TITUS
Tetraevangelium (redactio praeathonensis)
Part No. 28
Previous part

Chapter: 28 


Verse: 1  Link to ntkpl   მწუხრი შაბათსა, რომელი განთენებოდა ერთშაბათად, მოვიდა მარიამ მაგდალჱნელი და სხუაჲ იგი მარიამ ხილვად საფლავისა მის.

Verse: 1V    შაბათსა ] + მას RP; მაგდალჱნელი ] მაგდალენელი G; მაგდალჱნელი ] მაგდანელი F;


Verse: 2  Link to ntkpl   და, აჰა, ძრვაჲ იყო დიდ, რამეთუ ანგელოზი უფლისაჲ გარდამოჴდა ზეცით, მოვიდა და გარდააგორვა ლოდი იგი კარისა მისგან საფლავისა და დაჯდა მას ზედა.

Verse: 2V    გარდააგორვა ] გარდააგურვა G


Verse: 3  Link to ntkpl   იყო ხილვაჲ მისი, ვითარცა ელვაჲ, და სამოსელი მისი სპეტაკ, ვითარცა თოვლი.

Verse: 3V    სამოსელი ] სამუსელი F


Verse: 4  Link to ntkpl   ხოლო საშინელებისაგან მისისა შეძრწუნდეს მცველნი იგი და იქმნნეს, ვითარცა მკუდარნი.

Verse: 4V    იქმნნეს ] იქმნეს F


Verse: 5  Link to ntkpl   მიუგო ანგელოზმან მან და ჰრქუა დედათა მათ: ნუ გეშინინ თქუენ, ვიცი, რამეთუ იესუს ნაზარეველსა, ჯუარსცუმულსა ეძიებთ.

Verse: 5V    მან ] -- F; ნაზარეველსა ] ნაზორეველსა R; ჯუარსცუმულსა ] ჯუარცუმულსა FG


Verse: 6  Link to ntkpl   არა არს აქა, რამეთუ აღდგა, ვითარცა თქუა. მოვედით და იხილეთ ადგილი, სადა დადვეს იგი.


Verse: 7  Link to ntkpl   და ადრე წარვედით და უთხართ მოწაფეთა მისთა, ვითარმედ: აღდგა და, აჰა, წინაგიძღჳს თქუენ გალილეად. მუნ იხილოთ იგი. აჰა, ეგერა, გარქუ თქუენ.


Verse: 8  Link to ntkpl   ხოლო იგინი წარვიდეს ადრე მიერ საფლავით შიშითა და სიხარულითა დიდითა; მირბიოდეს თხრობად მოწაფეთა მისთა.


Verse: 9  Link to ntkpl   და, აჰა, იესუ შეემთხჳა მათ და ჰრქუა: გიხაროდენ! ხოლო იგინი მოუჴდეს და შეუვრდეს ფერჴთა მისთა და თაყუანის-სცეს მას.

Verse: 9V    მოუჴდეს ] მოვიდეს G


Verse: 10  Link to ntkpl   მაშინ ჰრქუა მათ იესუ: ნუ გეშინინ! წარვედით და უთხართ ძმათა ჩემთა, რაჲთა წარვიდენ გალილეად და მუნ მიხილონ მე.


Verse: 11  Link to ntkpl   და ესენი ვითარცა წარვიდეს, და, აჰა, ესერა, დასისა მისგანნი შევიდეს ქალაქად და უთხრეს მღდელთ-მოძღუართა მათ ყოველი ესე, რაჲცა იქმნა.

Verse: 11V    ყოველი ] ყოველივე P; ესე ] -- P


Verse: 12  Link to ntkpl   ხოლო იგინი შეკრბეს მოხუცებულთა თანა და ზრახვა-ყვეს, ვეცხლი დიდძალი მისცეს ერისაგანთა მათ


Verse: 13  Link to ntkpl   და ჰრქუეს: ესრე თქუთ, ვითარმედ მოწაფენი მისნი მოვიდეს ღამე და წარიპარეს იგი, ვიდრე ჩუენ მეძინა.

Verse: 13V    ესრე ] ესრეთ F


Verse: 14  Link to ntkpl   უკუეთუ ესმეს ესე მთავარსა მას, ჩუენ ვარწმუნოთ, და თქუენ უზრუნველ-გყვნეთ.

Verse: 14V    ვარწმუნოთ ] + მათ RP


Verse: 15  Link to ntkpl   ხოლო მათ მიიღეს ვეცხლი იგი და ყვეს ეგრე, ვითარცა ისწავეს მათგან. და განითქუა სიტყუაჲ ესე ჰურიათა შორის ვიდრე დღენდელად დღედმდე.


Verse: 16  Link to ntkpl   ხოლო ათერთმეტნი იგი მოწაფენი წარვიდეს გალილეად, მთასა მას, სადაცა უბრძანა მათ იესუ.


Verse: 17  Link to ntkpl   და იხილეს იგი და თაყუანის-სცეს მას, ხოლო რომელნიმე შეორგულდეს.

Verse: 17V    რომელნიმე ] რომელნი P


Verse: 18  Link to ntkpl   მოუჴდა მათ იესუ, ეტყოდა მათ და ჰრქუა: მომეცა მე ყოველი ჴელმწიფებაჲ ცათა შინა და ქუეყანასა ზედა. ვითარცა მომავლინა მე მამამან, მეცა წარგავლინებ თქუენ.

Verse: 18V    მოუჴდა მათ ] მოვიდა მათა FG; ყოველივე ] ყოველივე RP


Verse: 19  Link to ntkpl   წარვედით და მოიმოწაფენით ყოველნი წარმართნი და ნათელ-სცემდით მათ სახელითა მამისაჲთა და ძისაჲთა და სულისა წმიდისაჲთა,

Verse: 19V    მოიმოწაფენით ] + თქუენ F; -სცემდით ] -ჰსცემდით RP


Verse: 20  Link to ntkpl   და ასწავებდით მათ დამარხვად ყოველი, რომელი გამცენ თქუენ. და, აჰა, ესერა, მე თქუენ თანა ვარ ყოველთა დღეთა და ვიდრე აღსასრულადმდე სოფლისა.

Verse: 20V    მათ ] -- F; რომელი ] რავდენი FG; აღსასრულადმდე ] აღსასრულამდე F; აღსასრულმდე G

Verse: 20VV    P: დაესრულა წმიდაჲ სახარებაჲ წმიდისა მათჱ მახარებლისაჲ, თავი ტნე, ჴელითა გლახაკისა ეზრა, ძისა ქობულეანისაჲთა. წმიდანო ღმრთისანო, ვინ ღირს იქმნნეთ მსახურებად წმიდასა ამას სახარებასა, ჴსენებულ-ყავთ სული ჩემი, ბოროტად გუემული და სული მშობელთა და მამათა და ყოველთავე ჩემეულთაჲ.





Next part


This text is part of the TITUS edition of Tetraevangelium (redactio praeathonensis).

Copyright TITUS Project, Frankfurt a/M, 15.2.2022. No parts of this document may be republished in any form without prior permission by the copyright holder.