TITUS
Nemesios of Emessa, De natura hominum
Part No. 17
Previous part

Chapter: 17  
Line: 4 
თავი XVII
Line: 5 
[გულის-მთქუმელობითისა-თჳს]


Paragraph: 1  
Line: 6    განიწვალების უკუჱ, ვითარ იგი ვთქუთ. უტყუჱბაჲ სულისაჲ,
Line: 7    მორჩილი სიტყჳსა[ჲ], ორად: გულის-მთქუმელობითად და გულის-წყრომითად.
Line: 8    და კუალად გულის-მთქუმელობითი განიწვალების ორად: გემოდ
Line: 9    და წუხილად; რამეთუ, ოდეს რაჲ მიემთხჳოს, გულის-თქუმაჲ
Line: 10    გემოსა მიუქმს, ხოლო ოდეს რაჲ ვერ მიხუდეს -- წუხილსა. კუალად
Line: 11    სხჳთა ხახითა გულის-თქუმაჲ განწვალებული ოთხად თჳთ მისით-ურთ
Line: 12    ყოველთა შეიქმს გუართა. რამეთუ, ვინაჲთგან ყოველთა-[შორის]
Line: 13    მყოფთა რომელი-მე არს კეთილ, ხოლო რომელი-მე ბოროტ,
Line: 14    არამედ რომელი-მე ამათ -განი გუარად წარდგომილა, ხოლო რომელი-მე
Line: 15    ოდენ მოსალოდებელა, -- ამათ უკუჱ სახეთა-ებრ ორი ორად შეკეცილი
Line: 16    გულის-თქუმისაჲ ოთხად განიწვალების; რამეთუ არს კეთილი
Line: 17    და ბოროტი და კუალად -- წარმოდგომილი და მოსალოდებელი;
Line: 18    რამეთუ მოსალოდებელთა კეთილთა [არს] გულის-თქუმაჲ, ხოლო
Line: 19    წარმოდგომ[ილთა] -- გემოჲ; კუალად მოსალოდ.ებელთა ბოროტთა

Page: 99  
Line: 1    [არს] შიში, ხოლო წარმოჩენილთა და წარმოდგომილთა -- წუხილი.
Line: 2    რამეთუ კეთილთა-უკუჱ-ზედა იქცევის გემოჲ და გულის-თქუმაჲ,
Line: 3    ხოლო ბოროტთა-ზედა -- შიში და მწუხარებაჲ. რომლისა-თჳსცა ვნებასა
Line: 4    ოთხად განჰყოფენ.* გულის-თქუმად, გემოდ, შიშად და წუხილად.
Line: 5    კეთილად ვინაჲვე და ბოროტად ვიტყჳთ [აქა] გინათუ მყოფთა [კეთილთა
Line: 6    და ბოროტთა], გინათუ საგონის[თა].
Paragraph: 2  
Line: 7       შორისექმნების უკუჱ ბოროტი ვნებაჲ სელსა ამათ-მიერ მიზეზთა:
Line: 8    ბოროტად ქცევისა-გან, უსწავლელობისა-გან, ბოროტთა
Line: 9    ჩუჱულებათა-გან. რამეთუ სიყრმით-გან უწურთუჱლობისა-გან არა
Line: 10    პყრობად ვნებათა -- უზომობასა მათსა შთავიჭრებით; და უსწავლელობისა-გან
Line: 11    ბოროტთა საბჭოთა სამსჯავრონი აღმოენერგვიან სიტყჳერებითსა
Line: 12    ნაწილსა სულისასა, ვითარ რაჲ მეჰაზრენი კეთილისანი ბოროტად
Line: 13    და ბოროტისანი -- კეთილად; იქმნებიან და რომელნი-მე ვნებანი
Line: 14    სხეულთა ჰავჩუჱულობისაგან: რამეთუ მწყრომ არიან, რომელნი
Line: 15    მწარენავღულიან იყვნენ, და თანდამთხევ** -- მჴურვალენი და ნოტიონი
Line: 16    შეზავებითა. იკურნებოდედ ვინაჲ-მე ბოროტი ჩუჱულებაჲ კეთილითა
Line: 17    ჩუჱულებითა, ხოლო უსწავლელობაჲ -- სასწავლო[ჲ]თა და ზედმიწევნულებითა;
Line: 18    არამედ ჰავჩუჱულებაჲ იკურნებოდედ თჳთსხეულოანად,
Line: 19    რათა საშუალსა ოდენ ზედმოაყენონ შეზავებასა, ვითარ იყოს
Line: 20    და მათდაცა საჰაზრო, ჯეროვ[ა]ნისა კმაყოფითა და ღუაწლსა-შორის
Line: 21    განშიშვლ[ე]ბითა [და] წამალთ-მიერ, ვინაჲ-მე და ამათდაცა მოქენე
Line: 22    ვიყვენით.



Next part


This text is part of the TITUS edition of Nemesios of Emessa, De natura hominum.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.