TITUS
Tetraevangelium (redactio praeathonensis)
Part No. 81
Previous part

Chapter: 13 


Verse: 1  Link to ntkpl   და უწინარეს დღესასწაულისა მის პასექისასა, რომელ არს ვნებაჲ, იცოდა იესუ, რამეთუ მოიწია ჟამი მისი, რაჲთა განვიდეს იგი ამიერ სოფლით და მივიდეს მამისა, რამეთუ შეიყუარნა თჳსნი იგი ამას სოფელსა და სრულიად შეიყუარნა იგინი.

Verse: 1V    დღეჱსასაწაულისა D, დღესასწაულსა FG; მას FG; პასექისა E; ვნებისაჲ D; განვიდეს + იგი D.


Verse: 2  Link to ntkpl   და ვითარცა სერობაჲ იგი იყო, და ეშმაკი შესრულ იყო გულსა იუდაჲსსა, სიმონის ისკარიოტელისასა, რაჲთა განსცეს იგი.

Verse: 2V    სიმონ FG; განჰსცეს D.


Verse: 3  Link to ntkpl   იცოდა იესუ, რამეთუ ყოველივე მოსცა მას მამამან ჴელთა მისთა, და რამეთუ ღმრთისაგან გამოვიდა და ღმრთისა მივალს.

Verse: 3V    მოჰსცა D.


Verse: 4  Link to ntkpl   აღდგა სერობისა მისგან და დადვა სამოსელი თჳსი და მოიღო არდაგი და მოირტყა იგი.

Verse: 4V    სერობისა მისგან ] სერობისაგან D; სამუსელი F.


Verse: 5  Link to ntkpl   და მერმე მოიღო წყალი და შთაასხა საბანელსა მას და იწყო დაბანად ფერჴთა მოწაფეთა მათ თჳსთა და წარჰჴოცდა არდაგითა მით, რომელი ემოსა.

Verse: 5V    მერმე -- FG; მათ -- FG; თჳსთასა FG; რომელ D.


Verse: 6  Link to ntkpl   და მოვიდა სიმონ-პეტრესა. ჰრქუა მას პეტრე: უფალო, შენ დამბანა ფერჴთა ჩემთა?

Verse: 6V    დამბანნეა ფერჴნი ჩემნი FG.


Verse: 7  Link to ntkpl   მიუგო იესუ და ჰრქუა მას: რომელსა-ესე მე ვიქმ, არა იცი აწ, ხოლო სცნა ამისა შემდგომად.

Verse: 7V    ჰსცნა D


Verse: 8  Link to ntkpl   ჰრქუა მას პეტრე: არა დამბანნე ფერჴნი ჩემნი უკუნისამდე. ჰრქუა მას იესუ: უკუეთუ არა დაგბანნე ფერჴნი შენნი, არა გაქუნდეს ნაწილი ჩემ თანა.

Verse: 8V    დამბანნე + მე G; ფერჴნი შენნი ] შენ ფერჴნი G; გაქუს FG.


Verse: 9  Link to ntkpl   ჰრქუა მას სიმონ-პეტრე: უფალო, ნუ ხოლო ფერჴნი ჩემნი, არამედ ჴელნიცა და თავიცა ჩემი.

Verse: 9V    ჩემნი -- FG.


Verse: 10  Link to ntkpl   ჰრქუა მას იესუ: განბანილსა მას არა უჴმს, გარნა ფერჴნი ხოლო ბანად, რამეთუ არს იგი ყოვლად წმიდა, ხოლო თქუენ წმიდა ხართ, არამედ არა ყოველნი.

Verse: 10V    ბანად ] დაბანად FG; თქუენ -- E; ~ ყოვლად წმიდა არს იგი FG.


Verse: 11  Link to ntkpl   რამეთუ იცოდა მიმცემელი მისი. ამისთჳს თქუა, ვითარმედ: არა ყოველნი წმიდა ხართ.

Verse: 11V    იცოდა + იესუ FG.


Verse: 12  Link to ntkpl   და ოდეს დაჰბანნა ფერჴნი მათნი, მაშინ მოიღო სამოსელი თჳსი და ინაჴ-იდგა და მერმე ჰრქუა მათ: უწყითა, რაჲ-ესე ვყავ თქუენდა მიმართ?

Verse: 12V    მაშინ -- FG; სამუსელი F; რაჲ F#.


Verse: 13  Link to ntkpl   თქუენ მხადით მე: მოძღუარო და უფალო, და კეთილად სთქუთ, რამეთუ მე ვარ.

Verse: 13V    მე (2) -- FG.


Verse: 14  Link to ntkpl   უკუეთუ მე დაგბანნე ფერჴნი თქუენნი, უფალმან და მოძღუარმან, და თქუენცა თანა-გაც ურთიერთას დაბანად ფერჴთა.

Verse: 14V    დაგბანენ D; თქუენნი -- FG; ურთიერთარს F.


Verse: 15  Link to ntkpl   რამეთუ სახჱ მიგეც თქუენ: ვითარცა-ესე მე გიყავ თქუენ, ეგრევე თქუენცა ჰყოფდით.

Verse: 15V    სახე FG; ~ თქუენცა ეგრევე F; თქუენცა -- G.


Verse: 16  Link to ntkpl   ამენ, ამენ გეტყჳ თქუენ: არა არს მონაჲ უფროჲს უფლისა თჳსისა, არცა მოციქული უფროჲს მიმავლინებელისა თჳსისა.

Verse: 16V    ო̃ჲსა D; თჳსისა1 + და F; მომავლინებელისა E.


Verse: 17  Link to ntkpl   უკუეთუ ესე იცოდით, ნეტარ ხართ, უკუეთუ ჰყოფდეთ მას.

Verse: 17V    უკუეთუ ... იცოდით ] ესე თუ სცნათ FG.


Verse: 18  Link to ntkpl   არა თქუენ ყოველთათჳს ვიტყჳ ამას, რამეთუ მე ვიცი, რომელნი გამოვირჩიენ, არამედ რაჲთა წერილნი აღესრულნენ: რომელი ჭამდა პურსა ჩემ თანა, აღიღო ჩემ ზედა ბრჭალი მისი.

Verse: 18V    ამას -- FG; გიცნი FG; გამოგირჩიენ FG; წერილნი + იგი FG; ~ ჩემ თანა პურსა FG.


Verse: 19  Link to ntkpl   ხოლო ამიერითგან გეტყჳ თქუენ ვიდრე ყოფადმდე, რაჲთა, რაჟამს იყოს, გრწმენეს, რამეთუ მე ვარ.

Verse: 19V    ხოლო -- FG; გრწმენინ FG + თქუენ FG.


Verse: 20  Link to ntkpl   ამენ, ამენ გეტყჳ თქუენ: უკუეთუ ვინმე შეიწყნაროს, რომელი მე მივავლინო, მან მე შემიწყნაროს; და რომელმან მე შემიწყნაროს, შეიწყნაროს მომავლინებელი ჩემი.

Verse: 20V    შემეწყნაროს (1) D.


Verse: 21  Link to ntkpl   ესე თქუა იესუ და შეძრწუნდა სულითა თჳსითა და წამა და თქუა: ამენ, ამენ გეტყჳ თქუენ, რამეთუ ერთმან თქუენგანმან მიმცეს მე.

Verse: 21V    და (2) -- FG; რამეთუ -- FG.


Verse: 22  Link to ntkpl   იხედვიდეს ურთიერთას მოწაფენი და ვერ იცოდეს, ვისთჳს იტყოდა.

Verse: 22V    ურთიერთარს FG.


Verse: 23  Link to ntkpl   და იყო ერთი მიყრდნობილ მოწაფეთა მისთაგანი წიაღთა თანა იესუჲსთა, რომელ-იგი უყუარდა იესუს.

Verse: 23V    ~ მოწაფეთაგანი მიყრდნობილ FG; მისთაგანი -- FG; ი̃ჳსთა DF; რომელი-იგი G.


Verse: 24  Link to ntkpl   წამ-უყვნა მას სიმონ-პეტრე, რაჲთა ჰკითხოს, ვინ არს, რომლისათჳს იტყჳს?

Verse: 24V    -უყუნა FG; -პეტრჱ F.


Verse: 25  Link to ntkpl   მიეყრდნა იგი მკერდსა იესუჲსსა და ჰრქუა მას: უფალო, ვინ არს?

Verse: 25V    ხოლო იგი მიეყრდნა FG; ი̃ჳსა DF; თქუა D.


Verse: 26  Link to ntkpl   მიუგო იესუ და ჰრქუა: რომელსა მე დაუწო პური და მივსცე, იგი არს. -- და დააწო პური და მისცა იუდას სიმონისსა, ისკარიოტელსა.

Verse: 26V    დავაწო FG; მივსცჱ D ] მიუპყრა FG; დაწო F, დააწუ G; პური2 + იგი FG.


Verse: 27  Link to ntkpl   და შემდგომად მიღებისა იუდაჲსა პურისა მის, შევიდა მისა ეშმაკი. და ჰრქუა მას იესუ: რომელი გეგულების საქმედ, ყავ ადრე.

Verse: 27V    იუდაჲსსა FG; საქმე D; ადრჱ EG.


Verse: 28  Link to ntkpl   ესე არავინ ცნა ინაჴითმჯდომარეთაგანმან იესუჲს თანა, რაჲსათჳს ჰრქუა მას.

Verse: 28V    ი̃ჳს DFG.


Verse: 29  Link to ntkpl   რამეთუ რომელნიმე ჰგონებდეს, რამეთუ გუადრუცი იგი იუდას აქუნდა, ვითარმედ ჰრქუა მას იესუ: იყიდე, რაჲ გჳჴმდეს დღესასწაულსა ამას, გინა თუ გლახაკთა რაჲ მიცემად.

Verse: 29V    რამეთუ -- FG; რაჲ-იგი G; რაჲ გჳჴმდეს -- D; ~ მიცემად რაჲმე გლახაკთა FG.


Verse: 30  Link to ntkpl   ხოლო მან მიიღო პური იგი და განვიდა მეყსეულად. და იყო ღამჱ.

Verse: 30V    ხოლო ... ღამჱ -- G; ~ მეყსეულად განვიდა F; ღამე D.


Verse: 31  Link to ntkpl   და რაჟამს განვიდა იუდა, თქუა იესუ: აწ იდიდა ძჱ კაცისაჲ, და ღმერთიცა იდიდა მის თანა.

Verse: 31V    რაჟამს ] ვითარცა FG; ძე F; კაცისა D.


Verse: 32  Link to ntkpl   და უკუეთუ ღმერთი იდიდა მის თანა, ღმერთმანცა ადიდოს იგი თავისა თჳსისა თანა და მეყსეულად ადიდოს იგი.


Verse: 33  Link to ntkpl   შვილნო, მცირედ ჟამ თქუენ თანა ვარ. მეძიებდეთ მე და, ვითარცა ვარქუ ჰურიათა, ვითარმედ: ვიდრე მე მივალ, თქუენ ვერ ჴელ-გეწიფების მოსლვად; და აწ თქუენ გეტყჳ.

Verse: 33V    ვარ + და FG; ვითარცა-იგი FG; ვიდრე-იგი FG; აწ -- D


Verse: 34  Link to ntkpl   მცნებასა ახალსა მიგცემ თქუენ, რაჲთა იყუარებოდით ურთიერთას, ვითარცა მე შეგიყუარენ თქუენ, რაჲთა თქუენცა იყუარებოდით ურთიერთას.

Verse: 34V    ხიყუარობდეთ X, იყუარობდეთ G; ურთიერთარს F. აქედან გრძელდება X.


Verse: 35  Link to ntkpl   ამით ცნან ყოველთა, რამეთუ ჩემნი მოწაფენი ხართ, უკუეთუ იყუარებოდით ურთიერთას.

Verse: 35V    ხიყუარობდეთ X, იყუარობდეთ G; ურთიერთარს F.


Verse: 36  Link to ntkpl   ჰრქუა მას სიმონ-პეტრე: უფალო, ვიდრე ხუალ? ჰრქუა მას იესუ: ვიდრე-იგი მე მივალ, შენ აწ ვერ ძალ-გიც მოსლვად, ხოლო მერმე მომდევდე მე.

Verse: 36V    -პეტრჱ F; რე: უფალო ... მომდევდე მე X~; აწ -- FG; ძალ-გიც ] ჴელ-გეწიფების FG; მოსლვად + აწ FG; მე (2) -- D.


Verse: 37  Link to ntkpl   ჰრქუა მას პეტრე: უფალო, რაჲსა ვერ ძალ-მიც მიდევნებად შენდა? აწ სული ჩემი შენთჳს დავდვა.

Verse: 37V    რაჲსათჳს E; ჰრქუა ... დავდვა X~.


Verse: 38  Link to ntkpl   მიუგო იესუ და ჰრქუა მას: სული შენი ჩემთჳს დასდვაა? ამენ, ამენ გეტყჳ შენ: არღარა ეყივნოს ქათამსა, ვიდრემდე უვარ-მყო მე სამგზის.

Verse: 38V    მიუგო ... არღარა X~; დასდვა DG; არღა FG; ხეყივნოს X; ეყივლოს FG; უარ- G.



Next part


This text is part of the TITUS edition of Tetraevangelium (redactio praeathonensis).

Copyright TITUS Project, Frankfurt a/M, 15.2.2022. No parts of this document may be republished in any form without prior permission by the copyright holder.