TITUS
Tetraevangelium (redactio praeathonensis)
Part No. 17
Previous part

Chapter: 17 


Verse: 1  Link to ntkpl   და შემდგომად ექუსისა დღისა წარიყვანნა იესუ პეტრე და იაკობ და იოვანე, ძმაჲ მისი, და აღიყვანნა იგინი მთასა მაღალსა თჳსაგან.

Verse: 1V    წარიყვანნა ] წარიყვანა FG; და (2) ] -- G; იოვანე ] იოანჱ G; იოვანე ] იოაჰანე RP; იგინი ] იგი F


Verse: 2  Link to ntkpl   და იცვალა მათ წინაშე სხუად ფერად, და განბრწყინდა პირი მისი, ვითარცა მზჱ, ხოლო სამოსელი მისი სპეტაკ იყო, ვითარცა თოვლი.

Verse: 2V    და ] + და F; განბრწყინდა ] გამობრწყინდა R; სამოსელი ] სამუსელი F


Verse: 3  Link to ntkpl   და ეჩუენნეს მათ მოსე და ელია მის თანა, და თანაჰზრახვიდეს მას.

Verse: 3V    მოსე ] მოსჱ F; თანაჰზრახვიდეს ] თანაზრახვიდეს FG


Verse: 4  Link to ntkpl   მიუგო პეტრე და ჰრქუა იესუს: უფალო, კეთილ არს ჩუენდა აქა ყოფაჲ. გნებავსა, ვქმნეთ აქა სამ ტალავარ: ერთი შენდა და ერთი მოსჱსა და ერთი ელიაჲსა?

Verse: 4V    გნებავსა ] გნებავს RPF; მოსჱსა ] მოსესა RP


Verse: 5  Link to ntkpl   და ვიდრე იგი ამას იტყოდა ოდენ, აჰა, ესერა, ღრუბელი ნათლისაჲ ჰფარვიდა მათ, და ჴმაჲ იყო ღრუბლით გამო და თქუა: ესე არს ძჱ ჩემი საყუარელი, რომელი მე სათნო-ვიყავ. მაგისი ისმინეთ!

Verse: 5V    ჴმაჲ ] ჴმა RP


Verse: 6  Link to ntkpl   ესმა რაჲ ესე მოწაფეთა, დავარდეს პირსა ზედა მათსა და შეეშინა ფრიად.

Verse: 6V    და შეეშინა ფრიად ] -- F


Verse: 7  Link to ntkpl   მოვიდა იესუ, შეახო მათ ჴელი და ჰრქუა: აღდეგით, ნუ გეშინინ!

Verse: 7V    მოვიდა ] მოუჴდა RP;


Verse: 8  Link to ntkpl   და აღიხილნეს თუალნი მათნი და არა ვინ იხილეს, გარნა იესუ ხოლო.

Verse: 8V    ხოლო იესუ ] ხოლო იესუ P


Verse: 9  Link to ntkpl   და გარდამო-რაჲ-ვიდოდეს იგინი მიერ მთით, ამცნო მათ იესუ და ჰრქუა: ნუ ვის უთხრობთ ხილვასა ამას, ვიდრემდე ძჱ კაცისაჲ მკუდრეთით აღდგეს.

Verse: 9V    ძჱ ] ძე FG


Verse: 10  Link to ntkpl   და ჰკითხვიდეს მას მოწაფენი და ეტყოდეს: ვითარ იტყჳან მწიგნობარნი იგი, ვითარმედ ელიაჲსი ჯერ-არს პირველად მოსლვაჲ?

Verse: 10V    ელიაჲსი ] ელიაისი F


Verse: 11  Link to ntkpl   ხოლო იესუ მიუგო და ჰრქუა მათ: ელია მოვიდეს და კუალად აგოს ყოველი.


Verse: 12  Link to ntkpl   ხოლო გეტყჳ თქუენ: რამეთუ ელია აწვე მოვიდა, და არა იცნეს იგი, არამედ უყვეს მას, რაოდენი უნდა. და ეგრეცა ჯერ-არს ძისა კაცისაჲ ვნებად მათგან.

Verse: 12V    თქუენ ] შენ P; რაოდენი ] რავდენი FG; და (2) ] -- RPF; კაცისაჲ ] კაცისა RP; ვნებად ] ვნებაჲ RP


Verse: 13  Link to ntkpl   მაშინ გულისხმა-ყვეს მოწაფეთა, რამეთუ იოვანე ნათლისმცემელისათჳს ჰრქუა მათ.

Verse: 13V    გულისხმა- ] გულისჴმა- F; იოვანე ] იოვანჱს G; იოვანეს ] იოჰანეს RP


Verse: 14  Link to ntkpl   და ვითარცა მოვიდეს იგინი ერისა მის, მოვიდა მისა კაცი ერთი და მუჴლნი დაიდგნა მის წინაშე და ეტყოდა:

Verse: 14V    მოვედეს ] მოვედის R; მოვიდა ] მოუჴდა RP; მისა ] მას RP; და (2) ] -- RP


Verse: 15  Link to ntkpl   უფალო, შეიწყალე ძჱ ჩემი, რამეთუ ცისად-ცისად ბოროტად იგუემების, რამეთუ მრავალგზის შთავარდის იგი ცეცხლსა და მრავალგზის -- წყალსა.

Verse: 15V    შეიწყალე ] შემიწყალე F; შეიწყალე ] შეიწყალჱ G; ძე ] ძე F; ბოროტად იგუემების ] იგუემების ბოროტად F; იგი ] იგი -- F.


Verse: 16  Link to ntkpl   და მოვჰგუარე იგი მოწაფეთა შენთა, და ვერ შეუძლეს განკურნებად მისა.


Verse: 17  Link to ntkpl   მიუგო იესუ და ჰრქუა მას: ჵ, ნათესავი ურწმუნოჲ და გულარძნილი! ვიდრემდე ვიყო თქუენ თანა, ვიდრემდე თავს-ვიდებდე თქუენსა, მომგუარეთ მე იგი აქა!

Verse: 17V    მიუგო ] და მიუგო F; ვიყო თქუენ თანა ] თქუენ თანა ვიყო RPG; მომგუარეთ ] მომგუარე P


Verse: 18  Link to ntkpl   და ვითარცა მოჰგუარეს, შეჰრისხნა მას იესუ, და განვიდა მისგან ეშმაკი იგი. და განიკურნა ყრმაჲ იგი მიერ ჟამითგან.


Verse: 19  Link to ntkpl   მაშინ მოვიდეს მოწაფენი თჳსაგან და ჰრქუეს იესუს: რაჲსათჳს ჩუენ ვერ შეუძლეთ განძებად მას?

Verse: 19V    მოვიდეს ] მოუჴდეს RP; იესუს ] -- RP; განძებად ] განკურნებად ] G


Verse: 20  Link to ntkpl   ხოლო თავადმან ჰრქუა მათ: მცირედმორწმუნეობითა თქუენითა. ამენ გეტყჳ თქუენ: უკუეთუ გაქუნდეს სარწმუნოებაჲ, ვითარცა მარცუალი მდოგჳსაჲ, ჰრქუათ მთასა ამას: მიიცვალე ამიერ იქი! -- და მიიცვალოს, და არარაჲ შეუძლებელ არს თქუენ მიერ.

Verse: 20V    სარწმუნოება ] სარწმუნოებაი R; არა ] არაჲ RG (R-ში გვიანდელი ხელით


Verse: 21  Link to ntkpl   ხოლო ესე ნათესავი არა განვალს, გარნა ლოცვითა და მარხვითა.

Verse: 21V    ხოლო ... მარხვითა ] -- RP


Verse: 22  Link to ntkpl   და ვითარ იქცეოდეს იგინი გალილეას, ჰრქუა მათ იესუ, ვითარმედ: ჯერ-არს ძჱ კაცისაჲ მიცემად ჴელთა კაცთასა,

Verse: 22V    ძჱ ] ძე F


Verse: 23  Link to ntkpl   და მოკლან იგი, და მესამესა დღესა აღდგეს. ხოლო იგინი შეწუხნეს ფრიად.

Verse: 23V    შეწუხნეს ] შეწოხნეს P; შეწუხნეს ] შეწუწხნეს R;


Verse: 24  Link to ntkpl   და ვითარცა მოვიდეს იგინი კაფარნაუმდ, მოვიდეს მისა, რომელნი-იგი დიდრაქმასა შეჰკრებდეს, და ჰრქუეს პეტრეს: მოძღუარმან თქუენმან არა მოგუცესა დიდრაქმაჲ?

Verse: 24V    მოვიდეს ] მოვიდე R; კაფარნაუმდ ] კაფარნაომდ G; მოვიდეს მისა ] მოუჴდეს მას ] RP; დიდრაქმასა ] დრაქმასა F; დრაქმასა ] ხარკსა RP; მოგუცესა ] მოგუცეს F; დიდრაქმაჲ ] ხარკი RP


Verse: 25  Link to ntkpl   ხოლო მან ჰრქუა: ჰე. და ვითარცა შევიდეს იგინი სახედ, უსწრო იესუ და ჰრქუა პეტრეს: რასა ჰგონებ შენ, სიმონ: მეფენი ქუეყანისანი ვიეთგან მიიღებენ ხარკსა ანუ ზუერსა, შვილთაგან ანუ უცხოთაგან?

Verse: 25V    ჰე ] ჰჱ G; სახედ ] სახიდ RPG; მეფენი ] მეფენ R;


Verse: 26  Link to ntkpl   ჰრქუა მას პეტრე: უცხოთაგან. მოუგო და ჰრქუა მას იესუ: აწ უკუე თავისუფალ სამე არიან შვილნი.

Verse: 26V    მოუგო ] მოუგო -- RP;


Verse: 27  Link to ntkpl   ხოლო რაჲთა არა დავაბრკოლნეთ იგინი, წარვედ ზღუად და შთააგდე სამჭედური, და, რომელი პირველად აღმოჴდეს თევზი, მოიღე და აღუღე პირი მისი და ჰპოვო მას შინა სასწორი, მოიღე იგი და მიეც მათ შენთჳს და ჩემთჳს.

Verse: 27V    აღუღე ] აღოღე G; და (4) ] -- G; ჰპოვო ] ჰპოო FG; სასწორი ] სასწური F; სასწორი ] + და F






Next part


This text is part of the TITUS edition of Tetraevangelium (redactio praeathonensis).

Copyright TITUS Project, Frankfurt a/M, 15.2.2022. No parts of this document may be republished in any form without prior permission by the copyright holder.