TITUS
Pseudo-Macarius, Epistulae et Orationes
Part No. 6
Previous part

Text: 4     
Line of edition: 29  თავი 4


Line of edition: 30       ქრისტეანთა სოფელი სხუაჲ არს და წესი და გონებაჲ და სიტყუაჲ
Line of edition: 31    და საქმჱ სხუაჲ არს და კაცთა ამის სოფლისათა წესი და გონებაჲ
Line of edition: 32    და სიტყუაჲ და საქმჱ სხუაჲ არს. სხუანი არიან ესენი და
Line of edition: 33    სხუანი იგინი და ფრიადი განყოფილებაჲ არს ამათ შორის და მათ
Line of edition: 34    შორის. რამეთუ მკჳდრნი ქუეყანისანი და შვილნი ამის სოფლისანი
Page of edition: 240   Line of edition: 1    მსგავს არიან იფქლსა შთასხმულსა ცხრილსა შინა ამის სოფლისასა,
Line of edition: 2    რომელი აღიცრებინ დაუდგრომელთა გულისსიტყუათა შინა
Line of edition: 3    ქუეყანისათა ცრითა დაუცადებელითა და გულისთქუმითა მრავალფერითა.
Line of edition: 4    ნივთიერთა ამათ საქმეთა ზრუნვითა იღელვებიან სულნი
Line of edition: 5    მათნი მცრელისა მის მიერ, რომელ არს ეშმაკი, რომელი აღსცრის
Line of edition: 6    საცრითა ამის სოფლისა საქმეთაჲთა ყოველსავე ნათესავსა ცოდვილთა
Line of edition: 7    კაცთასა, რომელნი-იგი დაცემითგან ადამისით გარდაჰჴდეს
Line of edition: 8    მცნებასა და დაემორჩილნეს მთავარსა მას ამის სოფლისასა,
Line of edition: 9    რამეთუ აღიღო მან ადამის ჴელმწიფებაჲ და მიერითგან დაუცხრომელითა
Line of edition: 10    გულისსიტყჳთა ცთომისაჲთა შეარყევს მათ და აღსძრავს
Line of edition: 11    საცთურითა ქუეყანისაჲთა ყოველთავე შვილთა სოფლისათა.

Line of edition: 12       რამეთუ ვითარცა სხუაჲ არს იფქლი და სხუაჲ არს ცხრილი და
Line of edition: 13    სხუაჲ არს კაცი, რომელი ცხრილავნ ცხრილითა მით იფქლსა. აჰა
Line of edition: 14    ესერა, იფქლი ცხრილსა შინა კაცისა მიერ დაუცხრომელად იქცევის.
Line of edition: 15    ეგრეთვე საქმეთა მიერ ქუეყანისათა ყოველნი შეუკრვან უკეთურსა
Line of edition: 16    მას და აღსძრავს მათ და აბრკოლებს გულისსიტყუათა მიერ
Line of edition: 17    ამაოთა და ბილწთა და გულისთქუმათა მიერ და საკრველთა ამის
Line of edition: 18    სოფლისათა და ესრეთ აცთუნებს და მიმოუტაცია ყოველივე ცოდვილი
Line of edition: 19    ნათესავი ადამისი, ვითარცა უფალი მოციქულთა ეტყოდა
Line of edition: 20    ბრძოლისა მისთჳს ეშმაკისა, რომელი მათ ზედა მომავალ იყო და
Line of edition: 21    თქუა, ვითარმედ: "რაოდენგზის გამოგითხოვნა ეშმაკმან, რაჲთამცა
Line of edition: 22    აგცრნა, ვითარმცა იფქლი და მე ვევედრე მამასა ჩემსა, რაჲთა
Line of edition: 23    არა მოგაკლდეს სარწმუნოებაჲ თქუენი".

Line of edition: 24       რამეთუ ბრძანებაჲ იგი დამბადებელისაჲ, რომელი მიეცა კაენს
Line of edition: 25    ცხადად, ვითარმედ -- "იწროებით და ძრწოლით იყო ქუეყანასა
Line of edition: 26    ზედა", იგი სიტყუაჲ დაფარულად სახე არს ცოდვილთაჲ, რამეთუ
Line of edition: 27    ვინაჲთგან გარდაჰჴდა მცნებასა ნათესავი ადამისი და იქმნა იგი
Line of edition: 28    ცოდვილ , მისი სახჱ აქუს ფარულად და ირყევის იგი თითოსახეთა
Line of edition: 29    გულისსიტყუათაგან ძრწოლით და შიშით და ყოვლითავე აღძრვითა,
Line of edition: 30    რამეთუ უკეთური იგი მძლავრი ამის სოფლისაჲ გულისთქუმითა
Line of edition: 31    ბოროტითა და ყოვლითავე ღონითა აჭირვებს ყოველსავე სულსა,
Line of edition: 32    რომელი არა შობილ არს ღმრითსაგან, გემოჲთა ჴორციელითა
Line of edition: 33    და შიშითა და ძრწოლითა აცთუნებს მათ.

Line of edition: 34       რამეთუ უფალიცა გამოაჩინებს მათ, რომელნი ცთომასა და
Line of edition: 35    ნებასა ეშმაკისასა შედგომილ არიან, ვითარმედ მსგავს კაენისა
Line of edition: 36    არიან უკეთურებითა. ამხილებდა მათ და ეტყოდა ვითარმედ: "თქუენ
Line of edition: 37    ნებასა მამისა თქუენისასა ჰყოფთ კაცისმკლველისასა, რამეთუ
Page of edition: 241   Line of edition: 1    იგი კაცისმკლველი არს დასსაბამითგან და ჭეშმარიტებასა შინა არა
Line of edition: 2    დაადგრა". ამისთჳსცა ყოველივე ცოდვილი ნათესავი პირველისა
Line of edition: 3    ადამისი შიშით და ძრწოლით ეშმაკისა მიერ იქცევინ და საშჯელი
Line of edition: 4    იგი კაენისი ფარულად მოუგია.

Line of edition: 5       და ვითარცა ერთისა მის ადამისგან ყოველივე ნათესავი კაცთაჲ
Line of edition: 6    განეფინა ქუეყანასა ზედა, ეგრეთვე ერთი იგი უკეთურებაჲ
Line of edition: 7    ყოველსავე ცოდვილსა ნათესავსა ზედა კაცთასა მიეფინა და ყოველთავე
Line of edition: 8    ერთი იგი მთავარი სიბოროტისაჲ აჭირვებს და სოფლისა
Line of edition: 9    გულისსიტყუათა შინა აქცევს, ამაოებათა და შფოთთა შინა. რამეთუ
Line of edition: 10    ვითარცა ერთი ქარი კმა-ეყოფის შერყევად ყოველთავე ხეთა
Line of edition: 11    და ნერგთა და მცენარეთა ქუეყანისათა, ანუ ვითარცა ერთი იგი
Line of edition: 12    ბნელი ღამისაჲ ყოველსა ქუეყანასა ზედა განეფინების, ეგრეთვე
Line of edition: 13    მთავარი იგი უკეთურებისაჲ არს ბნელი რაჲმე სიტყჳერი სიბოროტისა
Line of edition: 14    და სიკუდილისა მომატყუებელი. და არს იგი, ვითარცა ქარი
Line of edition: 15    რაჲმე ბოროტი, ფარული და მწარჱ, რომელი აღელვებს ნათესავსა
Line of edition: 16    კაცთასა და აქცვს დაუდგრომელთა გულისსიტყუათა შინა და
Line of edition: 17    გულისთქუმითა ამის სოფლისაჲთა აცთუნებს გულთა მათთა. და
Line of edition: 18    სიბნელითა და უგულისჴმოებითა და გულფიცხელობითა აღავსებს
Line of edition: 19    ყოველსა სულსა, რომელი არა ღმრთისაგან შობილ იყოს და არა
Line of edition: 20    მიცვლებულ იყოს გონებითა სხუასა სოფელსა, ვითარცა წერილ
Line of edition: 21    არს, ვითარმედ: "ჳჱჩუენი მოქალაქობაჲ ზეცათა შინა არს"*.

Line of edition: 22       რამეთუ ამითა უმჯობეს არიან ჭეშმარიტნი ქრისტეანენი ყოველსავე
Line of edition: 23    ნათესავსა კაცთასა და ფრიადი განყოფილებაჲ არს ამათ
Line of edition: 24    შორის და მათ შორის. ვითარცა პირველად ვიტყოდეთ, რამეთუ
Line of edition: 25    მათი გონებაჲ და ცნობაჲ მარადის ზეცისასა იგონებს და საუკუნეთა
Line of edition: 26    მათ კეთილთა გამოეძიებს მიღებითა სულისა წმიდისაჲთა. ზეცით
Line of edition: 27    შობაჲ მიეცემის მათ და ღირს იქმნებიან იგინი ძედ ღმრთისა
Line of edition: 28    ყოფად ძალითა და ჭეშმარიტებითა. რამეთუ მიწევნულ არიან
Line of edition: 29    იგინი სიმტკიცესა და აღუძრველობასა და განსუენებასა მრავალთა
Line of edition: 30    მოღუაწებათა მიერ და შრომათა და ტკივილთა და არღარა
Line of edition: 31    იღელვებიან იგინი გულისსიტყუათა შინა ამაოთა და ამისთჳს
Line of edition: 32    არიან უარღეს და უზეშთაეს სოფლისა. რამეთუ გონებაჲ მათი
Line of edition: 33    და ცნობაჲ სულისაჲ მშჳდობასა შინა ქრისტესსა იყოფების და
Line of edition: 34    სიტყუარულსა სულისასა, ვითარცა უფალი ეგევითართა მათთჳს
Line of edition: 35    იტყჳს, ვითარმედ: "მიიცვალა იგი სიკუდილისაგან ცხორებად".

Line of edition: 36       არა უკუე სახითა ოდენ გარეგანითა არს შეცვალებაჲ იგი
Page of edition: 242   Line of edition: 1    ქრისტიანეთაჲ, ვითარცა მრავალნი ჰგონებენ, ვითარმედ სახითა
Line of edition: 2    არს განყოფილებაჲ მათი და სოფლისაჲ. აჰა ესერა განგებითა და
Line of edition: 3    გულისსიტყჳთა მსგავს სოფლისა არიან, რამეთუ აქუს მათ აღძრვაჲ
Line of edition: 4    და შფოთი და დაუწყნარებლობაჲ და შიში, ვითარცა ყოველთავე
Line of edition: 5    კაცთა და სახითა გარეგანითა შორვენ სოფელსა, გინა თუ გარეშჱთა
Line of edition: 6    რაჲთმე სათნოებითა, ხოლო გულითა და გონებითა ქუეყანისა
Line of edition: 7    საქმეთა ერევიან და საკრველითა სოფლისაჲთა შეკრულ არიან
Line of edition: 8    და განსუენებაჲ და მშჳდობაჲ მადლითა სულისაჲთა გულსა შინა
Line of edition: 9    მათსა არა მოუგია, რამეთუ არა ითხოეს იგი პირველისაგან და არცა
Line of edition: 10    ჰრწმენა, თუმცა ღირს იქმნნეს მას.

Line of edition: 11       რამეთუ განახლებითა გონებისაჲთა და მშჳდობითა გულის-სიტყუაჲთა
Line of edition: 12    და სიყუარულითა უფლისაჲთა და ტრფიალებითა
Line of edition: 13    საღმრთოჲთა "ახალი იგი დაბადებული ქრისტეანეთაჲ" შორავს
Line of edition: 14    ყოველთავე კაცთა ამის სოფლისათა, რომლისათჳსცა იყო მოსლვაჲ
Line of edition: 15    უფლისაჲ, რაჲთა ღირს-ყვნეს ამათ სულიერთა კეთილთა ჭეშმარიტნი
Line of edition: 16    მორწმუნენი მისნი, რამეთუ ქრისტეანეთა დიდებაჲ და
Line of edition: 17    შუენიერებაჲ და სიმდიდრჱ გამოუთქუმელ არს და ტკივილითა და
Line of edition: 18    ოფლითა და გამოცდითა და ღუაწლითა ფრიადითა, ხოლო ყოველივე,
Line of edition: 19    მადლითა ღმრთისაჲთა მოიგების. რამეთუ უკუეთუ ქუეყანისა
Line of edition: 20    მეფისა ხილვაჲ გულისსათქუმელ არს კაცთა მიერ და ყოველივე,
Line of edition: 21    რომელი მივიდეს ქალაქსა მეფისასა, სურიან ხილვად შუენიერებაჲ
Line of edition: 22    მისი და სიკეთჱ სამოსელთა მისთაჲ, ანუ დიდებაჲ პორფირისა
Line of edition: 23    მისისაჲ, ხილვაჲ იგი შუენიერთა მარგალიტთაჲ და გჳრგჳნისა
Line of edition: 24    მისისა შუენიერებაჲ და მისთანათა მათ მთავართა პატიოსნებაჲ;
Line of edition: 25    თჳნიერ სულიერნი ოდენ შეურაცხ-ჰყოფენ ამას დიდებასა,
Line of edition: 26    რაემთუ მათ აქუს გამოცდილებაჲ სხჳსა დიდებისა უჴორცოჲსა და
Line of edition: 27    ზეცისაჲ და სხვჳთა შუენიერებითა გამოუთქუმელითა დაგურემულ
Line of edition: 28    არიან, და სხჳსა სიმდიდრისა მიუთხრობელისა ზიარებაჲ მიუღებია,
Line of edition: 29    და შინაგანსა კაცსა ხედვენ და სხუაჲ სული არს მათ თანა. ხოლო
Line of edition: 30    კაცნი ამის სოფლისანი, რომელთა თანა არს სული სოფლისაჲ, იგინი
Line of edition: 31    სურვიელ არიან, რაჲთამცა იხილეს ოდენმცა ქუეყანისა მეფჱ
Line of edition: 32    შუენიერებითა და დიდებითა მისითა, რამეთუ ხილულთა ამათ შორის
Line of edition: 33    ყოველთა უმეტეს არს დიდებაჲ მისი და ყოველთა მიერ სასურველ
Line of edition: 34    არს. და თითოეული იტყჳნ თავსა თჳსსა შორის: "ვინ-მემცა
Line of edition: 35    მომცა მე ესევითარი დიდებაჲ ანუ შუენიერებაჲ?" და ჰნატრინ
Line of edition: 36    მსგავსსა მას მისსა მიწისაგანსა და მოკუდავსა და მოკუდავი იგი
Line of edition: 37    წარმავალისა მის დიდებისათჳს სურვიელ არს.

Line of edition: 38       ხოლო უკუეთუ ჴორციელთა კაცთა მოკუდავისა მის მეფისა
Line of edition: 39    დიდებაჲ ესეთ უყუარს, რომელი ვითარცა თივაჲ და ყუავილი
Line of edition: 40    ესრეთ დაჭნების და არარა იქმნების, უკუე იგინი, რომელთა გულსა
Page of edition: 243   Line of edition: 1    შინა შთასწუეთეს წუეთი იგი სულისა ღმრთეებისა და ცხორებისა
Line of edition: 2    და განგუმიროს გული მათი ტრფიალებითა საღმთოჲთა ზეცისა
Line of edition: 3    მეუფისა მიმართ ქრისტჱსა, ვითარმცა არა უფროჲსად შემშჭუალულ
Line of edition: 4    იყვნეს და წარტყუენულ გულისთქუმითა გამოუთქუმელისა
Line of edition: 5    მას დიდებისა და შუენიერებისაჲთა და კეთილთა მათ მოუგონებელთა
Line of edition: 6    და მიუთხრობელისა მის სიმდიდრისა ჭეშმარიტისა მის და საუკუნოჲსა
Line of edition: 7    მეუფისა იესუჲსა? და მისა მიმართ შეკრულ იყვნენ ყოვლითურთ
Line of edition: 8    და სუროდის მიმთხუევად კეთილთა მათ, რომელთა აწ
Line of edition: 9    ვითარცა სარკითა ხედვენ სულითა, რომლისათჳსცა შეურაცხ-ჰყოფენ
Line of edition: 10    ქუეყანისა დიდებასა და პატივსა და სიმდიდრესა მეფეთა
Line of edition: 11    და მთავართასა. რამეთუ განიგურიმნეს იგინი შუენიერებითა მით
Line of edition: 12    საღმრთოჲთა და ცხორებაჲ უკუდავვებისა ზეცისა სულთა მათთა
Line of edition: 13    შევიდა. ამისთჳსცა სიყუარულითა მით ზეცისა მეუფისა ქრისტესთჳს
Line of edition: 14    სურიან და იგი ოდენ არს მარადის წინაშე თუალთა მათთა
Line of edition: 15    და ამისთჳს ყოვლისაგანვე სიყუარულისა ამის სოფლისა თავთა
Line of edition: 16    თჳსთაგან განაგდებენ და განეშორებიან ყოველსავე საკრველსა
Line of edition: 17    სოფლისასა, რაჲთა ესრეთ შეუძლონ სურვილისა მის გულთა შინა
Line of edition: 18    მათთა დამჭირვად და სხუაჲ არარაჲ იყოს მის თანა ნივთი ამის
Line of edition: 19    სოფლისაჲ*.

Line of edition: 20       ხოლო მცირედნი ვინმე არიან, რომელთა მოიგეს კეთილსა
Line of edition: 21    დაწყებასა ზედა დასასრულიცა კეთილი და განვლეს, ვიდრე აღსასრულადმდე
Line of edition: 22    დაუცემელად და ერთი იგი სიყუარული დაიმარხეს
Line of edition: 23    ღმრთისა მიმართ და მისთჳს ყოვლისაგანვე ქუეყანისა საშუებლისა
Line of edition: 24    განაშორნეს თავნი მათნი. რამეთუ მრავალნი მიიღებენ მადლსა
Line of edition: 25    ზეცისასა და ტრფიალებითა საღმრთოჲთა განიგურიმებიან. არამედ
Line of edition: 26    ღუაწლთა მათთჳს და ტკივილთა და განსაცდელთა, რომელთაჲ
Line of edition: 27    თანა-აც თავს-დებაჲ უკეთურისა მიერ, ვერ მოითმინიან, არამედ
Line of edition: 28    მიდრკიან თითოსახეთა გულისთქუმათა, რამეთუ თითოეულსა მათსა
Line of edition: 29    თჳსი ნებაჲ აქუს, რაჲთამცა შეიუარა რაჲმე ამის სოფლისაჲ და
Line of edition: 30    არა მოეკუეთნიან თავნი მათნი ყოვლისაგანვე სიყუარულისა მისისა.
Line of edition: 31    და ამისთჳს დაშთეს და დაინთქნეს უფსკრულსა შინა ამის სოფლისასა
Line of edition: 32    თჳსისა ნებისა უძლურებისათჳს და დაჴსნილობისა და სიყუარულისათჳს
Line of edition: 33    ამაოჲსა.

Line of edition: 34       რამეთუ რომელთა ენებოს, რაჲთა ვიდრე აღსასრულადმდე
Line of edition: 35    კეთილსა მოქალაქობასა შინა იყვნენ, მათ თანა-აც, რაჲთა სიყუარულსა
Line of edition: 36    მას თანა ღმთისასა სხუაჲ სიყუარული არა შეჰრიონ ნებსით
Line of edition: 37    მათით, არცა შეიწყნარონ, რაჲთა არა მოსცთენ გზისა მისგან
Line of edition: 38    მათისა და შეიქცენ უკუღმართ და წარწყმდენ. რამეთუ ვითარცა
Page of edition: 244   Line of edition: 1    დიდ და მიუთხრობელ არიან და გამოუთქუმელ კეთილნი იგი
Line of edition: 2    ღმრთისა მიერ აღთქუმულნი, ეგრეთვე დიდი სარწმუნოებაჲ და
Line of edition: 3    სასოებაჲ და შრომანი და მოღუაწებანი და განსაცდელნი უჴმან,
Line of edition: 4    რომელსა ენებოს მათი მოგებაჲ, რამეთუ არამცირედნი რაჲმე კეთილნი
Line of edition: 5    არიან, რომელნი-იგი კაცისათჳს განმზადებულ არიან, არამედ
Line of edition: 6    მოუგონებელ არიან ყოვლადვე. მითხარღა, კაცო, სასუფეველისათჳს
Line of edition: 7    ცათაჲსა გსურის და ქრისტეს თანა სუფევაჲ უკუე გნებავს,
Line of edition: 8    და ჭირთა და განსაცდელთა მცირედისა ამის ჟამისათა ვიდრე სიკუდილადმდე
Line of edition: 9    არა თავს-იდება? და არა გესმისა სიტყუაჲ იგი უფლისაჲ,
Line of edition: 10    რომელსა იტყჳს: "რომელსა ჰნებავს შემოდგომაჲ ჩემი,
Line of edition: 11    უვარ-ყავნ თავი თჳსი და აღიღენ ჯუარი თჳსი და შემომიდეგინ
Line of edition: 12    მე?"

Line of edition: 13       და კუალად იტყჳს: "უკუეთუ არა მოიძულოს კაცმან მამაჲ
Line of edition: 14    თჳსი და დედაჲ თჳსი, ცოლი და შვილნი, ძმანი და დანი და სულიცა
Line of edition: 15    თჳსი, ვერ ძალ-უც მოწაფე ჩემდა ყოფაჲ". ხოლო მრავალთა
Line of edition: 16    კაცთა სურის სასუფეველისათჳს და დამკჳდრებაჲ საუკუნოჲსა
Line of edition: 17    მის ცხორებისაჲ ჰნებავს და ნებათა მათთა მოკუდინებაჲ არა ჰნებავს,
Line of edition: 18    არამედ შედგომითა ნებისა მათისაჲთა და ეშმაკისა, რომელი-იგი
Line of edition: 19    არს დამთესველ ამაოებისა, და არა უვარ-ყოფითა მისითა ეგულების
Line of edition: 20    ცხორებისა მოგებაჲ. ხოლო ესე შეუძლებელ არს, რამეთუ
Line of edition: 21    სიტყუაჲ უფლისაჲ ჭეშმარიტ არს, რომელსა იტყჳს, ვითარმედ:
Line of edition: 22    იგინი დარჩებიან დაუცემელად, რომელთა მცნებისაებრ მისისა
Line of edition: 23    უვარ-ყვნეს თავნი თჳსნი ყოვლითურთ და განაგდეს მათგან ყოველივე
Line of edition: 24    ამის სოფლისა საკრველი და გულისთქუმაჲ და განცხრომანი
Line of edition: 25    და უცალოებანი, და იგი ოდენ არს მარადის წინაშე თუალთა მათთა
Line of edition: 26    და მცნებათა მისთა დაცვისათჳს სურვიელ არიან. ამისთჳსცა
Line of edition: 27    საცნაურ არს, ვითარმედ თჳთეული თჳსითა ნებითა განვარდების
Line of edition: 28    სასუფევლისაგან, რამეთუ არა უარ-ყვის თავი თჳსი და არცა ინების
Line of edition: 29    ყოვლითა გულითა შრომაჲ, არამედ სიყუარულსა მას თანა
Line of edition: 30    ღმრთისასა სხუაჲცა რაჲმე სიყუარული შეჰრთის. და არა არს სიყუარული
Line of edition: 31    იგი მართლიად უფლისა მიმართ, არამედ აღრეულ არნ
Line of edition: 32    იგი გემოთა და გულისთქუმათა საწუთროჲსათა. და ერთითა სახითა
Line of edition: 33    გულისჴმა-ვყოთ ყოველივე, რამეთუ კაცი ყოველსა გულისჴმა-ჰყოფს
Line of edition: 34    და უწყის, ვითარმედ ბოროტ არს, რომელსა-იგი იქმს, არამედ
Line of edition: 35    სიყუარულისაგან მისისა იძლევის. და პირველად გულსა შინა
Line of edition: 36    კაცისასა იქმნების ბრძოლაჲ და დაიდგმის საზომი იგი და უღელი
Page of edition: 245   Line of edition: 1    სიყუარულისა1 ღმრთისაჲ და სიყუარულისა2 ამის სოფლისაჲ და
Line of edition: 2    მერმე გამოვალს გარეშე და გინა თუ შფოთსა დახუდის კაცი იგი,
Line of edition: 3    მაშინ განიკითხავნ თავსა თჳსსა შორის და იტყჳნ: "ვთქუა, ანუ არა
Line of edition: 4    ვთქუა?". და იგონებნ ღმერთსა და შიშსა მისსა და კუალად ჰნებავნ
Line of edition: 5    თავისა თჳსისაცა დიდებისა მოტყუებაჲ და არა უვარ-ყვის
Line of edition: 6    თავი თჳსი. ხოლო უკუეთუ დამძიმდეს სიყუარული სოფლისაჲ
Line of edition: 7    უღელსა მას შინა გულისასა, მაშინ მოვალს სიტყუაჲ იგი ბოროტი
Line of edition: 8    ბაგეთამდე. მერმე, ვითარცა მშჳლდსა, მოზიდავს გონებაჲ ენასა
Line of edition: 9    და მის მიერ, ვითარცა ისართა, ესრეთ განუტეობნ სიტყუათა უჯეროთა
Line of edition: 10    მოყუსისა მიმართ, რომელნი-იგი იყვნიან გარეშე მცნებისაგან
Line of edition: 11    ღმრთისა, რამეთუ დამძიმდის იგი სიყუარულითა ამის სოფლისაჲთა
Line of edition: 12    ნებსით თჳსით და ეძიებნ დიდებასა თჳსსა. და ესრეთ ჰგურემნ მოყუასსა
Line of edition: 13    თჳსსა სიტყჳთა უჯეროჲთა, ვიდრემდის განეფინის
Line of edition: 14    ცოდვაჲ იგი ასოთამდე, ვიდრე ჴელის მიყოფამდე, ანუ წყლულებადმდეცა.
Line of edition: 15    და ერთმანერთისა იგი ასოები ურთიერთას იბრძვინ,
Line of edition: 16    ნუუკუე სიკუდილამდისცა მივიდის. აწ იხილეთ, თუ სადაჲთ დაიწყო
Line of edition: 17    და სადა მოჰჴდა აღსასრული მისი, რამეთუ დამძიმდა იგი სიყუარულითა
Line of edition: 18    დიდებისა სოფლისაჲთა ნებსით თჳსით. ხოლო ესე ყოველი
Line of edition: 19    ბოროტი შეემთხჳის ამისთჳს, რამეთუ არა უვარ-ეყვის თავი
Line of edition: 20    თჳსი, არამედ უყუარნ სოფელი ესე.

Line of edition: 21       ხოლო ეგრეთვე მსგავსად გულისჴმა-ყავ ყოველსავე ცოდვასა
Line of edition: 22    ზედა, რაჟამს-იგი უკეთურებაჲ გონებასა მიიზიდავნ მისა მიმართ
Line of edition: 23    გულისთქუმითა და სიყუარულითა და გემოვნებითა ამის სოფლისაჲთა
Line of edition: 24    და ესრეთ აღესრულების ყოველივე საქმჱ ბოროტი: ესრეთ
Line of edition: 25    მრუშებაჲ და პარვაჲ, ესრეთ ანგაჰრებაჲ და სიმთრვალჱ, ესრეთ
Line of edition: 26    დიდებისმოყვარებაჲ და ცუდად მზუაობრობაჲ და შური და ვეცხლისმოყუარებაჲ
Line of edition: 27    და ყოველივე საქმჱ ცოდვისაჲ. და მრავალგზის კეთილსაცა
Line of edition: 28    რასმე აღასრულებნ ვინმე დიდებისათჳს ცუდისა კაცთაჲსა,
Line of edition: 29    რომელ-იგი შერაცხილ არნ ღმრითსაგან უსამართლოებისა და
Line of edition: 30    პარვისა სწორად და სხუათა ცოდვათა.

Line of edition: 31       "რამეთუ ღმერთმან განაბნინის ძუალნი კაცთა მოთნეთანი",
Line of edition: 32    რამეთუ ეშმაკი მრავალღონე არს და ჰნებავს, რაჲთამცა კეთილიცა
Line of edition: 33    ჩუენი ბოროტად გარდააქცია. და ერთი რაჲმე სიყუარული ჴორციელი,
Line of edition: 34    რომელი აქუნ კაცსა შეკრულ არნ ნებსით თჳსით, იგი
Page of edition: 246   Line of edition: 1    ექმნის მას ჯაჭუ და საკრველ და ტჳრთ მძიმე და დამანთქმელ ზღუასა
Line of edition: 2    ამის სოფლისასა და არა უტევებნ მას ღმრთისა მისლვად, რამეთუ
Line of edition: 3    რომელიცა ვინ შეიყუარა, მის მიერცა მიიზიდვის. და ამას
Line of edition: 4    ჰკიდავს უღელი იგი გულისაჲ დ გამოიცადების ყოველივე ნათესავი
Line of edition: 5    კაცთა ქრისტეანეთაჲ, რომელნი ქალაქთა შინა არიან, გინა
Line of edition: 6    თუ მთათა, ანუ თუ მონასტერთა, ანუ უდაბნოთა ადგილთა, თუ
Line of edition: 7    ღმერთი-ძი ოდენ უყუარს, ანუ სხუაჲ რაჲმე უყუარს ამის საწუთროჲსა
Line of edition: 8    და არა არს სიყუარული მისი სრულიად ღმრთისა მიმართ.

Line of edition: 9       რამეთუ შეიყუარნის ვინმე საჴმარნი, სხუამან შეიყუარა ოქროჲ
Line of edition: 10    და ვეცხლი, სხუამან შეიყუარა მონებაჲ მუცლისაჲ, სხუამან --
Line of edition: 11    გულისთქუმანი ჴორცთანი, სხუამან -- სიბრძნჱ სოფლისაჲ დიდებისათჳს
Line of edition: 12    კაცთაჲსა, სხუამან -- რისხვაჲ და ძჳრისჴსენებაჲ, რამეთუ
Line of edition: 13    მისცის ადრე თავი თჳსი ვნებასა მას და ამისთჳს უყუარს იგი. სხუამან
Line of edition: 14    შეიყუარა ამაოჲ უბნობაჲ, სხუამან -- შური, სხუაჲ ყოველსავე
Line of edition: 15    დღესა განსცხრებინ, სხუასა უყუარს რჩულისმასწავლელობაჲ
Line of edition: 16    დიდებისათჳს კაცთაჲსა, სხუაჲ უდებებით და დაჴსნილობით
Line of edition: 17    იყოფების, სხუაჲ შეკრულ არს სიყუარულსა სამოსლისა წმიდისასა,
Line of edition: 18    სხუასა1 მიუცემია თავი თჳსი ზრუნვასა სოფლისასა, სხუასა უყუარს
Line of edition: 19    ძილი, ანუ სიცილი, ანუ ცუდად მეტყუელებაჲ, ანუ მცირითა
Line of edition: 20    რაჲთმე, ანუ დიდითა ამის სოფლისა ნივთითა უკუეთუ შეკრულ
Line of edition: 21    იყოს არა უტევებს მას იგი ზე აღმართებად, რამეთუ რომელსაცა
Line of edition: 22    ვნებასა კაცი არა ახოვნად ებრძოდის, იგიცა უყუარს და მის მიერ
Line of edition: 23    შეკრულ არს და იგი ექმნების მას დამახრწეველ და ჯაჭუ შემკრველ,
Line of edition: 24    რაჲთა ვერ მივიდეს იგი ღმრთისა და რაჲთა ვერ ჰმსახუროს
Line of edition: 25    მას ჯერისაებრ და პოოს ცხორებაჲ საუკუნოჲ.

Line of edition: 26       ხოლო სულსა, რომელსა უფლისა სუროდის, ყოველივე სიყუარული
Line of edition: 27    მისი მისა მიმართ ოდენ არს და მისა შეკრულ არს გონებაჲ
Line of edition: 28    მისი, რაოდენცა ძალ-უც და მის მიერ მოიგებს შეწევნასა მადლისასა
Line of edition: 29    და უვარ-ჰყოფს იგი თავსა თჳსსა და ნებასა გონებისა თჳსისასა არა
Line of edition: 30    შეუდგების, რამეთუ იგი ზაკუვით ვალს ჩუენ თანა და სიბოროტისა
Line of edition: 31    მისთჳს მაცთუნებელისა ჩუენისა, რომელი-იგი მარადის გუებრძვის
Line of edition: 32    ჩუენ, არამედ ყოვლითურთ მისცემს თავსა თჳსსა სიტყუასა
Line of edition: 33    უფლისასა და განჰჴსნის თავსა თჳსსა ყოვლისაგანვე ცხადისა და
Line of edition: 34    დაფარულისა საკრველისა, რაჲზომცა შემძლებელ იყოს და ესრეთ
Page of edition: 247   Line of edition: 1    შეუძლოს ვიდრე აღსასრულადმდე წმიდა-ყოფად და განრომად ჭირთაგან
Line of edition: 2    და ღუაწლთა. რამეთუ რომელიცა ვის უყუარდეს, მის მიერცა
Line of edition: 3    მიიღებს შეწევნასა და მის მიერ დამძიმდების, გინა თუ სოფლისაჲ
Line of edition: 4    რაჲმე უყუარდეს, რომელი მას არარად უჩნდეს, იგი ექმნების
Line of edition: 5    მას საკრველ და არა უტევებს ზე აღმართებად ღმრთისა მიმართ.

Line of edition: 6       და1 კუალად, რომელსა უყუარდეს უფალი და მცნებანი მისნი,
Line of edition: 7    იგი შეეწევის მას და ადვილ-უჩან ყოველნივე მცნებანი უფლისანი,
Line of edition: 8    რაჲთა სიყუარული მისი მისა მიმართ იყოს და კეთილისა მიმართ
Line of edition: 9    მიივლტინ და სუბუქ-უჩნ მას ყოველივე ჭირი და ტკივილი და
Line of edition: 10    ძალითა მით საღმრთოჲთა განაპებს სოფელსა და ძალთა მათუკეთურთა
Line of edition: 11    და საფრჴეთა მათთა, რომელთა მიერ მოინადირებენ სულთა
Line of edition: 12    უფსკრულსა შინა ამის სოფლისასა. და ესრეთ განერის მათგან
Line of edition: 13    თჳსითა სარწმუნოებითა და მოსწრაფებითა და უფლისა შეწევნითა,
Line of edition: 14    რომელიცა შეიყუარა და მიემთხჳის ცხორებასა საუკუნესა,
Line of edition: 15    რომლისათჳსცა სუროდა.

Line of edition: 16       ხოლო უკუეთუ გნებავს, სახითა ცხადითა გამოვაჩინოთ, თუ
Line of edition: 17    ვითარ მრავალნი თჳსითა ნებითა და სიყუარულითა რაჲთმე ამის
Line of edition: 18    სოფლისაჲთა წარიწყმიდნეს, თავნი მათნი ცეცხლითა, გინა თუ
Line of edition: 19    ზღჳთა, ანუ წარმართთა მიერ წარიტყუენნეს, გულისჴმა-ყავთ სახლი
Line of edition: 20    რაჲმე გინა აგარაკი, რომელსა შეედვის ცეცხლი და რომელმან
Line of edition: 21    ინება ცხოვნებაჲ თავისა თჳსისაჲ, ვითარცა ცნა ცეცხლისა მისთჳს,
Line of edition: 22    მეყსეულად აღდგა და შიშუელი ივლტოდა და ყოველივე დაუტევა,
Line of edition: 23    რაჲთამცა სული ოდენ მისი განარინა და ესრეთ განერა. ხოლო
Line of edition: 24    სხუასა ვისმე უნდა, რაჲთამცა აღიღო რაჲმე სახლისაგან: თჳსი სამოსელი,
Line of edition: 25    ანუ ჭურჭელი რაჲმე, და შევიდა აღებად და ვიდრეღა
Line of edition: 26    გამოვიდოდა, ეუფლა ცეცხლი სახლსა მას და დაეპყრა იგი შინა
Line of edition: 27    და ესრეთ დაიწუა და წარწყმდა. იხილეა, ვითარ თავისა ნებითა
Line of edition: 28    სიყუარულისათჳს ამის სოფლისა დაიწუა ცეცხლსა მას შინა?

Line of edition: 29       კუალად ეგრეთვე მსგავსად: ვალნ ნავი ზღუასა შინა და მოიწია
Line of edition: 30    ჭირი მას ზედა და დაიქცა ნავი იგი და, რომელიცა განიძარცუა
Line of edition: 31    და ესრეთ შევიდა წყალსა, რათამცა განარინა თავი თჳსი და იცემებინ
Line of edition: 32    იგი ღელვათაგან და ცურავნ მას ზედა, რამეთუ არნ იგი სუბუქ და
Line of edition: 33    ესრეთ განვლის მწარჱ იგი ზღუაჲ და განარინის სული თჳსი. ხოლო
Line of edition: 34    სხუამან ვინმე ინების აღხუმაჲ სამოსელთაცა თჳსთაჲ და ჰგონებნ
Line of edition: 35    მითურთ განრომასა და მათ დაამძიმეს იგი და დაინთქა უფსკრულთაცა
Line of edition: 36    ზღჳსათა და მცირედისა მის შესაძინელისათჳს წარწყმიდა
Line of edition: 37    თავისა თჳსი. იხილეა, რამეთუ ესეცა ნებსით თჳსით მოკუდა?
Page of edition: 248  

Line of edition: 1       კუალად ეგრეთვე იქმნა ჴმაჲ უცხოთესლთაჲ და, რომელმან
Line of edition: 2    ინება განრომაჲ, ვითარცა ესმა, მეყსეულად აღდგა და შიშუელი
Line of edition: 3    ივლტოდა. ხოლო სხუამან არა ირწმუნის, ვითარმედ უცხოთესლნი
Line of edition: 4    მოვლენ, ანუ ეწყალინ რაჲმე სიმდიდრისა თჳსისაგან და ენების ჭურჭელისა
Line of edition: 5    რაჲსამე თანა აღებაჲ და ესრეთ დაეყოვნის სივლტოლად
Line of edition: 6    მაშინ დაესხნიან მას უცხოთესლნი იგი და წარიყვანიან ტყუედ ქუეყანასა
Line of edition: 7    მათსა და ჰმონებნ მათ იძულებით და2 სიმწარით. იხილეა,
Line of edition: 8    რამეთუ ესეცა დაჴსნილებითა თჳსითა და უგუნურებითა და სიყუარულითა
Line of edition: 9    ამის სოფლისაჲთა წარიტყუენა?

Line of edition: 10       ეგრეთვე რომელნი არა შეუდგენ მცნებათა უფლისათა და არა
Line of edition: 11    უვარ-ეყვნენ თავნი მათნი და შეიყუარონ უფალი ოდენ, არამედ
Line of edition: 12    შეკრულ იყვნენ საკრველითა სოფლისა სიყუარულისაჲთა, გინა თუ
Line of edition: 13    სხჳთა რაჲთამე ჴორციელითა საქმითა, მოვიდეს ცეცხლი იგი საუკუნოჲ
Line of edition: 14    და პოვნეს იგინი სიყუარულსა სოფლისასა და ესრეთ დაწუნეს
Line of edition: 15    და წარწყმიდნეს იგინი, და დაინთქნენ მწარისა მის და3 ბოროტისა
Line of edition: 16    ზღჳსა მიერ და წარიტყუენვიან უცხოთესლთა მიერ, რომელ
Line of edition: 17    არიან სულნი უკეთურნი, და წარწყმდებიან.

Line of edition: 18       ხოლო უკუეთუ გნებავს, რაჲთა იხილო სისრულჱ ჭეშმარიტისა
Line of edition: 19    ღმრთისა სიყუარულისაჲ, საღმრთოთა წერილთაგან გულისჴმა-ყავ.
Line of edition: 20    იხილე იობ, ვითარ ყოველივე აღიძარცუა, რომელიცა მოეგო:
Line of edition: 21    შვილნი, მონაგებნი, მონანი, და ყოველივე სიმდიდრჱ მისი.
Line of edition: 22    და ესრეთ აცხოვნა თავი თჳსი და სამოსელიცა, რომელ ემოსა, დაუტევა
Line of edition: 23    და მიუგდო იგი ეშმაკსა და არარაჲ სიტყუაჲ გმობისაჲ თქუა
Line of edition: 24    წინაშე უფლისა, არცა პირითა, არცა გულითა, არამედ უფროჲსად
Line of edition: 25    აკურთხა უფალი და თქუა: "უფალმან მომცა და უფალმანცა მიმიღო.
Line of edition: 26    ვითარცა უფალსა ენება, ეგრეცა იქმნა. იყავნ სახელი უფლისაჲ
Line of edition: 27    კურთხეულ უკუნისამდე". იხილე მკჳრცხლი იგი უფლისა სიყუარული,
Line of edition: 28    რამეთუ არარაჲ უმეტეს მისა შეიყუარა, დაღაცათუ იყო
Line of edition: 29    მდიდარ ფრიად*.

Line of edition: 30       ეგრეთვე კულად აბრაჰამ, რაჟამს-იგი ღმერთი გამოსცდიდა
Line of edition: 31    და ჰრქუა: "განვედ ქუეყანისაგან შენისა და ნათესავისაგან შენისა
Line of edition: 32    და სახლისაგან მამისა შენისა". ხოლო მან მეყსეულად დაუტევა
Line of edition: 33    ყოველივე: მამული, ქუეყანაჲ, ნათესავნი, მშობელნი და შეუდგა
Line of edition: 34    სიტყუასა უფლისასა. მერმე შორის ფრიადნი ჭირნი და განსაცელნი
Page of edition: 249   Line of edition: 1    მოიწინეს მის ზედა. უცხოებასა შინა იყოფოდა და ყოველნი
Line of edition: 2    ავნებდეს მას. მერმე კულად ორჯერ მეუღლჱ მისი მიუღეს
Line of edition: 3    მას და ყოველსავე შინა გამოჩნდა მის შორის უფროჲს ყოველთასა
Line of edition: 4    სიყუარული ღმრთისაჲ ყოველსავე ზედა. და რომელი-იგი აღთქუმითა
Line of edition: 5    შემდგომად წელთა მრავალთა შვილი მხოლოდშობილი მოეგო
Line of edition: 6    ფრიადითა სურვილითა, რაჟამს-იგი ღმერთმან ჰრქუა, მასცა
Line of edition: 7    ყოვლითავე გულსმოდგინებითა შესწირვიდა ჴელითა თჳსითა. და
Line of edition: 8    იგიცა უვარ-ყო და ესრეთ გამოაჩინა, ვითარმედ არარაჲ უყუარს
Line of edition: 9    თჳნიერ ღმრთისა.

Line of edition: 10       და უკუეთუ რომელი-იგი უფროჲს ყოვლისა სოფლისა უყუარდა,
Line of edition: 11    ესრეთ უვარ-ყო და დაჰკლვიდა ღმრთისათჳს და უკუეთუმცა
Line of edition: 12    სხჳსა სიმდიდრისა მისისაჲ უბრძანა განბნევაჲ, არამცა მყისსა შინა
Line of edition: 13    განაბნია ყოველივე? ხედავა მჴურვალესა და სრულსა სიყუარულსა
Line of edition: 14    ღმრთისასა?

Line of edition: 15       ეგრეთვე რომელთა ჰნებავს, რაჲთა მათ თანა მკჳდრ იქმნენ,
Line of edition: 16    თანა-აც, რაჲთა თჳნიერ ღმრთისა, არარაჲ შეიყუარონ, რაჲთა ოდეს
Line of edition: 17    გამოიცდებოდინ, იპოვნენ გამოცდილ და წმიდა. და სრულ იყოს
Line of edition: 18    სიყუარული მათი უფლისა მიმართ და იგინი შემძლებელ იქმნენ
Line of edition: 19    განრომად საფრჴეთაგან მტერისათა*, რომელთა ყოვლითა სულითა
Line of edition: 20    შეიყუარონ უფალი და განაშორნენ თავნი მათნი ყოვლისაგანვე სიყუარულისა
Line of edition: 21    ჴორციელისა.

Line of edition: 22       ხოლო მცირედნი ვიეთნიმე იპოებიან, რომელთა ეგევითარი
Line of edition: 23    სიყუარული მოიგეს და ყოველნივე გემონი და გულისთქუმანი სოფლისანი
Line of edition: 24    გარემიაქცინეს და სულგრძელებით ზედააღდგომანი განსაცდელთანი
Line of edition: 25    მითმინნეს, რამეთუ მრავალნი განჰვლიდიან რაჲ
Line of edition: 26    მდინარეთა, წარიტაცნის იგინი წყალმან. ხოლო ამისთჳსმცა არავინ
Line of edition: 27    იპოვაა, რომელმანცა ახოვნად განვლო წყალი იგი? ხოლო მდინარედ
Line of edition: 28    ეწოდების მრღჳეთა მათ გულისთქუმათა და განსაცდელთა
Line of edition: 29    ამის სოფლისა წყალთა სულთა მათ უკეთურთასა.

Line of edition: 30       და კუალად ვინაჲთგან მრავალნი ნავნი დაინთქმიან ზღუასა
Line of edition: 31    შინა, არამცა იპოვნეს ნავნი, რომელთამცა მშჳდობით განვლეს და
Line of edition: 32    ნავთსაყუდლად მიიწინეს? ამისთჳს ჯერ-არს, რაჲთა გუაქუნდეს
Line of edition: 33    სარწმუნოებაჲ დიდი და სულგრძელებაჲ და მოთმინებაჲ და3 ღუაწლი
Line of edition: 34    და ტკივილი და2 შიმშილი და წყურილი კეთილისათჳს და სიმახჳლჱ
Line of edition: 35    და ურცხჳნელობაჲ თხოვასა შინა და გულისჴმის-ყოფაჲ
Line of edition: 36    და განკითხვაჲ.

Line of edition: 37       რამეთუ მრავალთა ჰნებავს თჳნიერ ტკივილისა და შრომისა
Line of edition: 38    და ოფლისა სასუფეველისა მოგებაჲ, ხოლო ესე შეუძლებელ არს,
Page of edition: 250   Line of edition: 1    რამეთუ ვითარცა სოფელსა შინა წარვიდოდიან ვიეთნიმე კაცნი
Line of edition: 2    კაცისა ვისსამე მდიდრისა შრომად და აღებად სასყიდელისა თჳსისა,
Line of edition: 3    გინა თუ მკად, გინა თუ სხუად რადმე საქმედ და იყვნიან ვიეთნიმე
Line of edition: 4    მათგანნი ფიცხელ და დაჴსნილ და არა ჯეროვნად შურიან და
Line of edition: 5    ენების მათ, რაჲთამცა სწორი სასყიდელი მიიღეს მათ თანა, რომელთა-იგი
Line of edition: 6    დღე ყოველ ქმნეს ყოვლითა გულსმოდგინებითა.
Line of edition: 7    ეგრეთვე ჩუენ ვიკითხავთ წერილთა და გუესმის, თუ ვითარ მართალნი
Line of edition: 8    სათნო-ეყვნეს ღმერთსა1. ვითარ აბრაჰამ მოყუარე ღმრთისა2
Line of edition: 9    იყო და პირისპირ ჰზრახვიდა მას. და თუ ვითარ ყოველნივე მამანი
Line of edition: 10    მოყუარე და თანამკჳდრ მისა იქმნნეს. და თუ რავდენნი ჭირნი
Line of edition: 11    მოითმინნეს ღმრთისათჳს და ვჰნატრით მათ და გუნებავს სწორთავე
Line of edition: 12    მოღუაწებათა მოთმენაჲ და გუსურის მადლთა მათთჳს და ნიჭთა
Line of edition: 13    საღმრთოთა, ხოლო შრომათა მათთა თანა-წარვჴდებით და პატივნი
Line of edition: 14    იგი მათნი, რომელნი ღმრთისაგან მოუგიან, გჳყუარან და გუნებავს,
Line of edition: 15    თუმცა ჩუენცა გუაქუნდა, ხოლო ჭირთა და ტკივილთა და მოღუაწებათა
Line of edition: 16    მათთა არა ვიტჳრთავთ.

Line of edition: 17       გეტყჳ შენ, ვითარმედ ესე ყოველთავე კაცთა ჰნებავს და სურიან.
Line of edition: 18    და1 მეძავთა და მემრუშეთა და უსამართლოთა კაცთა ჰნებავს,
Line of edition: 19    რაჲთა თჳნიერ შრომისა და მოღუაწებისა პოეს სასუფეველი ცათაჲ,
Line of edition: 20    არამედ ამისთჳს არიან შორის ჭირნი და განსაცდელნი მრავალნი,
Line of edition: 21    რაჲთა გამოჩნდენ, თუ რომელთა ჰნებავს ჭეშმარიტად ცხორებაჲ
Line of edition: 22    და თუ ვიეთ ჭეშმარეტებით და ყოვლითა გულითა უყუარს
Line of edition: 23    უფალი ვიდრე სიკუდილადმდე და არარაჲ იყო წინაშე მათსა უფროჲს
Line of edition: 24    მათსა სასურველ. ამისთჳსცა სამართლად ჰპოებენ სასუფეველსა
Line of edition: 25    ცათასა, რამეთუ უვარ-ყვნეს მათ თავნი მათნი სიტყჳსაებრ
Line of edition: 26    უფლისა და უფროჲს სულისა თჳსისა უფალი შეიყუარეს. და
Line of edition: 27    ამისთჳს სრულისა მის სიყუარულისა მათისა მოსაგებელად სრულნი
Line of edition: 28    ნიჭნი ზეცისანი მიეცნეს.

Line of edition: 29       რამეთუ აღთქუმანი იგი ღმრთისანი და დიდებაჲ ზეცათაჲ და
Line of edition: 30    კეთილნი იგი სასუფეველისანი ჭირთა შინა და იწროებასა და მოთმინებათა
Line of edition: 31    და სარწმუნოებასა დაფარულ არიან და ვითარცა იფქლი,
Line of edition: 32    რომელი დაითესის ქუეყანასა ზედა, ანუ ხჱ, რომელი დაიმყნის ხესა
Line of edition: 33    ზედა, პირვლად უპატიო და შიშუელ იქმნების და დალპების
Page of edition: 251   Line of edition: 1    და ესრეთ კუალად დაშუენდების და მრავალნაწილსა ნაყოფსა
Line of edition: 2    გამოიღებს. და უკუეთუ პირველად არა მიიღონ იგი უპატიოებაჲ,
Line of edition: 3    ვერ მიიღებენ შუენიერებასა მას და ნაყოფიერებასა. ეგეთვე
Line of edition: 4    ჩუენ, უკუეთუ პირველად არა დავშურეთ და ვიგინნეთ და მოვითმინოთ,
Line of edition: 5    ვერ ვჰპოვებთ განსუენებასა მას საუკუნესა, ვითარცა მოციქული
Line of edition: 6    იტყჳს, ვითარმედ -- "მრავლითა ჭირითა ჯერ-არს ჩუენდა შესლვად
Line of edition: 7    სასუფეველსა ცათასა", და უფალი იტყჳს, ვითარმედ: "მოთმინებითა
Line of edition: 8    თქუენითა მოიპოვნეთ სულნი თქუენნი" და კუალად
Line of edition: 9    იტყჳს: "სოფელსა შინა ჭირი გაქუნდეს". ამისთჳს ჯერ-არს, რაჲთა
Line of edition: 10    მოვიგოთ ტკივილი და მოსწრაფებაჲ და ჭირი და სიფრთხილჱ და
Line of edition: 11    ურცხჳნელობაჲ თხოვასა შინა უფლისა მიმართ, რაჲთა შეუძლოთ
Line of edition: 12    განრომად გულსითქუმათა და ვნებათაგან და საფრჴეთაგან სოფლისათა
Line of edition: 13    და ნიავ-ქართა ბოროტისათა და უკეთურთა მათ სულთა ზედა
Line of edition: 14    აღდგომასა მოთმინებითა და სიფრთხილითა და უფროჲსად სიყუარულითა
Line of edition: 15    და სრწმუნოებითა უფალთაჲთა, რაჲთა ამათ სათნოებათა
Line of edition: 16    მიერ მოვიგოთ ზეცისა იგი საუნჯჱ, რომელ არს სულისა წმიდისა
Line of edition: 17    ძალი, აქავე სულთა შინა ჩუენთა.

Line of edition: 18       რამეთუ ნეტარი მოციქული პავლე ამის ზეცისა საუნჯისათჳს,
Line of edition: 19    რომელ არს სულისა წმიდისა მადლი, გუასწავებს ჩუენ, რაჟამს-იგი
Line of edition: 20    ჭირთა თჳსთა სიმრავლესა წარმოიტყჳს და გჳჩუენებს ჩუენ,
Line of edition: 21    თუ რაჲსა თანა-აც თითოეულსა თხოვაჲ. და ესრეთ იტყჳს: "ვიცით,
Line of edition: 22    უკუეთუ ქუეყანისა ესე სახლი საყოფელი ჩუენი დაირღუეს, აღშენებული
Line of edition: 23    გუაქუს ჩუენ ღმრთისა მიერ სახლი ჴელით უქმნელი და
Line of edition: 24    საუნჯჱ ცათა შინა".

Line of edition: 25       ამისთჳს თანა-აც, რაჲთა იღუაწოს თითოეულმან და ისწრაფოს
Line of edition: 26    მოგებითა სათნოებათაჲთა, რაჲთა გულსავსე იყოს აქაჲთვე, ვითარმედ
Line of edition: 27    მოუგია სახლი იგი. და რაჟამს დაირღუეს სახლი ესე გუამისა
Line of edition: 28    ჩუენისაჲ, ვპოოთ სხუაჲ სახლი ზეცათაჲ, რომელსა შინა დაადგრეს
Line of edition: 29    სული ჩუენი. ვითარცა კუალად იგივე იტყჳს: "გან-Ⴀღათუ-ვიძარცუნეთ,
Line of edition: 30    არავე შიშუელ ვიპოვნეთ" ზიარებისაგან და შეერთებისა
Line of edition: 31    წმიდისა სულისა, რომელსა შინა განისუენებს სარწმუნოჲ სული?
Line of edition: 32    რამეთუ ამისთჳს, რომელნი-იგი ჭეშმარიტებითა და ძალითა
Line of edition: 33    ქრისტეანე არიან, მინდობილ არიან და უხარის, რაჟამს ჴორცთაგან
Line of edition: 34    განვიდოდინ, რამეთუ იციან, ვითარმედ აქუს მათ სახლი იგი ჴელით
Page of edition: 252   Line of edition: 1    უქმნელი, რომელი-იგი არს ძალი წმიდისა სულისაჲ, რომელი
Line of edition: 2    დამკჳდრებულ არს მათ შორის. დაღაცათუ უკუე დაირღუეს სახლი
Line of edition: 3    იგი1 ჴრცთაჲ, არა ეშინის მათ, რამეთუ აქუს ზეცისა იგი სულიერი
Line of edition: 4    სახლი, დიდებაჲ იგი ზეცისაჲ უხრწნელი და მან დიდებამან
Line of edition: 5    დღესა მას აღდგომისასა აღაშენოს და ადიდოს სახლი იგი ჴორცთაჲ,
Line of edition: 6    ვითარცა მოციქული იტყჳს, ვითარმედ: "რომელმან აღადგინა
Line of edition: 7    ქრისტე მკუდრეთით, მან განაცხოველნეს მოკუდავნიცა ეგე
Line of edition: 8    ჴორცნი თქუენნი სულისა მისისა მიერ, რომელი-იგი მკჳდრ არს
Line of edition: 9    თქუენ შორის". და კუალად იტყჳს: "რაჲთა ცხორებაჲ იგი იესუსი
Line of edition: 10    გამოცხადნეს მოკუდავთა ამათ შინა ჴორცთა ჩუენთა", და კუალად
Line of edition: 11    იტყჳს: "რაჲთა დაინთქას მოკუდავი იგი ცხორებისა მიერ".

Line of edition: 12       ხოლო აწ, ძმანო, ვიღუაწოთ სარწმუნოებითა და სათნოჲთა
Line of edition: 13    მოქალაქობითა, რაჲთა აქავე მოვიგოთ სამოსელი იგი, რომელ არა
Line of edition: 14    ვიპოვნეთ შიშუელ, რაჟამს-იგი ჴორცნი განვიძარცუნეთ და არავინ
Line of edition: 15    იყოს, რომელმანცა ადიდა გუამი ჩუენი მას დღესა შინა. რამეთუ
Line of edition: 16    თითოეული რავდენცა აქავე მადლსა ღირს იქმნას სულისა წმიდისა
Line of edition: 17    სარწმუნოებითა და მოსწრაფებითა, ეგოდენცა მას დღესა იდიდების
Line of edition: 18    გუამი მისი და რომელი აწ დაიუნჯოს ვინ სულსა შინა თჳსსა,
Line of edition: 19    მაშინ გამოცხადნების და გამოჩნდების გარეგან ჴორცთა მისთა
Line of edition: 20    ზედა.

Line of edition: 21       და ვითარცა ხეთა წარმოვლიან რაჲ ზამთარი და მოვიდის მათ
Line of edition: 22    ზედა ძალი უხილავი გინა თუ მზისაჲ, გინა თუ ქარისაჲ, მაშინ გამოიღიან
Line of edition: 23    გარეშე, ვითარცა სამოსელი, ფურცელი და ყუავილი და
Line of edition: 24    ნაყოფი, ეგრეთვე მსგავსად ყუავილნი თივისანი მას ჟამსა შინაგანით
Line of edition: 25    წიაღთაგან ქუეყანისათა აღმოეცენებიან და დაიფარვის ქუეყანაჲ
Line of edition: 26    შროშნებითა მით, რომელთათჳს თქუა უფალმან, ვითარმედ:
Line of edition: 27    "არცა თუ სოლომონ შეიმოსა ყოველსავე დიდებასა თჳსსა ვითარცა
Line of edition: 28    ერთი მათგანი". ხოლო ესე ყოველნი ხატ და სახე არიან ქრისტეანთა
Line of edition: 29    აღდგომისა.

Line of edition: 30       ეგრეთვე ყოველთა ღმრთისმოყუარეთა სულთა და ჭეშმარიტთა
Line of edition: 31    ქრისტეანეთაჲ არს პირველი იგი თუჱ გაზაფხულისაჲ, რომელ
Line of edition: 32    არს აპრილი. რომელი-იგი არს დღჱ აღდგომისაჲ და ძალითა მზისა
Line of edition: 33    მის სიმართლისაჲთა შინაგანით გამოვალს დიდებაჲ იგი წმიდისა
Line of edition: 34    სულისაჲ, რომელი ჰფარავს გუამთა წმიდათასა დიდებითა მით, რომელი
Page of edition: 253   Line of edition: 1    აქუნდა აქაჲთვე შინაგან დაფარულად. რამეთუ რაჲცა ვის
Line of edition: 2    აქაჲთ აქუნდეს შინაგან, იგი გამოეცხადების მას მას დღესა შინა
Line of edition: 3    გარეგან*. ამისთჳს ეტყოდა უფალი მოსეს: "ესე თუჱ იყოს თქუენდა
Line of edition: 4    პირველი თუეთა შინა წელიწადისათა". ესე თუჱ მოიღებს
Line of edition: 5    სიხარულსა ყოვლისა დაბადებულისასა, ესე შეამკობს შიშუელთა
Line of edition: 6    მათ ხეთა, ესე აღმოაცენებს საძოვარსა, ესე ყოველთავე პირუტყუთა
Line of edition: 7    განამხიარულებს, რამეთუ ქუეყანასა განაღებს. ესე პირველად
Line of edition: 8    გამოაჩინებს მხიარულებასა. ესე არს ქრისტეანეთა პირველი თუჱ
Line of edition: 9    გაზაფხულისაჲ, რომელი-იგი არს ჟამი აღდგომისაჲ, რომელსა შინა
Line of edition: 10    იდიდნენ გუამნი მათნი ნათლითა მით გამოუთქუმელითა. რომელი-იგი
Line of edition: 11    აქაჲთვე მათ თანა არს, რომელ არს ძალი წმიდისა სულისაჲ და
Line of edition: 12    იგი იყოს მათდა მაშინ სამოსელ და საჭამად და სასუამად და სიხარულ
Line of edition: 13    და მშჳდობა და სამკაულ და ცხორება საუკუნე**. რამეთუ
Line of edition: 14    ყოველივე სიკეთჱ შუენიერებისა და ბრწყინვალებისა მის ზეცისაჲ
Line of edition: 15    მაშინ აღესრულების მათ შორის, სული იგი ღმრთეებისაჲ, რომლისა
Line of edition: 16    შეწყნარებად აქავე ღირს იქმნნეს.

Line of edition: 17       ხოლო ვითარმე ვინ იღუაწოს და ვითარ ირწმუნოს და ისწრაფოს
Line of edition: 18    ყოვლითავე სათნოჲთა მოქალაქობითა და მოელოდის სასოებითა
Line of edition: 19    და მოთმინებითა, რაჲთა, ღირს იქმნას და მოიღოს ძალი
Line of edition: 20    იგი ზეცისაჲ და დიდებაჲ იგი სულისა წმიდისაჲ, რაჲთა, მაშინ რაჟამს
Line of edition: 21    ყოველივე დაბადებული იცვალებოდის, პოოს მან სამოსელი,
Line of edition: 22    რომლისა მიერ ცხონდეს, ვითარცა მოციქული იტყჳს***: "გან-ღათუ-ვიძარცუნეთ,
Line of edition: 23    არავე შიშუელნი ვიპოვნეთ". და კუალად იტყჳს:
Line of edition: 24    "განაცხოველნეს მოკუდავნი ეგე ჴორცნი თქუენნი სულითა მისითა,
Line of edition: 25    რომელი მკჳდრ არს თქუენ შორის". რამეთუ ნეტარმან მოსე
Line of edition: 26    გჳჩუენა სახჱ დიდებითა მით სულისაჲთა, რომელი-იგი პირსა ზედა
Line of edition: 27    მისსა იყო, რომელსა ვერვინ კაცთაგანი შემძლებელ იყო მიხედვად.
Line of edition: 28    და იგი სახჱ იყო დიდებისაჲ მის, რომელი მიიღონ გუამთა წმიდათა
Line of edition: 29    მერმესა მას აღდგომასა და მას დიდებასა აქაჲთვე სულნი
Line of edition: 30    წმიდანი ღირს იქმნებიან მიღებად, ვითარცა მოციქული იტყჳს****,
Line of edition: 31    ვითარმედ: "ჩუენ განცხადებულითა პირითა დიდებასა ღმრთისასა
Line of edition: 32    განვიცდით. მასვე ხატსა მივიცვალებით დიდებითი დიდებად".
Line of edition: 33    ხოლო განცხადებულად პირად შინაგანსა კაცსა იტყჳს*****. კუალად
Line of edition: 34    წერილ არს მისთჳს, ვითარმედ: "ორმეოც დღე და ორმეოც ღამე
Line of edition: 35    პური არა ჭამა და წყალი არა სუა". ხოლო ესე ჴორცთა ბუნებისაგან
Page of edition: 254   Line of edition: 1    შეუძლებელ არს, თჳნიერ საზრდელისა ეგოდენისა დაყოფაჲ,
Line of edition: 2    უკუეთუმცა სხუაჲ რაჲმე სულიერი საზრდელი არა აქუნდა შინაგან.
Line of edition: 3    და მას საზრდელსა სულნი წმიდათანი უხილავად აქაჲთვე
Line of edition: 4    მიიღებენ.

Line of edition: 5       ხოლო ნეტარმან მოსე ორითა სახითა მოასწავა დიდებაჲ იგი,
Line of edition: 6    რომელი მაშინ წმიდათა აქუნდეს და ნათელი იგი სულისაჲ და საზრდელი
Line of edition: 7    იგი საცნაური, რომელი-იგი ჭეშმარიტთა ქრისტეანეთა
Line of edition: 8    აქაჲთვე ფარულად სულთა მათთა შინა მოუგია. და მაშინ გამოეცხადოს
Line of edition: 9    მათ დიდებაჲ იგი, რამეთუ, ვითარცა პირველად ვთქუ, რომელიცა
Line of edition: 10    დიდებაჲ აქაჲთ ვის მოეგოს შინაგან, მანვე მას დღესა შემოსნეს
Line of edition: 11    შიშუელნი ჴორცნი მისნი და ზეცას აღიტაცნეს იგინი და
Line of edition: 12    მიერითგან სულით და ჴორცით უკუნისამდე უფლისა თანა
Line of edition: 13    სუფევდეს.

Line of edition: 14       რამეთუ ადამ რაჲ დაჰბადა ღმერთმან, არა მისცნა მას ფრთენი,
Line of edition: 15    ვითარცა მფრინველთა, არამედ განუმზადნა მას ფრთენი იგი
Line of edition: 16    სულისა წმიდისანი, რომელთაჲ ეგულებოდა მიცემად აღდგომასა,
Line of edition: 17    რაჲთა იგინი მიიტაცებდენ მას, სადაცა სულსა ენებოს. და ფრთეთა
Line of edition: 18    მათ აწვე მოღებად სულნი წმიდათანი ღირს იქმნებიან და გონებითა
Line of edition: 19    ზეცად აღვლენ.

Line of edition: 20       რამეთუ ქრისტეანეთა სოფელი სხუაჲ არს და სხუაჲ ტაბლაჲ,
Line of edition: 21    და სხუაჲ სამოსელი, და სხუაჲ ზიარებაჲ, და სხუაჲ ცნობაჲ. ამისთჳსცა
Line of edition: 22    უმჯობეს ყოველთა კაცთა არიან ქრისტეანენი და ამას ძალსა
Line of edition: 23    აწვე მიიღებენ წმიდანი ზიარებითა სულისა წმიდისაჲთა. ხოლო
Line of edition: 24    მერმესა მას აღდგომასა მიიხუნეს თჳთეულმან საუკუნენი იგი კეთილნი,
Line of edition: 25    რომელთაჲ აწვე გემოჲ იხილეს*.

Line of edition: 26       ამისთჳს თანა-აც თითოეულსა ჩუენგანსა, რაჲთა იღუაწოს და
Line of edition: 27    ისწრაფოს ყოველთავე სათნოებათა შინა, და რაჲთა ითხოვდეს უფლისაგან,
Line of edition: 28    რომელ აქაჲთვე იქმნას თანამდებ დიდებისა მის შინაგანი
Line of edition: 29    იგი კაცი და მიიღოს სულმან ზიარებაჲ მის სიწმიდისაჲ, რაჲთა
Line of edition: 30    ესრეთ განვწმიდნეთ ყოვლისაგანვე შეგინებისა. და აღდგომასა
Line of edition: 31    მას, რაჟამს იყვნენ შიშუელ გუამნი ჩუენნი, ვპოოთ სამოსელი, რომელმან
Line of edition: 32    დაფაროს სირცხჳლი ჩუენი და გუაცხოვნნეს და განგჳსუენოს
Line of edition: 33    უკუნისამდე სასუფეველსა ცათასა.

Line of edition: 34       რამეთუ ეგულების ქრისტეს ზეცით მოსლვაჲ და ყოველნივე
Line of edition: 35    თესლნი ადამისნი აღადგინნეს საუკუნითგან დაძინებულნი მსგავსად
Line of edition: 36    წერილისა და განყვნეს ყოველნივე ორად და რომელთა ზედა
Line of edition: 37    იყოს სასწაული მისი, რომელ არს ბეჭედი სულისაჲ, მათ მოუწოდოს
Line of edition: 38    ვითარცა თჳსთა და მარჯუენით თჳსსა დაადგინნეს, ვითარცა
Page of edition: 255   Line of edition: 1    თჳთ იტყჳს, ვითარმედ: "ცხოვარნი ჩემნი ჴმასა ჩემსა ისმენენ" და
Line of edition: 2    "ვიცნობ ჩემთა მათ და მეცნიერ ვარ ჩემთა მიერ". და მაშინ შეიმოსონ
Line of edition: 3    დიდებაჲ საღმრთოჲ გუამთა მათთა კეთილთა საქმეთა მიერ
Line of edition: 4    და პოონ დიდებაჲ იგი სულისაჲ, რომელი აქაჲთვე მათ შორის
Line of edition: 5    აქუნდა და ესრეთ განბრწყინდენ საღმრთოჲთა მით მადლითა და
Line of edition: 6    ცად აღიტაცნენ შემთხუევად უფლისა ჰაერთა შინა წერილისაებრ
Line of edition: 7    და მარადის უფლისა თანა იყვნენ და მის თანა სუფევდენ დაუსრულებელთა
Line of edition: 8    მათ კეთილთა საუკუნეთა უკუნისამდე, ამენ.



Next part


This text is part of the TITUS edition of Pseudo-Macarius, Epistulae et Orationes.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.