TITUS
Tetraevangelium (redactio praeathonensis)
Part No. 47
Previous part

Chapter: 3 


Verse: 1  Link to ntkpl   წელსა მეათხუთმეტესა ტიბერიის კეისრისასა, მთავრობასა პონტოელისა პილატესსა ჰურიასტანს, და მეოთხედმთავრობასა გალილეას ჰეროდესსა, და ფილიპესსა, ძმისა მისისა, მეოთხედმთავრობასა იტურეას და ტრაქონელთა სოფელსა, და ლუსანისსა მეოთხედმთავრობასა აბილჱნეს,

Verse: 1V    მეათხუთმეტსა F; ტიბერის DEF; კეისრისა E; პონტიელისა G; პილატესა FG; ჰეროდესა F; ფილიპესა F; მისისასა F; ლჳსანისსა D; ლჳსანისა E, ლუსანისასა G; აბილენესა F, აბილჱნესა G.


Verse: 2  Link to ntkpl   მღდელთ-მოძღურებასა ანაჲსსა და კაიაფაჲსსა იყო სიტყუაჲ ღმრთისაჲ იოვანეს მიმართ, ძისა ზაქარიაჲსა, უდაბნოს.

Verse: 2V    მღდელთ-მოძღორობასა DE, მღდელთ-მოძღრობასა G; ანაჲსა DFG; კაიაფაჲსა DFG; სიტყჳაჲ D; ღმრთისაჲ ] უფლისაჲ FG; ი̃ნჱსა G, იოვანესა F; უდბნოს E.


Verse: 3  Link to ntkpl   და მოვიდა ყოველსა მას სოფელსა იორდანისასა და ქადაგებდა ნათლის-ცემასა სინანულისასა მისატევებელად ცოდვათა.

Verse: 3V    სოფლებსა FG.


Verse: 4  Link to ntkpl   ვითარცა წერილ არს წიგნსა მას სიტყუათა ესაია წინაწარმეტყუელისათა და იტყჳს: ჴმაჲ ღაღადებისაჲ უდაბნოსა: განჰმზადენით გზანი უფლისანი და წრფელ-ყვენით ალაგნი მისნი.

Verse: 4V    განმზადენით D.


Verse: 5  Link to ntkpl   ყოველი ჴევნები აღმოივსოს, და ყოველნი მთანი და ბორცუნი დამდაბლდენ; და იყოს გულარძნილი იგი მართლად და ფიცხელი იგი გზად წრფელად.

Verse: 5V    მართლ F.


Verse: 6  Link to ntkpl   და იხილოს ყოველმან ჴორციელმან მაცხოვარებაჲ ღმრთისაჲ.


Verse: 7  Link to ntkpl   და ეტყოდა განმავალსა მას მისა ერსა ნათლის-ღებად მისგან: ნაშობნო იქედნეთანო, ვინ გიჩუენა თქუენ სივლტოლაჲ მერმისა მისგან რისხვისა?

Verse: 7V    ეტყდა G; მისსა DF; ნათლის-ღებისა E; მისგან -- F.


Verse: 8  Link to ntkpl   ყავთ უკუე ნაყოფი, ღირსი სინანულისაჲ, და ნუ ჰგონებთ და იტყჳთ გულთა თქუენთა, ვითარმედ: მამაჲ გჳვის ჩუენ აბრაჰამი. ხოლო გეტყჳ თქუენ, რამეთუ ძალ-უც ღმერთსა აღდგინებად ქვათა ამათგან ნაშობად აბრაჰამისა.

Verse: 8V    ვითარმედ -- FG; ხოლო -- FG; აბრამისა E.


Verse: 9  Link to ntkpl   რამეთუ აწვე ცული ძირთა თანა ხეთასა ძეს; ყოველმან ხემან რომელმან არა გამოიღოს ნაყოფი კეთილი, მოეკუეთოს და ცეცხლსა დაედვას.

Verse: 9V    ხჱთასა G.


Verse: 10  Link to ntkpl   და ჰკითხვიდა მას ერი იგი და ეტყოდეს: და რაჲმე ვყოთ?


Verse: 11  Link to ntkpl   მიუგო და ჰრქუა მათ: რომელსა აქუნდეს ორი სამოსელი, მიეცინ, რომელსა არა აქუნდეს; და რომელსა აქუნდეს საზრდელი, ეგრევე მსგავსად ყავნ.

Verse: 11V    სამუსელი F; ეგრეთვე G.


Verse: 12  Link to ntkpl   მოვიდეს მისა მეზუერენიცა ნათლის-ღებად და ჰრქუეს მას: მოძღუარ, ჩუენ რაჲ ვყოთ?

Verse: 12V    მისსა G.


Verse: 13  Link to ntkpl   ხოლო მან ჰრქუა მათ: ნურას უფროჲს განწესებულისა თქუენისა იქმთ.


Verse: 14  Link to ntkpl   ჰკითხვიდეს მას ერად განწესებულნიცა იგი და ეტყოდეს: და ჩუენ რაჲ ვყოთ? და მან ჰრქუა მათ: ნუვის აჭირვებთ, ნუცა ცილსა შესწამებთ და კმა-გეყავნ როჭიკი თქუენი.

Verse: 14V    რაჲმე FG; აჭირებთ F; ჰსწამებთ D.


Verse: 15  Link to ntkpl   და ვითარცა მოელოდა ერი იგი, და განიზრახვიდეს ყოველნი გულთა მათთა იოვანჱსთჳს, ნუუკუე იგი არს ქრისტჱ,

Verse: 15V    და (2) -- E; იოვანესთჳს DEF.


Verse: 16  Link to ntkpl   მიუგო ყოველთა და ეტყოდა: მე ნათელ-გცემ თქუენ წყლითა, არამედ მოვალს უძლიერესი ჩემსა, რომლისა არა ღირს ვარ ჴამლთა მისთა ტჳრთვად; მან ნათელ-გცეს თქუენ სულითა წმიდითა და ცეცხლითა.

Verse: 16V    ნათლ- F; უძრიელესი G; რომლისა არა ] რ̃ისარა F; -ეცეს F; ცეცხლილთა D.


Verse: 17  Link to ntkpl   რომლისა ნიჩაბი ჴელთა შინა მისთა, და განწმიდოს კალოჲ მისი და შეკრიბოს იფქლი საუნჯესა თჳსსა, ხოლო ბზჱ დაწუას ცეცხლითა უშრეტითა.

Verse: 17V    და (1) -- D; მისი ] თჳსი FG; ბზე DF.


Verse: 18  Link to ntkpl   და ფრიად სხუასაცა მრავალსა ჰლოცვიდა და ახარებდა ერსა მას.


Verse: 19  Link to ntkpl   ხოლო ჰეროდეს, ოთხთა საბრძანებელთა მთავარსა, რამეთუ ამხილებდა მას ჰეროდიაჲსთჳს, ცოლისა ძმისა მისისა, და ყოვლისა მისთჳს, რომელი ქმნა ბოროტი ჰეროდე,

Verse: 19V    ჰეროდჱ F.


Verse: 20  Link to ntkpl   შესძინა ესეცა მას ყოველსა ზედა და შეაყენა იოვანე საპყრობილესა.

Verse: 20V    ი̃ნჱ G.


Verse: 21  Link to ntkpl   და იყო ნათლის-ღებასა მას ყოვლისა ერისასა, და იესუცა ნათელ-იღო და ილოცვიდა; განეხუნეს ცანი,

Verse: 21V    და (2) -- E; ხილოცვიდა X; განხეხუნეს X. აქედან აკლია X-ს.


Verse: 22  Link to ntkpl   და გარდამოჴდა სული წმიდაჲ ჴორციელითა ხილვითა, ვითარცა ტრედი, მის ზედა; და ჴმაჲ იყო ზეცით და თქუა: შენ ხარ ძჱ ჩემი საყუარელი, შენ სათნო-გიყავ.

Verse: 22V    ხიყო X.


Verse: 23  Link to ntkpl   და თავადსა იესუს ეწყო ოდენ ყოფად მეოცდაათესა წელსა, რომელი საგონებელ იყო ძედ იოსებისა, იაკობისა, ელისა,

Verse: 23V    ხეწყო X; რომელ D; ხიყო X; ძჱდ DE; ჱლისა X~ EF.


Verse: 24  Link to ntkpl   მატთანისა, ლევისა, მელქისა, იონნესა, იოსეფისა,

Verse: 24V    მატათანისა E; ლევისსა X~ G; მელქისა X~; იანჱსა X, იანესა FG; იოსჱფისა X, იოსებისა FG.


Verse: 25  Link to ntkpl   მატათისა, ამოსისა, ნაუმისა, ესლისა, ნაგჱსა,

Verse: 25V    ამოსისა ] იოსებისა DE -- F; ნაომისა EG; ესლისა ] ელისსა G; ნაგესა DEF, ნაგესსა G.


Verse: 26  Link to ntkpl   მაათისა, მატათისა, სემეისა, იოსებისა, იუდაჲსა,

Verse: 26V    მატითისა DE; სემისა XFG; იოსებისა X~;


Verse: 27  Link to ntkpl   იონნაჲსა, რესაჲსა, ზორობაბელისა, სალათიელისა, ნერისა,

Verse: 27V    ონნაჲსა E, ოანნაჲსა XFG; ზორობაბელისა X~; ზორობაბელისსა G; სალათიელისსა G, სალათელისა D; ნჱრისა E.


Verse: 28  Link to ntkpl   მელქისა, ადისა, კოსომისა, ელმოდადისა, ერისა,

Verse: 28V    მელქისსა G; ადდი D, ადადისა FG; კოსამისა X; ელმოდადისსა G; ჱრისა XE.


Verse: 29  Link to ntkpl   იესუჲსა, ელიეზერისა, იორამისა, მატათისა, ლევისა,

Verse: 29V    ი̃ჳსა F, ჲესოჲსა G.


Verse: 30  Link to ntkpl   სჳმეონისა, იუდაჲსა, იოსებისა, იონანისა, ელიაკიმისა,

Verse: 30V    იოსეფისა X.


Verse: 31  Link to ntkpl   მელეაჲსა, მენანისა, მატთანისა, ნათანისა, დავითისა,

Verse: 31V    მაათანისა D, მატათანისა E.


Verse: 32  Link to ntkpl   იესჱსა, იობედისა, ბოოსისა, სალმუნისა, ნაასონისა,

Verse: 32V    იესესა F, იესესსა DG; იობჱდისა X.


Verse: 33  Link to ntkpl   ამინადაბისა, არამისა, ესრომისა, ფარეზისა, იუდაჲსა,


Verse: 34  Link to ntkpl   იაკობისა, ისააკისა, აბრაჰამისა, თარაჲსა, ნაქორისა,

Verse: 34V    ისაკისა EG.


Verse: 35  Link to ntkpl   სერუქისა, რაგავისა, ფალეგისა, ებერისა, სალაჲსა,

Verse: 35V    ფალჱგისა X; ებჱრისა X.


Verse: 36  Link to ntkpl   კაინანისა, არფაქსადისა, სემისა, ნოვესა, ლამექისა,

Verse: 36V    კაჲნანისა DG; სჱმისა X; ნოეჲსსა X.


Verse: 37  Link to ntkpl   მათუსალაჲსა, ენუქისა, იარედისა, მალელჱლისა, კაინამისა,

Verse: 37V    მალელელისა F, მალეელისა G, მალელისა D; კაინანისა EFG.


Verse: 38  Link to ntkpl   ენოსისა, სეითისა, ადამისა და ღმრთისა.

Verse: 38V    ენუსისა E; სჱთისა X, სეჲთისა FG; და -- D.



Next part


This text is part of the TITUS edition of Tetraevangelium (redactio praeathonensis).

Copyright TITUS Project, Frankfurt a/M, 15.2.2022. No parts of this document may be republished in any form without prior permission by the copyright holder.