TITUS
John Moschus, Leimonarion
Part No. 121
Previous part

Chapter: A30  
Page of edition: 118  
Line of edition: 14        30. მითხრა ესე ხუცესმან ლავრისა ჩუენისა წმიდისა საბაჲსმან,
Line of edition: 15     სახელით მიქაელ, და თქუა, ვ{ითარმე}დ: იყო აქა მონაზონი ერთი
Line of edition: 16     ფრიად მოხუცებული, რომელსა დაეყო ორმეოცდაათი წელი, და
Line of edition: 17     იყო იგი სათნოებითა შემკული, და ღმერთმან აუწყა დღე იგი
Line of edition: 18     გარდაცვალებისა მისისაჲ. და დღესა პარასკევსა, ჟამსა მესამესა,
Line of edition: 19     ჰრქუა მოწაფესა თჳსსა: აღდეგ და შექმენ ცეცხლი და წირე ჟამი.
Line of edition: 20     ხოლო მან ყო ეგრე, ვითარცა უბრძანა. და ეზიარა იგი განმაცხოველებელსა
Line of edition: 21     ჴორცსა და სისხლსა Ms. page: 748r  იესუ ქრისტეს მჴსნელისა
Line of edition: 22     ჩუენისასა. და კჳრიაკესა ღამესა, ჟამსა მეექუსესა, ჰრქუა მოწაფესა
Line of edition: 23     თჳსსა: მოიღე ცეცხლი და დაასხ საკუმეველი. და მან ყო ეგრე, და
Line of edition: 24     მეყსეულად განათლდა სახლი იგი უბრწყინვალეს მზის თუალისა.
Line of edition: 25     აღივსო სულნელებითა, ვიდრემდის მიიწია სამსა მილიონსა სულნელებაჲ
Line of edition: 26     მისი. და მრავალთა დაუკჳრდა სული საკუმეველისაჲ მის.
Line of edition: 27     და ჰრქუა მოწაფესა თჳსსა: მშჳდობაჲ შენდა, შვილო ჩემო. და
Line of edition: 28     დაიძინა ძილი იგი ტკბილი. და დაჰმარხეს იგი მამათა თანა, და
Line of edition: 29     ჩუენ მივეცით დიდებაჲ ღმერთსა, რომელმან ადიდნის ღირსნი
Line of edition: 30     მისნი, ამენ.



Next part


This text is part of the TITUS edition of John Moschus, Leimonarion.

Copyright TITUS Project, Frankfurt a/M, 14.2.2016. No parts of this document may be republished in any form without prior permission by the copyright holder.