TITUS
Pseudo-Macarius, Epistulae et Orationes
Part No. 27
Previous part

Text: 25     
Line of edition: 15  თავი 25


Line of edition: 16       *რომელთა ენებოს თავისა თჳსისა მიცემაჲ ჭეშმარიტებით
Line of edition: 17    უფლისა საუკუნოჲსა მისთჳს აღთქუმისა ბრძოლად უკეთურისა მის,
Line of edition: 18    რომელი-იგი ყოველსა სულსა ჰბრძავს, მათ თანა-აც, რაჲთა უწინარეს
Line of edition: 19    ყოვლისა მოიგონ სარწმუნოებაჲ მტკიცე და სასოებაჲ შეურყეველი,
Line of edition: 20    რაჲთა მის მიერ შეუძლონ განჴურვებულთა მათ უკეთურისა
Line of edition: 21    ისართა დაშრეტად. ხოლო დაღაცათუ წინააღმდგომი იგი ბევრეულითა
Line of edition: 22    ღონითა წინააღუდგებოდის, რაჲთამცა დაჰჴსნნა იგინი
Line of edition: 23    სასოებისა და სიყარულისა მისგან ღმრთისა, გინა თუ შინაგანითა
Line of edition: 24    ბრძოლითა სულთა მიერ უკეთურთა, ანუ გულისსიტყუათა მიერ
Line of edition: 25    ბოროტთა და შეგინებულთა, რამეთუ პირველთა ცოდვათა მოაჴსენებნ
Line of edition: 26    და დაშჯინ სულსა, რაჲთამცა დაჴსნილობად მოიყვანა. ვითარმედ
Line of edition: 27    შეუძლებელ არს ცხორებაჲ, რაჲთამცა სასოწარკუეთილებად
Line of edition: 28    მოიყვანა სული. და ესრეთ შვის უკეთურებაჲ იგი ვნებათაჲ სულსა
Line of edition: 29    შინა, რაჲთა სულმან მან ვერ იცნას, თუ უცხო რაჲმე სული არს,
Page of edition: 394   Line of edition: 1    რომელი ამას აგონებს. რამეთუ არა ჰნებავს ეშმაკსა, რაჲთამცა იცნა
Line of edition: 2    იგი, ვითარმედ არს გულსა შინა სული უცხოჲ ღმრთისაჲ, რაჲთა
Line of edition: 3    ესრეთ მოიყვანოს იგი უსასოებად და მერმე უძლურებანი ჴორცთანი
Line of edition: 4    მოაწინის, ანუ ყუედრებანი კაცთა მიერ. და უკუეთუ ამით
Line of edition: 5    ყოვლითა უკეთური იგი ჰბრძოდის სულსა, ხოლო კაცი იგი სასოებისაგან
Line of edition: 6    ღმრთისა არა განეყენოს, არამედ უფროჲსად მას შეევედრებოდის,
Line of edition: 7    ვითარცა მხოლოსა მკურნალსა ვნებათა სულიერთასა
Line of edition: 8    და* იგი ოდენ უყუარდეს მარადის და მას იგონებდეს და
Line of edition: 9    იტყოდის, ვითარმედ: "უკუეთუ დაუტეო ცხორებაჲ ესე მოღუაწებისაჲ
Line of edition: 10    და მივიქცე სოფლად, შეუძლებელ არს სხუაჲ სადამე მისლვაჲ
Line of edition: 11    თჳნიერ გეჰენიისა". ხოლო უკუეთუ რაოდენცა მარადღე უკეთური
Line of edition: 12    იგი ისწრაფდეს დაჴსნად მისა ისრითა მით განჴურვებულითა ვნებათაჲთა,
Line of edition: 13    რაჲთამცა სასოწარკუეთილებად მიიყვანა, უკუეთუ იგი
Line of edition: 14    უფროჲსად ღმერთსა ესვიდეს და მისა მიივლტოდის, მაშინ იპოოს
Line of edition: 15    იგი გამოცდილ და წმიდა, რამეთუ უფალსა ესრეთ ჰნებავს გამოცდაჲ
Line of edition: 16    სულთაჲ მათ, რომელნი მისა მიივლტიან, რაჲთა გამოჩნდეს
Line of edition: 17    ჭეშმარიტებით, ვითარმედ ყოველივე მოიძულეს და იგი მხოლოჲ
Line of edition: 18    შეიყუარეს და მრავალნი ძჳრნი თავს-ისხნეს მიახლებისათჳს ღმრთისა.
Line of edition: 19    და მათ სურვილი თჳსი მისა მიმართ დადვეს და ბევრეულნი სიკუდილნი
Line of edition: 20    უგულებელს-ყვნეს და ღმერთი ოდენ შეიყუარეს და არა
Line of edition: 21    რაჲ შეჰრაცხეს ღირს კეთილთა მათ. რამეთუ ათასისა წლისა ამის
Line of edition: 22    სოფლისა კეთილი ესრეთ არს საუკუნოჲსა მის კეთილთა თანა, ვითარმცა
Line of edition: 23    ქჳშისაგან ზღჳსა ერთი კენჭი აღიღე. ესრეთ დაუსრულებელ
Line of edition: 24    არს სუფევაჲ მართალთაჲ.

Line of edition: 25       ხოლო სულნი იგი, რომელნი ესრეთ იღუწიდენ ღმთისათჳს
Line of edition: 26    და ესრეთ ყოველსავე ჭირსა თავს-იდებდენ და სასოებაჲ მისი აქუნდეს
Line of edition: 27    მტკიცე, იგინი გამოცდილ განსაცდელთა მიერ იქმნებიან და
Line of edition: 28    ჰპოვებენ საუკუნესა მას ცხორებასა, ვითარცა წერილ არს: "ვინ განმაშორნეს
Line of edition: 29    ჩუენ სიყუარულსა მას ქრისტესსა", და შემდგომი ამისი.
Line of edition: 30    და კუალად იტყჳს, ვითარმედ: "ჭირმან შვის მოთმინებაჲ, ხოლო
Line of edition: 31    მოთმინებამან -- გამოცდილებაჲ, ხოლო გამოცდილებაჲ -- სასოებასა,
Line of edition: 32    ხოლო სასოებაჲ არა არცხუენს". და უფალი იტყჳს, ვითარმედ:
Line of edition: 33    "მოთმინებითა თქუენითა მოიპოვნეთ სულნი თქუენნი" და "რომელმან
Line of edition: 34    დაითმინოს, იგი სრულიად ცხონდეს". ყოველნი უკუე განსაცდელნი
Line of edition: 35    მტერისანი**უკუეთუ ვინმე კეთილად მოითმინნეს, იგინი
Line of edition: 36    უფროჲსად დასამტკიცებელ იქმნებიან მისა. მითხარღა, უკუეთუმცა
Line of edition: 37    მეფედ ყოვლისა სოფლისა დაგადგინებდეს და შენმცა მხოლოჲ
Line of edition: 38    იყავ მეფჱ სოფლისაჲ, ვინაჲთგან ნათესავი კაცთაჲ დაიბადა,
Page of edition: 395   Line of edition: 1    ვიდრე აღსასრულადმდე ჟამთა, მიჰყიდემცა ეგევითარსა მას მეუფებაჲ
Line of edition: 2    იგი ცათაჲ? უკუეთუ მართლიად შჯი და სთქუ, ვითარმედ ნუ
Line of edition: 3    იყოფინ, რაჲთამცა მივჰყიდე "საუკუნოჲ იგი და უხრწნელი ცხორებაჲ
Line of edition: 4    ხრწნილისა ამის და წარმავალისათჳს"! ვიათარცა უფალი
Line of edition: 5    იტყჳს: "რაჲ სარგებელ არს, უკუეთუ შეიძინოს კაცმან ყოველი სოფელი
Line of edition: 6    და სული თჳსი წარიწყმიდოს? ანუ რაჲ მისცეს ნაცვლად
Line of edition: 7    სულისა თჳსისა?" რამეთუ ყოვლისა სოფლისა და სუფევისა მისისა
Line of edition: 8    და დიდებისა და სიმდიდრისა სული უპატიოსნეს არს. არა თუ ცათა
Line of edition: 9    იგი სუფევაჲ უპატიოსნეს არს, ამისთჳს რამეთუ არარას შინა დაბადებულთა
Line of edition: 10    თჳსთაგანისა ინება ღმერთმან შეერთებაჲ თჳსისა მის
Line of edition: 11    ბუნებისა სულისაჲ და ზიარებაჲ არცა ცათა, არცა მზესა, არცა
Line of edition: 12    მთოვარესა, არცა ვარსკულავთა, არცა ზღუასა, არცა ქუეყანასა,
Line of edition: 13    არცა სხუასა რას, არამედ კაცსა ოდენ, რომელსა უყუარდეს იგი
Line of edition: 14    უფროჲს ყოვლისა.

Line of edition: 15       ხოლო უკუეთუ დიდნი იგი დიდებანი და სუფევანი სოფლისანი
Line of edition: 16    უკუეთუ მართლ ვსაჯოთ, არა ღირს არიან ცხორებასა თანა საუკუნესა,
Line of edition: 17    უკუე ვითარ მრავალნი არარათა და უნდოთა საქმეთათჳს
Line of edition: 18    მიჰყიდდით მას, ვითარ გულისთქუმისა ანუ დიდებისა რაჲსათჳსმე
Line of edition: 19    ამაოჲსა, ანუ შესაძინელისა ბოროტისა, რამეთუ რომელიცა ამის
Line of edition: 20    სოფლისა ნივთი ვის უყუარდეს და მისა შემშჭუალულ იყოს, მასცა
Line of edition: 21    მიჰყიდის საუკუნესა მას ცხორებასა. რამეთუ რომელიცა ვის უყუარდეს,
Line of edition: 22    იგიცა ღმერთ მისა არს, ვითარცა წერილ არს". რამეთუ რომელსა
Line of edition: 23    სასუფეველისათჳს ცათაჲსა სუროდის, თანა-აც, რაჲთა ყოველთავე
Line of edition: 24    ამის სოფლისა საქმეთა უზეშთაეს იყოს და წარჰჴდეს
Line of edition: 25    ყოველთავე საზღვართა ქუეყანისათა და განხეთქნეს ყოველნივე
Line of edition: 26    საკრველნი სოფლისანი და ცათა დიდებაჲ ოდენ შეიყუაროს და
Line of edition: 27    არარაჲ შეჰრთოს სიყუარულსა მას თანა ამის სოფლისაჲ. რამეთუ
Line of edition: 28    რომელსა სიყუარული საღმრთოჲ აქუნდეს, იგი ვითარცა მახჳლი
Line of edition: 29    ორპირი ყოველსავე სიყუარულსა სოფლისასა განჰკუეთს და ვერარაჲ
Line of edition: 30    ხილულთაგანი დააყენებს სულსა მას: არცა დიდებაჲ, არცა სიმდიდრჱ,
Line of edition: 31    არცა სხუაჲ რაჲმე საკრველი ქუეყანისაჲ*. არამედ რომელსა-იგი
Line of edition: 32    ღმერთი უყუარდეს, მისებრ არავინ უყუარს, არამედ
Page of edition: 396   Line of edition: 1    მისსა ოდენ სიყუარულსა შეკრულ არს და შემშჭუალულ და ყოველსავე
Line of edition: 2    ნივთსა სოფლისასა წინააღუდგების და სძლევს მახჳლსა
Line of edition: 3    ორპირსა და სიყუარული სულისაჲ თჳსითა მით სრულითა სიყუარულითა
Line of edition: 4    მოიგის. ხოლო იგი სიყუარული ყოველსავე შემძლებელ
Line of edition: 5    არს ძლევად და ყოველთავე შუა კედელთა განჰკუეთს და ღმრთისა
Line of edition: 6    ოდენ მიიწევის და ნებასა მისსა, ვითარცა ჯერ-არს, აღასრულებს.

Line of edition: 7       ჭირითა უკუე და ღუაწლითა მოიგების აღთქუმაჲ იგი ცხორებისაჲ,
Line of edition: 8    რამეთუ ჯერ-არს წერილისაებრ, "რაჲთა ყოვლითა სულითა
Line of edition: 9    და გულითა და ყოვლითა ძალითა" ჯუარს-აცუას კაცმან სული თჳსი
Line of edition: 10    და ჴორცნი მცნებათა შინა მისთა, ვიდრემდე პოოს სუფევაჲ იგი
Line of edition: 11    და ცხორებაჲ საუკუნოჲ, რომელი აღუთქუა ღმერთმან მოყუარეთა
Line of edition: 12    თჳსთა*. რამეთუ უკუეთუ ხილულსა და განხრწნადსა ამას მეუფებასა
Line of edition: 13    შინა ესევითარნი ჭირნი და ღუაწლნი იქმნებიან, რაჲთამცა
Line of edition: 14    პოვა თჳთეულმან გულისსათქუმელი თჳსი დიდებაჲ რაჲმე, ანუ პატივი
Line of edition: 15    წარმავალი, მაშა, ვითარ უფროჲსად ჯერ-არს, რაჲთა უხრწნელისა
Line of edition: 16    მის და წარუვალისა დიდებისა და სუფევისათჳს ვიღუაწიდეთ
Line of edition: 17    ტკივილითა, რაჲთა დავიმკჳდროთ იგი. მითხარღა, კაცო, კეთილ-გიჩნსა,
Line of edition: 18    რაჲთა წარმავალისა ამის დიდებისათჳს ესრეთ იღუწიდე,
Line of edition: 19    რომელი დღეს არს და ხვალე არა, და ესოდენნი ჭირნი
Line of edition: 20    თავს-ისხნე? ხოლო სუფევისა მისთჳს საუკუნოჲსა ქრისტეს თანა
Line of edition: 21    წარუვალისა არცა ერთი რაჲ ჭირი ანუ** შრომაჲ თავს-იდვა ამას
Line of edition: 22    სოფელსა, რაჲთა მცირედისა ჟამისა წილ ქრისტეს თანა უკუე ჰსუფევდე?
Line of edition: 23    მე ვჰგონებ, ვითარმედ ფრიად სუბუქნიცა და ჩჩჳლნი გონებითა
Line of edition: 24    ამას გულისჴმა-ჰყოფენ, ვითარმედ კეთილ არს, რაჲთა მცირედსა
Line of edition: 25    ჟამსა იღუაწოს და უკუნისამდე ძლევაჲ მოიღოს და მძლედ
Line of edition: 26    გამოჩნდეს, ვიდრეღა მცირედსა ჟამსა არა ებრძოლოს, არამედ უდებ
Line of edition: 27    იქმნას და სოფლისა ზრუნვათა შეემშჭუალოს და მერმე უკუნისამდე
Line of edition: 28    სირცხჳლეულ და ძლეულ იყოს. რამეთუ რაჟამს კაცი საქმეთა
Line of edition: 29    შინა კეთილთა იყოფოდის და სიტყუასა წერილთასა აღასრულებდეს,
Line of edition: 30    ყოველნივე მას აქებდენ: წერილნიცა და გარეგანნიცა
Line of edition: 31    იგი ბრძენნი და ყოველნი კაცნი. და იგი არს წინაშე ღმრთისა
Line of edition: 32    ჭეშმარიტი ბრძენი, რომელი ბოროტთა გულისთქუმათა წინააღუდგებოდის.
Line of edition: 33    ხოლო რომელი სიტყუათა ზედა სიბრძნისათა
Line of edition: 34    იქადოდის და ვნებანი ვერ დაემორჩილნენ, იგი ცოფ და
Line of edition: 35    უგუნურ არს, რამეთუ მონაჲ ვნებათაჲ არს იგი. რამეთუ კაცსა
Line of edition: 36    ღმრთისასა არა უჴმს, რაჲთა მისცეს თავი თჳსი მრავალმეტყუელებასა,
Page of edition: 397   Line of edition: 1    არამედ რაჲთა საქმეთა ოდენ საღმრთოთა იტყოდის და
Line of edition: 2    სიტყუასა წერილთასა აღასრულებდეს. რამეთუ ყოველნივე წერილნი,
Line of edition: 3    გინა თუ საღმრთონი, გინა თუ სოფლისა რჩულნი კეთილთა
Line of edition: 4    საქმეთა აქებენ და ბოროტთათჳს სატანჯველსა განაგებენ. ხოლო
Line of edition: 5    შენ უკუეთუ კეთილსა იქმოდი, ყოველნივე შენთჳს იტყჳან და შენ
Line of edition: 6    გაქებენ აღსრულებისათჳს სათნოებათაჲსა და ყოველთა პირსა შინა
Line of edition: 7    ხარ.

Line of edition: 8       ვისწრაფოთ უკუე, ძმანო, აღსრულებად მცნებათა უფლისათა,
Line of edition: 9    რომელნი-იგი ესევითართა კეთილთა მომატყუებელ არიან და
Line of edition: 10    სულსა წმიდასა მარადის მოველოდით და1 სულნი და ჴორცნი აქაჲთვე
Line of edition: 11    განვიწმიდნეთ აღსრულებითა მცნებათაჲთა სულისა წმიდისა
Line of edition: 12    მიერ და ღირს ქრისტესა ვიქმნეთ. და2 ესრეთ ვიყვნეთ ძე მამისა
Line of edition: 13    მის ზეცათაჲსა ზიარებითა სულისა მისისაჲთა და "ვიქმნეთ მკჳდრ
Line of edition: 14    ღმრთისა თანა და თანამკჳდრ ქრისტესა" -- სიტყჳსაებრ მოციქულისა
Line of edition: 15    და ესრეთ ქრისტეს თანა საუკუნენი კეთილნი დავიმკჳდრნეთ
Line of edition: 16    დაუსრულებელთა მათ საუკუნეთა უკუნისამდე. ამენ.



Next part


This text is part of the TITUS edition of Pseudo-Macarius, Epistulae et Orationes.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.