TITUS
Pseudo-Macarius, Epistulae et Orationes
Part No. 7
Previous part

Text: 5     
Line of edition: 9  თავი 5


Line of edition: 10       *რომელთა ჰნებავს, რაჲთა ცხორებაჲ ქრისტეანობისაჲ ჭეშმარიტებით
Line of edition: 11    წარჰმართონ, თანა-აც, რაჲთა უწინარეს ყოვლისა შეიკრძალონ
Line of edition: 12    ასოჲ იგი მომგონებელი და განმკითხველი და მთავარი
Line of edition: 13    სულისაჲ, რაჲთა განკითხვაჲ კეთილისა და ბოროტისაჲ კეთილად
Line of edition: 14    მოიგონ და რომელნი-იგი უცხონი ვნებანი ზედამოსრულ არიან,
Line of edition: 15    განარჩინენ იგინი წმიდისა მის ბუნებისაგან და ესრეთ წრფელად
Line of edition: 16    და შეუბრკოლებელად ვიდოდინ და იჴმარონ განკითხვაჲ, ვითარცა
Line of edition: 17    თუალი და იყვნენ იგინი განშორებულ ყოვლისაგანვე ბოროტისა,
Line of edition: 18    და ესრეთ მიიღონ ნიჭი სულისა წმიდისაჲ და ღირს უფლისა
Line of edition: 19    გამოჩნდენ.

Line of edition: 20       ხოლო ხილულთაგან მოვიღოთ სახჱ სულისაჲ: მსგავს არიან
Line of edition: 21    ჴორცნი სულსა და საქმენი ჴორცთანი -- სულისათა და ხილულნი
Line of edition: 22    ესე ფარულთა მათ.

Line of edition: 23       და ვითარცა ჴორცთა წინამძღუარი თუალი არს და იგი უძღჳს
Line of edition: 24    მათ გზასა წრფელსა და ვითარმცა ვინ განჰვლიდა ადგილსა რასმე
Line of edition: 25    ძნელსა, სავსესა ეკლითა და მწჳრითა და ორსავე კერძსა ეგზებინ
Line of edition: 26    ცეცხლი და მახჳლნი აღლესულნი ესვნიან და შთასაჭრელნი ფრიადნი,
Line of edition: 27    ხიოლო რომლისა თუალი ფრთხილ იყოს, კრძალვით წარჰვლის
Line of edition: 28    იგი საშინელთა მათ ადგილთა და შემოკრებს სამოსელსა
Line of edition: 29    თჳსსა ჴელითა, რაჲთა არსადა მოეკიდოს, ანუ ცეცხლისა მის მიერ
Line of edition: 30    დაიწუას, და ანუ მწჳრითა მით განირყუნას, ანუ მახჳლითა მით
Line of edition: 31    განიხიოს და ესრეთ თუალი უძღჳს ყოველსავე გუამსა მისსა, რაჲთა
Line of edition: 32    არას ბოროტსა მიემთხჳოს იგი.

Line of edition: 33       და რომელი ესრეთ მეცნიერებით და სიფრთხილით ვიდოდის,
Line of edition: 34    იგი დაიცავს თჳსსაცა თავსა უვნებელად და სამოსელსაცა თჳსსა
Page of edition: 256  

Line of edition: 1       კეთილად და დაუწველად და განურყუნელად და უხეველად. ხოლო
Line of edition: 2    უკუეთუ ვინმე იყოს უდებ და დაჴსნილ*, მითრევნ იგი სამოსელსა
Line of edition: 3    თჳსსა და არა შემოიკრებნ მას, არამედ მიუტევის ცეცხლსა
Line of edition: 4    მას შინა დაწუვად და ეკალთა მიერ დახევად და მწჳრისა მიერ
Line of edition: 5    შეგინებად და ესრეთ ადრე წარწყმიდის და განხრწნის წმიდაჲ იგი
Line of edition: 6    სამოსელი და კეთილი თჳსითა მცონარებითა და უკრძალველობითა.
Line of edition: 7    ხოლო უკუეთუ არა განეკრძალის, თჳთცა შებრკოლდის და ანუ
Line of edition: 8    ცეცხლსა შთაიჭრის, ანუ წყალსა და ესრეთ წარწყმდის.

Line of edition: 9       ეგრეთვე სულსა ჰმოსიან ჴორცნი ესე, ვითარცა სამოსელი,
Line of edition: 10    ხოლო გულისჴმის-ყოფაჲ და განკითხვაჲ მიცემულ არიან მისდა,
Line of edition: 11    ვითარცა თუალნი, რომელნი უძღჳან სულსა, რაჟამს-იგი წარჰვლიდეს
Line of edition: 12    ეკალთა მათ და კაპანთა და მწჳრესა მას და ცეცხლსა, რომელ
Line of edition: 13    არიან გულისთქუმანი და განსაცდელნი ამის სოფლისანი. ხოლო
Line of edition: 14    თანა-აც, რაჲთა ყოვლით კერძოვე სიმჴნით და კრძალულებით
Line of edition: 15    ვიდოდის, რაჲთა თავიცა თჳსით მშჳდობით დაიცვას და ჴორცნიცა
Line of edition: 16    თჳსნი შეუგინებელად, რაჲთა არა მიეხოს იგი ეკალთა და კუროჲსთავთა
Line of edition: 17    ამის სოფლისათა, რომელ არიან ზრუნვანი და უცალოებანი
Line of edition: 18    საქმეთა შინა ამაოთა და ესრეთ ცეცხლითა მით გულისთქუმათაჲთა
Line of edition: 19    დაიწუას. ხოლო ესრეთ ეკრძალებოდის, რაჲთა თუალი მისი
Line of edition: 20    არა ხედვიდეს ბოროტსა, ეგრეთვე ყურნი მისნი არა ისმენდენ უჯეროსა.
Line of edition: 21    კუალად რაჲთა ფერჴთა თჳსთა აყენებდეს სლვად გზასა ბოროტსა,
Line of edition: 22    რამეთუ სულსა აქუს ნებაჲ და უკუეთუ ენებოს, შემძლებელ
Line of edition: 23    არს გარემიქცევად ასოთა ჴორცთასა გზისაგან ბოროტისა და
Line of edition: 24    სმენისაგან ბოროტისა და1 საქმეთაგან უჯეროთა და2 საერისკაცოთა
Line of edition: 25    და დააყენებს თავსა თჳსსა მიმოტაცებისაგან და დაიცავს
Line of edition: 26    გულსა თჳსსა, რაჲთა არა მიდრკებოდის გულისსიტყუათა შინა
Line of edition: 27    სოფლისათა. და უკუეთუ ესრეთ იღუწიდეს და ისწრაფდეს და
Line of edition: 28    შეიკრძალნეს ასონი გუამისა თჳსისანი გუილსთქუმათაგან და საქმეთა
Line of edition: 29    ამის სოფლისათა, მაშინ დაიცავს სამოსელსაცა თჳსისა გუამისასა
Line of edition: 30    განურყუნელად და თავსაცა თჳსსა გულისჴმის-ყოფითა და
Line of edition: 31    განკითხვითა განარენს მშჳდობით. ხოლო ესე ყოველი შეწევნითა
Line of edition: 32    უფალთაჲთა მოეცემის. და უკუეთუ თავსა თჳსსა სული ეკრძალებოდის
Line of edition: 33    და ყოვლითავე ძალითა თჳსითა გარე-მიაქცევდეს გულისთქუმათა,
Line of edition: 34    მერმე მოეცემის მას უფლისა მიერ შეწევნაჲ, რაჲთა ჭეშმარიტად
Line of edition: 35    განერეს ამის სოფლისა საფრჴეთაგან. და რაჟამს იხილოს
Page of edition: 257   Line of edition: 1    უფალმან სული, რომელი ევლტოდის გემოთა ამის სოფლისათა
Line of edition: 2    და ზრუნვათა და უცალოებათა და წარტყუენვასა გონებისასა
Line of edition: 3    და ამის ყოვლისაგან დაიცავს თავსა თჳსსა და ჴორცთაცა თჳსთა,
Line of edition: 4    მაშინ მოუვლენს მას უფალი თჳსისა მადლისა შეწევნასა და ჰფარავს
Line of edition: 5    მას, რაჲთა მშჳდობით და დაუბრკოლებელად განვლოს ბოროტი
Line of edition: 6    ესე საწუთროჲ. და ესრეთ ჰპოვებს სული იგი სიხარულსა
Line of edition: 7    ზეცისასა, რამეთუ განუხრწნელად დაიცვა სამოსელი ჴორცთა
Line of edition: 8    თჳსთაჲ და თავიცა თჳსი, რაოდენცა შეეძლო, განაყენა ყოვლისაგანვე
Line of edition: 9    გემოჲსა ამის სოფლისა და შეწევნითა მისითა კეთილად
Line of edition: 10    განვლო საბრძოლელი იგი სოფლისაჲ.

Line of edition: 11       ხოლო უკუეთუ სული უდებებით და დაჴსნილობით ვიდოდის
Line of edition: 12    საწუთროსა ამას და არა ევლტოდის ყოველსავე გულის თქუმასა
Line of edition: 13    სოფლისასა და უფალსა ოდენ სურვილით არა ეძიებდეს, ეგევითარი
Line of edition: 14    იგი დაიგურიმის ეკალთაგან სოფლისათა და ცეცხლითა გულისთქუმათაჲთა
Line of edition: 15    დაიწჳს სამოსელი გუამისა მისისაჲ და შეიგინის
Line of edition: 16    მწჳრითა გემოთმოყუარებისაჲთა და ესრეთ არა აქუნ კადნიერებაჲ
Line of edition: 17    დღესა მას სასჯელისასა, რამეთუ არა დაიცვა სამოსელი თჳსი შეუგინებელად,
Line of edition: 18    არამედ განხრწნა იგი გულისთქუმათა მიერ და მერმე
Line of edition: 19    განვარდის სული იგი სასუფეველისაგან.

Line of edition: 20       ხოლო რაჲ უყოს უფალმან სულსა მას, რომელი ნებსით თჳსით
Line of edition: 21    გულისთქუმათა და გემოთა სოფლისათა მისცემდეს თავსა თჳსსა,
Line of edition: 22    რამეთუ უფალი მას შეეწევის, რომელი ევლტოდის გემოთა ამის
Line of edition: 23    სოფლისათა და აიძულებდეს გონებასა თჳსსა, რაჲთამცა მარადის
Line of edition: 24    უფალსა იგონებდა და უვარ-ყოს თავი თჳსი და მას ეძიებდეს. ეგევითარსა
Line of edition: 25    მას დაიცავს უფალი საფრჴეთაგან სოფლისათა, რომელი
Line of edition: 26    იმარხვიდეს თავსა თჳსსა შიშით და ძრწოლით და2 ცხორებასა
Line of edition: 27    ეძიებდეს. და არა იყოფებოდის იგი გულისსიტყუათა შინა ბოროტთა,
Line of edition: 28    არამედ მარადის თავსა თჳსსა იმარხვიდეს და წყალობასა
Line of edition: 29    მისსა ეძიებდეს და ესრეთ მადლითა ცხონდებოდის.

Line of edition: 30       რამეთუ, აჰა ეგერა, ხუთნი იგი ქალწულნი ბრძენნი, რომელთა
Line of edition: 31    განიფრთხვეს და უვარ-ყვეს უცხოჲ იგი ბუნებაჲ და აღიღეს
Line of edition: 32    ზეთი ჭურჭელთა შინა გულისათა, რომელი-იგი არს მადლი სულისა
Line of edition: 33    წმიდისაჲ, იგინი შევიდეს სიძესა თანა სასძლოსა მას ზეცისასა.
Page of edition: 258   Line of edition: 1    ხოლო სხუანი იგი ცოფნი, რომელნი დაშთეს თჳსსავე ბუნებასა შინა,
Line of edition: 2    არა ისწრაფეს, რაჲთამცა მიეღო ზეთი იგი სიხარულისაჲ ჭურჭელთა
Line of edition: 3    შინა გულისა მათისათა, ვიდრეღა იყვნეს ჴორცთა შინა, არამედ
Line of edition: 4    მიეძინა მათ უდებებითა და მცონარებითა და ზუაობითა სიმართლისაჲთა.
Line of edition: 5    ამისთჳსცა კარი სასძლოჲსაჲ დაეჴშა მათ, რამეთუ
Line of edition: 6    ზეცისა სიძესა მას არა სათნო-ეყვნეს, არამედ შეიკრნეს იგინი სიყუარულითა
Line of edition: 7    სოფლისაჲთა და სიყუარული და ტრფიალებაჲ მათი
Line of edition: 8    არა იყოს ზეცისა სიძისა მიმართ.

Line of edition: 9       რამეთუ სულნი, რომელნი უზეშთაესსა მას ბუნებისა მათისა
Line of edition: 10    სიწმიდესა წმიდისა სულისასა ეძიებდენ, ყოველივე სიყუარული მათი
Line of edition: 11    უფლისა მიმართ არს და მისსა სიყურულსა შინა ვლენან, მას
Line of edition: 12    ითხოვენ, მას იგონებენ, მას იწურთიან. ყოველსავე დაუტევებენ
Line of edition: 13    სიყუარულისათჳს მისისა. ამისთჳს ღირს იქმნიან მიღებად ზეთსა მას
Line of edition: 14    მადლისასა და განერნიან დაუცემელად და სათნო-ეყვნიან სიძესა
Line of edition: 15    მას ზეცისასა. ხოლო სულნი, რომელნი თჳსსავე ბუნებასა შინა
Line of edition: 16    დაშთენ, მათნი გონებანი ქუეყანასა ზედა ვლენან და ქუეყანისასა
Line of edition: 17    იგონებენ. დაღაცათუ იგინი ჰგონებენ, ვითარმედ სიძისანი არიან
Line of edition: 18    და დაღაცათუ ჰგონებენ, ვითარმედ შემკულ არიან ჴორციელითა
Line of edition: 19    სიმართლითა, არამედ არა ზეცით შობილ არიან იგინი მამისა მისგან
Line of edition: 20    ზეცათაჲსა და ამისთჳს არა აქუს მათ ზეთი იგი სიხარულისაჲ.

Line of edition: 21       ხოლო უკუეთუ ხუთთა მათ საცნობელთა სულისათა, რომელ
Line of edition: 22    არიან: მეცნიერებაჲ, განკითხვაჲ, გულისჴმის-ყოფაჲ, მოთმინებაჲ
Line of edition: 23    და წყალობაჲ, უკუეთუ ამათ მიიღონ ზეცისა იგი მადლი და სიწმიდჱ
Line of edition: 24    სულთაჲ, ჭეშმარიტად იყვნენ იგინი ქალწულ ბრძენ. უკუეთუ
Line of edition: 25    კულა თჳსსა ბუნებასა შინა დარჩენ, იპოებიან ცოფ და შვილ სოფლისა,
Line of edition: 26    რამეთუ არა აღიძარცუეს მათ სული იგი სოფლისაჲ, დაღაცათუ
Line of edition: 27    ჰგონებენ, ვითარმედ სიძისა მიერ სძალნი არიან. და ვითარცა
Line of edition: 28    სულნი, რომელნი უფლისა შემშჭუალულ იყვნენ მარადის, მის
Line of edition: 29    თანა არიან გონებანი მათნი, ეგრეთვე კუალად სულნი, რომელნი
Line of edition: 30    შემშჭუალულ იყვნენ სიყუარულსა ამის სოფლისასა, მარადის გონებაჲ
Line of edition: 31    მათი მუნ არს და სიღრმესა მას შინა დანთქმულ არიან. ამისთჳსცა
Line of edition: 32    არა მიიცვალებიან იგინი კეთილისა მიმართ. ჯერ-არს უკუე
Line of edition: 33    ჩუენდა, რაჲთა შევზავოთ გონებასა ჩუენსა თანა უცხოჲ იგი ბუნებაჲ
Line of edition: 34    ზეცისაჲ, რაჲთა შეუძლოთ შესლვად სასძლოსა მას ზეცისასა
Line of edition: 35    ქრისტეს თანა და პოვნად საუკუნოჲსა მის ცხორებისა.

Line of edition: 36       რამეთუ ვითარცა უცხოჲ ბუნებისაგან ჩუენისა უკეთურებაჲ
Page of edition: 259   Line of edition: 1    შევიწყნარეთ ურჩებითა პირველქმნულისა ადამისითა და ჟამთა
Line of edition: 2    მრავალთაგან უცხოჲ იგი გუექმნა ჩუენ, ვითარცა ბუნებითი, ეგრეთვე
Line of edition: 3    კუალად გჳღირს ჩუენ, რაჲთა მოვიგოთ უცხოჲ იგი ჩუენგან
Line of edition: 4    მადლი წმიდისა სულისაჲ და ამის მიერ უკეთურებაჲ იგი განვდევნოთ
Line of edition: 5    და პირველსა მასვე სიწმიდესა მივსწუთეთ. რამეთუ უკუეთუ
Line of edition: 6    არა მოვიგოთ ზეცისა იგი წმიდისა სულისა სიყუარული აწვე მრავალითა
Line of edition: 7    თხოვითა და ვედრებითა და სარწმუნოებითა და სივლტოლითა
Line of edition: 8    სოფლისაჲთა და უკუეთუ არა განწმინდნეს უკეთურებითა
Line of edition: 9    შეგინებული ესე ბუნებაჲ ჩუენი სიყუარულითა უფლისაჲთა და
Line of edition: 10    აღსასრულადმდე მცნებათა შინა მისთა ვიყოფებოდით, სასუფეველსა
Line of edition: 11    მისსა ვერ ვჰპოებთ.

Line of edition: 12       ხოლო მნებავს წურილისა რაჲსამე და ღრმისა სიტყჳსა თქუმად:
Line of edition: 13    ძალისაებრ განაჴორციელა თავი თჳსი მიუწთომელმან მან და
Line of edition: 14    უხილავმან და თუალთშეუდგამმან ღმერთმან მიუწთომელისა მის
Line of edition: 15    და მოუგონელისა სახიერებისა მისისათჳს. და რაჲთა ესეცა ვთქუა,
Line of edition: 16    დაამცირა თავი თჳსი, რაჲთა შეეზაოს უხილავთა მათ და საცნაურთა
Line of edition: 17    დაბადებულთა თჳსთა, ხოლო ვიტყჳ სულთა წმიდათა და ანგელოზთა,
Line of edition: 18    რაჲთა ესრეთ მიიღონ მათცა ცხორებაჲ უკუდავი ღმრთეებისაჲ.
Line of edition: 19    რამეთუ თჳთეული ბუნებისაებრ თჳსისა ჴორციელ არს:
Line of edition: 20    ანგელოზიცა და სულიცა კაცისაჲ და ეშმაკიცა. დაღაცათუ წულილ
Line of edition: 21    არიან ჴორცნი მათნი, არამედ არსებითა მით და ხატითა წურილისა
Line of edition: 22    მის ბუნებისაჲთა ჴორციელ არიან. და ვითარცა გუამი ესე ჩუენი
Line of edition: 23    არსებითა ზრქელ არს, ეგრეთვე სული ჴორცი არს წულილი და
Line of edition: 24    შეიმოსნა ასონი ამის გუამისანი, მიიღო თუალი, რომლისა მიერ
Line of edition: 25    ხედავს და ყური, რომლისა მიერ ესმის და ჴელი. და ესრეთ ყოველივე
Line of edition: 26    გუამი და ასონი მისნი შეიმოსნა სულმან და შეეზავა ყოვლითურთ
Line of edition: 27    ჴელი ჴელსა და ფერჴი ფერჴსა, თუალი თუალსა და ყური
Line of edition: 28    ყურს, რომელთა მიერ იქმს ყოველთავე ღონეთა.

Line of edition: 29       ეგრეთვე სახედ მიუწთომელი და მიუთხრობელი და მოუგონებელი
Line of edition: 30    სახიერებაჲ უფლისაჲ დაამცირებს თავსა თჳსსა მიუწთომელისა
Line of edition: 31    მის დიდებისა მისისაგან კაცთმოყუარებითა თჳსითა და განჴორციელდების
Line of edition: 32    და შეეზავების სარწმუნოთა მათ და ღირსთა მისთა
Page of edition: 260   Line of edition: 1    სულთა და შეიტკბობს და იქმნების მათ თანა ერთ სულ, სიტყჳსაებრ
Line of edition: 2    პავლესა, სული სულსა შინა და არსებაჲ არსებასა შინა,
Line of edition: 3    რაჲთა შემძლებელ იქმნენ ღმრთეებასა შინა ცხორებად და იხილონ
Line of edition: 4    გემოჲ უკუდავისა მის ცხორებისაჲ და უხრწნელისა მის სიტკბოებისაჲ
Line of edition: 5    და თანამდებ იქმნენ დიდებასა მას გამოუთქუმელსა.

Line of edition: 6       რამეთუ უკუეთუ არარაჲსაგან არსად მოიყვანა ხილული ესე
Line of edition: 7    სოფელი თითოსახითა განყოფილებითა, რომელი-იგი უწინარეს დაბადებისა
Line of edition: 8    არა იყო, ხოლო ინება და ადვილად დაჰბადა არარაჲსაგან
Line of edition: 9    და შექმნნა არსებანი ზრქელნი და ფიცხელნი. ხოლო ზრქელად
Line of edition: 10    ვიტყჳ ქუეყანასა, მთათა, ხეთა. ხედავა სიფიცხლესა ბუნებათა
Line of edition: 11    მათთასა?

Line of edition: 12       კუალად დაჰბადნა ბუნებანი ლბილნი, რომელ არიან წყალნი, და
Line of edition: 13    მათგან განაგო გამოსლვაჲ მფრინველთაჲ. და კუალად დაჰბადნა
Line of edition: 14    უწურილესნი ბუნებანი, რომელ არიან ჰაერნი და ქარნი, რომელნი-იგი
Line of edition: 15    დაღაცათუ უხილავ არიან, არამედ ჴორციელ არიან იგინიცა.

Line of edition: 16       ვითარ მიუწთომელმან სიბრძნისა მისისა ჴელოვნებამან არარაჲსაგან
Line of edition: 17    დაჰბადნა ბუნებანი ფიცხელნი და1 ლბილნი და ზრქელნი
Line of edition: 18    და წურილნი? ხოლო რომელმან ესე ყოველი ქმნა, მან ოდეს ინებოს
Line of edition: 19    სახიერებით, რომელი-იგი თჳთ არს დაუსაბამო, ვერმცა იცვალაა,
Line of edition: 20    ვითარცა ენებოს? რამეთუ დაამცირებს თავსა თჳსსა და ჴორციელ
Line of edition: 21    იქმნების და შეეზავების წმიდათა და ღირსთა სულთა, რაჲთა
Line of edition: 22    იხილვოს უხილავი იგი ბუნებისაებრ სიწლოჲსა მის სულისა, რაჲთა
Line of edition: 23    იხილოს სულმან გემოჲ სიტკბოებისა მისისაჲ და ნათლითა მისითა
Line of edition: 24    განბრწყინდეს და გამოუთქუმელისა მისგან განსუენებისა გამოცდილებაჲ
Line of edition: 25    რაჲმე მიიღოს.

Line of edition: 26       ოდეს ენებოს, ცეცხლ იქმნების იგი და დასწუავს ყოველთავე
Line of edition: 27    ვნებათა სულისათა, რამეთუ წინაწარმეტყუელი იტყჳს, ვითარმედ:
Line of edition: 28    "ღმერთი ჩუენი ცეცხლ შემწუველ არს". კუალად, ოდეს ენებოს,
Line of edition: 29    იქმნების იგი განსუენება გამოუთქუმელ, რაჲთა განისუენოს
Line of edition: 30    სულმან მან და იშუებდეს Ⴄღმრთეებითა. კუალად, ოდეს ენებოს,
Line of edition: 31    იქმნების იგი სიხარული და მშჳდობაჲ და ჰფარავნ სულსა მას.

Line of edition: 32       და უკუეთუ ენებოს, შესცვალებს თავსა თჳსსა და იქმნების
Line of edition: 33    ვითარცა ერთი დაბადებულთაგანი სიხარულად და მხიარულებად
Line of edition: 34    სულისა მის, ანუ ქალაქად ნათლისად იერუსალჱმად, ანუ მთად ზეცისად
Page of edition: 261   Line of edition: 1    სიონად. შემძლებელ არს ყოფად, ვითარცა ენებოს წერილისაებრ, რომელი
Line of edition: 2    იტყჳს: "მოსრულ ხართ თქუენ მთასა სიონსა
Line of edition: 3    და ქალაქსა ღმრთისა ცხოველისა იერუსალჱმსა ზეცისასა". ყოველივე
Line of edition: 4    წინაშე მისსა ადვილ არს. ვითარცა ენებოს, შეიცვალების
Line of edition: 5    და ეჩუენების წმიდათა და სარწმუნოთა სულთა. ოდენ თანა-აც
Line of edition: 6    სულსა ღუწოლაჲ, რაჲთა იქმნას საყუარელ და სათნო მისა და თჳთ
Line of edition: 7    რაჟამს მისწუთეს საზომსა მას საქმით, იხილნეს გამოუთქუმელნი
Line of edition: 8    კეთილნი ზეცისანი და შუებაჲ გამოუთარგმანებელი და სიმდიდრჱ
Line of edition: 9    ღმრთეებისაჲ მიუწთომელი. ჭეშმარიტად, "რომელი თუალმან არა
Line of edition: 10    იხილა და ყურსა არა ესმა, გულსა კაცისასა არა მოუჴდა", ვითარ-იგი
Line of edition: 11    სული უფლისაჲ შეიცვალების განსუენებად და სიხარულად
Line of edition: 12    და ცხორებად საუკუნოდ ღირსისა სულისა, რამეთუ მიამსგავსებს
Line of edition: 13    თავსა თჳსსა საჭმელსა სულიერსა და სამოსელსა და შუენიერებასა
Line of edition: 14    გამოუთქუმელსა, რაჲთა განუსუენოს გამოუთქუმელად და აღავსოს
Line of edition: 15    სიხარულითა სულიერითა ღირსი და სარწმუნოჲ სული. ვითარცა
Line of edition: 16    უფალი იტყჳს, ვითარმედ: "რომელმან ჭამოს პური ესე ჩემი,
Line of edition: 17    ცხონდეს უკუნისამდე". და "მე ვარ პური ცხორებისაჲ". და
Line of edition: 18    "რომელი სუმიდეს წყლისა მისგან, რომელი მე მივსცე მას, ექმნას
Line of edition: 19    წყარო წყლისა მდინარისა ცხორებად საუკუნოდ". და კუალად
Line of edition: 20    წერილ არს, ვითარმედ: "ყოველნივე მითვე სულითა
Line of edition: 21    განვნათლდით".

Line of edition: 22       და ესრეთ თჳთეულსა წმიდათასა, ვითარცა ენება, ეჩუენა და
Line of edition: 23    ვითარცა ჯერ-იყო: სხჳთა სახითა აბრაჰამს და სხჳთა -- ისაკს და
Line of edition: 24    სხჳთა -- იაკობს, სხჳთა -- ნოეს და დანიელს, დავითს, სოლომონს,
Line of edition: 25    იოსებს და თითოეულსა წმიდათა წინაწრმეტყუელთა*: ესაიას,
Line of edition: 26    იერემიას, ელიას, მოსეს. და მე ვჰგონებ, ვითარმედ მოსე ყოველსავე
Line of edition: 27    ჟამსა სულიერსა მას ტაბლასა შევიდოდა და იშუებდა მთასა
Line of edition: 28    ზედა ოთხმეოცისა მის დღესა მარხვასა. და ესრეთ ეჩუენა თითეულსა
Line of edition: 29    წმიდათასა, ვითარცა ენება. გამოუჩნდა განსუენებად
Line of edition: 30    მათდა და ცხორებად და გულისჴმის-ყოფასა ჭეშმარიტებისასა
Line of edition: 31    მოყვანებად.

Line of edition: 32       და ყოველივე, რომელიცა ენებოს, მალე აღესრულების და,
Line of edition: 33    ვითარცა ჰნებავს, დაამცირებს თავსა თჳსსა და ესრეთ ეჩუენების
Line of edition: 34    მოყუარეთა და მეძიებელთა მისთა. იგი, ვითარცა არს, ეგრეთვე
Page of edition: 262   Line of edition: 1    ჰგიეს. არამედ ფრიადისა და უზომოჲსა სიყუარულისა მისისათჳს,
Line of edition: 2    რომელი აქუს მონათა მისთა მიმართ, ძალისაებრ მათისა ეჩუენების
Line of edition: 3    მათ და არა ეჩუენების, ვითარცა თჳთ არს, რამეთუ იგი დაუტევნელ
Line of edition: 4    არს. დიდებაჲ ძლიერებასა მისსა და აურაცხელსა წყალობასა.

Line of edition: 5       *ხოლო სული, რომელი ღირს იქმნას ფრიადითა სურვილითა
Line of edition: 6    და სარწმუნოებითა და სიყუარულითა შეწყნარებად ძალისა მიერ
Line of edition: 7    ზეცით და რაჟამს შეეზაოს ასოთა მისთა სიყუარული იგი წმიდისა
Line of edition: 8    სულისაჲ და პოოს ცეცხლი იგი ზეცისაჲ უკუდავისა მის ცხორებისაჲ,
Line of edition: 9    მიერითგან განიჴსნების ჭეშმარიტებით ყოვლისაგანვე სიყუარულისა
Line of edition: 10    სოფლისა ამის და განთავისუფლდების ყოვლისაგანვე საკრველისა
Line of edition: 11    უკეთურებისა.

Line of edition: 12       და ვითარცა რკინაჲ ანუ ბრპენი, ანუ რვალი, ანუ ოქროჲ, ანუ
Line of edition: 13    ვეცხლი, რაჟამს ცეცხლსა შთავარდის, მოლბის სიფიცხლისა მისგან
Line of edition: 14    თჳსისა. და ვიდრემდე ცეცხლსა შინა იყვის, ლბილ არნ იგი და
Line of edition: 15    უცხო ბუნებისაგან თჳსისა ძალისა მისგან ცეცხლისა, ეგრეთვე
Line of edition: 16    სული, რომელმან უვარ-ყოს სოფელი და უფალი ოდენ შეიყუაროს
Line of edition: 17    და მას ღმრთეებისა ცეცხლი სიყუარულისა მის წმიდისა სულისაჲ,
Line of edition: 18    მაშინ ჭეშმარიტებით განიჴსნების ყოვლისაგანვე სიყუარულისა
Line of edition: 19    სოფლისა ამის და ყოვლისაგანვე უკეთურებისა ვნებათაჲსა განთავისუფლდების
Line of edition: 20    და ბუნებითისა მისგან სიფიცხლისა ცოდვისა შეიცვალების.
Line of edition: 21    და ოდენ განისუენებნ სიძესა მას თანა ზეცისასა, რომლისა
Line of edition: 22    შეწყნარებად ღირს იქმნა და იხარებნ სული იგი მჴურვალითა
Line of edition: 23    მითႠ სიყუარულითა მისითა.

Line of edition: 24       ხოლო გეტყჳ შენ, ვითარმედ საყუარელნიცა და სასურველნი
Line of edition: 25    იგი ძმანი, უკუეთუ დაახრწევდენ მას სიყუარულისაგან, მათცა განიშორებს,
Line of edition: 26    რამეთუ იგი არს ცოხრებაჲ მისი და ჭეშმარიტი განსუენებაჲ
Line of edition: 27    სულიერი, გამოუთქუმელი იგი ზიარებაჲ სიძისა მის ზეცათაჲსაჲ,
Line of edition: 28    რამეთუ უკუეთუ ჴორციელისა ქორწინებისა სიყუარული
Line of edition: 29    განაშორებს კაცსა მამისაგან და დედისა და ძმათაგან და ყოველივე
Line of edition: 30    გარეწარად უჩნს, მას დაღაცათუ ვინმე უყუარდეს, გარეწარად
Line of edition: 31    უყუარს. და იგი ოდენ ჴორციელი ზიარებაჲ ყოველსავე სიყუარულსა
Line of edition: 32    დაჰჴსნის, ვითარცა წერილ არს, ვითარმედ: "ამისთჳს დაუტეოს
Line of edition: 33    კაცმან მამაჲ თჳსი და დედაჲ თჳსი და შეეყოს ცოლსა თჳსსა
Line of edition: 34    და იყვნენ ორნივე ერთ ჴორც". ხოლო უკუეთუ ჴორციელი სიყუარული
Page of edition: 263   Line of edition: 1    ესრეთ მოსწყუედს კაცსა ყოვლისაგანვე სიყუარულისა,
Line of edition: 2    უკუე რომელნი ღირს იქმნენ სურვილსა მას ზეცისასა და სიყუარულსა
Line of edition: 3    მას წმიდისა სულისასა ზიარებად, ვითარმცა არა უფროჲსად
Line of edition: 4    მოსწყდეს ყოვლისაგანვე სიყუარულისა ამის სოფლისა და ყოველივე
Line of edition: 5    გარეწარად უჩნ მათ. რამეთუ იძლევიან იგინი და განიგურიმებიან
Line of edition: 6    საღმრთოჲთა მით ტრფიალებითა და მას ოდენ იგონებდიან
Line of edition: 7    და მას შინა ვიდოდიან და მუნ არნ გონებაჲ მათი, მარადის
Line of edition: 8    ძლეული საღმრთოჲთა მით სურვილითა.

Line of edition: 9       ამისთჳსცა, ჵ საყუარელნო ძმანო, ვინაჲთგან ესოდენნი კეთილნი
Line of edition: 10    წინა-გჳსხენ და ესევითარნი აღთქუმანი მოცემულ არიან
Line of edition: 11    ჩუენდა, მოვედით და განვაგდოთ ჩუენგან ყოველი წინააღმდგომი
Line of edition: 12    ვნებაჲ და დაუტეოთ ყოველივე სიყუარული სოფლისაჲ და მისა
Line of edition: 13    მიმართ ოდენ დავდვათ ყოველი სურვილი ჩუენი, რაჲთა ვპოოთ
Line of edition: 14    სიყუარული იგი სულისაჲ გამოუთქუმელი, რომლისათჳს ფრიად
Line of edition: 15    გუასწავებს ჩუენ ნეტარი პავლე, რაჲთა მას მივსდევდეთ და ესრეთ
Line of edition: 16    შემძლებელ ვიქმნნეთ სიფიცხლისა მის ჩუენისაგან შეცვალებად
Line of edition: 17    შეცვალებითა მით მარჯუენისა მაღლისაჲთა და სილბილედ სულიერად
Line of edition: 18    მოსლვად დაგურემულნი ტრფიალებითა საღმრთოჲთა. რამეთუ,
Line of edition: 19    აჰა ესერა უფალი სულგრძელ გუექმნების ჩუენ და მოელის
Line of edition: 20    მოქცევასა ჩუენსა მისა მიმართ. და დაღაცათუ ჩუენ უგულისჴმოებისაგან
Line of edition: 21    ჩუენისა და ჩუეულებისაგან ბოროტისა გარე-მოვიქცევით
Line of edition: 22    ცხორებისაგან და არა გუნებავს ჭეშმარიტად სინანული, არამედ იგი
Line of edition: 23    კაცთმოყუარჱ სულგრძელ არს ჩუენ ზედა და მოელის თუ ოდეს
Line of edition: 24    მოუჴდეს მას, და ჭეშმარიტებით განახლდეს შინაგანი კაცი და არა
Line of edition: 25    ჰრცხუენეს პირთა ჩუენთა დღესა მას სასჯელისასა.

Line of edition: 26       დაღაცათუ ძნელ-გჳჩს ჩუენ მისლვაჲ მისა სიფიცხილსათჳს
Line of edition: 27    სათნოებათაჲსა და უფროჲსად განზრახვისაგან წინააღმდგომისა,
Line of edition: 28    რომელი ისწრაფის დახრწევასა ჩუენსა კეთილისაგან, ხოლო უფალი
Line of edition: 29    მარადის მოელის სინანულსა ჩუენსა, და დაღაცათუ დავეცნეთ
Line of edition: 30    ცოდვითა, არა სირცხჳლ-უჩნს მას კუალად შეწყნარებაჲ ჩუენი,
Line of edition: 31    ვითარცა იტყჳს წინაწარმეტყუელისა მიერ: "ნუუკუე რომელი-იგი
Line of edition: 32    დაეცის, არა აღდგისა, ანუ რომელი მიიქცის, არღა მოიქცისა?"
Line of edition: 33    გარნა ჩუენ განვიფრთხოთ და გულისსიტყუაჲ კეთილი მოვიგოთ
Line of edition: 34    და მოვიქცეთ მისა მიმართ და იგი მზა არს ცხოვნებად ჩუენდა, ოდენ
Page of edition: 264   Line of edition: 1    ჩუენ წარვემართნეთ მისა მიმართ ნეფსით ჩუენით და სარწმუნოებით
Line of edition: 2    და სიყუარულით და გულსმოდგინებით, ხოლო ძალსა თჳთ იგი
Line of edition: 3    მოგუცემს ჩუენ.

Line of edition: 4       ხოლო აწ ვისწრაფოთ, ჵ შვილნო საყუარელნო, და აღვიძარცოთ
Line of edition: 5    ყოველივე ჩუეულებაჲ ბოროტი და უდებებაჲ და დაჴსნილობაჲ
Line of edition: 6    ახოვნად და1 მზა ვიყვნეთ შედგომად მისა. და ნუმცა ვადროებთ
Line of edition: 7    დღითი დღედ, რამეთუ არა უწყით, თუ ოდეს იყოს განსლვაჲ
Line of edition: 8    ჩუენი ჴორცთაგან. რამეთუ დიდ და გამოუთქუმელ არიან აღთქუმანი
Line of edition: 9    იგი ქრისტეანეთანი და ერთისა სულისა მორწმუნისა დიდებასა
Line of edition: 10    ვერ შეესწორების ყოველივე შუენიერებაჲ და სამკაული სიმდიდრისა
Line of edition: 11    და საშუებელისა ხილულისაჲ.

Line of edition: 12       ხოლო აწ ვითარ არა ვინებოთ ესევითართა მათ აღთქუმათა
Line of edition: 13    უფლისათა შედგომაჲ ყოვლითა გულითა და მიცემაჲ თავთა ჩუენთა
Line of edition: 14    ჴელთა უფლისათა და უვარის-ყოფაჲ ნებათა ჩუენთაჲ სიტყჳსაებრ
Line of edition: 15    სახარებისა და დატევებაჲ სულთა ჩუენთაჲ და შეყუარებაჲ
Line of edition: 16    იესუსი ოდენ?

Line of edition: 17       არამედ, აჰა ესერა, ეგოდენი დიდებაჲ აღგჳთქუა უფალმან და
Line of edition: 18    რავდენი სახიერებაჲ აჩუენა ჩუენ ზედა პირველითგანვე და უკუანაჲსკნელ
Line of edition: 19    თჳთ მოწყალებითა გამოუთქუმელითა მოვიდა და ჯუარსეცუა
Line of edition: 20    ღმერთი ჩუენთჳს, რაჲთა ჩუენ ცხორებად მოგუაქცინეს. და
Line of edition: 21    ამას ყოველსა ზედა ჩუენ არავე დაუტეობთ ნებათა ჩუენთა და სიყუარულსა
Line of edition: 22    სოფლისასა და ჩუეულებასა ბოროტსა და ამისთჳს
Line of edition: 23    მცირედ მორწმუნე ვიქმნებით ჩუენ, ნუუკუე და სრულიად ურწმუნოცა.
Line of edition: 24    ხოლო იგი სულგრძელებითა უხილავად გუფარავს ჩუენ და
Line of edition: 25    არა ცოდვათა ჩუენთაებრ მოგუაგებს, რაჲთამცა მიგუცნა სრულიად
Line of edition: 26    ცოდვასა. არცა მიგჳშუებს სრულიად წარწყმედად, რამეთუ ელის
Line of edition: 27    სინანულსა ჩუენსა. არამედ ვეკრძალნეთ და ნუმცა უგულებელს-ვჰყოფთ
Line of edition: 28    სახიერებასა მისსა.

Line of edition: 29       თუ არა, მეშინის, უკუეთუ ესრეთ უდებებით ვიქცეოდით და
Line of edition: 30    აღესრულოს ჩუენ ზედა სიტყუაჲ იგი მოციქულისაჲ, რომელსა იტყჳს:
Line of edition: 31    "ანუ სიმდიდრესა სახიერებისა მისისასა უგულებელს-ჰყოფთ
Line of edition: 32    და არ უწყი, ვითარმედ მაცხოვარებაჲ უფლისა სინანულად მიგიზიდავს
Line of edition: 33    შენ".
Page of edition: 265   Line of edition: 1    ხოლო უკუეთუ იგი სულგრძელ გუექმნებოდის და ჩუენ უფროჲსად
Line of edition: 2    ვცოდვიდეთ და შევსძინოთ ძჳრი ძჳრსა ზედა, მაშინ უდებებითა
Line of edition: 3    ჩუენითა აღვაორძინებთ სასჯელსა ჩუენსა და მოვალს ჩუენ
Line of edition: 4    ზედა შემდგომი იგი სიტყუაჲ მოციქულისაჲ: "ხოლო სიფიცხლითა
Line of edition: 5    მაგით შენითა და შეუნანებელითა გულითა იუნჯებ თავისა შენისა
Line of edition: 6    რისხვასა დღესა მას რისხვისასა და გამოჩინებასა სიმართლისა საშჯელისა
Line of edition: 7    ღმრთისასა", რომელი მიაგებს კაცად-კაცადსა საქმეთა მათთაებრ,
Line of edition: 8    რამეთუ დიდად და გამოუთქუმელად სულგრძელ ექმნების
Line of edition: 9    ღმერთი ნათესავსა კაცთასა. ოდენ ჩუენ განვიფრთხოთ და მისა მივიქცეთ,
Line of edition: 10    რაჲთა ვპოოთ ცხორებაჲ*.

Line of edition: 11       ხოლო უკუეთუ გნებავს, რაჲთა იხილო ღმრთისა სულგრძელებაჲ,
Line of edition: 12    წმიდათა წერილთაგან გულისჴმა-ჰყო: მიხედენ ისრაჱლსა,
Line of edition: 13    თუ ვითარნი აღთქუმანი მოეცნეს, "რომელთაგან ქრისტე ჴორციელად",
Line of edition: 14    რომელთანი იყვნეს აღთქუმანი და რჩულისდებანი, რაოდენგზის
Line of edition: 15    ცოდეს, რადენგზის გარდაიქცეს და მან არა დაუტევნა
Line of edition: 16    იგინი სრულიად. და დაღაცათუ სიფიცხლისა მათისათჳს მცირედჟამ
Line of edition: 17    განცადნის იგინი, არამედ კუალად ჴელი აღუპყრის, წინაწარმეტყუელნი
Line of edition: 18    მოუვილნნის და ესრეთ ნუგეშინის-სცის მათ. და რაჟამს
Line of edition: 19    ცოდვისაგან მოიქციან, სიხარულით შეიწყნარნის იგინი. და რაჟამს
Line of edition: 20    კუალად გარდაიქციან, იგი არა განეშორის მათ, არამედ წმიდათა
Line of edition: 21    წინაწარმეტყუელთა მიერ სინანულად მოუწოდნ მათ. და სინანული
Line of edition: 22    მათი ადრე შეიწირის, ვიდრემდის უკანაჲსკნელ იპოვნეს დიდსა
Line of edition: 23    მას ცოდვასა შინა, რამეთუ დაასხნეს ჴელნი თჳსნი მეუფესა ზედა
Line of edition: 24    და რომელსა წინაწარმეტყუელნი და მამანი ქადაგებდეს, ვითარმედ
Line of edition: 25    მოსლვად არს მჴსნელი და მეუფჱ და წინაწარმეტყუელი
Line of edition: 26    იგი დიდი, ხოლო მო-რაჲ-ვიდა, არა შეიწყნარეს, არამედ ყოველივე
Line of edition: 27    სახჱ გინებისა და შეურაცხებისაჲ მოაწიეს მის ზედა. უკუანაჲსკნელ
Line of edition: 28    დასაჯეს იგი სიკუდილითა მით ჯუარისაჲთა. და ამას დიდსა
Line of edition: 29    ცთომასა ზედა გრადაემეტნეს და აღესრულნეს ცოდვანი მათნი და
Line of edition: 30    მიერითგან სრულიად დატევებულ იქმნეს და წმიდაჲ სული განეშორა
Line of edition: 31    მათგან, რაჟამს-იგი "კრეტსაბმელი ტაძრისაჲ მის განიპო"
Line of edition: 32    და ტაძარი მათი და ქალაქი მიეცა წარმართთა და აღოჴრდა სიტყჳსაებრ
Line of edition: 33    უფლისა, რომელი თქუა, ვითარმედ -- "არა დაშთეს ქვაჲ ქვასა
Line of edition: 34    ზედა, რომელი არა დაირღუეს". და ესრეთ სრულიად განიბნინეს
Line of edition: 35    ყოველსავე სოფელსა, რამეთუ მეფეთა მათ წარმტყუენველთა მათთა
Line of edition: 36    არღარა მოუტევნეს იგინი ქუეყანად მათდა.

Line of edition: 37       ეგრეთვე სახედ ჩუენ ყოველთა სულგრძელ გუექმნების და
Line of edition: 38    მოელის, თუ ოდენ მოვიქცეთ ცოდვისაგან. და მოქცეულსა მას
Page of edition: 266   Line of edition: 1    სიხარული შეიწყნარებს, ვითარცა იტყჳს, ვითარმედ: "ესევითარი
Line of edition: 2    სიხარული არნ ცათა შინა, რაჟამს ცოდვილი ერთი მოიქცის".
Line of edition: 3    და კუალად იტყჳს: "არა არს ნებაჲ მამისა ჩემისაჲ, რაჲთამცა წარწყმდა
Line of edition: 4    ერთი მცირეთა ამათგანი".

Line of edition: 5       *ხოლო უკუეთუ კაცი ხედვიდეს სულგრძელებასა და სახიერებასა
Line of edition: 6    ღმრთისასა, რამეთუ არა მიაგებს მას აქავე საქმეთაებრ მისთა,
Line of edition: 7    არამედ მოელის სინანულსა მისსა, და უფროჲსად შეურაცხ-ჰყოფდეს
Line of edition: 8    იგი მცნებათა მისთა და შესძინოს ცოდვაჲ ცოდვასა ზედა
Line of edition: 9    და დაცემაჲ დაცემასა ზედა, მერმე აღასრულებს საზღვართა
Line of edition: 10    ცოდვისათა და გარდაჰვალს მათ. და ეგევითარსა ცთომასა მოვალს,
Line of edition: 11    რომელ ვერღარა შემძლებელ იყოს მისგან აღდგომად, არამედ შეიმუსრის
Line of edition: 12    და მიეცის სრულიად უკეთურსა მას და წარწყმდის.

Line of edition: 13       ესრეთ შეემთხჳა სოდომელთა მათ, რამეთუ ფრიად ცოდეს
Line of edition: 14    და არა მოიქცეს. უკუანაჲსკნელ ეგევითარსა მიემთხჳნეს, რომელ
Line of edition: 15    ანგელოზთა თანა ცოდვისა ქმნაჲ ენება. და არღარა აქუნდა მათ
Line of edition: 16    სინანული, რაემთუ გარდაჰჴდეს საზღვარსა ცოდვისასა. ამისთჳსცა
Line of edition: 17    ღმრთისა მიერ ცეცხლითა დაიწუნეს.

Line of edition: 18       **ეგრეთვე ნოვეს ზე ფრიად ცოდეს და არა შეინანეს, ვიდრემდის
Line of edition: 19    ესევითართა საქმეთა მიიწინეს, რომელ ყოველივე ქუეყანაჲ
Line of edition: 20    წაირღუნა. ეგრეთვე მეგჳპტელთა ზედა იქმნა, რამეთუ ფრიად
Line of edition: 21    ცოდეს ერსა მას ზედა ღმრთისასა. ხოლო ღმერთი სულგრძელ ექმნებოდა
Line of edition: 22    და ჰგუემდა მათ თითოსახედ, რაჲთამცა მოიქცეს და არამცა
Line of edition: 23    წარწყმდეს სრულიად, არამედ მათ ფრიად ცოდეს და მოიქციან
Line of edition: 24    და კუალად მიდრკიან და აჭირვებდეს ერსა ღმრთისასა. კუანაჲსკნელ
Line of edition: 25    რაჟამს მრავლითა საკჳრველებითა მოსეს მიერ ერი ეგჳპით
Line of edition: 26    გამოიყვანა, დიდად ცოდეს, რამეთუ სდევნეს უკუანა ერსა ღმრთისასა.
Line of edition: 27    ამისთჳს სრულიად წარწყმიდნა იგინი წყალთა შინა და არცა
Line of edition: 28    თუ ხილულსა ამას ცხორებასა ღირს-ყვნა.

Line of edition: 29       ეგრეთვე კუალად ისრაჱლმან, ვითარცა პირველ ვთქუ, ვითარმედ
Line of edition: 30    ცოდა: წინაწარმეტყუელნი მოსწყჳდნა და ბევრეულნი ბოროტნი
Line of edition: 31    ქმნნა. ხოლო ღმერთი სულგრძელ ექმნებოდა და სინანულსა
Line of edition: 32    მათსა მოელოდა, ვიდრემდე ესრეთ ცოდეს, რომლითა შეიმუსრნეს
Line of edition: 33    და ვერღარა აღდგეს, რამეთუ პირველსა მას სამეუფოსა ჴელი
Line of edition: 34    მიყვეს. ამისთჳს სრულიად დატევებულ იქმნნეს და წარწყმდეს
Line of edition: 35    და აეღო მათგან წინაწარმეტყუელებაჲ და მღდელობაჲ და მსაჯულობაჲ და მიეცა მორწმუნეთა მათ წარმართთა, ვითარცა უფალმან
Page of edition: 267   Line of edition: 1    თქუა: "აეღოს თქუენგან მეუფებაჲ და მიეცეს წარმართთა, რომელნი
Line of edition: 2    იქმოდინ ნაყოფთა მისთა".

Line of edition: 3       რამეთუ ღმერთი მოელოდა სინანულსა მათსა და არა განეშორებოდა
Line of edition: 4    მათ, ვიდრემდის გარდაჰჴდეს საზღვარსა ცოდვათასა და
Line of edition: 5    მაშინ განეშორა მათ ღმერთი სრულიად*.

Line of edition: 6       ხოლო ესე, საყუარელნო, მრავალთაგან მცირედი გამოვიღეთ
Line of edition: 7    წმიდათა წერილთაჲ, რაჲთა ჩუენცა ვისწრაფოთ და მოვიქცეთ მისა
Line of edition: 8    მიმართ და დაუტეოთ ყოველივე ჩუეულებაჲ ცოდვისაჲ, რამეთუ
Line of edition: 9    ელის იგი სინანულსა ჩუენსა. და მო-რაჲ-ვიქცეთ, სიხარულით შეგჳწყნარებს
Line of edition: 10    ჩუენ, რაჲთა არა აღორძნდეს უდებებაჲ ჩუენ შორის
Line of edition: 11    დღითი დღე და განმრავლდენ ცოდვანი ჩუენნი და მოიწიოს ჩუენ
Line of edition: 12    ზედა რისხვაჲ ღმრთისაჲ. ამისთჳს ვისწრაფოთ და მოუჴდეთ მას
Line of edition: 13    ყოვლითა გულითა. და ნუ წარვჰკუეთთ სასოებასა ცხორებისა ჩუენისასა,
Line of edition: 14    რამეთუ ესეცა უკეთურისა ეშმაკისა ღონჱ არს, რომელი
Line of edition: 15    ჴსენებითა პირველქმუნლთა ცოდვათაჲთა სასოწარკუეთილებად
Line of edition: 16    მოიყუანებს კაცსა და დაჴსნილობად და უდებებად, რაჲთა არა მოიქცეს
Line of edition: 17    უფლისა მიმართ კაცთმოყუარისა და ცხონდეს.

Line of edition: 18       ხოლო რაჟამს ესრეთ ეშმაკისა მანქანებაჲ უცხოდ აგჳჩნდეს
Line of edition: 19    ჩუენსა ცხორებასა, რაჲთამცა არა მოვიქეცით უფლისა, რომელსა-იგი
Line of edition: 20    ჰნებავს ცხორებაჲ ჩუენი**, მაშინ მოვიჴსენოთ, ვითარმედ მო-რაჲ-ვიდა
Line of edition: 21    უფალი სახიერებით ქუეყანად, ბრმათა აღუხილნა თუალნი,
Line of edition: 22    განრღუეულნი განკურნნა, მკუდარნი განხრწნადნი განაცხოველნა,
Line of edition: 23    ყრუთა ასმენდა, ლეგეონი ეშმაკთაჲ ერთისა კაცისაგან განასხა და
Line of edition: 24    პატიოსნებად შეცვალა ფიცხელი იგი სიბორგილჱ მისი.

Line of edition: 25       ხოლო რომელმან ესე ყოველი ქმნა, უკუეთუ სული, რომელი
Line of edition: 26    მისა მიმართ მოიქცეს და წყალობასა მისსა ითხოვდეს და შეწევნასა
Line of edition: 27    მისსა ეძიებდეს, არამცა მოიყვანაა პატიოსნებად უვნებელობისა
Line of edition: 28    და მოქალაქობად სათნოებისა და განახლებად გონებისა? და
Line of edition: 29    არა გარდააქციოსა იგი სიმართლედ და სინათლედ და მშჳდობად
Line of edition: 30    გულისსიტყუათა და მოიყვანოს იგი სიბრმისა მისგან უგულისჴმოებისა
Line of edition: 31    პატიოსნებად სათნოებათა და სიწმიდედ გულისა?***

Line of edition: 32       რამეთუ რომელმან ჴორცნი დაჰბადნა, მანვე დაჰბადა სულიცა
Line of edition: 33    და მო-რაჲ-ვიდა ქუეყანად, ყოველთავე სენთა განჰკურნებდა და,
Line of edition: 34    რაჲცა ვინ ითხოის მისგან, მისცის მათ.

Line of edition: 35       ხოლო უკუეთუ განხრწნადთა ამათ და მოკუდავთა გუამთა ზედა
Line of edition: 36    ეგოდენსა წყალობასა აჩუენებდა და ესრეთ ჰკურნებდა მათ,
Line of edition: 37    მაშა, სული უკუდავი იგი უხრწნელი, რომელი-იგი არს სენსა შინა
Page of edition: 268   Line of edition: 1    უგულისჴმოებისა და ურწმუნოებისასა და უშიშოებისასა და იყოფებინ
Line of edition: 2    იგი ბნელსა მას შინა ვნებათასა და ეძიებნ იგი შეწევნასა
Line of edition: 3    მისსა და ესავნ წყალობასა მისსა და ითხოვნ მისგან მადლსა მას
Line of edition: 4    სულისასა საჴსრად და ცხორებად მისა, არამცა მალე მოუვლინა
Line of edition: 5    სულსა მას შეწევნაჲ თჳსი, რომელმან-იგი თქუა: "ვითარ არა უფროჲს
Line of edition: 6    ყოს მამამან თქუენმან სასჯელი, რომელნი ღაღადებენ მისა
Line of edition: 7    მიმართ ღამე და დღე? ჰე, გეტყჳ, ყოს სასჯელ მათი ადრე".

Line of edition: 8       და* კუალად იტყჳს: "ითხოვდით, და მოგეცეს თქუენ, ეძიებდით,
Line of edition: 9    და ჰპოოთ, ირეკდით, და განგეღოს, რამეთუ ყოველი, რომელი
Line of edition: 10    ეძიებდეს, ჰპოოს და რომელი ირეკდეს, განეღოს და რომელი
Line of edition: 11    ითხოვდეს, მოეცეს". და შემდგომად მცირედისა იტყჳს: "ვითარ
Line of edition: 12    უფროჲსღა მამამან ზეცათამან მოსცეს სული წმიდაჲ, რომელნი
Line of edition: 13    ითხოვდეს, მოეცეს". და კუალად იტყჳს: "ამენ, გეტყჳ თქუენ, დაღაცათუ
Line of edition: 14    არა მისცეს მას, რამეთუ მოყუარე იყო მისი, არამედ კადნიერად
Line of edition: 15    წყინებისა მისისათჳს მისცემს მას, რაოდენცა უჴმდეს".

Line of edition: 16       და ამით ყოვლითა გუასწავებს ჩუენ, რაჲთა ურცხჳნელად ვითხოვდეთ
Line of edition: 17    მისგან მადლსა მისსა**, რამეთუ იგი ცოდვილთათჳს მოვიდა,
Line of edition: 18    რაჲთამცა მოაქცინა იგინი სინანულად და განკურნნა მორწმუნენი
Line of edition: 19    თჳსნი.

Line of edition: 20       აწ ჩუენცა თანა-გუაც, რაჲთა ჩუენნი ბოროტთა გულის-სიტყუათაგან
Line of edition: 21    განვაშორნეთ ძალისაებრ ჩუენისა და მოვიძულნეთ
Line of edition: 22    საქმენი ბოროტნი და ნივთნი ამის სოფლისანი და გარე-მივაქცინეთ
Line of edition: 23    მოგონებანი საეშმაკონი და მარადის მისა მივივლტოდით. და იგი
Line of edition: 24    მზა არს შეწევნად ჩუენდა, რამეთუ არს იგი მოწყალე და მაცხოვარ
Line of edition: 25    და მკურნალ ძნელოვანთა მათ ვნებათა. და იგი არს მჴსნელი
Line of edition: 26    მონანულთაჲ, რამეთუ სული, რომელმან განაშოროს თავი თჳსი
Line of edition: 27    ყოვლისაგანვე სიყუარულისა ამის სოფლისა და გონებაჲ მისი, რავდენცა
Line of edition: 28    ძალ-ედვას, მოსწყჳდოს ქუეყანისაგან და უფლისა წყალობათა
Line of edition: 29    ოდენ ეკიდოს, უეჭუელად ჰპოებს იგი შეწევნასა მისსა, რომელი
Line of edition: 30    ეძიებდეს მას ყოვლითა გულითა თჳსითა. და არარასა ზედა
Line of edition: 31    განისუენებდეს ამის სოფლისა საქმეთა, არამედ მას ოდენ ეძიებდეს
Line of edition: 32    და მოელოდის განსუენებასა მას მადლისა მისისასა.
Page of edition: 269  

Line of edition: 1       და ესრეთ ეგევითარითა მათ სარწმუნოებითა პოვის ნიჭი იგი
Line of edition: 2    ზეცისაჲ და სურვილი იგი მისი აღესრულის სიხარულით მადილთა
Line of edition: 3    უფლისაჲთა და კუალად ჰმონის სულსა წმიდასა და დღითი დღედ
Line of edition: 4    წარემატებინ კეთილსა შინა და ვალნ გზასა მას სიმართლისასა, და2
Line of edition: 5    ვიდრე აღსასრულადმდე არარასა ზედა ეზიარებინ ნაწილსა მას
Line of edition: 6    უკეთურებისასა, და არცა შეაწუხის მადლი იგი სულისა წმიდისაჲ.
Line of edition: 7    და ამით სახითა ღირს იქმნის ცხორებასა საუკუნესა ყოველთა წმიდათა
Line of edition: 8    თანა, ვითარცა თანამოზიარე შრომათა მათთაჲ და მსგავსად
Line of edition: 9    მათსა ყოფილი სოფელსა შინა. დიდებაჲ სახიერებათა უფლისათა
Line of edition: 10    და აურაცხელთა წყალობათა უკუნითი უკუნისამდე, ამენ.



Next part


This text is part of the TITUS edition of Pseudo-Macarius, Epistulae et Orationes.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.