TITUS
Tetraevangelium (redactio praeathonensis)
Part No. 74
Previous part

Chapter: 6 


Verse: 1  Link to ntkpl   ამისა შემდგომად წიაღჴდა იესუ წიაღ ზღუასა მას გალილეაჲსასა, რომელ არს ტიბერიაჲსაჲ.

Verse: 1V    ტიბერიაჲსა D; ტიბერიისაჲ G.


Verse: 2  Link to ntkpl   და მისდევდა მას ერი მრავალი, რამეთუ ჰხედვიდეს სასწაულთა მათ, რომელთა იქმოდა უძლურთა ზედა.

Verse: 2V    მიჰსდევდა D; ხედვიდეს FG; უძრულთა G ] ჰურიათა D.


Verse: 3  Link to ntkpl   და აღვიდა მთასა იესუ და მუნ დაჯდა მოწაფეთა მისთა თანა.

Verse: 3V    მოწაფეთა მისთა თანა ] მოწაფითურთ თჳსით FG.


Verse: 4  Link to ntkpl   და იყო მახლობელ პასქაჲ, დღესასწაული იგი ჰურიათაჲ.

Verse: 4V    მახლობელ ] მოახლებულ FG; დღჱსასწაული G,


Verse: 5  Link to ntkpl   აღიხილნა თუალნი თჳსნი იესუ და იხილა, რამეთუ მრავალი ერი მოვალს მისა. ჰრქუა ფილიპეს: ვინაჲ ვიყიდოთ პური, რაჲთა ჭამონ ამათ?

Verse: 5V    ფილიპჱს G.


Verse: 6  Link to ntkpl   ხოლო ამას იტყოდა და გამოსცდიდა მას, ხოლო თჳთ უწყოდა, რაჲ ეგულებოდა ყოფად.

Verse: 6V    ხოლო ამას ] ამას რაჲ FG; და ] რამეთუ FG; გამოჰსცდიდა D.


Verse: 7  Link to ntkpl   ჰრქუა ფილიპე: ორასისა დრაჰკნისა პური ვერ კმა არს ამათა, რაჲთა კაცად-კაცადმან მცირედ რაჲმე მიიღოს.

Verse: 7V    ფილიპჱ EG; ამათ D.


Verse: 8  Link to ntkpl   ჰრქუა მას ერთმან მოწაფეთა მისთაგანმან, ანდრეა, ძმამან სიმონ-პეტრესმან:

Verse: 8V    ანდრია DFG; პეტრესმან G.


Verse: 9  Link to ntkpl   არს ყრმაჲ აქა, რომელსა აქუს ხუთი პური ქრთილისაჲ და ორი თევზი, არამედ ესე რაჲ არს ესოდენთა წინა?

Verse: 9V    ~ აქა ყრმაჲ FG.


Verse: 10  Link to ntkpl   ჰრქუა მათ იესუ: დასხით კაცები ესე. იყო თივაჲ ფრიად ადგილსა მას, და დასხდა კაცები იგი, რიცხჳთ ვითარ ხუთ ათას ოდენ.

Verse: 10V    დაასხით D; ესე + და FG.


Verse: 11  Link to ntkpl   და მოიხუნა პურნი იგი იესუ და ჰმადლობდა და მისცემდა, რომელნი-იგი დასხდეს. ეგრეცა თევზთა მათგანი, რაოდენ უნდა მათ.

Verse: 11V    მიჰსცემდა D; რაოდენ ] რავდენ-იგი FG.


Verse: 12  Link to ntkpl   და ვითარცა განძღეს, ჰრქუა მოწაფეთა თჳსთა: შეკრიბეთ ნეშტი ეგე ნამუსრევი, რაჲთა ნუმცა რაჲ წარწყმდების.

Verse: 12V    ვითარცა -- D; ჰრქუა + იესუ FG.


Verse: 13  Link to ntkpl   ხოლო მათ შეკრიბეს და აღავსეს ათორმეტი გოდორი ნამუსრევითა ხუთთა მათგან პურთა ქრთილისათა, რომელ-იგი დაუშთა მათ, რომელთა-იგი ჭამეს.


Verse: 14  Link to ntkpl   ხოლო კაცთა მათ ვითარცა იხილეს, რომელ-იგი ქმნა სასწაული, იტყოდეს: ესე არს ჭეშმარიტად წინაწარმეტყუელი, რომელი მოსრულ არს სოფლად.

Verse: 14V    რომელ-იგი ] რომელი D; რომელ-იგი ქმნა სასწაული DE ] სასწაული იგი, რომელ ქმნა FG; მოსრულ არს ] მოსრულა D. აქედან გრძელდება X.


Verse: 15  Link to ntkpl   ხოლო იესუ გულისხმა-ყო, რამეთუ მოვიდოდეს წარტაცებად მისა, რაჲთამცა ყვეს იგი მეფე, და განეშორა და წარვიდა მთად იგი ხოლო მარტოჲ.

Verse: 15V    გულისჴმა- DF; ~ მეფე ყვეს იგი X; მეფჱ EFG; და (1) -- XFG; განხეშოვრა X; მთად -- X.


Verse: 16  Link to ntkpl   და ვითარცა შემწუხრდა, შთავიდეს მოწაფენი მისნი ზღუად


Verse: 17  Link to ntkpl   და შევიდეს ნავსა და მივიდოდეს წიაღ ზღუასა მას კაფარნაუმდ. და შე-ოდენ-რიჟუნებოდა, და არღა მოსრულ იყო მათა იესუ.

Verse: 17V    მივიდოდეს ] მოვიდოდეს G; კაფარნაომდ EG; და3 + ვითარ FG; შე-ოდენ-რიჟონებოდა F; ხიყო X; ~ იესუ მათ თანა X.


Verse: 18  Link to ntkpl   ხოლო ზღუაჲ იგი ქარისაგან დიდისა აღიძრვოდა.

Verse: 16V    დიდისა -- X.


Verse: 19  Link to ntkpl   და შე-ოდენ-სრულ იყვნეს, ვითარ ოცდახუთ უტევან, გინა ოცდაათ, და იხილეს იესუ, ვიდოდა რაჲ ზღუასა ზედა, და ახლოს იყო ნავსა მას. ხოლო მათ შეეშინა.

Verse: 19V    ხიყვნეს X; ახლოს + რაჲ X; ხიყო X; ხოლო ] და FG -- X.


Verse: 20  Link to ntkpl   ხოლო თავადმან ჰრქუა მათ: მე ვარ, ნუ გეშინინ!

Verse: 20V    ხოლო ] და FG; ხრქუა X.


Verse: 21  Link to ntkpl   და უნდა მათ, რაჲთამცა შეიყვანეს იგი ნავსა მას. და მეყსეულად იპოვა ნავი იგი ქუეყანასა მას, ვიდრეცა ვიდოდეს.

Verse: 21V    და (1) -- DFG; ხუნდა X; მათ -- E; ხიპოვა X; ვიდოდეს ] მივიდოდეს FG. აქედან აკლია X-ს.


Verse: 22  Link to ntkpl   ხვალისაგან ერი იგი, რომელ დგა წიაღ ზღუასა მას, უწყოდეს, რამეთუ სხუაჲ ნავი არა იყო მუნ, გარნა ერთი იგი ხოლო, რომელსა შესრულ იყვნეს მოწაფენი იესუჲსნი, და რამეთუ არა შევიდა იესუ მოწაფეთა თანა ნავსა მას, არამედ მოწაფენი ხოლო მისნი შევიდეს.

Verse: 22V    რომელი FG; იყოვნეს D#; ი̃ჳსნი DF.


Verse: 23  Link to ntkpl   მოვიდეს სხუანიცა ნავნი ტიბერიაჲთ მახლობელად ადგილსა მას, სადა-იგი ჭამეს პური, რომელ აკურთხა უფალმან და ჰმადლობდა.

Verse: 23V    ტიბერიით G; რომელ-იგი F.


Verse: 24  Link to ntkpl   ოდეს-იგი იხილა ერმან მან, ვითარმედ იესუ არა მუნ არს, არცა მოწაფენი მისნი, მოადგინეს მათ ნავები და მოვიდეს კაფარნაუმდ და ეძიებდეს იესუს.

Verse: 24V    ოდეს E ] ვითარცა FG; და + და D; კაფარნაომდ EG1.


Verse: 25  Link to ntkpl   და პოვეს იგი წიაღ ზღუასა მას და ჰრქუეს მას: რაბი, ოდეს მოხუედ აქა?

Verse: 25V    პოეს F; იგი -- D.


Verse: 26  Link to ntkpl   მიუგო იესუ და ჰრქუა მათ: ამენ, ამენ გეტყჳ თქუენ: მეძიებთ მე, არა თუ რაჲთა იხილნეთ სასწაულნი, არამედ რამეთუ შჭამეთ პურთა მათგან და განსძეღით.

Verse: 26V    ამენ (2) -- FG; რაჲთა ] რამეთუ FG; რამეთუ -- E; ჭამეთ D; მათგანი G.


Verse: 27  Link to ntkpl   იქმოდეთ ნუ საზრდელსა, წარსაწყმედელსა, არამედ საზრდელსა, რომელი ჰგიეს ცხორებად საუკუნოდ, რომელი ძემან კაცისამან მოგცეს თქუენ, რამეთუ ამას მამამან დაჰბეჭდა ღმერთმან.

Verse: 27V    იქმოდეთ + და FG; ძჱმან DG.


Verse: 28  Link to ntkpl   ჰრქუეს მათ: რაჲ ვყოთ, რაჲთა ვიქმოდით საქმესა ღმრთისასა?


Verse: 29  Link to ntkpl   მიუგო იესუ და ჰრქუა მათ: ესე არს საქმჱ ღმრთისაჲ, რაჲთა გრწმენეს, რომელი-იგი მან მოავლინა.

Verse: 29V    საქმე DFG; რომელ-იგი F, რომელი E.


Verse: 30  Link to ntkpl   და მათ ჰრქუეს: რასა სასწაულსა იქმ, რაჲთა ვიხილოთ და გურწმენეს შენი? რასა იქმ?

Verse: 30V    ჰრქუეს + მას FG; ჰრქუეს ] თქუეს E.


Verse: 31  Link to ntkpl   მამანი ჩუენნი ჭამდეს მანანასა უდაბნოსა ზედა, ვითარცა წერილ არს: პური ზეცით მოსცა მათ ჭამად.


Verse: 32  Link to ntkpl   ჰრქუა მათ იესუ: ამენ, ამენ გეტყჳ თქუენ: არა მოსე მოგცა თქუენ პური ზეცით, არამედ მამამან ჩემმან მოგცა თქუენ პური ჭეშმარიტი ზეცით.

Verse: 32V    მოსჱ EF. აქედან გრძელდება X.


Verse: 33  Link to ntkpl   რამეთუ პური ღმრთისაჲ არს, რომელი გარდამოჴდა ზეცით და მოსცა ცხოვრებაჲ სოფელსა.

Verse: 33V    მოხცა X, მოჰსცა D; ცხორებაჲ DEFG.


Verse: 34  Link to ntkpl   ჰრქუეს მას: უფალო, მარადის მომეც ჩუენ პური ესე.

Verse: 34V    ხრქუეს X; მოგუეც XFG.


Verse: 35  Link to ntkpl   ჰრქუა მათ იესუ: მე ვარ პური ცხოვრებისაჲ; რომელი მოვიდეს ჩემდა, არა ჰშიოდის, და რომელსა ჰრწმენეს ჩემი, არასადა სწყუროდის.

Verse: 35V    ხრქუა X; ცხორებისაჲ X; ხშიოდის X; შიოდის F; ხრწმენეს X; ხწყუროდის X, ჰსწყუროდის D


Verse: 36  Link to ntkpl   არამედ გარქუ თქუენ: მიხილეთ მე და არა გრწამს.

Verse: 36V    გარქუთ E.


Verse: 37  Link to ntkpl   ყოველი რომელი მომცეს მე მამამან ჩემმან, ჩემდა მოვიდეს; და რომელი მოვიდეს ჩემდა, არა განვაძო გარე.

Verse: 37V    ჩემმან -- E; ჩემდა (1) -- D; ~ ჩემდა მოვიდეს (2) X; განხუაძო X; გარჱ EG.


Verse: 38  Link to ntkpl   რამეთუ გარდამოვჴედ ზეცით, არა რაჲთა ვყო ნებაჲ ჩემი, არამედ ნებაჲ მომავლინებელისა ჩემისაჲ.

Verse: 38V    რაჲთა -- E; მომავლინებელისა X~.


Verse: 39  Link to ntkpl   რამეთუ ესე არს ნებაჲ მომავლინებელისა ჩემისა მამისაჲ, რაჲთა ყოველი, რომელი მომცეს მე, არა წარწვყმიდო მათგანი, არამედ აღვადგინო იგი უკუანაჲსკნელსა მას დღესა.

Verse: 39V    ჩემისა -- X; მომცა FG; მე + მამამან X; მათგანი DF, მისგანი F; უკუანასკნელსა F; დღჱსა G. აქედან აკლია X-ს.


Verse: 40  Link to ntkpl   რამეთუ ესე არს ნებაჲ მამისა ჩემისაჲ, რაჲთა რომელი ჰხედვიდეს ძესა და ჰრწმენეს იგი, აქუნდეს ცხორებაჲ საუკუნოჲ, და მე აღვადგინო იგი დღესა მას უკუანაჲსკნელსა.

Verse: 40V    ხედვიდეს FG; ძჱსა G; იგი ] მისი FG; ~ დღესა (დღჱსა G) მას უკუანაჲსკნელსა (უკუანასკნელსა F) FG.


Verse: 41  Link to ntkpl   დრტჳნვიდეს მისთჳს ჰურიანი იგი, რამეთუ თქუა: მე ვარ პური, რომელი ზეცით გარდამოვჴედ.


Verse: 42  Link to ntkpl   და იტყოდეს: არა ესე არსა იესუ, ძჱ იოსებისი, რომელისა მამაჲ ჩუენ ვიცით? ვითარ უკუე იტყჳს აწ ესე, ვითარმედ: ზეცით გარდამოვჴედ?

Verse: 42V    რომლისა FG; რომლისაჲ E.


Verse: 43  Link to ntkpl   მიუგო იესუ და ჰრქუა მათ: ნუ სდრტჳნავთ ურთიერთას.

Verse: 43V    ჰსდრტჳნავთ D


Verse: 44  Link to ntkpl   ვერვის ჴელ-ეწიფების მოსლვად ჩემდა, უკუეთუ არა მომავლინებელმან ჩემმან მამამან მოიყვანოს იგი ჩემდა, და მე აღვადგინო იგი უკუანაჲსკნელსა დღესა.

Verse: 44V    მამამან, მომავლინებელმან ჩემმან (-- F) FG; უკუანასკნელსა F + მას FG; დღჱსა G.


Verse: 45  Link to ntkpl   წერილ არს წინაწარმეტყუელთა, ვითარმედ: იყვნენ ყოველნი ღმრთით სწავლულ, ყოველსა რომელსა ესმა მამისაგან და ისწავა, მოვიდეს ჩემდა.

Verse: 45V    წნწ̃ყლსა E, წინაწარმეტყუელთასა FG; ესმას F; მამისაგან ] მისაგან D; ისწაოს F.


Verse: 46  Link to ntkpl   არა თუ მამაჲ ვისმე უხილავს, გარნა რომელი იყო ღმრთისა თანა, ამან იხილა მამაჲ.

Verse: 46V    ვის FG.


Verse: 47  Link to ntkpl   ამენ, ამენ გეტყჳ თქუენ: რომელსა ჰრწმენეს ჩემი, აქუნდეს მას ცხორებაჲ საუკუნოჲ.

Verse: 47V    მას -- FG.


Verse: 48  Link to ntkpl   მე ვარ პური ცხორებისაჲ.


Verse: 49  Link to ntkpl   მამათა თქუენთა ჭამეს მანანაჲ უდაბნოსა ზედა და მოწყდეს.

Verse: 49V    მოსწყდეს FG.


Verse: 50  Link to ntkpl   ესე არს პური, რომელი ზეცით გარდამოჴდა, რაჲთა, უკუეთუ ვინმე ჭამოს მისგანი, არა მოკუდეს.


Verse: 51  Link to ntkpl   მე ვარ პური ცხორებისაჲ. რომელი ზეცით გარდამოვჴედ. უკუეთუ ვინმე ჭამოს ამის პურისაგანი, ცხოვნდეს უკუნისამდე. და პური, რომელი მე მივსცე, ჴორცი ჩემი არს, რომელი მე მივსცე ცხორებისათჳს სოფლისა.

Verse: 51V    ცხორებისაჲ ] ცხოველი FG; პურისაგან FG; ცხონდეს DF; მე (2) -- G.


Verse: 52  Link to ntkpl   ილალვიდეს ურთიერთას ჰურიანი იგი და იტყოდეს: ვითარმე ჴელ-ეწიფების ამას მოცემად ჩუენდა ჴორცი თჳსი საჭმლად?

Verse: 52V    ურთიერთარს DF.


Verse: 53  Link to ntkpl   ჰრქუა მათ იესუ: ამენ, ამენ გეტყჳ თქუენ: უკუეთუ არა შჭამოთ ჴორცი ძისა კაცისაჲ და ჰსუათ სისხლი მისი, არა გაქუნდეს ცხორებაჲ თავისა თქუენისაჲ.

Verse: 53V    ჰშჭამოთ D; სუათ FG.


Verse: 54  Link to ntkpl   ხოლო რომელი ჭამდეს ჴორცსა ჩემსა და ჰსუმიდეს სისხლსა ჩემსა, აქუნდეს ცხორებაჲ საუკუნოჲ, და მე აღვადგინო იგი უკუანაჲსკნელსა დღესა.

Verse: 54V    სუმიდეს EFG; უკუანასკნელსა F + მას FG; დღჱსა G.


Verse: 55  Link to ntkpl   რამეთუ ჴორცი ჩემი ჭეშმარიტი საჭმელი არს, და სისხლი ჩემი ჭეშმარიტი სასუმელი არს.


Verse: 56  Link to ntkpl   და რომელი ჭამდეს ჴორცსა ჩემსა და ჰსუმიდეს სისხლსა ჩემსა, ჩემ თანა დადგრომილ არს, და მე მის თანა.

Verse: 56V    სუმიდეს EFG; ჩემსა + იგი FG.


Verse: 57  Link to ntkpl   ვითარცა მომავლინა მე ცხოველმან მამამან, და მეცა ცხოველ ვარ მამისა მიერ; და რომელი ჭამდეს ჩემგან, იგიცა ცხოვნდეს ჩემ მიერ.

Verse: 57V    ცხონდეს DEF.


Verse: 58  Link to ntkpl   რამეთუ ესე არს პური, რომელი ზეცით გარდამოჴდა. არა ეგრეთ, ვითარ-იგი ჭამეს მამათა თქუენთა მანანაჲ იგი და მოწყდეს. ხოლო რომელი ჭამდეს ამას პურსა, ცხოვნდეს უკუნისამდე.

Verse: 58V    ეგრე E; იგი -- FG; მოსწყდეს FG; ცხონდეს DEF.


Verse: 59  Link to ntkpl   ესე თქუა შესაკრებელსა შორის და ასწავებდა კაფარნაუმს.

Verse: 59V    კაფარნაომს EG.


Verse: 60  Link to ntkpl   მრავალთა მოწაფეთა მისთაგანთა რომელთა ესმა ესე, იტყოდეს: ფიცხელ არს სიტყუაჲ ესე. ვის ჴელ-ეწიფების სმენად მისა?


Verse: 61  Link to ntkpl   იცოდა იესუ სულითა თჳსითა, რამეთუ დრტჳნვენ მოწაფენი მისნი ამისთჳს; ჰრქუა მათ: ესე დაგაბრკოლებს თქუენა?

Verse: 61V    დაგაბრკოლებსა FG.


Verse: 62  Link to ntkpl   უკუეთუ იხილოთ ძჱ კაცისაჲ აღმავალი, სადაცა იყო პირველ?

Verse: 62V    პირველად FG.


Verse: 63  Link to ntkpl   სული არს განმაცხოველებელ, ხოლო ჴორცნი არად საჴმარ არიან; სიტყუათა რომელთა გეტყოდე თქუენ, სულ არიან და ცხორება.

Verse: 63V    განმაცხოელებელი F; საჴმარ ] სარგებელ FG; გეტყჳ DE; ცხორებაჲ D.


Verse: 64  Link to ntkpl   არამედ არიან ვინმე თქუენთაგანნი, რომელთა არა ჰრწამს. რამეთუ იცოდა იესუ პირველითგან, რომელნი არიან იგინი, რომელთა არა ჰრწამს, და ვინ არს მიმცემელი მისი.

Verse: 64V    რომელნი ] ვინ FG; არიან -- D; ხრწამს X; იცოდნა X; რომელნი ] ვინ X; რომელთა (2) ] და ვითარცა F; ხრწამს X. აქედან გრძელდება X.


Verse: 65  Link to ntkpl   და ეტყოდა: ამისთჳს გარქუ თქუენ, ვითარმედ: ვერვის ჴელ-ეწიფების მოსლვად ჩემდა, უკუეთუ არა არს მისა მოცემულ მამისაგან ჩემისა.

Verse: 65V    ხიტყოდა X; ვითარმედ ] ვითარ D -- FG; -ხეწიფების X; ~ მოცემულ მისა FG.


Verse: 66  Link to ntkpl   ამის გამო მრავალნი მოწაფეთა მისთაგანნი უკუნიქცეს და არღარა მის თანა ვიდოდეს.

Verse: 66V    ამის გამო ] ამისთჳს X; უკუნხიქცეს X; ~ ვიდოდეს მის თანა X~ XFG.


Verse: 67  Link to ntkpl   ჰრქუა იესუ ათორმეტთა მათ: ნუუკუე თქუენცა გნებავს წარსლვის?

Verse: 67V    ხრქუა X.


Verse: 68  Link to ntkpl   მიუგო მას სიმონ-პეტრე და ჰრქუა: უფალო, ვისა მივიდეთ? სიტყუაჲ ცხოვრებისა საუკუნოჲსაჲ გაქუს შენ.

Verse: 68V    მიხუგო X; მას -- X; ხრქუა X; და ჰრქუა -- FG; მივიდეთ + ჩუენ FG; ცხორებისა EFG, ცხორებისაჲ D; ~ საუკუნოჲსა ცხორებისაჲ F; შენ -- X.


Verse: 69  Link to ntkpl   და ჩუენ გურწმენა და გჳცნობიეს, რამეთუ შენ ხარ ქრისტე, ძჱ ღმრთისა ცხოველისაჲ.

Verse: 69V    ქრისტჱ FG; ღმრთისაჲ XD.


Verse: 70  Link to ntkpl   მიუგო იესუ და ჰრქუა მათ: არამე ათორმეტნი თქუენ გამოგირჩიენა? და ერთი თქუენგანი ეშმაკი არს.

Verse: 70V    ხრქუა X; თქუენ -- EFG.


Verse: 71  Link to ntkpl   ხოლო იტყოდა იუდას სიმონისსა, ისკარიოტელსა, რამეთუ ამას ეგულებოდა მიცემაჲ მისი, რომელ ერთი იყო ათორმეტთაგანი.

Verse: 71V    იტყდა G; იოდას D, იუდა F, იუდასა X; სიმონის D, სიმონის G; ისკარიოტელისასა FG; ~ რომელი იყო ერთი ათორმეტთაგანი, რამეთუ ამას ეგულებოდა მიცემაჲ მისი FG. აქედან აკლია X-ს.



Next part


This text is part of the TITUS edition of Tetraevangelium (redactio praeathonensis).

Copyright TITUS Project, Frankfurt a/M, 15.2.2022. No parts of this document may be republished in any form without prior permission by the copyright holder.