TITUS Texts: Sinai Polycephalion

TITUS
Sinai Polycephalion
Part No. 6

Previous part

Text: 6
Page of edition: 40
Line of edition: 1   ბ̂. ნეტარისა პროკლესი, კოსტანტინელ¹^* ეპისკოპოსისაჲ,

Line of edition: 2   ღმრთის-მშობელისათჳს თქუმული

Line of edition: 3        ქალწულისა კრებაჲ დღეს მოუწესს ენასა ჩუენსა, ძმანო, ქებად და მოწევნული
Line of edition: 4     ესე დღესასწაულისაჲ ამის სარგებლის მომატყტუებელ იქმნების
Line of edition: 5     და უფროჲსღა ჭეშმარიტად სიწმიდისაჲ აქუს ხატი ნათესავისათჳს დედათაჲსა²^*
Line of edition: 6     სიქადული; რომელსა-ესე დღეს აღვასრულებთ დღესასწაულსა, დიდებაჲ
Line of edition: 7     დედათაჲ არს მისთჳს, რომელ-იგი ჟამ ერთ დედა იყო და ქალწულ, მიუწდომელი
Line of edition: 8     კრებაჲ დღესასწაულებისაჲ; რამეთუ აჰა ესერა ქუეყანაჲ და ზღუაჲ
Line of edition: 9     პატივ-სცემს ქალწულსა მარიამს. ზღუამან ზურგი თჳსი განუმარტა ღელვათაგან
Line of edition: 10     და ქუეყანამან კუალნი ზედა-მავალთანი წარუმართნა
Line of edition: 11     დაუბრკოლებელად.
Line of edition: 12        უხაროდენ ბუნებასა კაცთასა, რამეთუ დედანი პატიოსან იქმნებიან.
Line of edition: 13     მხიარულ იყვნედ მამანი, რამეთუ... სადა გარდაერია ცოდვაჲ, ჲუფროჲსად
Line of edition: 14     აღემატა მადლი⁽¹⁾^*. რამეთუ მომიწოდა ჩუენ წმიდამან მარიამ, შეუგინებელმან
Line of edition: 15     ქალწულმან, ჭურჭელმან სიწმიდისამან, მეტყუელისა მის მეორისა ადამისა სამოთხემან,
Line of edition: 16     Page of ms.: 16r საქმარმან ერთობისა ორთა ბუნება[თა]მან³^*, კრებამან მაცხოვრისამან,
Line of edition: 17     მოცვალებამან სასძლოჲსამან, რომელსა შინა სიტყუამან სიძე ქმნა
Line of edition: 18     ჴორცნი, სულიერმან მან ბუნებისა ჩუენისა მაყუალმან, რომელ-იგი საღმრთომან
Line of edition: 19     მიდგომილებისა ცეცხლმან არა დაწუა⁽²⁾^*.
Line of edition: 20        ნანდჳლვე სულმცირემან ღრუბელმან ქერობინთა ზედა მჯდომარჱ იგი
Line of edition: 21     ჴორცითა იტჳრთა, რომელ-იგი ზეცისა წჳმისა წმიდაჲ საწმისი იყო⁴^*, რომელ-იგი
Line of edition: 22     მწყემსმან პირმეტყუელთა ცხოვართამან შეიმოსა. მარიამ მჴევალი
Line of edition: 23     და დედაჲ და ქალწული და ცაჲ, მხოლოჲ ჴიდი ღმრთისაჲ კაცთა მომართ
Line of edition: 24     მოსულისაჲ, საშინელი მოღუაწებისა ჩუენისა ქსელი, რომელსა შინა გამოუთქუმელად
Line of edition: 25     ჴორციელებისაჲ იგი საუფლოჲ იქსოვა სამოსელი, რომელსა მექსლე
Line of edition: 26     იყო სული წმიდაჲ, ხოლო მქსოველ _ რომელ მაღლით ჰფარვიდა მას
Line of edition: 27     ძალი, და მატყლ _ დასაბამისა იგი ადამის ტყავი, და საგუსალ⁵^* _ ქალწულისანი
Line of edition: 28     იგი ჴორცნი, და ცხემლ _ განუზომელი იგი შემოსილისა მადლი, და ხურო _
Line of edition: 29     რომლითა-იგი მორჩილებითა შევიდა მისა⁶^* სიტყუაჲ.

Page of edition: 41
Line of edition: 1        ვის ესმა, ანუ ვინ იხილა, ვითარმედ ღმერთი მუცელსა და საშოსა
Line of edition: 2     დაემკჳდროს? რომელსა ცანი ვერ იტევენ, მუცელი ქალწულისაჲ არა
Line of edition: 3     იწრო უჩნდა, არამედ იშვა დედაკაცისაგან ღმერთი, ღმერთი არა შიშუველი
Line of edition: 4     და კაცი არა ლიტონი. რამეთუ ბჭჱ Page of ms.: 41r იყო ცხოვრებისაჲ, რომელი იშვა,
Line of edition: 5     და პირველი იგი აჩუენა კარი. სადა-იგი გუელმან ურჩებითა დასტხია
Line of edition: 6     გესლი, მიერვე სიტყუაჲ იგი მორჩილებითა შევიდა მისა და ტაძარი იგი
Line of edition: 7     ცხოველი დაჰბადა მას შინა; ვინაჲ-იგი ცოდვისა კარი გამოჩნდა, მიერვე ნათესავისა
Line of edition: 8     ჩუენისა მჴსნელი ქრისტჱ უთესლოდ აღმოსცჱნდა.
Line of edition: 9        არა სირცხჳლ-უჩნდა კაცთ-მოყუარესა დედაკაცისაგან შობაჲ, რამეთუ
Line of edition: 10     ცხორებაჲ იყო, რომელი-იგი იქმნებოდა; არა შეაგინა, იყო რაჲ იგი ასოთა
Line of edition: 11     შინა ქალწულისათა, რომელი-იგი მანვე შეუგინებელად დაჰბადა.
Line of edition: 12        უკუეთუმცა არა ქალწულივე ეგო დედაჲ იგი, ლიტონიმცა იყო, რომელი-იგი
Line of edition: 13     იშვა, და არამცა დიდებულ იყო შობაჲ იგი. უკუეთუ შემდგომად
Line of edition: 14     შობისა ქალწულივე ეგო იგი, გამოუთქუმელად იშვა, რომელცა-იგი კართა
Line of edition: 15     ჴშულთა შევიდა დაუბრკოლებელად, რომლისა შეუღლვილებაჲ ბუნებათაჲ
Line of edition: 16     თომა ღაღატ-ყო და თქუა: უფალი ჩემი და ღმერთი ჩემი!⁽¹⁾^*
Line of edition: 17        ნუ სირცხჳლ-გიჩნ შობაჲ იგი მისი, კაცო, რამეთუ იგი გუექმნა ჩუენ
Line of edition: 18     მიზეზ ცხოვრების. უკუეთუმცა დედაკაცისაგან არა იშვა, არამცა მოკუდა,
Line of edition: 19     არამცა სიკუდილითა მისითა განქარდა, რომელსა აქუნდა ჴელმწიფებაჲ სიკუდილისაჲ,
Line of edition: 20     ესე იგი არს ეშმაკი⁽²⁾^*.
Line of edition: 21        არა გინება არს ხუროთ-მოძღურისა ყოფაჲ მას შინა, რომელი იგი მან
Line of edition: 22     აღაშჱნა. არა შეაგინის მეკეცჱ თიჴამან, რაჟამს განაახლებნ თჳსსა მას სექმნულსა.
Line of edition: 23     Page of ms.: 41v ეგრევე უჴრწნელი იგი საშოჲსაგან ქალწულისაჲსა მოსლვაჲ,
Line of edition: 24     რომელ-იგი შესაქმესა არა შეაგინა.
Line of edition: 25        ჵ მუცელსა მას, რომელსა შინა სიკუდილისა იგი მძლჱ გამოიჭედა საჭურველი!
Line of edition: 26     ჵ ყანასა მას, რომელსა შინა ბუნებისა იგი ჩუენისა შემოქმედი
Line of edition: 27     ქრისტჱ უთესლოდ აღმოსცჱნდა! ჵ ტაძარი, რომელსა შინა ღმერთი მღდელ
Line of edition: 28     იქმნა! არა ბუნებაჲ ცვალა, არამედ წესისა მისებრ მელქიზედეკისა⁽³⁾^* წყალობისათჳს
Line of edition: 29     ჴორცნი შეისხნა, სიტყუაჲ იგი ჴორციელ იქმნა და დაემკჳდრა კაცთა
Line of edition: 30     შორის⁽⁴⁾^*.
Line of edition: 31        და ღათუ არა ჰრწამს¹^* ჰურიათა უფალი, ხოლო ღმერთმან ხატი კაცისაჲ
Line of edition: 32     შეიმოსა; და ღათუ წარმართნი გუბასრობენ საკრველებასა ამას, ამისთჳს
Line of edition: 33     ჰურიათა - საცთურ და წარმართთა - სისულელე⁽⁵⁾^*.
Line of edition: 34        საიდუმლოჲ ესე... უფროჲს სიტყჳსა გადარეულ არს და საკჳრველება.
Line of edition: 35     უკუეთუმცა სიტყუაჲ იგი არა დაემკჳდრა მუცელსა, არამცა დაჯდა ჴორცითა
Line of edition: 36     საყდართა. უკუეთუ ღმრთისა გინება არს საშოსა შესლვაჲ... ანგელოზთაცა
Line of edition: 37     გინება არს კაცთა მსახურებაჲ.
Line of edition: 38        რომელი-იგი ღმერთი ბუნებით უვნებელი იყო, იქმნა მოწყალებით
Line of edition: 39     მრავალვნებულ.

Page of edition: 42
Line of edition: 1        არა თუ წარმოჩინებით ქრისტე იქმნა ღმერთ _ ნუ იყოფინ! _ არამედ
Line of edition: 2     მოწყალებით იქმნა კაც, ვითარცა-ესე გურწამს. არა კაცსა ლიტონსა ღმერთ
Line of edition: 3     ყოფად ვქადაგებთ, Page of ms.: 42r არამედ ღმერთსა ჴორციელ ყოფად¹^* აღვიარებთ.
Line of edition: 4     და თჳსი მჴევალი იჩემა დედად, რომელი იყო არსებით უდედო და მოღუაწებით
Line of edition: 5     - უმამო, უკუეთუ არა მსგავსად მოციქულისა მის სიტყჳსა უმამო და
Line of edition: 6     იგივე უდედო⁽¹⁾^*. უკუეთუ ლიტონი კაცი არა უდედო, არამედ უვის დედაჲ, და
Line of edition: 7     თუ შიშუველი ღმერთი არა უმამო, არამედ უვის მამაჲ, ხოლო აწ იგივე უდედო
Line of edition: 8     ამისთჳს _ ვითარცა დამბადებელი²^*, და უმამო _ ვითარცა დაბადებული; უმამო³^*
Line of edition: 9     _ ქუეყანასა ზედა და უდედო _ ცათა შინა.
Line of edition: 10        შეიკდიმე აწ, მწვალებელო, მოკითხვისა მისთჳს ანგელოზთ-მთავრისა⁴^*
Line of edition: 11     გაბრიელისა, რომელმან-იგი მარიამს ახარა, რამეთუ გაბრიელ ერქუა. აწ რაჲ
Line of edition: 12     ითარგმანების გაბრიელ ? _ ესრე სამე: ღმრთისა კაცი. რამეთუ რომელი-იგი მის
Line of edition: 13     მიერ ეხარა, ღმერთი იყო და კაცი. უსწრო მოკითხვამან მან, რაჲთა სარწმუნო
Line of edition: 14     იყოს საქმჱ იგი.
Line of edition: 15        ისწავეთ მიზეზი იგი მოსლვისაჲ და ადიდებდით ძალსა მას ჴორცთ
Line of edition: 16     შესხმისასა. ფრიად თანა-ედვა კაცთა ბუნებასა, და თანა-ნადებსა მას მიცემად
Line of edition: 17     ვერ ჰპოვებდა. ადამის მიერ ცოდვასა მას ყოველთა ჴელითა ჴელი დაგუეწერა
Line of edition: 18     და მონა ვეპყრენით ჩუენ ეშმაკსა. ჴელით-წერილი იგი წინა-დაგჳპყრის
Line of edition: 19     ჩუენ, რამეთუ ქარტისა წილ იმსახურებდა მრავალ-ვნებულთა ამათ ჴორცთაგან.
Line of edition: 20     დადგა ბოროტი იგი ვნებათაჲ მათ ცილის მწერალი და აღმიდგინებდა
Line of edition: 21     ჩუენ აღნადგინებისა მის ვახშსა და მიმჴდიდა ჩუენ სარჩელსა.
Page of ms.: 42v
Line of edition: 22        აწ უკუე ჯერ-იყო ორკერძოვე: ყოველთა ზედა მოწევნად საშჯელისა
Line of edition: 23     მისგან სიკუდილი, _ რამეთუ ყოველთა შესცოდეს, _ ანუ ეგოდენი კუალად
Line of edition: 24     მიცემად, რომელი იყო სამართალი ვედრებად.
Line of edition: 25        აწ უკუე კაცი ვერ შემძლებელ იყო ჴსნად, რამეთუ თანა-ნადებსა მას
Line of edition: 26     ქუეშე იყო ნაჴუთევად. ანგელოზსა ვერ ეძლო გამოჴსნად, რამეთუ ვერ მომპოვნებელ
Line of edition: 27     იყო ისევითარისათჳს⁵^* გამოჴსნისა.
Line of edition: 28        აწ უკუე უცოდველსა მას თანა-ედვა ცოდვილთათჳს სიკუდილი .ესე ხოლო
Line of edition: 29     აკლდა, გარნა ბოროტისაჲ მის დაჴსნაჲ. რაჲ-მე უკუე ჯერ-იყო ყოფად?
Line of edition: 30     მანვე, რომელმან-იგი ყოველი ბუნებაჲ მოიყვანა ყოფად, _ რამეთუ ღმერთ
Line of edition: 31     არს, _ და არა⁶^* უნაკლულოდ მიცემად გამოიძია და შვილთა მათთჳს ცხორებაჲ
Line of edition: 32     შუენიერი და სიკუდილისა დაჴსნაჲ მტკიცჱ და იქმნა კაც, _ ვითარცა მან
Line of edition: 33     თავადმან იცის, რამეთუ სიტყუასა მას საქმეთაჲ მათ თარგმანებად ვერ ძალ-უც,
Line of edition: 34     _ და მოკუდა, რომელ-იგი ყო, და იჴსნა, რომელ-იგი დაიპყრა, მსგავსად
Line of edition: 35     სიტყჳსა მის პავლჱსისა: რომლისა მიერ გუაქუს ჩუენ გამოჴსნაჲ სისხლითა
Line of edition: 36     მისითა და მოტევებაჲ ცოდვათაჲ⁽²⁾^*.

Page of edition: 43
Line of edition: 1        ჵ საკჳრველებათაჲ ამათ! რამეთუ სხუათა განუმზადა უკუდავებაჲ, ხოლო
Line of edition: 2     იგი იყოვე უკუდავ. ესევითარი სხუაჲ მოწყალებისათჳს არავინ არესრულა,
Line of edition: 3     არცა იყო, არცა არს, არცა ყოფად არს, Page of ms.: 43r გარნა მხოლოჲ ქალწულისაგან
Line of edition: 4     შობილი ღმერთი და კაცი. არა თანა-შეასწორებს, რამეთუ აკლს პატივი
Line of edition: 5     სიმართლესა მას დარჩილთასა, არამედ ყოველსავე რიცხუსა ჰმატს
Line of edition: 6     შვილად ყოფითა, უცვალებელად აცუენებს თავსა თჳსსა მამისა მიმართ, ხოლო
Line of edition: 7     შემოქმედებითა ძლიერებაჲ იგი უნაკლულოდ აქუს და მოწყალების
Line of edition: 8     მოყუარებაჲ წყალობისათჳს გარდაუქცეველად მრავალთათჳს განაგო. ხოლო
Line of edition: 9     მღდელთ-მოძღურებაჲ უჯმნელად ღირს, სარწმუნოდ მოაქუს, რომელ-იგი არავინ
Line of edition: 10     პოვოს სხუამან არარასა ზედა სიტყუად მსგავსი ამისი.
Line of edition: 11        აწ იხილეთ მისი იგი კაცთ-მოყუარებაჲ, რამეთუ ნეფსით დაისაჯა და
Line of edition: 12     ჯუარის-მცუმელთაჲ მათ განაქარვა სიკუდილი, მოაქცია მომკლველთაჲ მათ
Line of edition: 13     უშჯულოებაჲ, უშჯულოებისა მოქმედთაჲ მათ მათთავე საცხორებელად! კაცისა
Line of edition: 14     ლიტონისა ვერ შესაძლებელ იყო ჴსნაჲ, გარნა მისი ხოლო ჯერ-იყო, მაცხოვრისაჲ,
Line of edition: 15     მსგავსად სიტყჳსა მის პავლჱსისა, ვითარმედ: ყოველთა შეცოდეს
Line of edition: 16        ⁽¹⁾^*. რამეთუ ცოდვაჲ იგი ეშმაკისა მიჰგურიდა და ეშმაკი სიკუდილსა
Line of edition: 17     მისცემდა და დიდსა ჭირსა ჩუენ ზედა მოაწევდა.
Line of edition: 18        ვერვინაჲ მოსაპოვნელ იყო გამოჴსნაჲ ჩუენთჳს. მოივლინნეს Page of ms.: 43v მკურნალნი
Line of edition: 19     და სეასმენდეს. აწ უკუე რაჲ ჯერ-იყო სიტყუად?
Line of edition: 20        ვითარცა იხილეს წინაწარმეტუელთა უფროჲს ჴელოვნებისა კაცთაჲსა
Line of edition: 21     წყლულებაჲ იგი ზეცით მოსულად, მკურნალსა მას ევედრებოდეს. რომელიმე
Line of edition: 22     იტყოდა: უფალო, მოდრიკენ¹^* ცანი და გარდამოჴედ⁽²⁾^*; და სხუაჲ იტყოდა:
Line of edition: 23     განმკურნე მე, უფალო, და განვიკურნო⁽³⁾^*; და რომელიმე იტყოდა: აღდეგინ
Line of edition: 24     ძლიერებაჲ შენი და მოვედინ ჩუენდა⁽⁴⁾^*. და სხუაჲ იტყოდა: უკუეთუ ნანდჳლვე
Line of edition: 25     ღმერთი ესრჱთ დაემკჳდროს კაცთა თანა?⁽⁵⁾^* და კუალად სხუაჲ
Line of edition: 26     იტყჳს: ადრე მეწიენ ჩუენ წყალობაჲ შენი, უფალო, რამეთუ დავგლახაკენით
Line of edition: 27     ჩუენ ფრიად⁽⁶⁾^*. და ერთი წინაწარმეტყუელი იტყოდა: ვაჲ, სულო ჩემო, რამეთუ
Line of edition: 28     წარწყმდა ღმრთის-მოშიში ქუეყანით და რომელმანცა ქმნა სიმართლჱ
Line of edition: 29     კაცთა შორის, არღარა იპოვების⁽⁷⁾^*. და ერთი იტყჳს: უფალო, შეწევნად ჩემდა
Line of edition: 30     მომხედენ; უფალო, შეწევნად ჩემდა ისწრაფე⁽⁸⁾^*. და სხუაჲ იტყჳს: მომავალი
Line of edition: 31     იგი მოვიდეს და არა ყოვნოს⁽⁹⁾^*, და კუალად სხუაჲ იტყჳს: ვიქმენ მე, ვითარცა
Line of edition: 32     ცხოვარი წყმედული; მომიძიე მონაჲ შენი, უფალო⁽¹⁰⁾^*.
Line of edition: 33        ამისთჳს არა უგულებელს-ყო გონებაჲ ჩუენი მიმძლავრებისაგან,
Line of edition: 34     რომელი-იგი არს ბუნებით მეუფე და ღმერთ, არამედ მოვიდა, რომელი-იგი
Line of edition: 35     მარადის ყოველსა ადგილსა არს, და მოგუცნა საჴსრად თჳსნი სისხლნი,
Line of edition: 36     და მისცა ნათესავისა ჩუენისათჳს ჴელით-წერილი იგი სიკუდი\ლისაჲ, Page of ms.: 44r
Page of edition: 44   Line of edition: 1     რომელ-იგი ქაკწულისაგან შეისხნა ჴორცნი, და მოიყიდა სოფელი წყევისა
Line of edition: 2     მისგან შჯულისა⁽¹⁾^*.
Line of edition: 3        აწ რომელმან-ესე მოიყიდა, არა ლიტონი კაცი არს, ჵ ჰურიაო, რამეთუ
Line of edition: 4     კაცთა ბუნებაჲ ცოდვასა დამონებულ იყო; არამედ არცა ღმერთი შიშუველი
Line of edition: 5     კაცობისაგან, რამეთუ ჴორცნი ესხნეს, ჵ მანიქეველო. უკუეთუმცა არა შემემოსა
Line of edition: 6     მე, არცამცა მიჴსნა მე, არამედ მუცელსა ქალწულისასა განაჩინა და
Line of edition: 7     დაშჯილი იგი შეიმოსა.
Line of edition: 8        აწ იხილე საშინელი იგი და შესაძრწუნებელი ცვალებაჲ: არა თუ
Line of edition: 9     სხუამან ჴორცნი სეისხნა თავადისა ქალწულისაგან და სხუაჲ ჰფარვიდა მას,
Line of edition: 10     ხოლო იგი ჴორციელ იქმნა მისგან. უკუეთუ სხუაჲ არს ქრისტჱ და სხუაჲ
Line of edition: 11     არს სიტყუაჲ ღმრთისაჲ, არღარა სამება, არამედ ოთხება არს.
Line of edition: 12        ნუ განხეთქ მოღუაწებისასა მას მოსლვასა ზეგარდამო ქსოვილსა; ნუ
Line of edition: 13     დაემოწაფები არისს უღმრთოსა, რამეთუ იგი ტავადი უშჯულოებით არსებასა
Line of edition: 14     მას განჰყოფს, ხოლო შენ ერთობასა მას ნუ განჰყოფ.
Line of edition: 15        ვინ არს, რომელი-იგი გამოუჩნდა მსხდომარეთა მათ ქუეშე აჩრდილთა
Line of edition: 16     სიკუდილისათა?⁽²⁾^* კაცნი სამე იყვნეს. და ვითარ-მე, რომელნი-იგი ბნელსა
Line of edition: 17     შინა იქცეოდეს სიტყჳსა მისებრ პავლჱსისა, რომელსა იტყჳს, ვითარმედ:
Line of edition: 18     ოდესმე იყვენით ბნელ, ხოლო აწ ნათელ ხართ უფლისა მიერ?⁽³⁾^*. ხოლო რომელი-იგი
Line of edition: 19     გამოჩნდა და ვითარ ასწავებს და იტყჳს: კურთხეულ არს მომავალი
Line of edition: 20     სახელითა უფლისაჲთა⁽⁴⁾^*.
Line of edition: 21        და ვინ არს Page of ms.: 44v მომავალი იგი? თქუ განცხადებულად, ჵ დავით! და
Line of edition: 22     იგი იტყჳს: ღმერთი უფალი, და გამოგჳჩნდა ჩუენ⁽⁵⁾^*. შეერთო ბუნებაჲ იგი და
Line of edition: 23     შეურწყუმელად ჰგიეს ერთობაჲ იგი. მოვიდა ცხორებაჲ იგი, არამედ თანა-ედვა
Line of edition: 24     სიკუდილიცა. ვითარ შესაზლებელ იყო ორივე ესე? კაცი ლიტონი ვერ შემძლებელ
Line of edition: 25     იყო ჴსნად, ღმრთისა შეუძლებელ იყო თჳნიერ ჴორცთა ვნებისა, რომელ-იგი
Line of edition: 26     ყო, ბუნებით და კაცთ-მოყუარებით იქმნა კაც; რომელი-იგი არსი
Line of edition: 27     იყო, მან აცხოვნა, და მერმე რომელი-იგი კაც იქმნა, მან ივნო.
Line of edition: 28        ამისთჳს ვითარცა იხილა იგი ეკლესიამან გჳრგჳნოსანი ეკლითა, შესაკრებელისა
Line of edition: 29     მის მათისა კადნიერებასა ჰგოდებს და იტყჳს: ასულნო იერუსალემისანო¹^*,
Line of edition: 30     გამოვედით და იხილეთ გჳრგჳნი, რომლითა გჳრგჳნოსან ყო დედამან მისმან⁽⁶⁾^*.
Line of edition: 31     რამეთუ ეკლისა გჳრგჳნი დაიდგა და ეკალთაჲ იგი დაჰჴსნა პატიჟი. იგივე
Line of edition: 32     წიაღთა მამისათა იყო და წიაღთა ქალწულისათა და ქალწულებისა კლიტჱ
Line of edition: 33     არა განხეთქა; რამეთუ ღმერთი იყო და ესრჱთ საშოჲსაგან გამოვიდა
Line of edition: 34     და ეგრევე იშვა, ვითარცა მუცელსა შევიდა; უვნებელად შევიდა და უჴრწნელად
Line of edition: 35     გამოვიდა სიტყჳსა მისებრ ეზეკიელ წინაწარმეტყუელისა, ვითარცა
Line of edition: 36     იტყჳს: და მომაქცია მე უფალმან გზასა მას ბჭისა მის წმიდათაჲსა არმოსავალად.
Line of edition: 37     და იყო ოგო დაჴშულ. და მრქუა მე უფალმან; ძეო კაცისაო, ბჭჱ
Line of edition: 38     ესე იყოს დაჴშულ და არა განეღოს Page of ms.: 45r ესე, არცა გან-ვინ-ვიდეს მიერ,
Page of edition: 45   Line of edition: 1     რამეთუ ღმერთი მხოლოჲ შევიდეს და იგი თავადი გამოვიდეს. და
Line of edition: 2     იყო ბჭჱ იგი დაჴშულ⁽¹⁾^*.
Line of edition: 3        აჰა ესერა განჩინებაჲ ქმნული წმიდისა ღმრთის-მშობელისა მარიამოსო.
Line of edition: 4     დასცხერინ ამიერითგან ყოველი ცილობაჲ და ჩუენ წმიდათა მიერ წიგნთა
Line of edition: 5     მოძღურებისათა განვნათლდებოდით, რაჲთა სასუფეველსა ცათასა მიწევნად
Line of edition: 6     ღირს ვიქმნეთ ქრისტჱს იესუს მიერ, უფლისა ჩუენისა, რომლისაჲ არს დიდებაჲ
Line of edition: 7     და ძალი მამისაჲ და ძისაჲ და სულისა წმიდისაჲ აწ და მარადის და
Line of edition: 8     უკუნითი უკუნისამდე. ამენ.

Next part

This text is part of the TITUS edition of Sinai Polycephalion.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.