TITUS
Pseudo-Macarius, Epistulae et Orationes
Part No. 17
Previous part

Text: 15     
Line of edition: 23  თავი 15


Line of edition: 24       ყოველივე ხილული ეკლესიისა ღმრთისა განგებულებაჲ იქმნა
Line of edition: 25    საცნაურისა მის და ცხოველისა არსებისა, სულისა მის სიტყჳერისა,
Line of edition: 26    ხატად მღრთისა დაბადებულისა, რომელი-იგი არს ცხოველი და ჭეშმარიტი
Line of edition: 27    ღმრთისა ეკლესიაჲ. ამისთჳს მსგავსითა სახელითა პატივცემულ
Line of edition: 28    იქმნეს უსიტყუნი იგი და უსულონი და ჴორციელნი
Line of edition: 29    სიტყჳერთა მათ თანა და ცხოველთა და2 ზეცისათა, რაჲთა აჩრდილსა
Line of edition: 30    შინა ვიდოდის სული იგი ჩჩჳლი და მიიწიოს ჭეშმარიტებად.
Page of edition: 334   Line of edition: 1    რამეთუ ეკლესიაჲ ქრისტჱსი და ტაძარი ღმრთისაჲ და საკურთხეველი
Line of edition: 2    ჭეშმარიტი და მსხუერპლი ცხოველი კაცი საღმრთოჲ
Line of edition: 3    არს. ამისთჳს ჴორციელნი იგი, რომელნი განწმდებიან, სახელები
Line of edition: 4    ზეცათაჲ ეწოდა. რამეთუ ვითარცა რჩულისა იგი მსახურებაჲ
Line of edition: 5    აჩრდილი იყო აწინდელისა ამის ქრისტეს ეკლესიისაჲ, ეგრეთვე
Line of edition: 6    აწინდელი ესე ეკლესიაჲ სახჱ არს შინაგანისა მის სიტყჳერისა და
Line of edition: 7    ჭეშმარიტისა კაცისაჲ, რამეთუ, აჰა ესერა, ყოველივე განგებულებაჲ
Line of edition: 8    და მსახურებაჲ საიდუმლოთა ეკლესიისათაჲ წარვალს, რაჟამს
Line of edition: 9    აღსასრული მოიწიოს და ჰგიეს სიტყჳერი იგი შინაგანი კაცი, რომელსა
Line of edition: 10    შინა ჯერ-არს, რაჲთა აღესრულოს ყოველივე მსახურებაჲ
Line of edition: 11    საიდუმლოთა ზეცისათაჲ ეკლესიისა ღმრთისაჲ ძალითა სულისა
Line of edition: 12    წმიდისაჲთა, რაჲთა ჭეშმარიტად ტაძარ ღმრთისა და ეკლესია
Line of edition: 13    ქრისტესა შეწევნითა სულისა წმიდისაჲთა იქმნას და დაიმკჳდროს
Line of edition: 14    ცხორებაჲ იგი საუკუნოჲ*.

Line of edition: 15       ამის მიზეზისათჳს მრავალნი წინა-აღგჳდგებიან ჩუენ, რომელნი-იგი
Line of edition: 16    ჩჩჳლ არიან გულისჴმის-ყოფისაგან ჭეშმარიტებისა, ვითარცა
Line of edition: 17    წინააღმდგომთა წერილისათა მსგავსებისათჳს სახელთაჲსა
Line of edition: 18    და სიმართლესა და მსახურებასა, რომელნი-იგი ამას წარმავალსა
Line of edition: 19    განგებასა ზედა გულსავსე არიან და სიმართლესა ჴორცთასა ოდენ
Line of edition: 20    ესვიდეს და შინაგანი კაცი უგულებელს-ყვეს და ახლისა გულისჴმის-ყოფაჲ
Line of edition: 21    არა მიიღეს და ამისთჳს უგულისჴმოებით წინააღგჳდგებიან
Line of edition: 22    ჩუენ. რამეთუ სული ჭეშმარიტებისმოყუარჱ ძირსა საქმეთასა
Line of edition: 23    გამოიწულილავს და ქრისტეანობაჲ არა ადვილად საქმედ
Line of edition: 24    შეურაცხია და არცა დაშთების იგი საქმეთა შინა გარეგანთა სიმართლისა
Line of edition: 25    და მსახურებისა, არამედ ძალითა წიდისა სულისაჲთა
Line of edition: 26    შინაგანსა კაცსა შინა მოელის გულსავსებასა და ესე არს ჭეშმარიტი
Line of edition: 27    ქრისტეანობაჲ.

Line of edition: 28       რამეთუ ამისთჳს მოანიჭა ღმერთმან სული თჳსი წმიდაჲ წმიდასა
Line of edition: 29    კათოლიკე ეკლესიასა და განაგო, რაჲთა იყოს წმიდასა საკურთხეველსა
Line of edition: 30    თანა და წყალსა ნათლისღებისასა და ყოველსავე
Line of edition: 31    მსახურებასა შინა წმიდისა ეკლესიისასა ყოფაჲ ნუგეშინისმცემელისა
Line of edition: 32    მის სულისაჲ მოციქულთა მიერ მოჰმადლა, ვითარცა თჳთ
Line of edition: 33    უფალი იტყჳს, ვითარმედ: "აჰა, ესერა, მე თქუენ თანა ვარ, ვიდრე
Line of edition: 34    აღსასრულამდე სოფლისა"**, რაჲთა ნათლისღებისა მიერ და საკურთხეველისა და პურისა მის მადლობისა და სხუათა მათ ეკლესიისა
Page of edition: 335   Line of edition: 1    მსახურებათა მიერ სარწმუნონი იგი სულნი აღივსნენ სულითა
Line of edition: 2    წმიდითა და ნაყოფიერ იქმნენ სათნოებითა და ესრეთ განახლდენ
Line of edition: 3    ძალითა მადლისაჲთა და გამოჩნდენ მოქალაქე მოქალაქობითა მით
Line of edition: 4    ჭეშმარიტითა და განაგდონ ნივთიერი იგი ქუეყანისა გონებაჲ ძალითა
Line of edition: 5    სულისაჲთა და შეიმოსონ გონებაჲ იგი ზეცისაჲ*. და უკუეთუ
Line of edition: 6    კიდობანსა მას შჯულისასა ჰფარვიდა სული წმიდაჲ და მის
Line of edition: 7    თანა იყოფოდა, ვითარ არა უფროჲსად იყოფოდის საკურთხეველსა
Line of edition: 8    შინა და ეკლესიასა და სხუათა მათ საქმეთა ნათლისღებისათა.
Line of edition: 9    ხოლო ვითარცა მაშინ იყო სული წმიდაჲ კიდობანსა მას თანა,
Line of edition: 10    ხოლო რაჟამს ისრაჱლნი ცოდვიდიან, არა ერგის. რამეთუ, აჰა ესერა
Line of edition: 11    მრავალგზის თჳთ კიდობანი იგი მიეცა წარმართთა უღირსთა
Line of edition: 12    და არა შეეწია ისრაჱლთა მრავალთა ცოდვათა მათთათჳს. ხოლო
Line of edition: 13    სული წმიდაჲ გამოაჩინებდა, ვითარმედ არს კიდობანსა მას თანა
Line of edition: 14    ღმრთისასა და გამოაჩინა სასწაულითა მით, რომელი იქმნა წარმართთა
Line of edition: 15    შორის ღმრთისა მიერ. ეგრეთვე აწცა არს სული წმიდაჲ
Line of edition: 16    ეკლესიასა შინა და საკურთხეველსა და ღირსთა და მორწმუნეთა
Line of edition: 17    შეეწევის თითოფერითა მადლითა. ხოლო უღირსთაგან ფრიად
Line of edition: 18    შორავს. რამეთუ შეწევნასა ცხოველისა სულისა წმიდისასა ცხოველთა
Line of edition: 19    გულთა შინა მისცემს ღმერთი, რამეთუ ყოველივე ესე ხილული
Line of edition: 20    განგებულებაჲ წარჴდების, ხოლო ცხოველნი გულნი სულითა
Line of edition: 21    ჰგიან. ამისთჳს მაცხოვარი მოვიდა, ამისთჳს იქმნა ყოველივე
Line of edition: 22    წესი ხატისა მის ეკლესიისა, რაჲთა საცნაურნი არსებანი სულთა
Line of edition: 23    მორწმუნეთანი შეწევნითა მადლისაჲთა აღეშენნენ და შეცვალებაჲ
Line of edition: 24    მიიღონ და ესრეთ ღირს იქმნენ ცხორებასა საუკუნესა**.

Line of edition: 25       რამეთუ ხილული ესე ფარულთა მათ სახე არს. ტაძარი ესე
Line of edition: 26    ხილული სახჱ არს ტაძრისა მის გულისაჲ და მღდელი -- სახჱ ჭეშმარიტისა
Line of edition: 27    მის მღდელისა -- მადლისა ქრისტესისა, რაჲთა ცხადითა
Line of edition: 28    ამით ეკლესიისა მსახურებითა სახჱ მივიღოთ შემწედ სულთა ჩუენთა
Line of edition: 29    მადლითა. ხოლო ვითარცა წმიდასა ეკლესიასა შინა უკუეთუ
Line of edition: 30    პირველად არა იყოს შემოკრებაჲ ერისაჲ და არა წარითქუას გალობაჲ
Line of edition: 31    და არა წარიკითხნენ საკითხავნი, მღდელი შესაწირავსა
Line of edition: 32    ჴორცისა და სისხლისა ქრისტესისასა არა აღასრულებს და საიდუმლოჲ
Line of edition: 33    იგი ზიარებაჲ მორწმუნეთაჲ არა იქმნების. და კუალად
Line of edition: 34    უკუეთუ ყოველივე გალობაჲ საეკლესიოჲ აღესრულოს და მღდელმან
Line of edition: 35    ჴორცი და სისხლი ქრისტესი არა შეწიროს და არა ეზიაროს
Line of edition: 36    ერი, არარაჲთვე აღსრულებულ არს საიდუმლოჲ იგი, არამედ ნაკლულევან
Line of edition: 37    არს, რაჟამს მღდელმან საკურთხეველსა ზედა შესაწირავი
Page of edition: 336   Line of edition: 1    არა შეეწიროს. და არცა შესაწირავი იგი თჳნიერ სხჳსა მის
Line of edition: 2    კანონისა სრულ იქმნების, არცა გალობაჲ იგი თჳნიერ შესაწირავისა,
Line of edition: 3    არამედ ერთი მეორისა მოყუარობითა სრულ იქმნების.

Line of edition: 4       ეგრეთვე ქრისტეანესა, უკუეთუ აქუნდეს მარხვაჲ, ლოცვაჲ და
Line of edition: 5    მღჳძარებაჲ და სხუანი სათნოებანი, ხოლო ძალი იგი სულისა წმიდისაჲ
Line of edition: 6    დაფარულსა მას საკურთხეველსა ზედა გულისასა არა აღესრულებოდის,
Line of edition: 7    ნაკლულევან არს მოღუაწებაჲ მისი, რამეთუ არა
Line of edition: 8    აქუს თავი იგი, რომელ არს სული წმიდაჲ. და კუალად სული წმიდაჲ,
Line of edition: 9    რომელი დაათრობს სულსა სიხარულითა მადლისაჲთა, იგი
Line of edition: 10    გულთა შინა შეგინებულთა არა დაემკჳდრების, არამედ ეძიებს
Line of edition: 11    გულსა წმიდასა და სულსა მოღუაწესა და სათნოსა. და რავდენცა
Line of edition: 12    პოოს სულმან წმიდამან კაცი მოღუაწებასა შინა კეთილსა და სიმდაბლესა
Line of edition: 13    სხუათა სათნოებათა, ეგოდენცა განისუენებს მის ზედა.
Line of edition: 14    კუალად სულსა, რომელსა მოღუაწებაჲ აქუნდეს და შეწევნაჲ წმიდისა
Line of edition: 15    სულისაჲ არა, იგი ნაკლულევან არს კეთილისაგან. ამისთჳს
Line of edition: 16    უკუე ტიროდენ და იგლოვდინ უფლისა მიმართ, რაჲთა მოეცეს
Line of edition: 17    მას სიწმიდჱ სულისა წმიდისაჲ სამკაულად სათნოჲსა მის მოქალაქობისა
Line of edition: 18    თჳსისა და ძალი იგი მადლისაჲ გონებასა შინა თჳსსა იხილოს
Line of edition: 19    გამოუთქუმელად, რაჲთა სრულ იყოს ქრისტეანობაჲ მისი,
Line of edition: 20    ვითარცა ვთქუ, სახჱ იგი ეკლესიისაჲ.

Line of edition: 21       ხოლო ვითარცა ეკლესიასა შინა მღდელი შეცოდებულთა განაყენებს
Line of edition: 22    და რაჟამს კუალად მოიქცენ, ღირს იქმნებიან ზიარებასა,
Line of edition: 23    ხოლო უცოდველნი ღირს იქმნებიან მღდელობასა და მახლობელად
Line of edition: 24    საკურთხეველისა დადგებიან, რაჲთა მუნ ჰმსახურებდენ, ეგრეთვე
Line of edition: 25    სახესა ამას შინა ქრისტეანობისასა ქრისტეანენი განისუენებენ სულისა
Line of edition: 26    მიერ წმიდისა ზეცისა სიხარულითა და ზიარებითა სულისა
Line of edition: 27    წმიდისაჲთა, რომლისათჳს პავლე თქუა, ვითარმედ: "მადლმან უფლისა
Line of edition: 28    ჩუენისა* იესუ ქრისტესმან და სიყუარულმან ღმრთისა და
Line of edition: 29    მამისამან და ზიარებამან სულისა წმიდისამან", და შემდგომი ამისი.

Line of edition: 30       გულისჴმა-ყვენ კეთილად სიტყუანი ესე და ჰპოო წმიდაჲ და
Line of edition: 31    თაყუანისსაცემელი სამებაჲ დამკჳდრებული კაცსა შორის განწმედილსა
Line of edition: 32    ზეცით შეწევნითა და კეთილისა მოქალაქობისა მისისათჳს.
Line of edition: 33    ხოლო ვიტყჳ, ვითარმედ დამკჳდრებულ არს, არა თუ ვითარი თჳთ
Line of edition: 34    არს, რამეთუ იგი დაუტევნელ არს ყოველთავე დაბადებულთა შორის,
Line of edition: 35    არამედ ვითარი-იგი შემძლებელ იყოს დატევნად.
Page of edition: 337  

Line of edition: 1       ხოლო უკუეთუ გონებაჲ იგი მიექცეს ვნებათა მიმართ მოქალაქობითა
Line of edition: 2    გულისაჲთა და ესრეთ სულსა შეაწუხებდეს, მერმე განიდევნების
Line of edition: 3    გონებაჲ იგი სულიერისა მის სიხარულისაგან და მადლი
Line of edition: 4    იგი დაეფარვის მას. და სიყუარულიცა იგი და ყოველივე კეთილი
Line of edition: 5    საქმჱ მერმე მიეცემის ჭირთა და განსაცდელთა სულთა უკეთურთა,
Line of edition: 6    ვიდრემდე სული იგი კუალად მოიქცეს და კეთილად ვიდოდის
Line of edition: 7    სათნო-ყოფად სულისა წმიდისა. სიმდაბლით და აღსაარებით
Line of edition: 8    ვიდოდის, ინანდეს და მერმე კუალად ღირს იქმნების მიღებად
Line of edition: 9    სიხარულსა მას ზეცისასა. ხოლო უკუეთუ მადლი იგი სულისა წმიდისაჲ
Line of edition: 10    არა განამწაროს ბოროტად ქცევითა, არამედ ყოვლითურთ
Line of edition: 11    შეუდგეს ბრძანებათა მეუფისათა და გონებითა თჳსითა ბოროტთა
Line of edition: 12    მათ გულისსიტყუათა წინააღუდგებოდის და შემშჭუალულ იყოს
Line of edition: 13    ყოვლით კერძო უფლისადა, ესრეთ განუსუენებს მადლსა მას ეგე-ვითარი
Line of edition: 14    სული ღირს იქმნების მართლიად საკჳრველებათა და მადლთა
Line of edition: 15    ზეცისათა და შეიცვალების იგი უმეტესსა პატივსა და საიდუმლოთა
Line of edition: 16    საღმრთოთა და დიდებითი დიდებად მივალს და განსუენებითი
Line of edition: 17    განსუენებად უზეშთაესად, რაჲთა იყოს გონებაჲ მისი საზომსა
Line of edition: 18    დიდსა და კადნიერებასა ფრიადსა და სიმდიდრესა მადლისასა.
Line of edition: 19    ესრეთ სრულსა მას საზომსა ქრისტეანობისასა მისწუთის მოღუაწებითა
Line of edition: 20    თჳსითა და შეწევნითა ღმრთისაჲთა და შეირაცხოს იგი
Line of edition: 21    სრულთა მათ მსახურთა თანა ქრისტესთა სასუფეველსა შინა კეთილისა
Line of edition: 22    მის გონებისა მისისათჳს და ფრიადისა მოსწრაფებისა, რომელი
Line of edition: 23    კეთილსა შინა გამოაჩინა და დაიმკჳდროს უფლისა თანა უკუნითი
Line of edition: 24    უკუნისამდე, ამენ.



Next part


This text is part of the TITUS edition of Pseudo-Macarius, Epistulae et Orationes.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.