TITUS
Tetraevangelium (redactio praeathonensis)
Part No. 65
Previous part

Chapter: 21 


Verse: 1  Link to ntkpl   და მიჰხედა და იხილა, რომელნი-იგი დასდებდეს შესაწირავსა საფასისსაცავსა მას მდიდარნი.

Verse: 1V    მიხხედა X, მიხედა FG; დახდებდეს X; დაჰსდებდეს D; ფასისსაცავსა X.


Verse: 2  Link to ntkpl   და იხილა ვინმე ქურივი გლახაკი, რომელმან დადვა ორი მწულილი.

Verse: 2V    წულილი F.


Verse: 3  Link to ntkpl   და თქუა: ჭეშმარიტად გეტყჳ თქუენ, რამეთუ ქურივმან ამან გლახაკმან უმეტჱს ყოველთასა შეწირა.

Verse: 3V    თქუა + იესუ DE; ხუმეტჱს X, უმეტეს DFG.


Verse: 4  Link to ntkpl   რამეთუ ამათ ყოველთა ნამეტავისაგან მათისა შეწირეს დასადებელსა ამას, ხოლო ამან ნაკლულევანებისაგან თჳსისა ყოველი, რაჲცა აქუნდა საცხორებელი, შეწირა.

Verse: 4V    ნამეტნავისაგან F; დასადებელსა ამას -- X; ხაქუნდა X; საცხორებელი -- X.


Verse: 5  Link to ntkpl   და რომელნიმე იტყოდეს ტაძრისა მისთჳს, ვითარმედ: ქვითა კეთილითა და პატიოსნითა შჱნებულ არს; და თქუა იესუ:

Verse: 5V    რომელნი D; ხიტყოდეს X; ტაძრისა მისთჳს ] ტაძრისათჳს FG; ტაძირისა D; შენებულ DEFG.


Verse: 6  Link to ntkpl   ჰხედავთ ამას? არამედ მოვლენან დღენი, რომელთა შინა არა დაშთეს ქვაჲ ქვასა ზედა, რომელი არა დაირღუეს.

Verse: 6V    ხხედავთა X, ხედავთა FG; არამედ -- X; დაჰშთეს D; დახირღუეს X.


Verse: 7  Link to ntkpl   ჰკითხეს მას მოწაფეთა: მოძღუარ, ოდეს იყოს ესე, და რაჲ არს სასწაული, რაჟამს ესე ყოფად არს?

Verse: 7V    ხკითხეს X; ხიყოს X.


Verse: 8  Link to ntkpl   ხოლო თავადმან ჰრქუა: იხილეთ, ნუუკუე სცთეთ, რამეთუ მრავალნი მოვიდოდიან სახელითა ჩემითა და იტყოდიან, ვითარმედ მე ვარ; და ჟამი მოწევნულ არს, ნუ მიხუალთ შედგომად მათა.

Verse: 8V    ხრქუა X ] თქუა G; ხცთეთ X1, ჰსცთეთ D; ხიტყოდიან X; და (2) ] ხოლო FG; ნუ მიხუალთ X~.


Verse: 9  Link to ntkpl   ოდეს გესმოდიან ბრძოლანი და შფოთნი, ნუ შესძრწუნდებით, რამეთუ ჯერ-არს ესე პირველად ყოფად, და არღა მეყსეულად იყოს აღსასრული.

Verse: 9V    შეხძრწუნდებით X; შეჰსძრწუნდებით D; ხიყოს X.


Verse: 10  Link to ntkpl   მაშინ ეტყოდა მათ: აღდგეს ნათესავი ნათესავსა ზედა და მეუფებაჲ მეუფებასა ზედა;

Verse: 10V    ხეტყოდა X; აღდგენ ნათესავნი ნათესავთა XDE; მეუფებათა DEFG.


Verse: 11  Link to ntkpl   და იყვნენ ძრვანი დიდ-დიდნი ადგილდ-ადგილდ, სიყმილნი და სრვანი, საშინელებანი ზეცით და სასწაულნი დიდ-დიდნი იყვნენ.

Verse: 11V    და (1) -- X; ხიყვნენ (1) X; ადგიდ-ადგიდ XDE, სრვანი X~; ადგილად-ადგილად G; ხიყვნენ (2) X.


Verse: 12  Link to ntkpl   ხოლო ამათ ყოველთა წინადაგასხნენ თქუენ ზედა ჴელნი მათნი და გდევნიდენ და მიგცნენ თქუენ შესაკრებელთა და საპყრობილესა, მეფეთა წინაშე და მთავართა მიგიყვანნენ სახელისა ჩემისათჳს.

Verse: 12V    მიგცენენ D; საპყრობილეთა X.


Verse: 13  Link to ntkpl   და გექმნეს თქუენ ესე საწამებელ.


Verse: 14  Link to ntkpl   დაისხენით ესენი გულთა თქუენთა, რაჲთა არა წინაჲსწარ იწურთიდეთ, რაჲ სიტყუაჲ მიუგოთ,

Verse: 14V    ესენი ] ესე XDEFG; ხიწურთიდეთ X; სიტყუჲ D; მიხუგოთ X.


Verse: 15  Link to ntkpl   რამეთუ მე მოგცე თქუენ პირი და სიბრძნჱ, რომელსა ვერ უძლონ წინააღდგომად და სიტყჳს-გებად ყოველთა წინააღმდგომთა თქუენთა.

Verse: 15V    სიბრძნე DF; ხუძლონ X; წინააღდგომთა D.


Verse: 16  Link to ntkpl   რამეთუ მიეცნეთ თქუენ მამა-დედათაგან და ძმათა და მეგობართა და ნათესავთა, და მოჰკლვიდენ თქუენგანთა;

Verse: 16V    მიხეცნეთ X; მამა-დედაგან E; ნათესავთაგან DE; მოხკლვიდენ X.


Verse: 17  Link to ntkpl   და იყვნეთ თქუენ მოძულებულ ყოველთაგან სახელისა ჩემისათჳს.

Verse: 17V    ხიყვნეთ X.


Verse: 18  Link to ntkpl   და თმაჲ თავისა თქუენისაჲ არა წარწყმდეს.

Verse: 18V    თავისაგან თქუენისა X.


Verse: 19  Link to ntkpl   და მოთმინებითა თქუენითა მოიპოვნეთ სულნი თქუენნი.

Verse: 19V    მოიპოვენთ X.


Verse: 20  Link to ntkpl   რაჟამს იხილოთ გარემოდგომილი იერუსალჱმი ერისაგან, მაშინ გულისხმა-ყავთ, რამეთუ მოახლებულ არს მოოჴრებაჲ მისი.

Verse: 20V    ხიხილოთ X; გარემოდგომილი ... ერისაგან ] იერუსალჱმსა გარემოდგომილი (გარჱმოდგომილი G) ერი FG; გულისჴმა- DF; მოუჴრებაჲ F.


Verse: 21  Link to ntkpl   მაშინ რომელნი ჰურიასტანს იყვნენ, ივლტოდედ მთად; და რომელნი იყვნენ შორის მისა, განივლტოდედ; და რომელნი ველსა გარე იყვნენ, ნუ შევლენედ მუნ.

Verse: 21V    ~ იყვნენ ჰურიასტანს FG; ივლტოდენ FG; მისსა G; განივლტოდენ FG; გარჱ E -- FG. აქედან აკლია X-ს.


Verse: 22  Link to ntkpl   რამეთუ დღენი შურის-გებისა მისისანი ესენი არიან, რაჲთა აღესრულნენ ყოველნი წერილნი.

Verse: 22V    ესე EG.


Verse: 23  Link to ntkpl   ხოლო ვაჲ მუცელქუმულთა და რომელნი აწოვებდენ მათ დღეთა შინა, რამეთუ იყოს მაშინ ჭირი დიდი ქუეყანასა ზედა და რისხვაჲ ერსა მას ზედა.

Verse: 23V    მუცელქმნულთა FG; აწოებდენ EF; მას ] ამას FG.


Verse: 24  Link to ntkpl   და დაეცნენ პირითა მახჳლისაჲთა, და წარიტყუენნენ ყოველთა მიერ წარმართთა; და იერუსალჱმი დათრგუნვილ იყოს წარმართთაგან, ვიდრემდე აღესრულნენ ჟამნი წარმართთანი.

Verse: 24V    და (2) -- E; ვ̃ე F. წარმართა D.


Verse: 25  Link to ntkpl   და იყოს სასწაული მზესა და მთოვარესა და ვარსკულავთა, და ქუეყანასა ზედა შეკრებაჲ თესლებისაჲ განკჳრვებითა ოხრისაჲთა, ვითარცა ზღჳსაგან და ძრვისა;

Verse: 25V    მზჱსა E + თანა F; მთოარესა F; ვასკლავთა D; ზღუსაგან D.


Verse: 26  Link to ntkpl   სულითა კაცთაჲთა შიშისაგან და მოლოდებისა მომავალსა ზედა სოფელსა ამას, რამეთუ ძალნი ცათანი შეიძრნენ.

Verse: 26V    სულისა კაცთაჲსა E; მომავალისა E.


Verse: 27  Link to ntkpl   და მაშინ იხილონ ძჱ კაცისაჲ, მომავალი ღრუბლითა ძალითა და დიდებითა მრავლითა.

Verse: 27V    იხილოთ D.


Verse: 28  Link to ntkpl   და ვითარცა იწყოს ამან ყოველმან ყოფად, აღიხილენით თუალნი და აღიპყრენით თავნი თქუენნი, რამეთუ მოწევნულ არს გამოჴსნაჲ თქუენი.


Verse: 29  Link to ntkpl   და ეტყოდა მათ იგავსა: იხილეთ ლეღჳ და ყოველნი ხენი.


Verse: 30  Link to ntkpl   რაჟამს გამოვალნ ფურცელი, თჳთ უწყოდით, რამეთუ ახლოს არს ზაფხული.


Verse: 31  Link to ntkpl   ეგრეცა თქუენ, რაჟამს იხილოთ ესე ყოველი ყოფილი, უწყოდეთ, რამეთუ ახლოს არს სასუფეველი ღმრთისაჲ.


Verse: 32  Link to ntkpl   ამენ გეტყჳ თქუენ, რამეთუ: არა წარჴდეს ნათესავი ესე, ვიდრემდე ესე ყოველი იყოს.


Verse: 33  Link to ntkpl   ცანი და ქუეყანაჲ წარჴდენ, ხოლო სიტყუანი ჩემნი არა წარჴდენ.


Verse: 34  Link to ntkpl   ეკრძალენით თავთა თქუენთა, ნუუკუე დამძიმდენ გულნი თქუენნი შუებითა და მთრვალობითა და ზრუნვითა ამის სოფლისაჲთა, და მეყსეულად მოიწიოს დღჱ იგი თქუენ ზედა.

Verse: 34V    ~ თქუენ ზედა დღჱ იგი FG; დღე E.


Verse: 35  Link to ntkpl   რამეთუ, ვითარცა საფრჴჱ, მოუჴდეს მსხდომარეთა ზედა პირსა ყოვლისა ქუეყანისასა.

Verse: 35V    საფრჴე D, საბრჴე F. ყოველი D.


Verse: 36  Link to ntkpl   იღჳძებდით უკუე ყოველსა ჟამსა და ევედრებოდეთ, რაჲთა ღირს იქმნნეთ განრინებად ამის ყოვლისაგან, რომელი ყოფად არს, და დადგომად წინაშე ძისა კაცისა.

Verse: 36V    იქმნეთ DF; დადგრომად DG.


Verse: 37  Link to ntkpl   და იყოფოდა თავადი ტაძარსა მას შინა დღისი და ასწავებდა; ხოლო ღამჱ განვიდის და იქცევინ მთასა მას, რომელსა ჰრქჳან ზეთისხილთაჲ.

Verse: 37V    იყოფვოდა EF; ღამე DFG; განვიდით E; ჰქჳან F.


Verse: 38  Link to ntkpl   და ყოველმან ერმან აღიმსთჳს მისა ტაძარსა მას შინა სმენად სიტყუათა მათ მისთა.

Verse: 38V    ყოველმან + მან G; მისსა D; მათ -- FG.



Next part


This text is part of the TITUS edition of Tetraevangelium (redactio praeathonensis).

Copyright TITUS Project, Frankfurt a/M, 15.2.2022. No parts of this document may be republished in any form without prior permission by the copyright holder.