TITUS
Mamata scavlani
Part No. 46
Previous part

Text: 46._Ephr.Syr._Corrupt._Diab._17  
Page of edition: 243  
Line of edition: 13   უშურველობისათჳს : ი̂ზ :


Line of edition: 14        ნეტარ არს, რომელი არა იძლია შურითა და ჴდომითა, რამეთუ შური და
Line of edition: 15     ჴდომაჲ შეთხზულ არიან ურთიერთას, და რომლისა თანა არს ერთი მათგანი,
Line of edition: 16     ორივე მის თანა არს. ნეტარ არს, რომელი არა შევარდა საფრჴესა
Line of edition: 17     შურისასა, რამეთუ რომელსა ჰშურდეს კეთილი მოყუსისაჲ, იგი ეშმაკთა თანა
Line of edition: 18     დაისაჯოს. და რომელსა აქუს შური საეშმაკოჲ, ოდეს ძმაჲ თჳსი დიდებულად
Line of edition: 19     პატივსა შინა, აქუნ მას მტერობაჲ და სიძულვილი და ყოველი
Line of edition: 20     ბოროტი.

Line of edition: 21        უკუეთუ ვინმე იხილის წარმატებად, დამძიმდის და ჰგმობნ მანკიერებით.
Line of edition: 22     ხოლო რომელსა არა აქუნ მანკიერებაჲ საეშმაკოჲ, ოდეს იხილის ძმაჲ თჳსი
Line of edition: 23     წარმატებად, უხარინ, და ოდეს იხილის ძმაჲ თჳსი დიდებულად პატივსა
Line of edition: 24     შინა, მხ[ი]არულ იქმნის მისთჳს, და ყოველსა კაცსა ჰხედავნ უფროჲს თავისა
Line of edition: 25     თჳსისა და უპატიოსნეს, Page of ms. A: 348   და თავსა თჳსსა ჰხედავნ უდარეს ყოველთა კაცთასა.

Line of edition: 26        რომლისა თანა არა არნ შური, მოხარულთა თანა უხარინ მას და
Line of edition: 27     მოქმედთა თანა შემწე-ეყვის კეთილისა საქმესა. უკუეთუ ძმაჲ ვინმე იხილის
Line of edition: 28     დაბრკოლებად, ჴელის ამპყრობელ ეყვის მას და განამტკიცებენ მას ძლიერად,
Line of edition: 29     და უკუეთუ განსუენებად იხილის, არა შეასმენ[ენ]. და უკუეთუ ცოდვასა
Line of edition: 30     იხილის, არა განგმის შეურაცხებით და არცა განიკითხავნ, არამედ ასწავებნ მოსწრაფედ
Line of edition: 31     და მის თანავე ელმინ. უკუეთუ იხილის აღშფოთებულად, დააწყნარებნ
Line of edition: 32     მშჳდობად სიყუარულითა. და უკუეთუ იხილის მწუხარედ, მის თანავე მწუხარე
Line of edition: 33     არნ და კეთილითა სიტყჳთა ნუგეშინის-სცემნ მას. და თუ იხილის უცები, იგი
Line of edition: 34     ასწავებნ მას და განაბრძობნ უშურველად. და უკუეთუ მძინარედ იხილის
Line of edition: 35     ლოცვასა, სიყუარულით განაღჳძებნ და ასწავებნ.

Line of edition: 36        და ნეტარ არს კაცი იგი, რომლისა თანა არა არს შური და ჴდომაჲ.



Next part


This text is part of the TITUS edition of Mamata scavlani.

Copyright TITUS Project, Frankfurt a/M, 30.11.2024. No parts of this document may be republished in any form without prior permission by the copyright holder.