TITUS
Pseudo-Macarius, Epistulae et Orationes
Part No. 22
Previous part

Text: 20     
Line of edition: 11  თავი 20


Line of edition: 12       *რომელსა ჰნებავს სათნო-ყოფად ღმრთისა და ჰრწმენეს თანა-მკჳდრად
Line of edition: 13    ქრისტესა ყოფაჲ და ისწრაფდეს, რაჲთამცა მსგავს უფლისა
Line of edition: 14    იქმნა, თანა-აც მას, რაჲთა უწინარეს ყოვლისა სულგრძელებაჲ
Line of edition: 15    და მოთმინებაჲ მოიგოს, რაჲთა ყოველსავე ჭირსა და განსაცდელსა
Line of edition: 16    სიხარულით მოითმენდეს: გინა თუ ჴორციელთა უძლურებათა
Line of edition: 17    და ვნებათა, ანუ თუ ყუედრებასა და გინებასა კაცთასა, გინა
Line of edition: 18    თუ ჭირთა უხილავთა და თითოსახეთა, რომელნი მოიწევიან სულსა
Line of edition: 19    ზედა სულთა მათ მიერ ბოროტთა, რაჲთამცა დააყენეს იგი სასუფეველსა
Line of edition: 20    შესლვისაგან და მიიყვანეს იგი დაჴსნილობად და სულმოკლებად
Line of edition: 21    და უთმინოებად. რამეთუ უფალი განგებულებით მიუშუებს
Line of edition: 22    თითოეულსა სულსა გამოცდად თითოსახეთა ჭირთა შინა,
Line of edition: 23    რაჲთა გამოჩნდენ სულნი იგი, რომელთა ყოვლითა გულითა უყუარს
Line of edition: 24    ღმერთი და მოითმინნენ ყოველნივე იგი ზედამოსრულნი განსაცდელნი
Line of edition: 25    მტერისანი ახოვნად და მარადის გამოჴსნასა მას მადლისასა
Line of edition: 26    მოელოდიან სასოებით და მოთმინებით. ხოლო ესევითარნი იგი
Line of edition: 27    შემძლებელ არიან განვლად განსაცდელთა მათგან და ესრეთ პოონ
Line of edition: 28    აღთქუმაჲ იგი სულისაჲ და შევიდენ სასუფეველსა მისსა. ხოლო
Line of edition: 29    თანა-აც სულსა, რომელი სიტყუასა უფლისასა შეუდგებოდის, რაჲთა
Line of edition: 30    ჯუარი იგი უფლისაჲ სიხარულით აღიღოს, ვითარცა წერილ
Line of edition: 31    არს. ესე იგი არს, რაჲთა მარადის მზა იყოს მოთმინებად ღმრთისათჳს
Line of edition: 32    ყოვლისავე განსაცდელისა მომავალისა გინა თუ ფარულისა,
Line of edition: 33    გინა თუ ცხადისა და კაცობრივისა. და რაჲთა უფალსა შეევედროს
Page of edition: 371   Line of edition: 1    სასოებით მარადის, რამეთუ ჴელმწიფებასა შინა მისსა არს ყოველივე,
Line of edition: 2    გინა თუ შეუნდოს სულსა, რაჲთამცა ეჭირვოდა, ანუ კუალად,
Line of edition: 3    უკუეთუ ენებოს, რაჲთა გამოიყვანოს იგი ყოვლისაგანვე გულკლებისა.
Line of edition: 4    ხოლო უკუეთუ არა განმჴნდეს და ახოვნად მოითმენდეს
Line of edition: 5    ყოველსავე ჭირსა, არამედ მწუხარე იყოს და მოწყინე, დაუმძიმდეს
Line of edition: 6    და სულმოკლე იქმნებოდის ღუაწლსა მას შინა და სასოებასა
Line of edition: 7    წარიკუეთდეს, ვითარმცა ვეროდეს გამოვიდოდა განსაცდელისა მისგან.
Line of edition: 8    ხოლო ესე ყოველი უკეთურთა ეშმაკთა სიჴელოვნჱ არს, რაჲთამცა
Line of edition: 9    მოიყვანეს სული მოწყინებად და სასოწარკუეთილებად, რაჲთამცა
Line of edition: 10    არა მოელოდა წყალობასა უფლისასა. ხოლო ესევითარი
Line of edition: 11    იგი სული შვილ ცხორებისა არაოდეს იქმნების, რამეთუ არა შეუდგა
Line of edition: 12    ყოველთავე წმიდათა და არცა ვლო მან კუალსა ზედა
Line of edition: 13    უფლისასა.

Line of edition: 14       გულისჴმა-ყავ და იხილე, თუ ვითარ დასაბამითგან ყოველნივე
Line of edition: 15    წმიდანი მამათმთავარნი, წინაწარმეტყუელნი, მოციქულნი და მოწამენი
Line of edition: 16    იწროსა მას და საჭირველსა გზასა ვიდოდეს განსაცდელითა
Line of edition: 17    მრავლითა და ესრეთ შეუძლეს სათნო-ყოფად ღმრთისა, რამეთუ
Line of edition: 18    მოითმინეს ყოველივე განსაცდელი და ჭირი ახოვნად და განსაცდელთა
Line of edition: 19    მათ შორის ბოროტთა მხიარულ იყვნეს სასოებისა მისთჳს
Line of edition: 20    კეთილთაჲსა, რომელსა მოელოდეს, ვითარცა წერილი იტყჳს, ვითარმედ:
Line of edition: 21    "შვილო, უკუეთუ მოხუალ მსახურებად უფლისა, განჰმზადე
Line of edition: 22    სული შენი მოთმინებად, დააღმრმე გული შენი და თავს-იდევ
Line of edition: 23    ყოველივე". და მოციქული იტყჳს: "უკუეთუ შორს ხართ
Line of edition: 24    სწავლასა, რომლისა ზიარ იქმნნეს ყოველნი, მწირნი ვიდრემე ხართ
Line of edition: 25    და არა შვილნი". და2 სხუასა ადგილსა წერილ არს, ვითარმედ: "ყოველივე
Line of edition: 26    შენ ზედა მომავალი, ვითარცა კეთილი ესრეთ შევიწყნარე,
Line of edition: 27    რამეთუ თჳნიერ ღმრთისა არა რაჲ იქმნების". და უფალი
Line of edition: 28    იტყჳს: "ნეტარ იყვნეთ თქუენ, რაჟამს გდევნიდენ და გყუედრიდენ
Line of edition: 29    და თქუან ყოველი სიტყუაჲ ბოროტი თქუენდა მომართ სიცრუით,
Line of edition: 30    ჩემთჳს გიხაროდენ და მხიარულ იყვენით, რამეთუ სასყიდელი თქუენი
Line of edition: 31    დიდი იყოს ცათა შინა". და "ნეტარ იყვნენ დევნულნი სიმართლისათჳს,
Line of edition: 32    რამეთუ მათი არს სასუფეველი ცათაჲ". ხოლო დევნაჲ
Page of edition: 372   Line of edition: 1    გინა თუ ცხადად კაცთა მიერ, გინა თუ ფარულად სულთა მიერ
Line of edition: 2    უკეთურთა იგივე არს. რამეთუ წინააღუდგებიან იგინი სულსა
Line of edition: 3    მას, რომელი ღმერთსა ეძიებნ, რაჲთამცა დააყენეს იგი სასუფეველსა
Line of edition: 4    შესლვისაგან და რაჲთა გამოიცადოს და გამოჩნდეს, უკუეთუ
Line of edition: 5    ჭეშმარიტებით უყუარს ღმერთი. რაჟამს-იგი მოითმინოს ყოველივე
Line of edition: 6    ჭირი და სასოებაჲ უკუნისამდე დაიმარხოს და მოელოდის
Line of edition: 7    გამოჴსნასა. ანუ კუალად, უკუეთუ არა მოითიმნოს, არამედ შეშინდეს
Line of edition: 8    და უთმინო იქმნას, რაჲთა ესრეთცა გამოჩნდეს, ვითარმედ არა
Line of edition: 9    უყუარს ღმერთი ჭეშმარიტებით. რამეთუ თითოსახენი ჭირნი და
Line of edition: 10    განსაცდელნი გამოაჩინებენ ღირსთა და უღირსთა სულთა, რომელთა
Line of edition: 11    აქუნდეს სარწმუნოებაჲ და სიყუარული ღმრთისაჲ და რომელთა
Line of edition: 12    არა აქუნდეს. რაჲთა სულნი იგი ღირსნი ყოველსავე შინა გამოჩნდენ
Line of edition: 13    გამოცდილ და ღირს და სარწმუნო, რომელთა უკუე მოითმინონ
Line of edition: 14    და სასოებაჲ იგი სრულიად დაიმჭირონ და ესრეთ პოონ
Line of edition: 15    გამოჴსნაჲ მადლისა მიერ და ღირს იქმნენ იგინი დამკჳდრებად სასუფეველსა
Line of edition: 16    ცათასა. ამისთჳს უკუე თანა-აც ყოველსა სულსა, რომელსა
Line of edition: 17    ენებოს სათნო-ყოფაჲ ღმრთისაჲ, რაჲთა უპირატეს ყოვლისა
Line of edition: 18    მოთმინებაჲ და სასოებაჲ შეიკრძალოს ახოვნად და ესრეთ შეუძლოს
Line of edition: 19    თანაწარსლვად ყოველსავე ჭირსა და ზედააღდგომასა უკეთურისა
Line of edition: 20    ეშმაკისასა.

Line of edition: 21       რამეთუ ღმერთი სულსა, რომელი მას ესვიდეს და მას დაუთმობდეს,
Line of edition: 22    არა შეუნდობს გამოცდად ესრეთ, რაჲთამცა ვერღარა
Line of edition: 23    შეუძლებელ იყო ტჳრთად ჭირთა და განსაცდელთა მათ, ვითარცა
Line of edition: 24    მოციქული იტყჳს, ვითარმედ: "სარწმუნო არს ღმერთი, რომელმან
Line of edition: 25    არა გიტევნეს თქუენ გამოცდად უფროჲს ძალისა თქუენისა,
Line of edition: 26    არამედ განსაცდელსა შინა ყოს აღსასრულიცა, რაჲთა შემძლებელ
Line of edition: 27    იქმნნეთ მოთმინებად". რამეთუ არა ჴელ-ეწიფების უკეთურსა მას
Line of edition: 28    ეშმაკსა გამოცდად სულისა, რაოდენცა ენებოს, არამედ რაოდენ
Line of edition: 29    ღმერთმან მიუშუას. ოდენ სულსა ესე უჴმს, რაჲთა ახოვნად დაიმჭიროს
Line of edition: 30    სასოებაჲ და სარწმუნოებით მოელოდის შეწევნასა და ჴელის-აპყრობასა
Line of edition: 31    მისსა. და შეუძლებელ არს, თუმცა დაუტევა იგი
Line of edition: 32    ღმერთმან, არამედ რაოდენცა ისწრაფდეს და სარწმუნოებით და
Line of edition: 33    სასოებით მიივლტოდის ღმრთისა და მისმიერსა შეწევნასა უეჭუელად
Line of edition: 34    მოელოდის, ეგოდენცა ადრე გამოჴსნის მას უფალი ზედამომავალისა
Line of edition: 35    მის ჭირისაგან. რამეთუ მან უწყის, თუ რაოდენ უჴმს
Line of edition: 36    სულსა გამოცდაჲ და განსაცდელსა შინა ყოფაჲ და ეგოდენცა მიუშუებს,
Page of edition: 373   Line of edition: 1    ოდენ იგიმცა დაიმჭირავს მოთმინებასა და სასოებასა, ვიდრე
Line of edition: 2    აღსასრულადმდე და არა ჰრცხუენეს მას, ვითარცა წერილ არს,
Line of edition: 3    ვითარმედ: "ჭირი შობს მოთმინებასა, ხოლო მოთმინებაჲ გამოცდილებასა,
Line of edition: 4    ხოლო გამოცდილებაჲ სასოებასა, ხოლო სასოებამან
Line of edition: 5    არა არცხჳნის". და კუალად იტყჳს: "ვითარცა მონანი ღმრთისანი
Line of edition: 6    მოთმინებითა მრავლითა ჭირთა შინა და1 ურვათა და იწროებათა",
Line of edition: 7    და შემდგომი ამისი. და უფალი იტყჳს, ვითარმედ: "რომელმან მოითმინოს
Line of edition: 8    სრულიად, იგი ცხონდეს", და "მოთმინებითა თქუენითა
Line of edition: 9    მოიპოვნეთ სულნი..." და სხუასა ადგილსა წერილ არს: "ვინ მიენდო
Line of edition: 10    ღმერთსა და ჰრცხუენა, ანუ ვინ დაადგრა შიშსა შინა მისსა და
Line of edition: 11    დატევებულ იქმნა, ანუ ვინ ხადოდა მას და უგულებელს-ყო იგი?"
Line of edition: 12    და უკუეთუ კაცნი, რომელთა მცირედი გონებაჲ აქუს და შემძლებელ
Line of edition: 13    არიან გულისჴმის-ყოფად, თითოეული პირუტყუთაგანი რაოდენსა
Line of edition: 14    სიმძიმესა და ტჳრთსა აღიღებდეს, ვითარ კარაული, ანუ ჯორი,
Line of edition: 15    ანუ აქლემი, და თითოეულსა ძალისა მათისაებრ აჰკიდებენ. და
Line of edition: 16    უკუეთუ მეკეცჱ ჭურჭელსა მას კეცისასა შეჰკრებს საჴუმილსა შინა,
Line of edition: 17    რაჲთა გამოიჴურვნენ და იქმნნენ საჴმარ კაცთა და უწყის, თუ
Line of edition: 18    რაჲზომ უჴმს მათ გამოწუვაჲ, და არცა უფროჲს ზომისა უტეობს
Line of edition: 19    დაწუვად, რაჲთა არა განტყდენ და განიხრწნენ და არცა უწინარეს
Line of edition: 20    ჟამისა გამოიხუამს მათ ცეცხლისაგან, რაჲთა არა უჴმარ იყვნენ.
Line of edition: 21    ხოლო უკუეთუ საჩინოთა მათ საქმეთა შინა კაცთა ესოდენი გულისჴმის-ყოფაჲ
Line of edition: 22    აქუს, ვითარ არამცა უფროჲსად უწყოდა ღმერთმან,
Line of edition: 23    რომელი-იგი არს მიუწთომელ და გამოუთქუმელ, გულისჴმის-ყოფაჲ
Line of edition: 24    და მეცნიერებაჲ და ყოვლითურთ სიბრძნჱ, თუ რაოდენი
Line of edition: 25    გამოცდაჲ და ჭირი განსაცდელთაჲ ძალ-უც სულთა მათ, რომელნი
Line of edition: 26    მას ეძიებდენ და უნდეს სათნო-ყოფაჲ მისი და სუროდის დამკჳდრებად
Line of edition: 27    სასუფეველსა ცათასა. და რაჟამს ესრეთ მოითმინონ ვიდრე
Line of edition: 28    აღსასრულადმდე ახოვნად ყოველივე ჭირი და განსაცდელი და
Line of edition: 29    გამოჩნდენ ღირსად ცხორებასა არა დაინაყოს ფრიად, შეუძლებელ
Line of edition: 30    არს მისგან საბლისა წულილისა შეგრეხაჲ და რაოდენცა იგუემოს
Page of edition: 374   Line of edition: 1    იგი ნაყოფთა, ეგოდენცა უკეთეს და უწმიდეს იქმნების, ეგრეთვე
Line of edition: 2    სული ღმრთისმოყუარჱ, რომელი მრავალთა განსაცდელთა და ჭირთა
Line of edition: 3    შევიდეს და მოითმინოს ახოვნად, უწმიდე და უშუენიერე იქმნების
Line of edition: 4    საქმესა მას შინა წურილადსა სულისასა და უკუანაჲსკნელ
Line of edition: 5    ღირს იქმნების დამკჳდრებად საშუებელსა მას სასუფეველისასა.
Line of edition: 6    რამეთუ ვითარცა ჭურჭელი კეცისაჲ ახლად შექმნული უჴმარ არს,
Line of edition: 7    უკუეთუ ცეცხლსა არა შევარდეს, ანუ ვითარცა ყრმაჲ ჩჩჳლი უჴმარ
Line of edition: 8    არს საქმეთათჳს სოფლისათა და ვერცა ქალაქთა შემძლებელ
Line of edition: 9    არს აღშენებად, ვერცა დათესვად ყანასა, ვერცა დასხმად ვენაჴსა,
Line of edition: 10    ვერცა სხჳსა რაჲსამე საქმისა ქმნად სიჩჩოჲსა მისგან მისისა, ეგრეთვე
Line of edition: 11    სულნი, დაღაცათუ ზიარ მადლისა იქმნენ და განსუენებულ
Line of edition: 12    იყვნენ სიტკბოებითა მით სულისაჲთა, რამეთუ უფალი სიჩჩოჲსა
Line of edition: 13    მათისათჳს სახიერ ექმნების, ხოლო უკუეთუ არა გამოიცადნენ
Line of edition: 14    თითოსახითა ჭირითა უკეთურთა მათ მიერ სულთა, ჯერეთ ჩჩჳლ
Line of edition: 15    არიან და, ესრეთ ვთქუათ, არღარა საჴმარ არიან სასუფეველსა
Line of edition: 16    ცათასა გამოუცდელობისა მათისათჳს, ვითარცა თქუმულ არს, ვითარმედ:
Line of edition: 17    "უკუეთუ შორს ხართ სწავლასა, რომლისა ზიარ იქმნეს
Line of edition: 18    ყოველნი, მწირნი ვიდრემე ხართ და არა შვილნი". ამისთჳს უკუე
Line of edition: 19    საცნაურ არს, ვითარმედ ჭირნი და განსაცდელნი უმჯობესისათჳს
Line of edition: 20    კაცისა არიან და გამოცდილ და მტკიცე-ჰყოფენ სულსა, უკუეთუ
Line of edition: 21    ოდენ ახოვნად მოითმინოს და გულსმოდგინედ და 2 სასოებითა უფლისაჲთა
Line of edition: 22    და მოელოდის სარწმუნოებითა შეუორგულებელითა გამოჴსნასა
Line of edition: 23    უფლისა მიერ და წყალობასა მისსა. და შეუძლებელ არს,
Line of edition: 24    თუმცა არა პოვა მან აღთქუმაჲ იგი სულისაჲ და გამოჴსნაჲ ვნებათაგან,
Line of edition: 25    ვითარცა გამოცდილი და სარწმუნოჲ, რომელმან სარწმუნოებაჲ
Line of edition: 26    უფლისაჲ აღსრულებადმდე მოთმინებით დაიცვა.

Line of edition: 27       რამეთუ ვითარცა წმიდათა მოწამეთა მრავალნი ღუაწლნი მოითმინნეს
Line of edition: 28    და ვიდრე სიკუდილადმდე სასოებითა უფლისაჲთა დაადგრეს
Line of edition: 29    კეთილსა მას აღსაარებასა შინა და ესრეთ გამოცდილ იპოვნეს
Line of edition: 30    და ღირს იქმნნეს მიღებად გჳრგჳნთა მათ დიდებისათა. ხოლო რომელთამე
Line of edition: 31    უმეტესნი და უფიცხლესნი სატანჯველნი დაითმინნეს და2
Line of edition: 32    უმეტესიცა დიდებაჲ და კადნიერებაჲ მოიგეს ღმრთისა მიერ. ხოლო
Page of edition: 375   Line of edition: 1    რომელნიცა შეშინდეს ჭირთაგან და1 სატანჯველთა და არა დაადგრეს
Line of edition: 2    კეთილსა მას აღსაარებასა ზედა, ეგევითარნი იგი სრულიად
Line of edition: 3    სირცხჳლეულ და კდემულ არიან აქაცა და მასცა საუკუნესა. ეგრეთვე
Line of edition: 4    სულნი, რომელნი მიეცნენ ჭირთა მრავალთა გამოსაცდელად
Line of edition: 5    და სულთა მათ უკეთურთაგან უხილავად იგუემებოდინ თითოსახედ,
Line of edition: 6    გინა თუ შინაგან ფარულად ჭირითა გულისსიტყუათა ბოროტთაჲთა,
Line of edition: 7    ანუ ცხადად ჴორციელთა ვნებათა მიერ, ხოლო უკუეთუ
Line of edition: 8    მოითმენდენ ახოვნად და დაიმჭირონ სასოებაჲ ღმრთისაჲ და
Line of edition: 9    სარწმუნოებით მოელოდინ მადლსა მას უფლისასა, ეგევითართავე
Line of edition: 10    გჳრგჳნთა სიმართლისათა ღირს იქმნებიან მიღებად, რაჟამს-იგი აქაჲთვე
Line of edition: 11    გამოჴსნასა მოელოდინ და მასვე კადნიერებასა ჰპოებენ მოწამეთასა*
Line of edition: 12    დღესა მას სასჯელისასა. რამეთუ ამათცა იგივე წამებაჲ
Line of edition: 13    ჭირთაჲ მოითმინეს, რომელი-იგი მათ კაცთა მიერ მოითმინეს, ამათ
Line of edition: 14    კულა ეშმაკთა მიერ, რომელთა იგინი აღძრნეს ტანჯვად მათდა. და
Line of edition: 15    რაოდენცა უმეტესი ჭირი მოითმინონ ეშმაკთა მიერ და სასოებაჲ
Line of edition: 16    იგი მათი სრულიად დაიმარხონ, ეგოდენცა უმეტესსა დიდებასა
Line of edition: 17    ღმრთისამიერსა მოიგებენ და აქაცა განერებიან ჭირთა მათგან მოლოდებისაებრ
Line of edition: 18    მათისა მადლითა სულისა წმიდისაჲთა და მერმესა
Line of edition: 19    მას საუკუნესა ღირს იქმნებიან დამკჳდრებად ცხორებასა მას
Line of edition: 20    საუკუნესა.

Line of edition: 21       ხოლო რომელნიცა შეშინდენ ჭირთა მათგან და არა მოითმინონ,
Line of edition: 22    არამედ სულმოკლებად და სასოწარკუეთილებად მოვიდენ
Line of edition: 23    და მართლუკუნ იქცენ გზისა მისგან სიმართლისა და წყალობასა
Line of edition: 24    უფლისასა უკუნისამდე არა მოელოდინ, ეგევითარნი იგი სულნი გამოუცდელობისა
Line of edition: 25    მათისათჳს სასუფეველსა ცათასა ვერ ჰპოებენ,
Line of edition: 26    რამეთუ თანა-აც ყოველსა სულსა, რაჲთა ვიდრე სიკუდილადმდე
Line of edition: 27    მოითმინოს ყოველივე განსაცდელი უფლისათჳს, რომელი-იგი
Line of edition: 28    ჩუენთჳს მოკუდა და რაჲთა სასოებაჲ მისა მიმართ დაიმჭიროს
Line of edition: 29    და ესრეთ ღირს იქმნას ცხორებასა საუკუნესა. რამეთუ რომელთაცა
Line of edition: 30    ჰნებავს სრულიად განრომაჲ გეჰენიისაგან ცოდვილთათჳს
Line of edition: 31    განმზადებულისა და პოვნაჲ სასუფეველისაჲ, ჯერ-არს მათდა,
Line of edition: 32    რაჲთა ჭირნი იგი გეჰენიისანი აქავე თავს-ისხნენ განსაცდელთა მიერ
Line of edition: 33    ეშმაკისათა. და უკუე აღსასრულადმდე მოითმინონ და წყალობასა
Line of edition: 34    უფლისასა მოელოდინ სარწმუნოებით, იგინი აქაცა განსაცდელისაგან
Line of edition: 35    და ჭირთა განერებიან და ზიარებასა მას წმიდისა სულისასა
Line of edition: 36    აქავე ღირს იქმნებიან და გეჰენიისაგან განერებიან აქავე
Page of edition: 376   Line of edition: 1    და სასუფეველსა ქრისტესსა დაიმკჳდრებენ. რამეთუ ღმერთმან
Line of edition: 2    გზაჲ იგი ცხორებად მომყვანებელი ესევითარი განაგო, რაჲთა იყოს
Line of edition: 3    იგი იწრო და ჭირვეულ, ვითარცა წერილ არს. ამისთჳსცა მცირედნი
Line of edition: 4    არიან, რომელნი-იგი ვლენან მას შინა*. ხოლო აწ, ძმანო, ვინაჲთგან
Line of edition: 5    ესევითარი სასოებაჲ წინა-გჳც და ეგევითარნი აღთქუმანი
Line of edition: 6    აღთქუმულ არიან უტყუველისა მის ღმრთისა მიერ, ყოველივე ზედააღდგომაჲ
Line of edition: 7    და ჭირი უკეთურისაჲ ახოვნად მოვითმინოთ სასოებისა
Line of edition: 8    მისთჳს ცათა შინა მდებარისა, რამეთუ რავდენნიცა ჭირნი და
Line of edition: 9    განსაცდელნი მოვითმინნეთ უფლისათჳს, რაჲთამცა ვიქმენით ღირსი
Line of edition: 10    ნაცვალი, ანუ თუ საუკუნოჲსა მის აღთქუმულისა ცხორებისაჲ
Line of edition: 11    ანუ ნუგეშისცემისა მისთჳს, რომელი აქავე მოეცემის სულისა
Line of edition: 12    წმიდისა მიერ სულთა მათ მოთმინეთა, ანუ გამოჴსნისა მისთჳს
Line of edition: 13    ვნებათაჲსა და ბნელისა მის ბოროტისა, ანუ თანანადებთა მათ
Line of edition: 14    სიმრავლისა ცოდვათა ჩუენთაჲსა, ვითარცა წერილ არს: "გან-თუ-ვიკითხვით,
Line of edition: 15    ღმრთისა მიერ განვისწავლებით, რაჲთა არა სოფლისა
Line of edition: 16    თანა დავისაჯნეთ". და კუალად იტყჳს, ვითარმედ: "არა ღირს არიან
Line of edition: 17    ვნებანი ამის ჟამისანი მერმისა მის თანა დიდებისა, რომელი გამოჩინებად
Line of edition: 18    არს ჩუენ ზედა".

Line of edition: 19       ** ვიქმნნეთ ჩუენ, ვითარცა მჴნენი მჴედარნი და მეუფისა ჩუენისათჳს
Line of edition: 20    სიკუდილად მზა-ვიყვნეთ, რამეთუ რაჲსათჳს არა გუჭირდეს
Line of edition: 21    ესე ბრძოლანი და ჭირნი, რაჟამს სოფელსა შინა ვიყვენით და
Line of edition: 22    ზრუნვათა ქუეყანისათა? არამედ აწ ოდეს მოვედით სათნო-ყოფად
Line of edition: 23    უფლისა, ესოდენნი ჭირნი და განსაცდელნი მტერისანი ჩუენ ზედა
Line of edition: 24    აღდგებიან. ჰხედავთა, რამეთუ ესე ყოველი ღმრთისათჳს მოიწევის
Line of edition: 25    ჩუენ ზედა***? რამეთუ გუეშურების ჩუენ მტერი, რაჲთამცა
Line of edition: 26    დაჴსნილებად და უდებებად მოგჳყვანნა, რაჲთა არა სათნო-ვეყვნეთ
Line of edition: 27    უფალსა და ვცხონდეთ. ხოლო რაოდენცა ეშმაკი ჩუენ ზედა
Line of edition: 28    აღდგებოდის, უკუეთუ ჩუენ მოთმინებასა და სიმჴნესა შინა ვიპოვნეთ
Line of edition: 29    და მზა-ვიყვნეთ ჩუენ ვიდრე სიკუდილადმდე მისლვად სასოებისათჳს
Line of edition: 30    უფლისა, ყოველნივე მანქანებანი მისნი ჩუენ ზედა
Line of edition: 31    აღდგომილნი დაიჴსნებიან. რამეთუ გუაქუს ჴელისამპყრობელი ჩუენი
Line of edition: 32    და შემწჱ იესუ, რომელი-იგი მოგუცემს ჩუენ, ჭირვეულთა მოსავთა
Line of edition: 33    მისთა, მოთმინებასა და მტერსა მას ჩუენსა არცხუენს, რაჟამს-იგი
Page of edition: 377   Line of edition: 1    ჩუენ ძლევაჲ მოვიღოთ. და სასყიდელი ჭირთა ჩუენთაჲ
Line of edition: 2    არს სასუფეველი მისი.

Line of edition: 3       ვიქმნნეთ ჩუენ, ვითარცა გურდემლნი, რაჲთა ვიცემებოდით და
Line of edition: 4    არა დავჰჴსნებოდით, არცა გამოვაჩინებდეთ გუემისა და ცემისა მის
Line of edition: 5    მიერ კუალსა დაჴსნილობისასა, ანუ მოწყინებისა, ანუ სულმოკლებისასა.
Line of edition: 6    ვიცემებოდით და ვსძლევდეთ წინააღმდგომსა მას ჩუენსა
Line of edition: 7    მოთმინებითა, რამეთუ უფალმან ჩუენმან ესე სოფელი არა გუემითა
Line of edition: 8    განვლოა და ჭირითა და ინერწყუა და იყუედრა და იდევნა? ხოლო
Line of edition: 9    უკუანაჲსკნელ უპატიოჲთა მით სიკუდილითა ჯუარისაჲთა ურჩულოთა
Line of edition: 10    მიერ დაისაჯა? და იგი ყოველი ჩუენისა ცხორებისათჳს თავს-იდვა,
Line of edition: 11    რაჲთამცა ჩუენ დაგჳტევა სახჱ ცხორებისაჲ, რაჲთა გზაჲ
Line of edition: 12    იგი, რომელი მან წარვლო განსაცდელითა და ჭირითა და სიკუდილითა,
Line of edition: 13    რომელთა ჭეშმარიტებით სახელი მისი ჰრაწამს და მის "თანამკჳდრ-ყოფაჲ"
Line of edition: 14    ჰნებავს, რაჲთა ვითარცა-იგი მან ყოვლად ივნო
Line of edition: 15    ჩუენთჳს, ხოლო უკუანაჲსკნელ ჯუარს-ეცუა რაჲ და მოკუდა ჯუარსა
Line of edition: 16    ზედა, სძლო და ჯუარცუმითა ჯუარს-აცუა და სიკუდილითა მოკლა
Line of edition: 17    და დასაჯა ცოდვაჲ ჴორცითა თჳსითა და დასცნა ძალნი იგი
Line of edition: 18    წინააღმდგომნი. ვითარცა წერილ არს: "და განძარცუნა მთავრობანი
Line of edition: 19    იგი და ჴელმწიფებანი" ჯურასა ზედა, "თითის საჩუენებელ-ყვნა
Line of edition: 20    და განაქიქნა იგინი თავისა თჳსისა მიერ". ეგრეთვე ჩუენ ყოყოველივე
Line of edition: 21    ზედააღდგომაჲ და ჭირი უკეთურისაჲ უკუეთუ ახოვნად და
Line of edition: 22    გულსმოდგინებით მოვითმინოთ, მაშინ ვსძლოთ წინააღმდგომსა
Line of edition: 23    მას სარწმუნოებითა და მოთმინებითა და სასოებითა უფლისაჲთა და
Line of edition: 24    ესრეთ ვიპოვნეთ გამოცდილ და ღირს ვიქმნნეთ გამოჴსნისა და მოვიღოთ
Line of edition: 25    სიწმიდე სულისაჲ და მერმისა მის სუკუნოჲსა ცხორებისა
Line of edition: 26    მკჳდრად გამოვჩნდეთ. რამეთუ ღუაწლსა ამას შინა სულიერსა
Line of edition: 27    წინააღმდგომისა ძლევაჲ ვნებითა და სიკუდილითა იქმნების. რაჟამს
Line of edition: 28    გუევნებოდის და მოვკუდებოდით უფლისათჳს გულსმოდგინედ,
Line of edition: 29    მაშინ ვსძლევთ წინააღმდგომსა. ხოლო უკუეთუ გუნებავს, რაჲთა
Line of edition: 30    ყოველივე ჭირი და განსაცდელნი არა ფიცხლად აღგჳჩნდენ
Line of edition: 31    ჩუენ, არამედ ადვილად მოვითმენდეთ ყოველსავე ზედა აღდგომასა
Line of edition: 32    უკეთურისასა და უფლისა სიკუდილი მარადის წინაშე თუალთა
Line of edition: 33    გუაქუნდეს. და ვითარცა უფალი იტყჳს: "ყოველსა დღესა ჯუარსა
Line of edition: 34    აღვიღებდეთ", რომელ არს სიკუდილი, და გულსმოდგინედ მას
Line of edition: 35    შეუდგეთ და ესრეთ ადვილად მოვითმინოთ ყოველივე განსაცდელი
Line of edition: 36    ცხადი გინა თუ ფარული. რამეთუ უკუეთუ სიკუდილსა უფლისათჳს
Line of edition: 37    მოველოდით გულსმოდგინედ და წინაშე თუალთა ჩუენთა
Line of edition: 38    იყოს იგი მარადის, ყოველივემცა განსაცდელი ვითარ არამცა გულსმოდგინედმცა
Line of edition: 39    მოვითმინეთ? რამეთუ ამისთჳს მძიმე და ძნელ-გჳჩან
Line of edition: 40    განსაცდელნი და ვერ მოვითმენთ მათ, რამეთუ სიკუდილი უფლისაჲ
Page of edition: 378   Line of edition: 1    წინაშე თუალთა არა გუაქუს და არცა არს მას შინა მარადის
Line of edition: 2    გონებაჲ ჩუენი, რამეთუ რომელსა გული უთქუმიდეს დამკჳდრებად
Line of edition: 3    უფლისა თანა, ვნებათათჳსცა მისთა გული უთქუემდინ, რამეთუ ამითა
Line of edition: 4    გამოჩნდებიან მოყუარენი უფლისანი, რაჲთა ყოველივე მათ ზედა
Line of edition: 5    მოსრული ჭირი გულსმოდგინედ მოითმინონ სასოებისა
Line of edition: 6    მისისათჳს.

Line of edition: 7       *ამისთჳს უკუე ვევედრნეთ უფალსა, რაჲთა მომცეს ჩუენ
Line of edition: 8    მეცნიერებაჲ ცნობად ნებისა მისისა და აღსრულებად მისა გულსმოდგინედ
Line of edition: 9    მოთმინებით და სულგრძელებით, სიხარულით, რაჲთა
Line of edition: 10    მან მოგუცეს ჩუენ ძალი სათნო-ყოფად მისა, რაჲთა ვიპოვნეთ გამოცდილ
Line of edition: 11    და ღირს მისა და ესრეთ ცხორებასა საუკუნესა მივემთხჳნეთ
Line of edition: 12    ქრისტეს იესუს მიერ, უფლისა ჩუენისა, რომელსა შუენის
Line of edition: 13    დიდებაჲ უკუნითი უკუნისამდე, ამენ.



Next part


This text is part of the TITUS edition of Pseudo-Macarius, Epistulae et Orationes.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.