TITUS
Tetraevangelium (redactio praeathonensis)
Part No. 16
Previous part

Chapter: 16 


Verse: 1  Link to ntkpl   და მოუჴდეს მას ფარისეველნი და სადუკეველნი, გამოსცდიდეს მას, რაჲთა სასწაული ზეცით უჩუენოს მათ.

Verse: 1V    სადუკეველნი ] სადოკეველნი F; სადოკეველნი ] + და P; გამოსცდიდეს ] გამოჰცდიდეს RP


Verse: 2  Link to ntkpl   ხოლო თავადმან მიუგო და ჰრქუა მათ: შე-რაჲ-მწუხრდის, სთქჳთ: ყუდრო იყოს, რამეთუ წითს ცაჲ.

Verse: 2V    ყუდრო ] მყუდრო F; სთქჳთ ] სთქუთ FG; წითს ] წითნს P; წითს ] წთს R


Verse: 3  Link to ntkpl   და განთიად სთქჳთ: ზამთარი იყოს, რამეთუ კსინავს მწუხარედ ცაჲ. ორგულნო, პირი სამე ცისაჲ იცით ცნობად, ხოლო სასწაულნი ჟამთანი ვერ ძალ-გიც გულისხმის-ყოფად.

Verse: 3V    სთქჳთ ] სთქუთ G; სთქჳთ ] -- F; გულისხმის- ] გულისჴმის- F


Verse: 4  Link to ntkpl   ნათესავი ბოროტი და მემრუშჱ სასწაულსა ეძიებს, და სასწაული არა ეცეს მას, გარნა სასწაული იონა წინაწარმეტყუელისაჲ. და დაუტევნა იგინი და წარვიდა.

Verse: 4V    მემრუშჱ ] მემრუშე FG.


Verse: 5  Link to ntkpl   და მოვიდეს მოწაფენი მისნი მიერ წიაღ და დაავიწყდა პური მიღებად.


Verse: 6  Link to ntkpl   ხოლო იესუ ჰრქუა მათ: იხილეთ და ეკრძალენით ცომისაგან ფარისეველთაჲსა და სადუკეველთაჲსა.

Verse: 6V    სადუკეველთაჲსა ] სადოკეველთაჲსა F


Verse: 7  Link to ntkpl   ხოლო იგინი განიზრახვიდეს გულსა თჳსსა და იტყოდეს, ვითარმედ: პური არა მოვიღეთ.


Verse: 8  Link to ntkpl    გულისხმა-ყო იესუ და ჰრქუა მათ: რაჲსა ჰზრახავთ გულთა თქუენთა, მცირედმორწმუნენო, რამეთუ პური არა გაქუს?

Verse: 8V    გულისხმა- ] გულისჴმა- F; ჰზრახავთ ] ზრახავთ FG


Verse: 9  Link to ntkpl   არღა გიცნობიეს, არცა მოიჴსენეთ ხუთთაჲ მათ პურთაჲ და ხუთათასთაჲ მათ, და რაოდენი გოდორი აღიღეთ?

Verse: 9V    არღა ] არა RP; ხუთთაჲ ] ხუთთა F; რაოდენი ] რავდენი FG; აღიღეთ ] აღიღით RP


Verse: 10  Link to ntkpl   არცა შჳდთაჲ მათ პურთაჲ და ოთხათასთაჲ მათ, და რაოდენი სფჳრიდი აღიღეთ?

Verse: 10V    რაოდენი ] რავდენი FG; სფჳრიდი ] ფსჳრიდი RP; სფჳრიდი ] სფურიდი G


Verse: 11  Link to ntkpl   ვითარ არა გიცნობიეს, რამეთუ არა პურისათჳს გარქუ თქუენ: ეკრძალენით ცომისაგან ფარისეველთაჲსა და სადუკეველთაჲსა, რომელ არს ორგულებაჲ?

Verse: 11V    ეკრძალენით ] ხ ეკრძალენით RPFG; სადუკეველთაჲსა ] სადოკეველთაჲსა F


Verse: 12  Link to ntkpl   მაშინ გულისხმა-ყვეს, რამეთუ არა ჰრქუა მათ კრძალვაჲ ცომისაგან, არამედ მოძღურებისაგან ფარისეველთაჲსა და სადუკეველთაჲსა.

Verse: 12V    გულისხმა- ] გულისჴმა- F; კრძალვაჲ ] კრძალვა F; მოძღურებისაგან ] მოძღორებისაგან G; სადუკეველთაჲსა ] სადოკეველთაჲსა F


Verse: 13  Link to ntkpl   მო-რაჲ-ვიდა იესუ ადგილთა მათ კესარია-ფილიპჱსათა, ჰკითხვიდა მოწაფეთა თჳსთა და ჰრქუა: რაჲ თქჳან ჩემთჳს კაცთა? ძისა კაცისა ყოფად?

Verse: 13V    -ფილიპჱსთა ] -ფილიპესთა FG; ყოფად ] ყოფაჲ F.


Verse: 14  Link to ntkpl   ხოლო მათ ჰრქუეს: რომელთამე: იოვანე ნათლისმცემელი, -- რომელთამე: ელია, -- და სხუათა: იერემია, გინა ერთი წინაწარმეტყუელთაგანი.

Verse: 14V    იოვანე ] იოვანჱ G; იოვანე ] იოჰანე RP.


Verse: 15  Link to ntkpl   ხოლო მან ჰრქუა მათ: თქუენ ვინ გგონიე მე?


Verse: 16  Link to ntkpl   მიუგო სიმონ-პეტრე და ჰრქუა მას: შენ ხარ ქრისტჱ, ძჱ ღმრთისა ცხოველისაჲ.

Verse: 16V    ქრისტჱ ] ქრისტე G; ძჱ ] ძე F; ღმრთისა ] ღმრთისაჲ R


Verse: 17  Link to ntkpl   მიუგო იესუ და ჰრქუა მას: ნეტარ ხარ შენ, სიმონ, ბარ იონაჲსო, რამეთუ ჴორცთა და სისხლთა არა გამოგიცხადეს, არამედ მამამან ჩემმან ზეცათამან.

Verse: 17V    იონაჲსო ] იონა RP; გამოგიცხადეს ] + შენ RP; ზეცათამან ] ზეცათათამან R.


Verse: 18  Link to ntkpl   ხოლო მე გეტყჳ შენ: რამეთუ შენ ხარ კლდჱ და ამას კლდესა ზედა აღვაშჱნო ეკლესიაჲ ჩემი, და ბჭენი ჯოჯოხეთისანი ვერ ერეოდიან მას.

Verse: 18V    კლდჱ ] კლდე FG; აღვაშჱნო ] აღვაშენო FG.


Verse: 19  Link to ntkpl   და მიგცნე შენ კლიტენი სასუფეველისა ცათაჲსანი; და რომელი შეჰკრა ქუეყანასა ზედა, კრულ იყოს იგი ცათა შინა; და რომელი განჰჴსნე ქუეყანასა ზედა, ჴსნილ იყოს იგი ცათა შინა.


Verse: 20  Link to ntkpl   მაშინ ამცნო მოწაფეთა თჳსთა, რაჲთა არავის უთხრან, ვითარმედ იგი არს ქრისტჱ.

Verse: 20V    უთხრან ] უთხარ R


Verse: 21  Link to ntkpl   მიერითგან იწყო იესუ უწყებად მოწაფეთა თჳსთა, ვითარმედ: ჯერ-არს მისა იერუსალჱმდ აღსლვაჲ და ფრიად ვნებაჲ მღდელთ-მოძღუართაგან და მწიგნობართა და მოხუცებულთა ერისათა, მოკლვად და მესამესა დღესა აღდგომად.

Verse: 21V    მისა ] მისი G.


Verse: 22  Link to ntkpl   და მოუჴდა მას პეტრე და იწყო ბრალობად მისა და ჰრქუა: შენდობა იყავნ შენდა, უფალო, არა იყოს ეგრე.

Verse: 22V    ჰრქუა ] თქუა F; შენდობა ] შენდობაჲ F;


Verse: 23  Link to ntkpl   ხოლო თავადი მიექცა პეტრეს და ჰრქუა: წარვედ ჩემგან, სატანა, საცთურ ჩემდა ხარ, რამეთუ არა ჰზრახავ ღმრთისასა, არამედ კაცთასა.

Verse: 23V    ჰზრახავ ] ზრახავ FG; ჰზრახავ ] + შენ RP;


Verse: 24  Link to ntkpl   მაშინ ჰრქუა იესუ მოწაფეთა თჳსთა: რომელსა უნებს შედგომად ჩემდა და მოსლვად, უვარ-ყავნ თავი თჳსი და აღიღენ ჯუარი თჳსი და შემომიდეგინ მე.

Verse: 24V    შედგომად ] შემოდგომად F; უვარ- ] უარ- F; და (2) ] -- F.


Verse: 25  Link to ntkpl   უკუეთუ ვისმე უნდეს თავი თჳსი განრინებად, წარიწყმიდოს იგი; და რომელმან წარიწყმიდოს თავი თჳსი ჩემთჳს, მან პოვოს იგი.

Verse: 25V    მან ] ამან RP; პოვოს ] პოოს RP


Verse: 26  Link to ntkpl   რაჲ სარგებელ ეყოს კაცსა, უკუეთუ სოფელი ყოველი შეიძინოს და სული თჳსი იზღვიოს? ანუ რაჲ მისცეს კაცმან ნაცვალად სულისა თჳსისა?

Verse: 26V    ყოველი ] -- RPF.


Verse: 27  Link to ntkpl   რამეთუ მოსლვად არს ძჱ კაცისაჲ დიდებითა მამისა თჳსისაჲთა და ანგელოზთა მისთა თანა, და მაშინ მიაგოს კაცად-კაცადსა საქმეთა მათთაებრ.

Verse: 27V    ძჱ ] ძე F; და (1) ] და -- RP; მათთაებრ ] მათაებრ F.


Verse: 28  Link to ntkpl   ამენ გეტყჳ თქუენ, რამეთუ: არიან ვინმე აქა მდგომარეთაგანნი, რომელთა არა იხილონ გემოჲ სიკუდილისაჲ, ვიდრემდე იხილონ ძჱ კაცისაჲ, მომავალი სუფევითა თჳსითა.

Verse: 28V    რამეთუ ] -- F; ძჱ ] ძე F



Next part


This text is part of the TITUS edition of Tetraevangelium (redactio praeathonensis).

Copyright TITUS Project, Frankfurt a/M, 15.2.2022. No parts of this document may be republished in any form without prior permission by the copyright holder.