TITUS
Pseudo-Macarius, Epistulae et Orationes
Part No. 16
Previous part

Text: 14     
Line of edition: 17  თავი 14


Line of edition: 18       *სულნი იგი ღმრთისმოყუარენი, რომელთა სურის, რაჲთამცა
Line of edition: 19    სრულიად ღმერთი შეიმოსეს მრავლითა სასოებითა და სარწმუნოებითა,
Line of edition: 20    მათ სხუათა მიერ მოჴსენებაჲ არა ეჴმარების და არცა ოდეს
Line of edition: 21    დასცხრებიან სიყუარულისა მის და ტრფიალებისა საღმრთოჲსაგან,
Line of edition: 22    არამედ ყოვლითურთ ჯუარსა ქრისტესა შემშჭუალულ არიან და სიყუარულითა
Line of edition: 23    მისითა განგურემულ სიძისა მის მიმართ ზეცათაჲსა
Line of edition: 24    დღითი დღედ წარემართებიან.

Line of edition: 25       ხოლო ესრეთ განგურემულ არიან სურვილითა ზეცათაჲსა და
Line of edition: 26    მშიერ სიმართლისათჳს სათნოებათაჲსა და ბრწყინვალებაჲ იგი
Line of edition: 27    სულისაჲ განუძღომელად აქუს, დაღაცათუ მიიღონ გულისჴმისყოფაჲ
Line of edition: 28    საიდუმლოთაჲ, ანუ თუ თანამდებ იქმნენ სიხარულსა მას და
Line of edition: 29    მადლსა ზეცისასა, არავე მიენდვებიან თავსა თჳსსა, არცა შეურაცხია,
Line of edition: 30    თუ ვართ რანიმე, არამედ რავდენცა მადლსა ღმრთისასა
Line of edition: 31    ღირს იქმნენ, ეგოდენცა ტკივილით ეძიებენ მას. და რაოდენცა
Page of edition: 332   Line of edition: 1    წარმართებაჲ სულიერი თავთა შორის თჳსთა იხილონ, ეგოდენცა
Line of edition: 2    მშიერ და წყურიელ იქმნებიან მიღებად და აღორძინებად მადლისა
Line of edition: 3    მის. და რაჲზომცა სულიერად განმდიდრდენ, ეგეზომცა გლახაკ
Line of edition: 4    და დავრდომილ უჩნს მათ თავი თჳსი და უძღებ არიან იგინი სურვილითა
Line of edition: 5    მით საღმრთოჲთა, ვითარცა წერილი იტყჳს, ვითარმედ,
Line of edition: 6    "რომელნი მჭამდენ მე, უფროჲსად მოემშიოს და რომელნი მსუმიდენ
Line of edition: 7    მე, უფროჲსად მოეწყუროს".

Line of edition: 8       ეგევითარნი იგი სულნი, მჴურვალედ მოყუარენი უფლისანი,
Line of edition: 9    ღირს არიან ცხორებასა მას საუკუნესა. ამისთჳსცა სრულიად ღირს
Line of edition: 10    იქმნებიან გამოჴსნასა ვნებათაგან და სავსებით მიიღებენ სიწმიდესა
Line of edition: 11    მას და ზიარებასა წმიდისა სულისასა. ხოლო სულნი, რომელნიცა
Line of edition: 12    არიან დაჴსნილ და უდებ, რომელნი არა ეძიებენ აქაჲთვე, ვიდრეღა
Line of edition: 13    ჴორცთა შინა არიან, რაჲთამცა პოვეს სიწმიდჱ გულისაჲ არა მცირედ
Line of edition: 14    რაჲმე, არამედ სრულიად მოთმინებითა და სულგრძელებითა,
Line of edition: 15    რაჲთამცა შეიწყნარეს ზიარებაჲ იგი სულისა მის ნუგეშინისმცემელისაჲ
Line of edition: 16    და არცა ესვიდეს, რაჲთამცა სრულიად მოიგეს განთავისუფლებაჲ
Line of edition: 17    ვნებათაგან. ეგევითართა მათ ზედა, რაჟამს მცირედი
Line of edition: 18    რაჲმე მადლი მოვიდეს, მეყსეულად უზრუნველ იქმნიან და მისცნიან
Line of edition: 19    თავნი თჳსნი განსუენებად და ჰგონებედ, ვითარმედ მადლი იგი
Line of edition: 20    სულისაჲ სრულიად მიუღებია და არიან სიტკბოებასა შინა სულიერსა.
Line of edition: 21    ესრეთ ამაღლდიან და უზრუნველ იქმნიან და არა მოიგიან გული
Line of edition: 22    შემუსრვილი, არცა გონებაჲ მდაბალი და არცა სურინ სრულისა
Line of edition: 23    მის საზომისა უვნებელობისათჳს და არცა მოელოდიან მოსლვასა
Line of edition: 24    სრულისა მის მადლისასა, არამედ გულსავსე იქმნიან და განისუენიან
Line of edition: 25    და დაშთიან მცირედსა მას მადლსა შინა და წარემართნიან
Line of edition: 26    უფროჲსად სიმაღლესა შინა, ვიდრე სიმდაბლესა. ესევითარნი იგი
Line of edition: 27    სულნი, მადლი იგი, რომელი მიეღოს, მისგანცა განშიშუელებად
Line of edition: 28    ოდესმე არიან უდებებისა და სიმაღლისა მათისათჳს.

Line of edition: 29       *რამეთუ სულსა ჭეშმარიტად ქრისტესმოყუარესა, დაღაცათუ
Line of edition: 30    ყოველნი სიმართლენი აღესრულნენ, ვითარცა არარაჲ შეურაცხია
Line of edition: 31    თავი თჳსი უზომოჲსა მის ქრისტეს მიმართ სურვილისა მისისათჳს.
Line of edition: 32    დაღაცათუ ჴორცნი მისნი მარხვითა და მღჳძარებითა დაადნვნეს,
Line of edition: 33    ესრეთ არს, ვითარმცა არა დაეწყო მოღუაწებად. უკუეთუ
Line of edition: 34    პოვნეს მადლნი ზეცისანი და გამოცხადებანი საიდუმლოთანი,
Line of edition: 35    ესრეთ არს, ვითარმცა არარაჲ მოეგო უზომოჲსა მის სიყუარულისა
Line of edition: 36    მისისათჳს, რომელი აქუნდა უფლისა მიმართ, არამედ მარადღე
Page of edition: 333   Line of edition: 1    მშიერ და წყურიელ არს სარწმუნოებითა და სიყუარულითა და
Line of edition: 2    ლოცვითა საიდუმლოთა მათთჳს მადლისათა და ყოვლისავე სათნოებისა
Line of edition: 3    მიმართ უძღებ არს და განგურემულ არს ტრფიალებითა
Line of edition: 4    ზეცისაჲთა. და სურვილი მჴურვალჱ მარადის აქუს თავსა თჳსსა შორის
Line of edition: 5    სიძისა მის მიმართ ზეცათაჲსა, რაჲთამცა ღირს იქმნა სრულსა
Line of edition: 6    მას მის თანა ზიარებასა სიწმიდისასა განცხადებულითა სულითა
Line of edition: 7    პირისპირ ნათლითა მით სულიერითა გამოუთქუმელითა, რაჟამს
Line of edition: 8    იგი შეეზავის მას ყოვლითავე გულსავსებითა და თანახატ ექმნის
Line of edition: 9    სიკუდილსა მას მისსა, სურვილითა დიდითა ქრისტეს სიკუდილსა მოელინ
Line of edition: 10    მარადის, რაჲთა წმიდა იქმნას მარადის მადლითა ღმრთისაჲთა
Line of edition: 11    სულით და ჴორცით. და ესრეთ იქმნას ჭურ რჩეულ შთასასხმელ
Line of edition: 12    ნელსაცხებლისა მის ზეცათაჲსა და სავანე ქრისტესა იქმნას
Line of edition: 13    დასამკჳდრებელ სულისა წმიდისა და მაშინ პოოს სასუფეველი ცათაჲ.
Line of edition: 14    ხოლო ამათ საზომთა სული გამოუცდელად ვერ მისწუთების,
Line of edition: 15    არცა ერთითა რაჲთმე მოღუაწებითა, არამედ მრავლითა ღუაწლითა
Line of edition: 16    და მოღუაწებითა მრავალთა ჟამთაჲთა და განსაცდელითა
Line of edition: 17    თითოსახითა აღორძნდების სულიერად, ვიდრემდე მისწუთეს საზომსა
Line of edition: 18    მას სრულსა უვნებელობისასა, რაჲთა ყოველსავე შინა განსაცდელსა
Line of edition: 19    მტერისასა გამოცდით იპოოს და ესრეთ ღირს იქმნას
Line of edition: 20    პატივთა დიდთა და ნიჭთა მრავალთა მკჳდრობასა სასუფეველისა
Line of edition: 21    ცათაჲსა ქრისტეს იესუს მიერ უფლისა ჩუენისა, რომელსა შუენის
Line of edition: 22    დიდებაჲ უკუნითი უკუნისამდე, ამენ.



Next part


This text is part of the TITUS edition of Pseudo-Macarius, Epistulae et Orationes.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.