TITUS
Tetraevangelium (e codicibus chanmetico et Adishi)
Part No. 11
Previous part

Chapter: 11 


Verse: 1  Link to ntkpl   და იყო, რაჟამს დაასრულა იესუ ბრძანებაჲ ესე ათორმეტთა მიმართ მოწაფეთა თჳსთა, წარიძრა მიერ სწავლად და ქადაგებად ქალაქებსა მათსა.


Verse: 2  Link to ntkpl   ხოლო იოჰანეს ესმა საპყრობილეს შინა საქმენი იგი ქრისტჱსნი, მიავლინნა * მოწაფენი მისნი

Verse: 2X    აქედან გრძელდება X. ^

Verse: 2V    მოწაფენი მისნი ] მოწაფეთაგანნი X.


Verse: 3  Link to ntkpl   და ჰრქუა მას: შენ ხარა მომავალი იგი ანუ სხუასა მოველოდით?

Verse: 3V    ხრქუა X; ხარ X.


Verse: 4  Link to ntkpl   მიუგო იესუ და ჰრქუა მათ: მივედით და უთხართ იოჰანეს, რომელ გესმის და ხედავთ:

Verse: 4V    მიხუგო X; ხრქუა X; ხხედავთ X.


Verse: 5  Link to ntkpl   ბრმანი აღიხილვენ, მკელობელნი ვლენან, განბოკლებულნი განწმიდნებიან, და ყრუთა ესმის, მკუდარნი აღდგებიან, და ჭირვეულთა ეხარების.

Verse: 5V    ხხედვენ X; განბოკრებულნი X; ყრუვთა X; ხესმის X; ხეხარების X.


Verse: 6  Link to ntkpl   და ნეტარ არს, რომელი არა სცთეს ჩემდა მომართ.

Verse: 6V    სცთეს ] დაპკოლდეს X.


Verse: 7  Link to ntkpl   ხოლო ესენი რაჲ წარვიდეს, იწყო იესუ სიტყუად იოჰანესთჳს: რაჲსა გამოხუედით უდაბნოდ ხილვად? ლერწმისა ქარისაგან რორინებულისა* ?

Verse: 7X    აქედან X სხვა რედაქციისაა. ^

Verse: 7V    სიტყჳად C; იოჰანჱსა მიმართ X; შერყეულისა ] რორინებულისა C.


Verse: 8  Link to ntkpl   არამედ რაჲსა გამოხუედით ხილვად? კაცისა, ჩჩჳლითა სამოსლითა შემკულისა? აჰა, ესერა, რომელნი ჩჩჳლითა მოსილ არიან, სახლთა შინა მეუფეთასა არიან.


Verse: 9  Link to ntkpl   არამედ რაჲსა გამოხუედით ხილვად? წინაჲსწარმეტყუელისა? ჰე, გეტყუ თქუენ, და უფროჲსღა წინაწარმეტყუელისა.

Verse: 9V    ჰჱ C.


Verse: 10  Link to ntkpl   რამეთუ ესე არს, რომლისათჳს-იგი წერილ არს: აჰა, წარვავლინებ ანგელოზსა ჩემსა წინაშე პირსა შენსა, და განმზადოს გზაჲ შენი წინაშე პირსა შენსა.


Verse: 11  Link to ntkpl   მართლიად გეტყჳ თქუენ: არა აღდგომილ არს შობილი დედათაგანი უფროჲს იოჰანესა ნათლისმცემელისა; ხოლო უმცირესი იგი სასუფეველსა მას შინა ცათასა უფროჲს მისა არს.

Verse: 11V    მარლიად C.


Verse: 12  Link to ntkpl   და დღეთა მათგან იოჰანეს ნათლისმცემელისათა მოაქამდე სასუფეველი ცათაჲ იიძულების, და მძლავრნი მიიტაცებენ მას.

Verse: 12V    ეიძულების C.


Verse: 13  Link to ntkpl   რამეთუ ყოველნი წინაწარმეტყუელნი და შჯული იოჰანჱსამდე წინაწარმეტყუელებდეს.

Verse: 13V    სშჯული C.


Verse: 14  Link to ntkpl   და თუ გნებავს შეწყნარებად, ეგე თავადი არს ელია, რომელ-იგი მოსლვად არს.

Verse: 14V    ჱელია C.


Verse: 15  Link to ntkpl   რომელსა ასხენ ყურნი სმენად, ესმოდენ!


Verse: 16  Link to ntkpl   რასამე ვამსგავსო ნათესავი ესე? მსგავს არს იგი ყრმათა, მსხდომარეთა შორის უბნებსა, რომელთა მოხადიან მოყუასთა მათთა


Verse: 17  Link to ntkpl   და ჰრქჳან: გისტჳნევდით, და არა ჰროკევდით; გიგოდებდით თქუენ, და არა ეტყებდით.

Verse: 17V    ჰრქუან C.


Verse: 18  Link to ntkpl   რამეთუ მოვიდა იოჰანე, არცა ჭამდა და არცა სუმიდა, და იტყჳან, ვითარმედ: ეშმაკეულ არს.

Verse: 18V    იოჰანჱ C.


Verse: 19  Link to ntkpl   მოვიდა ძჱ კაცისაჲ, ჭამდა და სუმიდა, და იტყჳან: აჰა, კაცი მჭამელი და ღჳნისა მსუმელი, მეზუერეთა მეგობარი და ცოდვილთაჲ! და განმართლდა სიბრძნე იგი ნაშობთაგან მისთა.

Verse: 19V    ძეჱ C; იტყუან C; მეზჳერეთა C.


Verse: 20  Link to ntkpl   მაშინ იწყო იესუ ყუედრებად ქალაქებისა მის, სადა-იგი იქმნეს უმრავლესნი ძალნი მისნი, რამეთუ არა შეინანეს:

Verse: 20V    ყჳედრებად C.


Verse: 21  Link to ntkpl   ვაჲ შენდა, ქორაზინ, და ვაჲ შენდა, ბეთსაიდა! ვითარმედ ტჳროსს თუმცა და სიდონს იქმნნეს ძალნი, რომელნი იქმნეს თქუენ შორის, მაშინვე სამემცა ძაძითა ნაცარსა ზედა მსხდომარეთა შეინანეს.


Verse: 22  Link to ntkpl   ხოლო გეტყჳ თქუენ: ტჳროსი და სიდონი უმოლხინეს იყოს დღესა მას სასჯელისასა, ვიდრე თქუენ.

Verse: 22V    ტუროსი C.


Verse: 23  Link to ntkpl   ხოლო შენ, კაფარნაომ, ნუ ცადმდე აჰმაღლდები, არამედ ჯოჯოხეთამდე შთაჰჴდე, ვითარმედ სოდომს თუმცა იქმნნეს ძალნი რომელნი იქმნნეს შენ შორის, ჰგიანმცა დღენდელად დღემდის.

Verse: 23V    შთაჰჴდეჱ C; სოდომას C; ძალნი, რომელნი იქმნნეს -- C.


Verse: 24  Link to ntkpl   რამეთუ გეტყჳ თქუენ: ქუეყანაჲ იგი სოდომისაჲ და გომორისაჲ უმოლხინეს იყოს დღესა მას სასჯელისასა, ვიდრე შენ.


Verse: 25  Link to ntkpl   მას ჟამსა შინა იტყოდა იესუ და თქუა: აგიარებ შენ მამაო, უფალო ცისა და ქუეყანისაო, რამეთუ დაჰფარე ესე ბრძენთაგან და მეცნიერთა და გამოუცხადე ესე ჩჩჳლთა.

Verse: 25V    გამოუცხადეჱ C; ჩჩლთა C.


Verse: 26  Link to ntkpl   ჰე, მამაო, რამეთუ ესრჱთ სათნო იყო შენ წინაშე.


Verse: 27  Link to ntkpl   ყოველივე მომეცა მე მამისა ჩემისა მიერ; და არა ვინ იცის ძჱ, გარნა მამამან; არცა მამაჲ ვინ იცის, გარნა ძემან; და რომლისაჲ უნდეს ძესა, გამოცხადების.


Verse: 28  Link to ntkpl   მოედით ჩემდა ყოველნი დამაშურალნი და რომელთა ტჳრთი მძიმე გეტჳრთა, და მე განგისუენო თქუენ.

Verse: 28V    განგისჳენო C.


Verse: 29  Link to ntkpl   აიღეთ უღელი ჩემი თქუენ ზედა და ისწავეთ ჩემგან, რამეთუ მშჳდ ვარ და მდაბალ გულითა, და ჰპოოთ განსუენებაჲ სულთა თქუენთა.

Verse: 29V    აჲღეთ C.


Verse: 30  Link to ntkpl   რამეთუ უღელი ჩემი ტკბილ არს და ტჳრთი ჩემი მცირე არს.



Next part


This text is part of the TITUS edition of Tetraevangelium (e codicibus chanmetico et Adishi).

Copyright TITUS Project, Frankfurt a/M, 16.2.2022. No parts of this document may be republished in any form without prior permission by the copyright holder.