TITUS
Tetraevangelium (e codicibus chanmetico et Adishi)
Part No. 10
Previous part

Chapter: 10 


Verse: 1  Link to ntkpl   და მოუწოდა ათორმეტთა მოწაფეთა თჳსთა და მისცა მათ ჴელმწიფებაჲ სულთა ზედა არაწმიდათა, რაჲთა განასხმიდენ მათ; და განჰკურნებდენ ყოველთა სენთა და ყოველთა უძლურებათა.

Verse: 1V    განასხმიდეს C; განჰკურნებდეს C


Verse: 2  Link to ntkpl   ხოლო ათორმეტთაჲ მათ მოციქულთაჲ არს სახელები ესე: პირველად სიმონ, რომელსა ეწოდა პეტრე, და ანდრია, ძმაჲ მისი, იაკობ ზებედესი და იოჰანე, ძმაჲ მისი,


Verse: 3  Link to ntkpl   ფილიპე* და ბართლომე, თომა და მათეოზ მეზუერე, იაკობ ალფესი და ლებეოს, რომელსა ეწოდა თადეოზ.

Verse: 3X    აქედან გრძელდება X. ^

Verse: 3V    ეწოდა ] ხერქუა X.


Verse: 4  Link to ntkpl   სიმონ კანანელი და იუდა სკარიოტელი, რომელმანცა განსცა იგი.

Verse: 4V    განსცა ] მიხცა X.


Verse: 5  Link to ntkpl   ესე ათორმეტნი წარავლინნა იესუ, ამცნო მათ და ჰრქუა: გზასა წარმართთასა ნუ ხუალთ და ქალაქსა სამარიტელთასა ნუ შეხუალთ.

Verse: 5V    ხამცნებდა X; ჰრქუა ] ხეტყოდა X; წარმართთა X; ხჳალთ C; მიხუალთ X.


Verse: 6  Link to ntkpl   მივედით უფროჲს ხოლო ცხოვართა წარწყმედულთა სახლისა ისრაჱლისათა.

Verse: 6V    არამედ მივედით X; ხუფროჲს X.


Verse: 7  Link to ntkpl   და მი-რაჲ-ხჳდეთ, ქადაგებდით და იტყოდეთ, ვითარმედ: მოახლებულ არს სასუფეველი ცათაჲ

Verse: 7V    მი-რაჲ-ხუდეთ C ] რაჟამს მიხჳდოდით X; ხიტყოდეთ X; უძლურთა ] სნეულთა X; განხკურნებდით X; კეთროვანთა განსწმედდით ] განბოკლებულთა განხწმედდით X; განასხემდით ] განხჴდიდით X; მიხცენდით X.


Verse: 8  Link to ntkpl   უძლურთა განჰკურნებდით, კეთროვანთა განსწმედდით, ემშმაკთა განასხემდით; უსასყიდლოდ მიგიღებიეს, უსასყიდლოდცა მისცემდით.


Verse: 9  Link to ntkpl   ნუ მოიგებთ ოქროსა, ნუცა ვეცხლსა, ნუცა პილენძსა სარტყელთა თქუენთა,

Verse: 9V    მოიგებთ ] მოხიღებთႾ; პილენძისა C.


Verse: 10  Link to ntkpl   ნუცა გუდაჲ გზასა, ნუცა ორი კუართი, ნუცა ჴამლნი, ნუცა არგანი, რამეთუ ღირს არს მოქმედი საზრდელისა თჳსისა.

Verse: 10V    ჴამლი X.


Verse: 11  Link to ntkpl   რომელსა ქალაქსა შეხჳდეთ ანუ დაბასა, გამოიკითხეთ, რომელი მას შინა ღირს იყოს, და მუნ დაიყოვნეთ ვიდრე გამოსლვამდე.

Verse: 11V    გამოხიკითხეთ X; ხიყოს X; და ... დაიყოვნეთ X*; გამოსლვამდე X*.


Verse: 12  Link to ntkpl   ხოლო რაჟამს შეხჳდოდით სახლსა, მოიკითხეთ იგი და თქუთ: მშჳდობაჲ სახლსა ამას!

Verse: 12V    რაჲჟამს C; მოხიკითხეთ X; ხთქჳთ X .


Verse: 13  Link to ntkpl   და თუ ღირს იყოს სახლი იგი, მოვედინ მშჳდობაჲ იგი თქუენი მას ზედა; უკუეთუ არა ღირს იყოს, მშჳდობაჲ იგი თქუენი თქუენდავე მოიქეცინ.

Verse: 13V    ხიყოს X; თქუენი -- X; ხიყოს X; მოხიქეცინ X.


Verse: 14  Link to ntkpl   ხოლო რომელმან არა შეგიწყნარნეს თქუენ და არცა ისმინნეს სიტყუათა თქუენთაჲ, რაჟამს გამოხჳდოდით მიერ სახლით, ანუ ქალაქით, დაიყარეთ მტუერი ფერჴთაგან თქუენთა.

Verse: 14V    თქუენ და -- X; სიტყუანი თქუენნი X; დახიყარეთ X; ფერჴთა თქუენთაჲ X.


Verse: 15  Link to ntkpl   მართლიად გეტყჳ თქუენ: ულხინულეს იყოს ქუეყანაჲ სოდომისაჲ და გომორისაჲ დღესა საშჯელისასა, ვიდრე ქალაქი იგი.

Verse: 15V    მართლიად ] ამენ X; გეტყუ C; ულხინჱს X; ხიყოს X; დღესა + მას X.


Verse: 16  Link to ntkpl   აჰა, ესერა, მე მიგავლინებ თქუენ, ვითარცა ცხოვართა შორის მგელთა. იყვენით თქუენ მეცნიერ, ვითარცა გუელნი, და უმანკო, ვითარცა ტრედნი.

Verse: 16V    ხიყვენით X.


Verse: 17  Link to ntkpl   ხ̃ ეკრძალებოდეთ კაცთაგან, რამეთუ მიგცნენ თქუენ კრებულებსა, და შოვრის ურაკპარაკთა მათთა გგუემდენ თქუენ.

Verse: 17V    ხეკრძალებოდეთ X; შორის C.


Verse: 18  Link to ntkpl   და წინაშე მსაჯულთა და მეუფეთა წარგადგინნენ თქუენ ჩემთჳს, საწამებელად მათა და წარმართთა.

Verse: 18V    წარგიდგინნენ CX.


Verse: 19  Link to ntkpl   ხოლო რაჟამს მიგცემდენ თქუენ, ნუ ზრუნავთ, ვითარმე, ანუ რასამე იტყოდით, რამეთუ მიგცეს თქუენ მას ჟამსა შინა, რაჲ სთქუათ.

Verse: 19V    რ̃ჟს C; ხზრუნავთ X; ხიტყოდით X; ვიტყოდით C #; რამეთუ X*; მას ჟამსა ... სთქუათ X*.


Verse: 20  Link to ntkpl   რამეთუ არა თქუენ ხართ, რომელნი იტყოდით, არამედ სული იგი მამისა თქუენისაჲ, რომელი იტყოდის თქუენ თანა.

Verse: 20V    რამეთუ ... თქუენ თანა X*.


Verse: 21  Link to ntkpl   რამეთუ მისცეს ძმამან ძმაჲ სიკუდიდ, და მამამან შვილი; და აღდგენ შვილნი დედა-მამათა ზედა თჳსთა და მოკლნენ იგინი.

Verse: 21V    მიხცეს X; ძმამან ... იგინი X*.


Verse: 22  Link to ntkpl   და იყვნეთ თქუენ მოძულებულ ყოელთაგან სახელისა ჩემისათჳს. ხოლო რომელმან დაითმინოს სრულიად, იგი ცხოვნდეს.

Verse: 22V    და ... მოძულე X*; ~ იგი სრულიად ცხოვნდეს X; ცხონდეს C.


Verse: 23  Link to ntkpl   ხოლო რაჟამს გდევნიდენ თქუენ ქალაქსა ამას შინა, მიივლტოდეთ სხუად. უკუეთუ მიერცა გდევნიდენ თქუენ, წარივლტოდეთ მიერ მერმესა. მართლიად გეტყჳ თქუენ: ვერ დაასრულოთ ქალაქები ისრაჱლისაჲ მოსლვადმდე ძისა კაცისაჲსა.

Verse: 23V    რ̃ჟს C; მიივლტოდეთ სხუად X*; უკჳეთუ C; თქუენ (2) -- X; წარხივლტოდეთ X; მიერ -- X; მართლიად ] ამენ X; დახასრულოთ X; მოსლვამდე X; კაცისა X.


Verse: 24  Link to ntkpl   არა არს მოწაფჱ უფროჲს მოძღურისა თჳსისა, არცაღა მონაჲ უფროჲს უფლისა თჳსისა.

Verse: 24V    ხუფროს (1) X; ხუფროს (2) X;


Verse: 25  Link to ntkpl   კმა არს მოწაფისა, იყოს თუ ვითარცა მოძღუარი თჳსი, და მონაჲ იგი, ვითარცა უფალი თჳსი. სადა მამასახლისსა ბერზებულით ხადოდეს, რაოდენ უფროჲს სახლეულთა მათ მისთა?

Verse: 25V    ხიყოს X; ხხადოდეს X; რავდენ C; ხუფროჲს X; მათ -- X;


Verse: 26  Link to ntkpl   ნუ გეშინინ მათგან, რამეთუ არა არს დაფარულ, რომელ არა განცხადნეს, არცა საიდუმლოჲ, რომელი არა გამოჩნდეს.

Verse: 26V    გამოცხადნეს X;


Verse: 27  Link to ntkpl   რომელსა გეტყჳ თქუენ ბნელსა შინა, თქუთ ნათელსა, და რომელ ყურთა გესმეს, ქადაგებდით მას ერდოებსა ზედა.

Verse: 27V    რომელ ] რაჟამს X; მას -- X.


Verse: 28  Link to ntkpl   და ნუ გეშინინ მათგან, რომელნი-იგი მოსწყუედდენ ჴორცთა თქუენთა, ხოლო სულთა თქუენთა ვერშემძლებელ იყვნენ მოწყუედად. არამედ გეშინოდენ მისა უფროჲს, რომელსა ჴელ-ეწიფების სულთა ჴორცითურთ წარწყმედად გეჰენიასა შიდა.

Verse: 28V    მოსწყჳდდენ C; მოწყჳდნენ ჴორცნი თქუენნი X; ხიყვნენ X; მოწყუდად C; მისა -- X; ხუფროჲს X; სულთაჲ C.


Verse: 29  Link to ntkpl   არა ორი სირი ერთის დანგის განიყიდის? და ერთიცა მათგანი არა დავარდის ქუეყანასა ზედა თჳნიერ მამისა თქუენისა.

Verse: 29V    განხიყიდის X; ერთი C.


Verse: 30  Link to ntkpl   ხოლო თქუენნი თავისა თმანიცა ყოველნი აღრაცხილ არიან.

Verse: 30V    განრაცხილ X.


Verse: 31  Link to ntkpl   ნუუკუე გეშინინ, რამეთუ მრავალთა სირთა უმჯობეს ხართ თქუენ.

Verse: 31V    ხუმჯობეს X.


Verse: 32  Link to ntkpl   ყოველმან რომელმან აღმიაროს მე წინაშე კაცთა, აღვიარო იგი მეცა წინაშე მამისა ჩემისა, რომელ არს ცათა შინა.

Verse: 32V    ამიაროს C.


Verse: 33  Link to ntkpl   ხოლო რომელმან უვარ-მყოს მე წინაშე კაცთა, უვარ-ვყო იგი მეცა წინაშე მამისა ჩემისა, რომელ არს ცათა შინა.


Verse: 34  Link to ntkpl   ნუ ჰგონებთ, ვითარმედ მოვედ მე მიფენად მშჳდობისა ქუეყანასა ზედა; არა მოვედ მიფენად მშჳდობისა, არამედ მახჳლისა.

Verse: 34V    ხგონებთ X; მე -- X; მშუდობისა (1) C; მშუდობისა (2) C.


Verse: 35  Link to ntkpl   რამეთუ მოსრულ ვარ განყოფად კაცისა მამისა თჳსისაგან და ასულისა -- დედისა თჳსისაგან და ძისცოლისა -- დედამთილისაგან.

Verse: 35V    მამისაგან X; თჳსისა -- X; დედისაგან თჳსისა X; ძის X*.


Verse: 36  Link to ntkpl   და იყვნენ მტერ კაცისა სახლეულნი თჳსნი.

Verse: 36V    იყვნნენ C; ხიყვნენ X.


Verse: 37  Link to ntkpl   რომელსა უყუარდეს მამაჲ თჳსი გინა თუ დედაჲ თჳსი ჩემსა უფროჲს, იგი არა არს ჩემდა ღირს; და რომელსა უყუარდეს ძჱ თჳსი გინა თუ ასული თჳსი ჩემსა უფროჲს, იგი არა არს ჩემდა ღირს.

Verse: 37V    ხუყუარდეს X; ხუფროჲს X; ხუყუარდეს X; ძე C; თუ (2) -- X; ხუფროჲს X.


Verse: 38  Link to ntkpl   და რომელმან არა აღიღოს ჯუარი თჳსი და არა შემომიდგეს მე, იგი არა არს ჩემდა ღირს.

Verse: 38V    არა (2) -- X.


Verse: 39  Link to ntkpl   რომელმან პოოს თავი თჳსი, წარიწყმიდოს იგი; და რომელმან წარიწყმიდოს თავი თჳსი ჩემთჳს, მან პოოს იგი.

Verse: 39V    მან -- X.


Verse: 40  Link to ntkpl   * რომელმან შეგიწყნარნეს თქუენ, მე შემიწყნარა; და რომელმან მე შემიწყნაროს, შეიწყნაროს მომავლინებელი ჩემი.

Verse: 40X    აქედან აკლია X-ს. ^


Verse: 41  Link to ntkpl   რომელმან შეიწყნაროს წინაწარმეტყუელი სახელად წინაწარმეტყუელისა, სასყიდელი წინაჲსწარმეტყუელისაჲ მოიღოს; და რომელმან შეიწყნაროს მართალი სახელად მართლისა, სასყიდელი მართლისაჲ მოიღოს.

Verse: 41V    წინაწარმეტყუელი ] წინარმეტყუელი C.


Verse: 42  Link to ntkpl   და რომელმან ასუას ერთსა მცირეთაგანსა სასუმელ ერთ წყალი გრილი სახელად მოწაფისა, მართლიად გეტყჳ თქუენ, არავე წარუწყმდეს სასყიდელი მისი.



Next part


This text is part of the TITUS edition of Tetraevangelium (e codicibus chanmetico et Adishi).

Copyright TITUS Project, Frankfurt a/M, 16.2.2022. No parts of this document may be republished in any form without prior permission by the copyright holder.