჲ-იგი სთხოვოთ მამასა ჩემსა სახელითა ჩემითა, მოგცეს თქუენ.

Verse: 16V    და დაგადგინენ თქუენ -- E; დაგადგინ G; ეგოს + სავსე FG; ჰსთხოვოთ D; სთხოოთ F; წარხჳდეთ ... მოგცეს თქუენ X~.


Verse: 17  Link to ntkpl   ამას გამცნებ თქუენ, რაჲთა იყუარობდეთ ურთიერთას.

Verse: 17V    ამას ... თქუენ X~; ხიყუარობდეთ X, იყუარებოდით EF.


Verse: 18  Link to ntkpl   უკუეთუ სოფელი გძულობს თქუენ, უწყოდეთ, რამეთუ პირველად მე მომიძულა.

Verse: 18V    გძულობდეს FG; მომიძულეს DE.


Verse: 19  Link to ntkpl   უკუეთუმცა სოფლისაგანნი იყვენით, სოფელიმცა თჳსთა ჰყუარობდა; რამეთუ არა ჳხართ თქუენ სოფლისაგანნი, არამედ მე გამოგირჩიენ თქუენ სოფლისაგან, ამისთჳს სძულთ თქუენ სოფელსა.

Verse: 19V    ხიყვენით X; იყვენეთ D; თჳსსა X; ხყუარობდა X; ~ სოფლისაგანნი ხართ FG; ჰსძულთ D.

Verse: 19V    აქედან აკლია X-ს.


Verse: 20  Link to ntkpl   მოიჴსენეთ სიტყუაჲ იგი, რომელი გარქუ თქუენ: არა არს მონაჲ უფროჲს უფლისა თჳსისა. უკუეთუ მე მდევნეს, თქუენცა გდევნენ; უკუეთუ სიტყუანი ჩემნი დაიმარხნეს, თქუენნიცა დაიმარხნენ.

Verse: 20V    მდევნენ F; გდევნენ F; დაიმარხნეს ] დაიმარხნენ F.


Verse: 21  Link to ntkpl   არამედ ესე გიყონ თქუენ სახელისა ჩემისათჳს, რამეთუ არა იციან მომავლინებელი ჩემი.


Verse: 22  Link to ntkpl   უკუეთუმცა არა მოვედ და ვეტყოდე მათ, ცოდვაჲმცა არა აქუნდა; ხოლო აწ მიზეზი არა აქუს ცოდვათა მათთათჳს


Verse: 23  Link to ntkpl   რომელსა მე ვსძულდე, მამაჲცა ჩემი სძულდეს.

Verse: 23V    ~ ვსძულდე მე FG; ვჰძულდე D; ჰსძულდეს D.


Verse: 24  Link to ntkpl   უკუეთუმცა არა ვქმნენ საქმენი მათ შორის, რომელნი სხუამან არავინ ქმნნა, ცოდვაჲმცა არა აქუნდა. ხოლო აწ მიხილესცა მე და მო-ცა-მიძულეს მეცა და მამაჲცა ჩემი.

Verse: 24V    ვქმენ D; საქმენი + იგი FG; რომელი DF; ქმნა DF; მიხილეს FG; მომიძულეს FG.


Verse: 25  Link to ntkpl   არამედ რაჲთა აღესრულოს სიტყუაჲ იგი, რომელი შჯულსა მათსა წერილ არს, რამეთუ: მომიძულეს მე ცუდად.

Verse: 25V    არამედ -- E.


Verse: 26  Link to ntkpl   ხოლო რაჟამს მოვიდეს ნუგეშინისმცემელი იგი, რომელი მოვავლინო თქუენდა მამისა ჩემისა მიერ, სული ჭეშმარიტებისაჲ, რომელი მამისაგან გამოვალს, მან წამოს ჩემთჳს.

Verse: 26V    რომელი + მე FG; მამისაგან ] მამისა ჩემისაგან DE.


Verse: 27  Link to ntkpl   და თქუენცა მოწამე ხართ, რამეთუ დასაბამითგან ჩემ თანა ხართ.

Verse: 27V    ჩემ ] თქუენ FG; ხართ ] ვარ FG.



Next part


This text is part of the TITUS edition of Tetraevangelium (redactio praeathonensis).

Copyright TITUS Project, Frankfurt a/M, 15.2.2022. No parts of this document may be republished in any form without prior permission by the copyright holder.