TITUS
Tetraevangelium (redactio praeathonensis)
Part No. 23
Previous part

Chapter: 23 


Verse: 1  Link to ntkpl   მაშინ ეტყოდა იესუ ერსა მას და მოწაფეთა თჳსთა,


Verse: 2  Link to ntkpl   და ჰრქუა: საყდართა მოსჱსთა დასხდეს მწიგნობარნი და ფარისეველნი,

Verse: 2V    მოსჱსთა ] მოსესთა FG


Verse: 3  Link to ntkpl   ყოველსა რაოდენსა გეტყოდიან თქუენ, დაიმარხეთ და ყავთ, ხოლო საქმეთა მათთაებრ ნუ იქმთ, რამეთუ თქჳან და არა ყვიან.

Verse: 3V    თქუენ ] -- F; თქჳნ ] თქუან P


Verse: 4  Link to ntkpl   რამეთუ შეკრიან ტჳრთი მძიმჱ და ძნიად სატჳრთავი, და დასდვიან მჴართა ზედა კაცთასა, ხოლო მათ თითითა მათითა არა უნებნ შეძრვად იგი.

Verse: 4V    შეკრიან ] შეკრიბიან G; მძიმჱ ] მძიმე F;


Verse: 5  Link to ntkpl   და ყოველსა საქმესა მათსა იქმედ საჩუენებელად კაცთა; განივრცნიან საცონი მათნი და განადიდნიან ფესუნი სამოსლისა მათისანი;

Verse: 5V    სამოსლისა ] სამუსლისა F


Verse: 6  Link to ntkpl   უყუარს ზემოჯდომაჲ სერსა ზედა და პირველდაჯდომაჲ შესაკრებელთა შორის,

Verse: 6V    უყუარს ] უყუარნ FG;


Verse: 7  Link to ntkpl   და მოკითხვაჲ უბანთა ზედა, და რაჲთა ჰხადოდიან კაცნი: რაბი! რაბი!

Verse: 7V    ხადოდიან ] ხადოდიან G


Verse: 8  Link to ntkpl   ხოლო თქუენ ნუვის ჰხადით რაბით, რამეთუ ერთი არს თქუენი მოძღუარი -- ქრისტჱ, ხოლო თქუენ ყოველნი ძმანი ხართ.

Verse: 8V    ჰხადით ] ხადით G; რაბით ] ჰრაბით RP


Verse: 9  Link to ntkpl   და მამით ნუვის ჰხადით თქუენ ქუეყანასა ზედა, რამეთუ ერთი არს მამაჲ თქუენი, რომელ არს ცათა შინა

Verse: 9V    ჰხადით ] ხადით G; რომელ ] რომელი RP


Verse: 10  Link to ntkpl   ნუცა გერქუმინ თქუენ წინამძღუარ, რამეთუ ერთი არს წინამძღუარი თქუენი -- ქრისტჱ.


Verse: 11  Link to ntkpl   ხოლო უდიდჱსი თქუენი იყოს თქუენდა მსახურ.

Verse: 11V    უდიდჱსი ] უდიდესი FG; მსახურ ] მსახური G


Verse: 12  Link to ntkpl   და რომელმან აღიმაღლოს თავი თჳსი, დამდაბლდეს; და რომელმან დაიმდაბლოს თავი თჳსი, იგი ამაღლდეს.

Verse: 12V    თჳსი ] + იგი F


Verse: 13  Link to ntkpl   ვაჲ თქუენდა, მწიგნობარნო და ფარისეველნო ორგულნო, რომელნი შეშჭამთ სახლებსა ქურივთასა და მიზეზით განგრძობილად ილოცვიდით. ამისთჳს მიიღოთ უდიდჱსი საშჯელი.

Verse: 13V    შეშჭამთ ] შეჰჭამთ RP; უდიდჱსი ] უდიდესი FG


Verse: 14  Link to ntkpl   ვაჲ თქუენდა, მწიგნობარნო და და ფარისეველნო ორგულნო, რამეთუ დაჰჴაშთ სასუფეველი ცათაჲ წინაშე კაცთა; თქუენ შე-არა-ხუალთ და შემავალთა არა უტევებთ შესლვად.

Verse: 14V    ფარისევლნო ] ფარისვლნო G; დაჰჴაშთ ] დაჰჴასთ P; შე-არა-ხუალთ ] არა შეხუალთ F; არა უტევებთ ] უტევებთ არა RP


Verse: 15  Link to ntkpl   ვაჲ თქუენდა, მწიგნობარნო და და ფარისეველნო ორგულნო, რამეთუ მიმოხუალთ ზღუასა ზედა და ჴმელსა, რაჲთამცა ჰყავთ ვინმე ერთი მწირი; და რაჟამს არნ, ჰყვით იგი ნაშობ გეჰენიაჲსა ორ წილ თქუენსა.

Verse: 15V    რაჲთამცა ჰყავთ ] რაჲთა ჰყოთ RPG; მიმოხუალთ ] მიმოჰხუალთ RP;


Verse: 16  Link to ntkpl   ვაჲ თქუენდა, წინამძღუარნო ბრმანო, რომელთა სთქუთ, ვითარმედ: რომელმან ფუცოს ტაძარსა ამას, არარაჲ არს; ხოლო რომელმან ფუცოს ოქროსა მას ტაძრისასა, ჯერ-არს.

Verse: 16V    წინამძღუარნო ] მწიგნობარნო FG; ამას ] მას RP


Verse: 17  Link to ntkpl   ცოფნო და ბრმანო, რომელი უფროჲს არს: ოქროჲ ანუ ტაძარი, რომელი განსწმედს ოქროსა მას?


Verse: 18  Link to ntkpl   და სთქჳთ: რომელმან ფუცოს საკურთხეველსა, არარაჲ არს; ხოლო რომელმან ფუცოს შესაწირავსა მას, რომელ არს საკურთხეველსა ზედა, ჯერ-არს.

Verse: 18V    სთქჳთ ] სთქუთ F; საკურთხეველსა ] + მას RP


Verse: 19  Link to ntkpl   ცოფნო და ბრმანო, რომელი უდიდჱს არს: შესაწირავი ანუ საკურთხეველი, რომელი განსწმედს შესაწირავსა მას?

Verse: 19V    უდიდჱს ] უდიდეს FG; მას ] -- F


Verse: 20  Link to ntkpl   ხოლო რომელმან ფუცა საკურთხეველსა მას, ფუცავს მას და ყოველი რომელი არს მას ზედა.

Verse: 20V    ფუცავს ] ფუცოს RP; რომელი ] რაჲ F


Verse: 21  Link to ntkpl   და რომელმან ფუცა ტაძარსა მას, ფუცავს მას და რომელი დამკჳდრებულ არს მას შინა.

Verse: 21V    ფუცა ] ფოცა P; შინა ] ზედა F


Verse: 22  Link to ntkpl   და რომელმან ფუცა ცასა, ფუცავს საყდარსა ღმრთისასა და რომელი ზის მას ზედა.

Verse: 22V    მას ] მასა R


Verse: 23  Link to ntkpl   ვაჲ თქუენდა, მწიგნობარნო და ფარისეველნო ორგულნო, რამეთუ ათეულსა მოიღებთ პიტნაკისასა და ცერეცოჲსასა და ძირაკისასა და დაგიტევებიეს უმძიმჱსი შჯულისაჲ: სამართალი და წყალობაჲ და სარწმუნოებაჲ. ესე ჯერ-არს საქმედ და იგი არა დატევებად.

Verse: 23V    უმძიმჱსი ] უმზიმესი G; უმძიმჱსი ] უმჯობესი FG


Verse: 24  Link to ntkpl   წინამძღუარნო ბრმანო, რომელნი დასწურავთ კურნაქსა და აქლემსა შთასთქამთ.

Verse: 24V    შთასთქამთ ] შთანსთქამთ FG; შთასთქამთ ] შთაჰსთქამთ R


Verse: 25  Link to ntkpl   ვაჲ თქუენდა, მწიგნობარნო და ფარისეველნო ორგულნო, რამეთუ განსწმედთ გარეშესა სასუმელისასა და პარაფსიდისასა, ხოლო შინაგანნი სავსე არიან ნატაცებითა და არაწმიდებითა.

Verse: 25V    შინაგანნი სავსე არიან ] შინაგან სავსე არს F


Verse: 26  Link to ntkpl   ფარისეველნო ბრმანო, განწმიდეთ პირველად შინაგანი იგი სასუმელისაჲ, რაჲთა იყოს გარეშჱცა იგი წმიდა.

Verse: 26V    პირველად ] -- F; გარეშჱცა ] გარეშეცა FG


Verse: 27  Link to ntkpl   ვაჲ თქუენდა, მწიგნობარნო და ფარისეველნო ორგულნო, რამეთუ მიმსგავსებულ ხართ საფლავთა განგოზილთა, რომელნი ჩანედ კაცთა წინაშე შუენიერ, ხოლო შინაგან სავსე არიედ ძუალებითა მკუდართაჲთა და ყოვლითა არაწმიდებითა.

Verse: 27V    არიედ ] არიან F; არაწმიდებითა ] არაწმიდებით R


Verse: 28  Link to ntkpl   ეგრეცა თქუენ გარეშე ჰგონიეთ კაცთა მართალ, ხოლო შინაგან სავსე ხართ ორგულებითა და უშჯულოებითა.


Verse: 29  Link to ntkpl   ვაჲ თქუენდა, მწიგნობარნო და ფარისეველნო ორგულნო, რამეთუ აშჱნებთ საფლავთა წინაწარმეტყუელთასა და შეამკობთ მოსაჴსენებელსა მართალთასა.

Verse: 29V    აშჱნებთ ] აშენებთ FG


Verse: 30  Link to ntkpl   და სთქუთ: უკუეთუმცა ვიყვენით დღეთა მათ მამათა ჩუენთასა, არამცა ვიყვენით მათ თანა ზიარ სისხლსა მას წინაწარმეტყუელთასა.

Verse: 30V    მათ (1) ] -- F; მათ (2) ] -- G


Verse: 31  Link to ntkpl   ვითარმედ ამით სწამებთ თავით თჳსით, რამეთუ ნაშობნი ხართ მკლველთა წინაწარმეტყუელთანი.


Verse: 32  Link to ntkpl   და აწ თქუენცა აღავსეთ საწყაული მამათა თქუენთაჲ.


Verse: 33  Link to ntkpl   გუელნო და ნაშობნო იქედნეთანო, ვითარმე განერნეთ საშჯელსა გეჰენიაჲსასა?

Verse: 33V    საშჯელსა ] სატანჯველსა FG; გეჰენიაჲსასა ] გეჰენიისასა FG


Verse: 34  Link to ntkpl   ამისთჳს, აჰა, ესერა, მე მოვავლინნე თქუენდა წინაწარმეტყუელნი, ბრძენნი და მწიგნობარნი, და მათგანნი მოსწყჳდნეთ და ჯუარს-აცუნეთ, და მათგანნი სტანჯნეთ შესაკრებელთა შორის თქუენთა და სდევნიდეთ ქალაქითი ქალაქად.

Verse: 34V    მოვავლინნე ] მოვავლინენ FG; მოსწყჳდნეთ ] მოჰწყჳდნეთ P; მოსწყჳდნეთ ] მოსწყჳდენით FG; სტანჯნეთ ] ჰტანჯნეთ RP; სდევნიდეთ ] სდევნიდით F; სდევნიდეთ ] სდევნენით G


Verse: 35  Link to ntkpl   რაჲთა მოიწიოს თქუენ ზედა ყოველი სისხლი მართალი, დათხეული ქუეყანასა ზედა, სისხლითგან აბელის მართლისაჲთ ვიდრე სისხლადმდე ზაქარიაჲსა, ძისა ბარუქისა, რომელი მოჰკალთ შორის ტაძრისა და საკურთხეველისა.

Verse: 35V    სისხლადმდე ] სისხლამდე PFG; ბარუქისა ] ბარაქისა RPG


Verse: 36  Link to ntkpl   ამენ გეტყჳ თქუენ: მოიწიოს ესე ყოველი ნათესავსა ამას ზედა.


Verse: 37  Link to ntkpl   იერუსალჱმ, იერუსალჱმ, რომელმან მოსწყჳდენ წინაწარმეტყუელნი და ქვაჲ დაჰკრიბე მოვლინებულთა შენ ზედა, რაოდენგზის ვინებე შეკრებად შვილთა შენთა, ვითარცა შეიკრიბნის მფრინველმან მართუენი თჳსნი ქუეშე ფრთეთა, და არა ინებეთ!

Verse: 37V    მოსწყჳდენ ] მოჰწყჳდენ P; რაოდენგზის ] რავდენგზის FG; შეკრებად ] შეკრებაჲ RP; თჳსნი ] -- RP


Verse: 38  Link to ntkpl   აჰა, ესერა, დაუტევებთ თქუენ სახლთა თქუენთა ოჴრად.


Verse: 39  Link to ntkpl   ხოლო გეტყჳ თქუენ: არღარა მიხილოთ მე ამიერითგან, ვიდრემდე სთქუათ: კურთხეულ არს მომავალი სახელითა უფლისაჲთა.




Next part


This text is part of the TITUS edition of Tetraevangelium (redactio praeathonensis).

Copyright TITUS Project, Frankfurt a/M, 15.2.2022. No parts of this document may be republished in any form without prior permission by the copyright holder.