TITUS
Pseudo-Macarius, Epistulae et Orationes
Part No. 11
Previous part

Text: 9     
Line of edition: 9  თავი 9


Line of edition: 10       შევალს ვინმე მოდრეკად მუჴლთა და გული მისი აღივსების
Line of edition: 11    ძალითა საღმრთოჲთა და იხარებს სული მისი უფლისა თანა, ვითარცა
Line of edition: 12    სძალი სიძისა თანა, მსგავსად სიტყჳსა მის ესაია წინაწარმეტყუელისა,
Line of edition: 13    რომელსა იტყჳს: "ვითარცა იხარებნ სიძჱ სძალსა თანა,
Line of edition: 14    ესრეთ იხარებდეს უფალი შენ თანა".

Line of edition: 15       და მრავალგზის უცალო არს იგი ყოველსავე დღესა შინა და
Line of edition: 16    ერთსა ჟამსა მისცემს თავსა თჳსსა ლოცვად და ლოცვასა მას შინა
Line of edition: 17    აღიტაცების შინაგანი იგი კაცი და შევალს სიღრმესა მიუწთომელსა
Line of edition: 18    მის საუკუნოჲსასა სიჰამოვნითა მრავლითა, ვიდრემდე უცხოდ
Line of edition: 19    უჩნს გონებასა საქმჱ იგი, რამეთუ არს ყოვლით კერძოვე განცჳბრებულ
Line of edition: 20    და აღტაცებულ და მას ჟამსა დაჰვიწყდების ყოველივე
Line of edition: 21    საქმჱ ქუეყანისაჲ, რამეთუ აღივსების გონებაჲ მისი და წარიტყუენვის
Line of edition: 22    საქმეთა მიმართ საღმრთოთა და ზეცისათა დაუსრულებელთა
Line of edition: 23    რათმე და მიუწთომელთა, რომელნი არა ითარგმნებიან პირითა
Line of edition: 24    კაცთაჲთა. ვიდრეღა ილოცავნ ჟამსა მას და იტყჳნ: "ნეტართუმცა
Line of edition: 25    წარვიდა სული ჩემი ლოცვასა ამას თანა?"

Line of edition: 26       კითხვაჲ*: ყოვლადვე შევალსა სული ესევითართა საქმეთა?

Line of edition: 27       მიგებაჲ: მადლი იგი მოუკლებელ არს და შეუძრველ და განფუვნებულ
Line of edition: 28    არს სიჩჩოჲთგან. და არს იგი, ვითარცა ბუნებითი რაჲმე
Line of edition: 29    და აღორძინებულ არს იგი1 და არა ერთ არს მადლი იგი, არამედ
Line of edition: 30    მრავალ. ვითარცა უნდეს, ეგრეთცა განაგებს საქმეთა კაცისათა
Line of edition: 31    უმჯობესისათჳს**. ოდესმე უფრორე იწუების და აღეგზნების
Page of edition: 294   Line of edition: 1    ცეცხლი იგი, ხოლო კუალად ოდესმე იგივე ნათელი უმშჳდეს და
Line of edition: 2    ულბილესადრე არს და უფრო აღენთების და ბრწყინავს და კუალად
Line of edition: 3    მოაკლდების და მჭუნვარე იქმნების. და ლამპარი იგი მარადის
Line of edition: 4    იწუების და ბრწყინავს, არამედ ოდეს განბრწყინდეს, მაშინ
Line of edition: 5    უფრო დაითრვების სული იგი სიყუარულითა ღმრთისაჲთა. და
Line of edition: 6    კუალად ოდესმე განგებულებით ნათელსა მას მოაკლდების და იგივე
Line of edition: 7    ნათელი არნ კაცსა მას თანა, არამედ უბნელესადრე არს.

Line of edition: 8       გამოუჩნდა ვიეთმე სასწაული ჯუარისაჲ ნათლითა და შეემშჭუალა
Line of edition: 9    შინაგანსა მას კაცსა. სხუასა ჟამსა კუალად ლოცვასა შინა,
Line of edition: 10    ვითარცა განკჳრვებული, აღტაცებულ იქმნა კაცი იგი და იპოვა საკურთხეველსა
Line of edition: 11    ზედა მდგომარჱ ეკლესიასა შინა და მოართუნეს
Line of edition: 12    ესევითარსა მას კაცსა სამნი პურნი, ვითარცა ზეთითა შეზელილნი,
Line of edition: 13    და რაოდენცა ჭამდა, იგინი უფროჲსად აღორძნდებოდეს და
Line of edition: 14    განდიდნებოდეს.

Line of edition: 15       სხუასა ჟამსა კუალად შეჰმოსეს მას სამოსელი რაჲმე ნათლისაჲ,
Line of edition: 16    რომლისა მსგავსი არა არს ქუეყანასა ზედა. სოფელსა ამას არცა
Line of edition: 17    შესაძლებელ არს ჴელითა კაცთაჲთა ესევითარისა შექმნაჲ, ვითარცა
Line of edition: 18    სამოსელი იგი, რომელი შეიმოსა უფალმან, რაჟამს აღვიდა
Line of edition: 19    მთად პეტრე და იოვანეს თანა, რაჟამს ფერი იცვალა და განბრწყინდა
Line of edition: 20    სამოსელი მისი. და უკჳრნ და განცჳბრებულ არნ კაცი იგი,
Line of edition: 21    რაჟამს ემოსის სამოსელი იგი.

Line of edition: 22       სხუასა ჟამსა იგივე ნათელი დაუცხრომელად ბრწყინავს გულსა
Line of edition: 23    შინა და განაღებს შინაგანსა და უღრმესსა და ფარულსა ნათელსა
Line of edition: 24    ბრწყინვალებისასა და გამოუჩნდების ახალი იგი სოფელი
Line of edition: 25    განათლებული უფლისა თანა და ადიდებნ და დიდებისმეტყუელებნ.
Line of edition: 26    და კაცი იგი ყოვლითკერძოვე დაინთქმინ სიტკბოებასა მას შინა და
Line of edition: 27    არღარა არნ იგი გონებასა მას შინა თჳსსა, არმედ არნ იგი, ვითარცა
Line of edition: 28    ცოფი და ბარბაროზი სოფელსა ამას შინა გარდამეტებულისა
Line of edition: 29    მის სიყუარულისა და სიჰამოვნისათჳს და დაფარულთა მათ საიდუმლოთათჳს,
Line of edition: 30    ვიდრემდე კაცი იგი მას ჟამსა შინა განთავისუფლდის
Line of edition: 31    და მიიწიის სრულსა მას საზომსა და არნ წმიდა და თავისუფალ
Line of edition: 32    ცოდვისაგან.

Line of edition: 33       არამედ შემდგომად ამისა მოაკლდა მადლი იგი და მოვიდა
Line of edition: 34    საბურავი წინააღმდგომისა ძალისაჲ და ჩანს მცირედ რაჲმე. და დადგა
Line of edition: 35    კაცი იგი ერთსა მას ხარისხსა უქუემოესსა სისრულისასა. და
Line of edition: 36    რაჲთა ვთქუა, თანა-აც, რაჲთა წარჰჴდეს ვინ ათორმეტთა ხარისხთა
Line of edition: 37    და ესრეთ მისწუთეს სისრულესა. ჟამსა რომელსამე მიიწია კაცი
Line of edition: 38    იგი ამას საზომსა და შევიდა სისრულედ, კუალად მოაკლდების
Line of edition: 39    მადლსა მას და გარდამოვალს უქუეს ერთითა ხარისხთითა და დადგის
Page of edition: 295   Line of edition: 1    მეათერთმეტესა მას ხარისხსა. ხოლო ერთი ვინმე მდიდარი მადლითა
Line of edition: 2    მარადის ღამე და დღე სრულსა საზომსა ზედა დგას და თავისუფალ
Line of edition: 3    არს იგი და წმიდა და არს იგი მარადის წარტყუენულ და
Line of edition: 4    აღტაცებულ, და აწ რომელსა-იგი ეჩუენა ეგევითარი იგი საკჳრველებაჲ
Line of edition: 5    და გამოიცადა კაცი იგი, უკუეთუმცა მარადის მის თანა
Line of edition: 6    იყო მადლი იგი, ვერმცა შემძლებელ იყო ტჳრთვად განგებასა მას
Line of edition: 7    და სიმძიმესა მას სიტყჳსასა და ვერცამცა რას ისმენდა და არცამცა
Line of edition: 8    რას ზრუნვიდა თავისა თჳსისათჳს, არცა თუ მეორისა დღისასა,
Line of edition: 9    არამედ ოდენმცა იდვა ერთსა ყურსა ვითარცა აღტაცებული და
Line of edition: 10    მთრვალი, ამისთჳს სრული საზომი არა მოცემულ არს მისდა, რაჲთა
Line of edition: 11    შემძლებელ იყოს ძმათათჳს ზრუნვად და აღსრულებად მსახურებასა
Line of edition: 12    სიტყჳსასა: "კუალად შუა კედელი ზღუდისაჲ მის განპებულ
Line of edition: 13    არს".

Line of edition: 14       ხოლო საქმენი ესრეთ არიან: ვითარცა ძალი რაჲმე ბნელისაჲ
Line of edition: 15    ზედა ადგს და ჰფარავს სუბუქად, ვითარცა ჰაერი რაჲ ბნელი, და
Line of edition: 16    ნათელი იგი მარადის იწყების და ბრწყინავს, არამედ ვითარცა საბურველი
Line of edition: 17    რაჲმე ძეს ნათელსა მას ზედა. ამისთჳსცა აღიარებს ესევითარი
Line of edition: 18    იგი კაცი, ვითარმედ: "არა ვარ სრულ და არცა თავისუფალ
Line of edition: 19    ყოვლითურთ ცოდვისაგან". და ვთქუა, ვითარმედ თავისუფალცა
Line of edition: 20    არს და არა არს თავისუფალ, და განკუეთილ არს და შემუსრვილ
Line of edition: 21    არს "შუა კედელი იგი ზღუდისაჲ მის". და კუალად ზოგჯერ ყოველივე
Line of edition: 22    არა განკუეთილ არს, არცა არს ყოვლადვე სწორად ლოცვაჲ
Line of edition: 23    იგი. არს ჟამი, ოდეს უფრორე აღეგზნების, ნუგეშინისსცემს და
Line of edition: 24    განუსუენებს და არს ჟამი, ოდესმე მოაკლდების და მჭმუნვარე იქმნების.
Line of edition: 25    და ვითარცა უნდეს მადლსა მას, ეგრეცა განაგებს უმჯობესისათჳს
Line of edition: 26    კაცისა*. გარნა რომელი-იგი შევიდა ჟამსა ოდესმე საზომსა
Line of edition: 27    სისრულისასა და იხილა გემოჲ და აქუს გამოცდილებაჲ მის
Line of edition: 28    საუკუნოჲსაჲ, მან იცის ყოველივე.

Line of edition: 29       გარნა წუთ ვერვინ ვპოე სრული ქრისტიანჱ ანუ თავისუფალი,
Line of edition: 30    არამედ მრავალგზის განისუენებს ვინმე მადლსა მას ზედა და
Line of edition: 31    შევალს საოდუმლოთა შინა და ჩუენებათა და სიჰამოვნესა ფრიადსა
Line of edition: 32    მადლისასა და ცოდვაჲ წუთის შინაგან არს. ხოლო ესენი გარდამატებულისა
Line of edition: 33    მის მადლისაგან და ნათლისა მის, რომელი არს მათ
Line of edition: 34    შორის, ჰგონებენ, ვითარმედ თავისუფალ და სრულ არიან. და
Line of edition: 35    სცთებიან იგინი გამოუცდელობისაგან, რამეთუ აქუს მათ შეწევნაჲ
Line of edition: 36    იგი მადლისაჲ, ხოლო ჯერეთ ვერვინ ვპოვე აზნაურებასა შინა, რამეთუ
Line of edition: 37    მეცა მცირედ ჟამთა რომელთამე შევედ მას საზომსა და
Line of edition: 38    ვიცი შეტყუებაჲ, თუ ვითარ იქმნების კაცი სრული.

Page of edition: 296  
Line of edition: 1       კითხვაჲ: გჳთხარ, თუ შენ რომელსა საზომსა ხარ?

Line of edition: 2       მიგებაჲ: შემდგომად სასწაულისა ჯუარისასა აწ მადლი ესრეთ
Line of edition: 3    იქმნების: მშჳდობასა ჰყოფს ყოველთა შორის ასოთა გულისათა,
Line of edition: 4    ვიდრემდის სული იგი ფრიადისა სიხარულისაგან ჩანს, ვითარცა
Line of edition: 5    ყრმაჲ უმანკოჲ და წრფელი და არღარა განიკითხავს კაცი იგი არავის,
Line of edition: 6    არცა ჰურიასა, არცა წარმართსა, არცა ცოდვილსა, არცა ერისკაცსა,
Line of edition: 7    არამედ შინაგანი იგი კაცი წმიდითა თუალითა ხედავს ყოველსავე
Line of edition: 8    და უხარინ კაცსა მას ყოველსავე სოფელსა ზედა და უნებს
Line of edition: 9    ყოველთა თაყუანის-ცემაჲ და უყუარან ყოველნივე გინა თუ ჰურიანი,
Line of edition: 10    გინა თუ წარმართნი. სხუასა ჟამსა, ვითარცა ძჱ მეფისაჲ,
Line of edition: 11    ეგრეთ მიენდვების ძესა ღმრთისასა, ვითარცა მამასა და განეხუმიან
Line of edition: 12    მას კარნი და შევალს შინაგან მრავალთა სავანეთა შინა. და რაჲზომცა
Line of edition: 13    შევალს, კუალად სხუანი განეხუმიან მას.

Line of edition: 14       და რაჲთა სიტყუად ვთქუათ, ასთა სავანეთაგან შევალს კუალად
Line of edition: 15    სხუათა ასთა და განმდიდრდების იგი. და რავდენცა განმდიდრდებოდის
Line of edition: 16    იგი, კუალად სხუანი უახლესნი და უსაკჳრველესნი საქმენი
Line of edition: 17    ეჩუენებიან მას და ერწმუნებიან მას, ვითარცა ძესა და მკჳდრსა,
Line of edition: 18    საქმენი, რომელნი ვერ შესაძლებელ არიან თქუმად ბუნებისაგან
Line of edition: 19    კაცობრივისა, არცა სათარგმანებელ არიან ენითა და პირითა.

Line of edition: 20       სხუასა ჟამსა ვითარცა მოხუცებული ღმრთისაჲ ფრიადისა სიყუარულისა
Line of edition: 21    მისისაგან, რომელი აქუს მისა მიმართ, იწყებს ვედრებად
Line of edition: 22    ღმრთისა სოფლისათჳს, რაჲთა ცხონდეს ყოველივე ადამიანი,
Line of edition: 23    რამეთუ იწუების იგი სიყუარულისაგან ღმრთისა და ჰნებავს ყოველთავე
Line of edition: 24    ცხორებაჲ და ასწავებს სიტყუასა ცხორებისასა და სასუფეველისასა
Line of edition: 25    და1 უქადაგებს ქრისტესა და მოუთხრობს, რაჲზომცა
Line of edition: 26    შესაძლებელ იყოს სმენად საიდუმლოთა მათ საღმრთოთა ზეცისათა
Line of edition: 27    დაუსრულებელისა მის საუკუნოჲსა, გამოუთქუმელისა მის და
Line of edition: 28    მიუწთომელისა.

Line of edition: 29       სხუასა ჟამსა აღიჭურვის ყოვლითკერძოვე კაცი იგი და მიიღებს
Line of edition: 30    მჴედრობათა ზეცისათა სულთა წმიდათასა. და იწყებს მოსრვად
Line of edition: 31    განწყობილებსა მას მტერთასა და დასცემს მუნ მძორებსა
Line of edition: 32    მრავალსა მოკლულთასა.

Line of edition: 33       სხუასა ჟამსა შეეწევის სულსა მას და იხარებენ ურთიერთას
Line of edition: 34    უფალი და სული იგი, და კაცი იგი არს დიდსა სიხარულსა და ნათელსა
Line of edition: 35    შინა უფლისა მიმართ და ძმათა მიმართ და ლამპარი იგი
Page of edition: 297   Line of edition: 1    ნათლისაჲ მარადის იწუების დღე და ღამე. არამედ განგებულებით
Line of edition: 2    ყოვლითურთ კაცი იგი ვერ განთავისუფლებულ არს. და რაჲთა
Line of edition: 3    ვთქუა, ვითარმედ განთავისუფლებულ არს კაცი იგი და ყოვლითურთ
Line of edition: 4    არს წმიდა. და კუალად ვთქუა, ვითარმედ არა არს იგი , ვითარცა
Line of edition: 5    ჯერ-არს. გარნა კულა შუა კედელი იგი დაჴსნილ არს და
Line of edition: 6    ძლეულ არს სიკუდილი.

Line of edition: 7       ხოლო ოდესმე ლამპარი იგი უფროჲსად განბრწყინდების და
Line of edition: 8    იწუების, ვიდრეღა ვერ შემძლებელ არნ კაცი იგი ტჳრთვად
Line of edition: 9    ბრწყინვალებასა მას და შუენიერებასა არამედ არნ იგი, ვითარცა
Line of edition: 10    დაჴსნილი. კუალად ნათელი იგი ენთებიან, არამედ მჭუნვარერე იქმნის
Line of edition: 11    და ზედა ჰბურავნ საბურველი რაჲმე წინააღმდგომისა მის ძალისაჲ,
Line of edition: 12    ვითარცა ჰაერი რაჲმე წულილი, ნისლიანი. ამისთჳსცა იტყჳს
Line of edition: 13    ეგევითარი იგი კაცი, ვითარმედ არა ვარ ყოვლითურთ თავისუფალ.



Next part


This text is part of the TITUS edition of Pseudo-Macarius, Epistulae et Orationes.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.