TITUS
Tetraevangelium (redactio praeathonensis)
Part No. 13
Previous part

Chapter: 13 


Verse: 1  Link to ntkpl   მას დღესა შინა გამოვიდა იესუ სახლისა მისგან და დაჯდა იგი ზღჳსკიდესა.

Verse: 1V    იგი ] -- RP.


Verse: 2  Link to ntkpl   და შეკრბა მისა ერი მრავალი, ვიდრე შესლვადმდე მისა ნავად და დაჯდომად. და ყოველი იგი ერი ზღჳსკიდესა დგა.

Verse: 2V    ვიდრე შესლვადმდე ] ვიდრემდე შესლვად RP; და (2) ] -- PG; დაჯდომად ] -- G.


Verse: 3  Link to ntkpl   და ეტყოდა მათ მრავალსა იგავით და ჰრქუა: ესერა, გამოვიდა მთესვარი თესვად,

Verse: 3V    მათ ] მას F; ჰრქუა ] თქუა G;


Verse: 4  Link to ntkpl   და თესვასა მას მისსა რომელიმე დავარდა გზასა ზედა და მოვიდეს მფრინველნი ცისანი და შეჭამეს იგი.

Verse: 4V    მისსა ] მისა G; ცისანი ] -- R


Verse: 5  Link to ntkpl   და სხუაჲ დავარდა კლდოვანსა ზედა, სადა არა იყო მიწაჲ ფრიად; და მეყსეულად აღმოსცენდა, და რამეთუ არა იყო სიღრმჱ მიწისაჲ,

Verse: 5V    კლდოვანსა ] კლდოანსა F; კლდოვანსა ] კლდესა G; და (3) ] -- RP; სიღრმჱ ] სიღრმე FG.


Verse: 6  Link to ntkpl   მზჱ აღმოჰჴდა, და დაცხა, და, რამეთუ ძირნი არა დაებნეს, განჴმა.

Verse: 6V    აღმოჰჴდა ] აღმოჴდა F; და (1) ] -- RP; დაცხა ] დასცხა RP; და (2) ] -- G; დაებნეს ] + და G.


Verse: 7  Link to ntkpl   და სხუაჲ იგი დავარდა ეკალთა შორის, და აღმოსცენდეს ეკალნი და შეაშთვეს იგი.

Verse: 7V    აღმოსცენდეს ] აღმოჰსცენდეს RP; შეაშთვეს ] შეაშდვეს RP.


Verse: 8  Link to ntkpl   და რომელიმე დავარდა ქუეყანასა კეთილსა და მოსცემდა ნაყოფსა: რომელიმე ასსა, და რომელიმე სამეოცსა და რომელიმე ოცდაათსა.

Verse: 8V    მოსცემდა ] მოჰსცემდა RP; ნაყოფსა ] + და G; ასსა ] + და G; სამეოცსა ] ორმეოცსა G


Verse: 9  Link to ntkpl   რომელსა ასხენ ყურნი სმენად, ისმინენ!


Verse: 10  Link to ntkpl   და მოუჴდეს მოწაფენი მისნი და ჰრქუეს მას: რაჲსათჳს იგავით ეტყჳ მათ?

Verse: 10V    მას ] -- G.


Verse: 11  Link to ntkpl   ხოლო იესუ ჰრქუა მათ: თქუენდა მოცემულ არს ცნობად საიდუმლოჲ სასუფეველისა ცათაჲსაჲ, ხოლო მათდა არა მიცემულ არს.

Verse: 11V    მათ ] + რამეთუ RP; ცათაჲსაჲ ] ცათაჲსა RPG


Verse: 12  Link to ntkpl   რამეთუ რომელსა აქუნდეს, მიეცეს, და რომელსა არა აქუნდეს, და რომელღა-იგი აქუნდეს, მო-ვე-ეღოს მას.

Verse: 12V    რამეთუ ] -- G; მიეცეს ] + მას RP; აქუნდეს (1) ] აქუს RP; და ] -- F; აქუნდეს (2) ] აქუს RP; მო-ვე-ეღოს ] მოეღოს R.


Verse: 13  Link to ntkpl   ამისთჳს იგავით ვეტყჳ მათ, რამეთუ ჰხედვენ, და არა ჰხედვენ, და ესმის, და არა ესმის, არცა გულისხმა-ყვიან.

Verse: 13V    ჰხედვენ (1) ] ხედვენ FG; ჰხედვენ (2) ] ხედვენ FG; არცა ] არცაღა G; გულისხმა- ] გულისჴმა- F.


Verse: 14  Link to ntkpl   და აღესრულების მათ ზედა წინაწარმეტყუელებაჲ იგი ესაია წინაწარმეტყუელისაჲ: სმენით გესმოდის და არა გულისხმა-ჰყოთ, ხედვით ჰხედვიდეთ და არა იხილოთ.

Verse: 14V    ესაია ] ესაჲაჲსი G; წინაწარმეტყუელისაჲ ] -- G; გულისხმა-ჰყოთ ] გულისჴმა-ჰყოთ F; გულისხმა-ჰყოთ ] გულისჴმა-ჰყოთ+ და RP; ჰხედვიდეთ ] ხედვიდეთ FG; არა ] ვერ ] F.


Verse: 15  Link to ntkpl   რამეთუ განზრქნა გული ერისაჲ ამის, და ყურითა მძიმედ ისმენდეს, და თუალნი მათნი დაიწუხნეს, ნუუკუე იხილონ თუალითა და ყურითა ისმინონ და გულითა გულისხმა-ყონ და მოიქცენ, და განვკურნნე იგინი.

Verse: 15V    განზრქნა ] განზრქა G; ერისაჲ ] ერისა G; ამის ] მის F; ისმენდეს ] ისმინეს RP; დაიწუხნეს ] დაიჭუხნეს F; გულისხმა- ] გულისჴმა- F; და ] -- F; განვკურნნე ] განვკურნე F.


Verse: 16  Link to ntkpl   ხოლო თუალნი თქუენნი ნეტარ არიან, რამეთუ ჰხედვენ, და ყურნი თქუენნი, რამეთუ ესმის.

Verse: 16Ⴅ    ჰხედვენ ] ხედვენ FG; ყურნი ] ყორნი F.


Verse: 17  Link to ntkpl   ამენ გეტყჳ თქუენ: რამეთუ მრავალთა წინაწარმეტყუელთა და მართალთა გული ეტყოდა ხილვად, რომელსა თქუენ ჰხედავთ, და არა იხილეს, და სმენად, რომელი თქუენ გესმის, და არა ესმა.

Verse: 17V    თქუენ ] -- RP; ჰხედავთ ] ხედავთ FG; თქუენ ] -- RP;


Verse: 18  Link to ntkpl   ხოლო თქუენ ისმინეთ იგავი ესე მთესვარისაჲ.


Verse: 19  Link to ntkpl   ყოველსა რომელსა ესმეს სიტყუაჲ სასუფეველისაჲ და არა გულისხმა-ყოს, მოვიდის უკეთური იგი და მისტაცის თესლი იგი გულისაგან მისისა: ესე არს, რომელი-იგი გზასა ზედა დაეთესა.

Verse: 19V    ესმეს ] ესმის F; სასუფეველისაჲ ] საუფეველისაჲ P; გულისხმა- ] გულისჴმა- F; მოვიდის ] მოვიდეს G; თესლი იგი ] დათესული RP;


Verse: 20  Link to ntkpl   ხოლო რომელი-იგი კლდოვანსა ზედა დაეთესა, ესე არს: რომელმან სიტყუაჲ იგი ისმინის და მეყსეულად სიხარულით გულსა თჳსსა მიიღის იგი.

Verse: 20V    რომელი ] რომელ-იგი RP; კლდოვანსა ] კლდოანსა F; ზედა ] -- RP;


Verse: 21  Link to ntkpl   ხოლო ძირი არა აქუნ გულსა თჳსსა, არამედ საწუთრო არნ. და რაჟამს არნ ჭირი ანუ დევნაჲ სიტყჳსა მისთჳს, მეყსეულად დაბრკოლდიან.

Verse: 21V    საწუთრო ] საწუთროსა FG; ანუ ] ანო F;


Verse: 22  Link to ntkpl   ხოლო რომელი-იგი ეკალთა შორის დაეთესა, ესე არს: რომელმან სიტყუაჲ იგი ისმინის, და ზრუნვამან ამის სოფლისამან და საცთურმან სიმდიდრისამან შეაშთვის სიტყუაჲ იგი, და უნაყოფო იქმნის.

Verse: 22V    რომელი-იგი ] რომელ-იგი RP; შეაშთვის ] შეაშდვის RP.


Verse: 23  Link to ntkpl   ხოლო რომელ-იგი კეთილსა ქუეყანასა დაეთესა, ესე არს: რომელმან სიტყუაჲ იგი ისმინა, და გულისხმა-ყო, რომელმან გამოიღო ნაყოფი და ყო რომელმანმე ასი, რომელმანმე სამეოცი და რომელმანმე ოცდაათი.

Verse: 23V    კეთილსა ქუეყანასა ] ქუეყანასა კეთილსა RPG; ისმინა ] ისმინის RP; გულისხმა- ] გულისჴმა- F; და (3) ] -- RPF.


Verse: 24  Link to ntkpl   სხუაჲ იგავი დაუდგა მათ და ჰრქუა: ემსგავსა სასუფეველი ღმრთისაჲ კაცსა, რომელმან დასთესა თესლი კეთილი აგარაკსა თჳსსა.


Verse: 25  Link to ntkpl   და ვითარცა დაიძინეს კაცთა მათ, მოვიდა მტერი მისი და დასთესა ღუარძლი შორის იფქლსა მას და წარვიდა.

Verse: 25V    მათ ] -- RP; მას ] -- F.


Verse: 26  Link to ntkpl   ოდეს აღმოსცენდა ჯეჯლი იგი და ნაყოფი გამოიღო, მაშინ გამოჩნდა ღუარძლი იგი.

Verse: 26V    აღმოსცენდა ] აღმოჰსცენდა RP;


Verse: 27  Link to ntkpl   მოვიდეს მონანი იგი და უთხრეს სახლისა უფალსა მას და ჰრქუეს: უფალო, ანუ არა თესლი კეთილი დასთესეა აგარაკსა შენსა? ვინაჲ აღმოჴდა ღუარძლი?

Verse: 27V    უთხრეს ] ჰრქუეს RP; და ჰრქუეს ] -- RP; დასთესეა ] დაჰთესე RP (R-ში გვიანდელი ხელით); დასთესეა ] დასთესე G; შენსა ] შინა F.


Verse: 28  Link to ntkpl   ხოლო მან ჰრქუა: მტერმან კაცმან ყო ეგე. ხოლო მონათა მათ ჰრქუეს მას: გნებავსა, რაჲთა მივიდეთ და გამოვარჩიოთ იგი?

Verse: 28V    ჰრქუა ] თქუა RP; მათ ] -- G.


Verse: 29  Link to ntkpl   ხოლო მან ჰრქუა მათ: ნუუკუე შეკრებასა ღუარძლისასა აღმოჰფხურეთ მის თანა იფქლიცა.


Verse: 30  Link to ntkpl   აცადეთ იგი თანააღორძინებად ურთიერთას, ვიდრე ჟამადმდე მკისა, და ჟამსა მკისასა უბრძანო მომკალთა მათ: შეკრიბეთ პირველად ღუარძლი იგი და შეკართ იგი ძნეულად, რაჲთა დაიწუეს იგი, ხოლო იფქლი იგი შეკრიბეთ საუნჯესა ჩემსა.

Verse: 30V    ურთიერთას ] ურთიერთარს F; ჟამადმდე ] ჟამამდე FG; ჟამსა ] + მას RP; დაიწუეს ] დაიწუას RP.


Verse: 31  Link to ntkpl   სხუასა იგავსა ეტყოდა მათ და ჰრქუა: მსგავს არს სასუფეველი ცათაჲ მარცუალსა მდოგჳსასა, რომელი მოიღო კაცმან და დასთესა თჳსსა მტილსა,

Verse: 31V    მდოგჳსასა ] მდოგჳსსა F; რომელი ] რომელ RPG; და (2) ] -- F; თჳსსა ] თჳსა F.


Verse: 32  Link to ntkpl   რომელი უმცირჱს არს ყოველთა თესლთა, ხოლო რაჟამს აღორძნდის, უფროჲს ყოველთა მხალთა არნ იგი, და იქმნის იგი ხე დიდ, ვითარმედ მოვიდიან მფრინველნი ცისანი და დაადგრიან რტოთა მისთა.

Verse: 32V    უმცირჱს ] უმცირეს FG; უფროჲს ] ოფროჲს P; იგი ] -- R-ში გვიანდელი ხელით; ხე ] ხჱ PG; დაადგრიან ] დადგრიან F.


Verse: 33  Link to ntkpl   მერმე სხუასა იგავსა ეტყოდა მათ და ჰრქუა: მსგავს სასუფეველი ცათაჲ ცომსა, რომელი მოიღო დედაკაცმან და შეჰრთო იგი ფქვილსა სამსა საწყაულსა, ვიდრემდე აღაფუვნა იგი ყოვლად.

Verse: 33V    იგი ] -- RP.


Verse: 34  Link to ntkpl   ამას ყოველსა ეტყოდა იესუ იგავით ერსა მას და თჳნიერ იგავისა არას ეტყოდა მათ,

Verse: 34V    არას ] არარას G.


Verse: 35  Link to ntkpl   რაჲთა აღესრულოს სიტყუაჲ იგი იგი წინაწარმეტყუელისა თქუმული: აღვაღო იგავით პირი ჩემი და ვიტყოდი იგავთა დასაბამითგან სოფლისაჲთ.

Verse: 35V    დასაბამითგან ] დასამითგან P.


Verse: 36  Link to ntkpl   მაშინ დაუტევა იესუ ერი იგი და მოვიდა სახლსა. და მოუჴდეს მას მოწაფენი მისნი და ჰრქუეს: მითხარ ჩუენ იგავი იგი ღუარძლისაჲ მის და აგარაკისაჲ.

Verse: 36V    იგი (2) ] -- RP (R-ში გვიანდელი ხელით


Verse: 37  Link to ntkpl   ხოლო თავადმან მიუგო და ჰრქუა მათ: რომელი სთესავს თესლსა კეთილსა, ძჱ კაცისაჲ არს;

Verse: 37V    ძჱ ] ძე F.


Verse: 38  Link to ntkpl   ხოლო აგარაკი იგი ესე სოფელი არს; ხოლო თესლნი იგი კეთილნი ესე არიან ძენი სასუფეველისანი, და ღუარძლი იგი არიან ძენი უკეთურისანი.

Verse: 38V    ძენი ] ძჱნი G; იგი (3) ] + იგი G; უკეთურისანი ] უკეთურებისანი F.


Verse: 39  Link to ntkpl   ხოლო მტერი იგი, რომელმან დასთესა იგი, ეშმაკი არს; და მკაჲ იგი არს აღსასრული ამის სოფლისაჲ; და მომკალნი იგი არიან ანგელოზნი.

Verse: 39V    ეშმაკი ] ეშმკი RF;


Verse: 40  Link to ntkpl   ვითარცა-იგი შეკრიბიან ღუარძლი და ცეცხლითა დაწჳან, ეგრეთ იყოს აღსასრული ამის სოფლისაჲ.

Verse: 40V    ცეცხლითა ] ცეცხლისა G; ეგრეთ ] ეგრე RPG.


Verse: 41  Link to ntkpl   რამეთუ მოავლინნეს ძემან კაცისამან ანგელოზნი თჳსნი, და შეკრიბნეს სუფევისაგან მისისა ყოველნი საცთურნი და მოქმედნი უშჯულოებისანი

Verse: 41V    შეკრიბნეს ] შეკრიბნნეს G; სუფევისაგან ] სოფევისაგან P;


Verse: 42  Link to ntkpl   და შესთხინნენ იგინი საჴუმილსა მას ცეცხლისასა. მუნ იყოს ტირილი და ღრჭენაჲ კბილთაჲ.

Verse: 42V    შესთხინნენ ] შთასთხივნენ G; შესთხინნეს ] შთასთხინეს F; შესთხინნენ ] შესთხინნეს R; ცეცხლისასა ] ცეცხლისასა F-ში გვიანდელი ხელით აშიაზე; ტირილი ] ტირი F.


Verse: 43  Link to ntkpl   მაშინ მართალნი გამობრწყინდენ, ვითარცა მზჱ, სასუფეველსა ცათასა. რომელსა ასხენ ყურნი სმენად, ისმინენ!


Verse: 44  Link to ntkpl   კუალად მსგავს არს სასუფეველი ცათაჲ საუნჯესა დაფარულსა ყანასა შინა, რომელი პოვა კაცმან და დამალა და სიხარულითა მით მისთჳს წარვიდა და განყიდა ყოველი, რაჲცა აქუნდა, და მოიყიდა აგარაკი იგი.

Verse: 44V    ყანასა ] ყანა F; მით ] -- F.


Verse: 45  Link to ntkpl   მერმე მსგავს არს სასუფეველი ცათაჲ კაცსა ვაჭარსა, რომელი ეძიებნ კეთილსა მარგალიტსა.


Verse: 46  Link to ntkpl   და პოვის რაჲ ერთი მარგალიტი მრავალსასყიდლისაჲ, წარვიდა და განყიდა ყოველივე, რაჲცა ედვა, და მოიყიდა იგი.

Verse: 46V    მრავალსასყიდლისაჲ ] მრავალისა სასყიდლისაჲ PR; ყოველივე ] ყოველივე F-ში ვე გვიანდელი ხელით.


Verse: 47  Link to ntkpl   მერმე მსგავს არს სასუფეველი ცათაჲ სათრომელსა ბადესა, რომელი სდვიან ზღუასა, რომელმან ყოველთაგან თევზთა შეიკრიბის.

Verse: 47V    შეიკრიბის ] შეკრიბის RP;


Verse: 48  Link to ntkpl   და ოდეს აღივსის, გამოიღიან იგი და ზღჳსკიდესა დაასხიან და შეკრიბიან კეთილი იგი ჭურჭელსა, ხოლო ჯერკუალი იგი გარეგანსთხიიან.

Verse: 48V    და (2) ] -- RP; დაასხიან ] დასხნიან R; დაასხნიან ] დასხდიან P; გარეგანსთხიიან ] გარეგანსთხიან F.


Verse: 49  Link to ntkpl   ესრჱთ იყოს აღსასრული ამის სოფლისაჲ: რამეთუ გამოვიდენ ანგელოზნი და განაშოვრნენ უკეთურნი იგი შორის მართალთა

Verse: 49V    ესრჱთ ] ესრეთ FG; განაშოვრნენ ] განაშორნენ FG; იგი ] -- F.


Verse: 50  Link to ntkpl   და შთასთხინენ იგინი შორის საჴუმილსა მას ცეცხლისასა, მუნ იყოს ტირილი და ღრჭენაჲ კბილთაჲ.

Verse: 50V    შთასთხინენ ] შთასთხიონ RP; იგინი ] იგი RP; იგინი ] -- F; საჴუმილსა ] საჴმილსა G


Verse: 51  Link to ntkpl   ჰრქუა იესუ მოწაფეთა თჳსთა: გულისხმა-ჰყავთა ესე ყოველი? ხოლო მათ ჰრქუეს მას: ჰე, უფალო.

Verse: 51V    გულისხმა-ჰყავთა ] გულისჴმა-ჰყავთ F; გულისხმა-ჰყავთა ] გულისხმა-ჰყავთა G; მას ] -- F.


Verse: 52  Link to ntkpl   და ჰრქუა მათ: ამისთჳს ყოველი მწიგნობარი, რომელი მოწაფე ყოფილ არნ სასუფეველსა ცათასა, მსგავს არს იგი კაცსა, სახლისა უფალსა, რომელმან გამოიღის საუნჯისაგან თჳსისა ძუელი და ახალი.

Verse: 52V    მოწაფე ] მოწაფჱ G; არნ ] არს FG;


Verse: 53  Link to ntkpl   და იყო, რაჟამს დაასრულნა იესუ იგავნი ესე, წარვიდა მიერ


Verse: 54  Link to ntkpl   და მოვიდა მამულად თჳსა და ასწავებდა მათ შესაკრებელთა შორის მათთა, ვითარმედ განუკჳრდებოდა მათ და იტყოდეს: ვინაჲ არს ამისა სიბრძნჱ ესე და ძალი?

Verse: 54V    არს ] + ესე RP; სიბრძნჱ ] სიბრძნე FG.


Verse: 55  Link to ntkpl   ანუ არა ესე არსა ხუროჲსა მის ძჱ? ანუ არა დედასა ამისსა ჰრქჳან მარიამ? და ძმანი მისნი: იაკობ და იოსებ და სიმონ და იუდა?

Verse: 55V    არსა ] არს G; ამისსა ] მისსა FG; ჰრქჳან ] ჰქჳან F; იოსებ ] იოსეფ RP.


Verse: 56  Link to ntkpl   და დანი მისნი არა ყოველნი ჩუენ შორის არიანა? ვინაჲ არს ამისა ესე ყოველი?

Verse: 56V    არა ყოველნი ] ყოველნი არა F; ვინაჲ ... მისთჳს ] -- RP.


Verse: 57  Link to ntkpl   და დაბრკოლდებოდეს მისთჳს. ხოლო იესუ ჰრქუა მათ: არა არს წინაწარმეტყუელი შეურაცხ, გარნა სოფელსა თჳსსა და სახლსა შინა თჳსსა.

Verse: 57V    თჳსსა ] თჳსა F


Verse: 58  Link to ntkpl   და არა ქმნნა მუნ ძალნი მრავალნი ურწმუნოებისა მათისათჳს.

Verse: 58V    ქმნნა ] ქმნა FG.



Next part


This text is part of the TITUS edition of Tetraevangelium (redactio praeathonensis).

Copyright TITUS Project, Frankfurt a/M, 15.2.2022. No parts of this document may be republished in any form without prior permission by the copyright holder.