TITUS Texts: Sinai Polycephalion

TITUS
Sinai Polycephalion
Part No. 31

Previous part

Text: 31
Page of edition: 179
Line of edition: 1   საკითხავნი ამაღლებისანი

Line of edition: 2   თქუმული იოვანე ოქროპირისაჲ

Line of edition: 3        უფალი ჩუენი და ძჱ ღმრთისაჲ რაჟამს მოვიდოდა, ვერ იხილეს იგი
Line of edition: 4     ანგელოზთა; ხოლო ვითარცა აღმაღლდა დღეს, ჰხედვიდეს და იხილვიდეს მას
Line of edition: 5     მოწაფენიცა მისნი. არა იხილეს ანგელოზთა მოსლვაჲ იგი მისი ჩუენდა, რამეთუ
Line of edition: 6     ძალი თჳნიერ ჴორცთა დაფარულად გარდამოჴდა მაღლით და განისუენა
Line of edition: 7     ქალწულსა მას ზედა.
Line of edition: 8        იხილეს კაცთა აღმაღლებაჲ იგი მაღლად, რამეთუ ჴორცნი ქუეყანისანი
Line of edition: 9     აღჴდეს ზეცად, განეფინა ღრუბელი და შეიწყნარა უფალი, ახარა ქალწულსა
Line of edition: 10     და შეიწყნარა.
Line of edition: 11        რაჟამს ღმრთეებაჲ იგი მისი კაცებასა ჩუენსა შეეზიარებოდა და ქალწულსა
Line of edition: 12     მას, რომელი ქუეყანისაჲ იყო, დაადგრა მას შინა; ხოლო რაჟამს კაცებასა
Line of edition: 13     ამას ჩუენ\სა Page of ms.: 171r ღმრთეებითა თჳსითა განამდიდრებდა, ღრუბლითა
Line of edition: 14     აღამაღლებდა ჴორცთა ჩუენთა და წესცა იყო, რამეთუ ვიდრე ჩუენ თანა
Line of edition: 15     იყო, ძლიერებასა თჳსსა დაიმდაბლებდა, რაჲთა უძლურებასა ზედა დაემკჳდროს.
Line of edition: 16        ეგრეცა რაჟამს აღჰქონდეს ჴორცნი ჩუენნი მის თანა, დიდებითა სიმდიდრისა
Line of edition: 17     მისისაჲთა აღმაღლდეს. ვითარცა შეიმოსეს ძალი მაღალთა შინა
Line of edition: 18     ჴორცთა მათ, რომელნი ქალწულისაგან იყვნეს, მოვიდა და ეჩუენა კაცთა,
Line of edition: 19     ეგრეცა შეიმოსს ჴორცთა ქუეყანისათა.
Line of edition: 20        დიდებულებაჲ შორის ღრუბელსა მას აღჴდა და მოიღო თაყუანის-ცემაჲ
Line of edition: 21     ანგელოზთაგან მაღალთა შინა, რაჲთა აჩუენოს, რამეთუ ეზიარა კაცებაჲ
Line of edition: 22     ჩუენი ღმრთეებასა მისსა და განმდიდრდა ცათა შინა; ღაღატ-ყო და თქუა,
Line of edition: 23     ვითარმედ: აღმომიყვანნა ჩუენ მარჯუენითა ცათა შინა. და წინაწარმეტყუელმან
Line of edition: 24     თქუა, ვითარმედ: აღმაღლენით ბჭენი თქუენნი, მთავარნო. და აღმაღლდედ
Line of edition: 25     ბჭენი საუკუნენი და შევიდეს მეუფჱ დიდებისაჲ⁽¹⁾^*. და კულად¹^*, ვითარმედ:
Line of edition: 26     ჰრქუა უფალმან უფალსა ჩემსა: დაჯედ მარჯუენით ჩემსა⁽²⁾^*. ხოლო
Line of edition: 27     მოციქული გამოუთარგმანებს: რომელსა-იგი წინაწარმეტყუელი უფლით ჰხადის,
Line of edition: 28     რაჟამს დაჯდების მარჯუენით მშობლისა თჳსისა, იგი არს, რომელსა
Line of edition: 29     ჰრქუა გაბრიელ უფალ, რაჟამს შთავიდოდა იგი ყურსა მას ქალწულისასა,
Page of edition: 180   Line of edition: 1     ამისთჳს ვიდოდა უფალი მოწაფეთა თანა ამას ორმეოცსა დღესა და მერმეღა
Line of edition: 2     აღმა\ღლდა Page of ms.: 171v ცად, რაჲთა დაამტკიცნეს მოწაფენი აღდგომისათჳს.
Line of edition: 3        უკუეთუმცა შემდგომად აღდგომისა აღ-ხოლო-სრულ იყო ცად და
Line of edition: 4     არა ყოფილ იყო მოწაფეთა თანა, ეგონამცა, ვითარმედ საუცარ რაჲმე იყოო
Line of edition: 5     და არა ვითარცა ჭეშმარიტად განცხოველებული. რამეთუ ვითარცა უჩუენნა
Line of edition: 6     მათ ჴორცნი და გუერდი თჳსი და ბრძჳლნი ლახურისანი, და ჰრქუა მათ:
Line of edition: 7     მიხილეთ მე და განმიცადეთ, რამეთუ მე ვარ, და ნუ განიწვალებით
Line of edition: 8     გონებითა.
Line of edition: 9        და ჯეკმა ღათუ მრავალ იყვნეს მოწამენი აღდგომისანი, ხოლო იგი[ნი]¹^*
Line of edition: 10     გონებითა მათითა, ვითარცა ნავნი ღელვათაგან, შეძრწუნებულ იყვნეს; რავდენმეღა
Line of edition: 11     უფროჲს, არა თუ-მცა ყოფილ იყო მათ თანა, მრავალიმცა თესლი
Line of edition: 12     ორგულებისაჲ დათესულ იყო მათ თანა!
Line of edition: 13        არამედ დადგა მათ თანა და ჭამა მათ თანა, არა ვითარცა მშიერი, და
Line of edition: 14     ნუგეშინის-სცა²^* მათ მოკითხვითა თჳსითა და ახარა მათ ზიარებითა თჳსითა
Line of edition: 15     და უბრძანა მათ ქადაგებად სახარებაჲ მისი ყოველთა დაბადებულთა. წარვიდა
Line of edition: 16     მათგან კაცებრ და იყო მათ თანა ღმრთეებითა; და აღმაღლდა მეუფჱ
Line of edition: 17     იგი ჩუენი ძლევითა და დაჯდა მარჯუენით³^* მამისა თჳსისა, ვითარცა თქუა
Line of edition: 18     მოციქულმან: საყდარი შენი, ღმერთო, უკუნითი უკუნისამდე⁽¹⁾^*. და დავით
Line of edition: 19     თქუა: უფალი სუფევს, შუენიერებაჲ შეიმოსა⁽²⁾^*.
Page of ms.: 173r
Line of edition: 20        ხოლო აწ ამას ორმეოცსა დღესა აღჳრნი მარხვისანი განგუაშორნა
Line of edition: 21     ჩუენგან, რამეთუ თავადმან თჳთ თქუა, ვითარმედ: არა ჯერ-არს მარხვაჲ
Line of edition: 22     ყრმათა მექორწილეთაჲ და არცა გლოვაჲ, ვიდრე სიძჱ იგი მათ თანა არს.
Line of edition: 23     ხოლო მოვიდენ დღენი, რაჟამს აღმაღლდეს მათგან სიძჱ იგი, და მაშინ
Line of edition: 24     იმარხვიდენ⁽³⁾^*.
Line of edition: 25        აღვიხუნეთ ამიერითგან მარხვანი მოციქულთანი, რამეთუ ნაშობნი
Line of edition: 26     ვართ ქადაგებისა მათისანი, და წეს-არს ჩუენდა ნუგეშინის-ცემად მარხვითა,
Line of edition: 27     რაჲთა გამოვიზარდნეთ სულნი ჩუენნი ტაბლისაგან ქრისტჱსისა.
Line of edition: 28        ხოლო ყავნ ჩუენ თანა ამიერითგან უფალმან ჩუენმან მძლემან, რომელი
Line of edition: 29     აღმაღლდა დღეს ძლევით და აღმიყვანნა⁴^* ჩუენ მის თანა მაღლად ჴორცითა
Line of edition: 30     მით, რომელ შეისხნა ჩუენგან, რაჲთა ღირს ვიყვნეთ აღსრულებად ამის
Line of edition: 31     დღესასწაულისა და აღმოვთქუათ მადლი და დიდებაჲ და თაყუანის-ცემაჲ
Line of edition: 32     მამისაჲ და ძისაჲ და სულისა წმიდისაჲ აწ და მარადის და უკუნითი უკუნისამდე.
Line of edition: 33     ამენ.

Next part

This text is part of the TITUS edition of Sinai Polycephalion.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.