TITUS
Nemesios of Emessa, De natura hominum
Part No. 18
Previous part

Chapter: 18  
Page: 100  
Line: 1 
თავი XVIII

Line: 2 
გემოთა-თჳს


Paragraph: 1  
Line: 3    გემოთანი რომელნი-მე არიან სულითნი, ხოლო რომელნი-მე
Line: 4    
სხეულებითნი: სულითნი უკუჱ ვითარ თჳთ ოდენ სულისანი, რაოდენნი
Line: 5    
სასწავლოთა-თჳს და გონებითთა ხედვათა; ესე ვინაჲ და ესე-ვითარნი
Line: 6    
მხოლოდ ოდენ სულისანი არიან; ხოლო სხეულითად არიან,
Line: 7    
რომელნი ზიარებითა სულისა და სხეულთაჲსა ქმნულ იყვნენ და ამისთჳსცა
Line: 8    
სხეულებითად წოდებულ, ვითარ რაჲ საზრდელთა-თჳს და
Line: 9    
თანმეარსეობისა.* ხოლო საკუთრად და მარტოდ სხეულთა-თჳს ვერაჲ -ვინ-სადა
Line: 10    
პოვნეს განკუთვნილნი გემონი, არამედ ვნებანი ოდენ,
Line: 11    
ვითარ რაჲ ჭრანი და დინებანი და შეზავებისა-ებრ რომელობანი;
Line: 12    
რამეთუ ყოველი უკუჱ .ემოჲ საგრძნობითა, ხოლო სულითი გრძნობაჲ
Line: 13    
წინათა-შორის ვაჩუჱენეთ. იუწყებოდედ, რომელ მრავალგუარად
Line: 14    
სათქუმელ არს გემოჲ, რამეთუ სხჳსა და სხჳსა ტომისად არიან, ვითარ
Line: 15    
იგი კეთილნი გემონი და კუალად ბოროტნი, და რომელნი-მე
Line: 16    
ნაცილ, ხოლო რომელნი-მე ჭეშმარიტ; და რომელნი-მე მხოლოდ
Line: 17    
ოდენ გაგონებ ისად ზედმიწევნილებით ქმნილნი, ხოლო რომელნი-მე
Line: 18    
სხეულთა ამათ-თანა ქმნილ და მებრგრძნობილნი. და ამათ უკუჱ მებრ-გრძნობითთანი
Line: 19    
რომელნი-მე არიან ბუნებითნი, ხოლო რომელნი-მე
Line: 20    
არა. არამედ გემოსა, რომელი სუმასა-შორის იქმნებოდის, წინააღუდგების
Line: 21    
წყ[უ]რილის-მიერ წუხილი, ხოლო გონებითსა ხედვასა -- არა-რაჲ
Line: 22    
ესევითარი. ესე ვინაჲ ყოველი გამოაჩენს გემოსა სეხნაობითად.
Line: 23    
ხოლო სხეულებრივად წოდებულნი გემონი რომელნი-მე არიან საჭიროცა

Page: 101  
Line: 1    
და ბუნებითიცა ერთბამად, რომელთა-გან კიდე ცხოველობაჲ
Line: 2    
შეუძლებელა, ვითარ რაჲ საზრდელნი ნაკლულევანებისა აღმომვსებელნი,
Line: 3    
და საჭირონი სამოსნი; ხოლო რომელნი-მე ბუნებით უკუჱ,
Line: 4    
არამედ არა საჭირო, ვითარ იგი მებრ ბუნებით და შჯულთაებრ
Line: 5    
შერევაჲ; ესე უკუჱ რაჲ გებისა-თჳს ყოველთა ტომთაჲსა თანშემწე,
Line: 6    
არამედ შესაძლეიელ არს და თჳნიერ მათსა ქალწულებით ცხორებაჲ.
Line: 7    
არამედ რომელნი-მე არცა საჭირო და არცა ბუნებით, ვითარ იგი
Line: 8    
მთრვალობაჲ და ლირწებაჲ და უძღებებაჲ საჴმართაჲ ნამეტნავი; რამეთუ
Line: 9    
არცა მოსაცვალეობისა-თჳს ტომისა თანშემწე მექმნების, ვითარ
Line: 10    
იგი შჯულთა-ებრ შერთვაჲ და თანმეარსებობაჲ, და არცა გებისათჳს
Line: 11    
და პყრობისა ცხორებისა, არამედ უფროჲს ხოლო სავნო არს.
Line: 12    
ხოლო, რომელი მებრ ღმრთითა ცხოვნდებოდეს, მხოლოდ თანმავალ
Line: 13    
ექმენინ საჭიროთა და ბუნებითთა ერთბამად გემოთა; ხოლო ამისდა
Line: 14    
შემდგომად მეორედ განწესებულთა და განჩენილთა სათნოებათა ამათ
Line: 15    
ვინაჲვე ბუნებითთა არამედ არსაჭიროთა თანივლებოდედ, მაგრა ჯეროვანთაებრ
Line: 16    
სახეთა და საზომთა ჟამისა და ადგილისა; არამედ სხუათა-გან
Line: 17    
ივლტოლებოდედ ყოვლითა სახითა.
Paragraph: 2  
Line: 18       
მარტივად უკუჱ შეირაცხებოდედ, ვითარმედ ესე არიან კეთილნი
Line: 19    
გემონი,* რომელნი უზიარებელ არიან და არ თანშეთხზულ
Line: 20    
მწუხარებასა და არცა ცვალებისა მოქმედ, არცა რაჲსავე სხჳსა ვნებისა
Line: 21    
მშობელ, არცა ზომითთა საზღვართა მიმთუალველ, რომელი
Line: 22    
არცა კეთილთა საქმეთა-გან წარმიპარვიდეს ჩუენ ჟამრაოდენვე, გინა
Line: 23    
დამიმონებდეს. საუთრებითნი უკუჱ და უფლებრივნი გემონი არიან,
Line: 24    
რომელნი გაგონებასა-ზედა საღმრთოსა და სწავლულებითთა ზედმიწევნილებათა
Line: 25    
და სათნოებათა რაჲზომვე ზედმიქმნულ და თანშეთხზულ
Line: 26    
არიან, -- რომელნი პირველ სხუათა ყოველთასა მოსწრაფეთა-თჳს დაიდებოდედ,
Line: 27    
არათუ მარტივად ყოფისა-თჳს ოდენ, არცა მხოლოდ გებისა-თჳს
Line: 28    
ვინაჲვე ტომისა, არამედ კეთილქმნისა და კეთილყოფისათჳს
Line: 29    
და მოსწრაფე და ღმრთის-მოყუარედ გამოჩენისა-თჳს თანშემწედ.
Line: 30    
და თჳთ მის კაცისა სულისა და გონებისა სისრულისა-თჳს; რომელნი

Page: 102  
Line: 1    
არა სამკურნალო რომელთა-მე ვნებათა არიან, ვითარ რაჲ მოკლებისა
Line: 2    
აღმომავსებელნი და არასადა ყოვლით-ურთ აქუს მწუხარებაჲ
Line: 3    
წინა განმვლელად, გინა თანმიდევნებულად, გინა წინაგანმწყობად, არამედ
Line: 4    
არიან წმიდა და შეურევნელ ყოვლისავე ნივთიერისა თანშეთზვისა-გან,
Line: 5    
მხოლოდ სულიერებრივნი ვინაჲ-მე არიან.
Paragraph: 3  
Line: 6       
და რამეთუ პლატონის-მიერცა* გემოთანი რომელნი-მე არიან
Line: 7    
ტყუილ და რომელნი-მე ჭეშმარიტ. ტყუილ უკუჱ -- რაოდენნი გრძნობისა-მიერ
Line: 8    
იქმნებიან და არამართლისა თნებისა და წუხილთა მქონებელნი
Line: 9    
თანაშეთხზულად; ხოლო ჭეშმარიტ ვინაჲ-მე -- რაოდენნი იყვნენ
Line: 10    
სულისანი მხოლოჲსა თჳთ თჳს-შორის, ჴელოვნებისა და ზედმიწევნილებისა-თანა
Line: 11    
გონებისა და ცნობისა-თჳს, წმიდანი და აღურევნელნი
Line: 12    
წუხილისა-გან, რომელთა არცერთი სინანული შეუდგების
Line: 13    
ოდესვე. უწოდენ ვინაჲ-მე ხედვისა და კეთილთა საქმეთა შედგომილთა
Line: 14    
არა ვნებად, არამედ ქმნად; ხოლო რომელნი-მე საკუთრებით ესე-ვითართა
Line: 15    
გემოთა სიხარულად იტყჳან.
Paragraph: 4  
Line: 16       
განასაზღვრებენ ვინაჲვე გემოსა ესრეთ,** ვითარმედ: ქმნაჲ ბუნებისა
Line: 17    
გრძნობადისაჲ. რამეთუ ჰგავს ესე საზღვარი მხოლოდ ოდენ
Line: 18    
სხეულებრივისა გემოჲსად. ესე უკუჱ აღმავსებელ ვინაჲ-მე არს
Line: 19    
და სამკურნალო სხეულებრივთა მოკლებათა და მოკლების-მიერთა წუხილთა;
Line: 20    
რამეთუ ოდეს რაჲ განვცივნეთ, გინათუ წყურიელ ვიქმნეთ
Line: 21    
და კუალად, ოდეს სიცივისა გინა წყურილისა-გან შევიცვალნეთ და
Line: 22    
გა[ნ]ვიკურნნეთ, კუალად მწუხარებასა სიცხისა-შორისსა და შიმშილისა-შორისსა
Line: 23    
მიმთუალველ ვართ. რამეთუ მებრ შემთხუჱვით უკუჱ
Line: 24    
არიან კეთილ და არაჲსთჳნ თჳთ თჳს-შორის და არცა ბუნებით; რამეთუ,

Page: 103  
Line: 1    
ვითარ რაჲ განკურნებაჲ მებრ შემთხუჱვით არს კეთილ, ხოლო
Line: 2    
სიმრთელე -- ბუნებით და მებრ თჳს-შორის, ეგრეთვე და ესეცა
Line: 3    
მებრ შემთხუჱვით არიან კეთილ, რამეთუ სამკურნალო ვინაჲ-მე
Line: 4    
არიან. ხოლო გონებით ხედვისა გემონი თჳთ თჳს-შორის უკუჱ
Line: 5    
არიან კეთილ და ბუნებით, რამეთუ არაჲსთჳნ მოკლებასა-შორის
Line: 6    
იქმნებიან. იუწყებოდედ ვინაჲვე ამიერთა-გან, რომელ არა ყოველივე
Line: 7    
გემოჲ მოკლებათა არს აღმომვსებელ; ხოლო თუ რად-მე ესე ესრეთ,
Line: 8    
არა ვიდრე-მე მრთელ იყოს საზღვარი, რომელი იტყოდის, ვითარ-მედ
Line: 9    
"ქმნაჲო ბუნებისა გრძნობადისაჲ არსო გემოჲ", რამეთუ არასადა
Line: 10    
ყოველთა გარეშემოსწერს გემოთა, არამედ გარეშე დაიშთენს ხედვისა
Line: 11    
გემოთა. არამედ ეპიკუროს, გემო[ჲ]სა განმასაზღვრებელი ყოვლისაგან
Line: 12    
საწუხისა ზეშთადასაშთენელად, მასვე იტყჳს, რომელნი იტყოდეს,
Line: 13    
ვითარმედო ქმნაჲ გრძნობითისაჲ ბუნებისაჲ; რამეთუ შემცვალებელსა
Line: 14    
მაწუხებლობისა[სა] გემოდ იტყოდა.
Paragraph: 5  
Line: 15       
არამედ, ვინაჲთგან არა რომელი ქმნაჲ თჳსთა აღსასრულთა
Line: 16    
არს ერთტომ, გინათუ ნათესავ, არცა ვიდრე-მე ქმნაჲ გემოჲსა გემოდ
Line: 17    
შეირაცხებოდედ, არამედ გემო[ჲ]სა-გან კიდე სხუად რად-მე.
Line: 18    
რამეთუ ყოველი ქმნადობაჲ ქმნასა-შინა არს, არამედ არა რომელი
Line: 19    
ქმნადობაჲ ერთბამად იქმნებისცა და ქმნილცა, არამედ საცნაურ არს,
Line: 20    
რომელ ნაწილობით; ხოლო მეგემოე იჩქითად* იგრძნობს: -- არა ვიდრე-მე

Page: 104  
Line: 1    
მოქმედებაჲ არს გემოჲ. მერმეცა, რამეთუ ყოველი ქმნადობაჲ
Line: 2    
არმყოფთაჲ არს, ხოლო გემოჲ -- გუარმყოფთაჲ, -- არა ვიდრე-მე
Line: 3    
ქმნადობაჲ არს გემოჲ.
Paragraph: 6  
Line: 4       
მერმეცა, რამეთუ ყოველი ქმნადობაჲ გჳანად და მსწრაფლიად
Line: 5    
ითქუმის, ხოლო გემოჲ არასადა; მერმეცა, რამეთუ კეთილთაჲ რომელი- მე
Line: 6    
ანაგებ არს, ხოლო რომელი-მე მოქმედება და რომელი-მე
Line: 7    
ორღანო: ანაგებ უკუჱ -- ვითარ სათნოებაჲ; ხოლო მოქმედებაჲ --
Line: 8    
ვითარ რაჲ მათი ქმნაჲ; და კუალად: ანაგებ უკუჱ -- ვითარ მხედველობაჲ,
Line: 9    
ხოლო მოქმედებაჲ -- ვითარ ხედვაჲ; ხოლო ორღანო -- რომლითა
Line: 10    
ვმოქმედებთ, ვითარცა თუალი და სიმდიდრე და სხუაჲ ესე-ვითარი.
Line: 11    
ყოველნი უკუჱ კეთილისა და ბოროტისა სულითნი ძალნი
Line: 12    
ანაგებთა რომელთა-მე არიან ძალ; რომელთა-მიერ, ანუთუ კეთილ
Line: 13    
ვიდრე-მე არს გემოჲ ანუ ბოროტ, ამათ-ოდენ-შორის იხილვების
Line: 14    
მხოლოდ. არამედ ანაგებ ვიდრე-მე არა არს; და არცათუ ვითარცა
Line: 15    
სათნოება: რამეთუ, თუმცა იყო სათნოება, არამცა ესრეთ მსწრაფლ
Line: 16    
და ადვილად შეიცვალებოდა წინააღმდგომისა მისისა მწუხარებისად;
Line: 17    
არცათუ ვითარ წინააღმდგომი მოკლებისაჲ, რამეთუ მებრ მისვე და
Line: 18    
ერთისა-თჳს ანაგები და მოკლებაჲ შეუძლებელ არს, -- არამედ ერთბამად
Line: 19    
ვიეთნი-მე იგემოვნებენცა და წუხანცა, ვითარ იგი მფხანელნი.
Line: 20    
არა ვიდრე-მე არს ანაგებ გემოჲ; არამედ არცათუ ორღანო, რამეთუ
Line: 21    
ორღანო სხუათა-თჳს ვინაჲ-მე და რა თჳთ თავისა-თჳს, ხოლო გემოჲ
Line: 22    
თჳთ თავისა-თჳს თჳსისა. არა ვიდრე-მე და არცა ორღანო არს გემოჲ.
Line: 23    
აკლს ესე, რათა მოქმედება ვინაჲვე იყოს [გემოჲ]. სადაჲთ
Line: 24    
უკუჱ არისტოტელი თჳთ მას განუსაზღვრებს მოქმედებად* მებრ ბუნებითთა

Page: 105  
Line: 1    
ანაგებთად დაუცილებელად, რამეთუ დამაცილებელი ბუნებითთა
Line: 2    
მოქმედებათაჲ მწუხარებაჲ არს. არამედ და კეთილბედნიერებაჲცა
Line: 3    
მოქმედებაჲ ვინაჲ-მე არს დაუცილებელი ბუნებითთა ანაგებთაჲ;
Line: 4    
რომლისა-თჳსცა შეემთხუჱვის აწ ამათ საზღვართა-ებრ, რათა
Line: 5    
კეთილბედნიერებაჲ იყოს გემოდ; და დასცილდების საზღვარსა ამას.
Line: 6    
რამეთუ .ნმამართლებელმან* უკუჱ საზღვარისამან განასაზღვრა გემოჲ,
Line: 7    
ვითარმედ აღსასრული არსო ცხოელისა დაუცილებელთა მოქმედებათა;
Line: 8    
ვითარმედ თანშეთხზულაო კეთილბედნიერებაჲ გემოსადა,
Line: 9    
არამედ არათუ იგივე და ერთი არს გემოჲ და კეთილბედნიერებაჲ.
Line: 10    
რამეთუ არავინაჲ ყოველი მოქმედებაჲ [მიდრეკა] არს, ** არამედ
Line: 11    
არს ვინაჲ-მე და მოქმედეიაჲ [თჳსიერ მიდრეკისა] და ვითარ
Line: 12    
პირველი მოქმედებს ღმერთი: რამეთუ პირველი ყოველთაჲ [მიმდრეკი]
Line: 13    
თჳთ [მიუდრეკ არს]; -- ესევითარი ვე და გონებით მხედველთაცა
Line: 14    
კაცთა-შორის მოქმედებაჲ. რამეთუ მიუდრეკელობისა-მიერ ვინაჲვე
Line: 15    
ხედული ერთი და იგივე სამარადისოდ და გაგონებაჲცა მხედვარისაჲ
Line: 16    
დადგომილ, რამეთუ მისვე და ერთისად სამარადისოდ აღრთხმულა.
Line: 17    
ხოლო გემოჲ ხედვისაჲ დიდ ვიდრე-მე არს და უფლებრივ და ჭეშმარიტ
Line: 18    
და მიუდრეკელობისა-გან ქმნილ; არამედ იუწყებოდედ, რომელ
Line: 19    
უდარესთა მიდრეკათა-გან ქმნილნი, რაოდენთა[-გან]ცა უდარე იყვნენ,
Line: 20    
ეგზომვე და უმცროჲს და უფროჲს არიან. თანგანიწვალებიან მოქმედებათა
Line: 21    
გემონიცა გუართა-ებრ, რამეთუ რაჲზომცა და მოქმედებათა
Line: 22    
გუარნი, ეგეზომცა და გემოთასი: კეთილთანი უკუჱ -- კეთილნი და

Page: 106  
Line: 1    
ბოროტთანი -- ბოროტნი. და საცნაურ იყვნენ, რომელ თჳთეულთა
Line: 2    
საგრძნოთაჲ სხუა და სხუა გუარნი, ეგრეთვე და გემოთანიცა; რამეთუ
Line: 3    
სხუა გემოჲ [გემოჲს-]ხილვისა და შეხებისაჲ, და სხუა -- სმენისა
Line: 4    
და ხედვისა და ყნოსისა. ხოლო უწმიდესნი გრძნობათანი არიან, რაოდენნი
Line: 5    
არ აერეოდინ საგრძნოთა გუართა, ვითარ -- ხედვაჲ და სმენაჲ
Line: 6    
და ყნოსაჲ. ხოლო გაგონებისა გუარნი ორ, -- და ამათ-შორისცა
Line: 7    
უწმიდეს მხედველობითი მოქმედებით[ი]სა, რამეთუ ორ ვინაჲ-მე
Line: 8    
არიან, ვითარ იგი -- საქმით[ი] და ხედვითი, -- და ამათდა თანმიდევნებულნი
Line: 9    
და შედგომილნი გუარნი [გემოთანიცა] ორ. არამედ კაცისა
Line: 10    
სასაკუთროჲ, ვითარ იგი კაც არს, გაგონებითნი გემონი, ხოლო საზიარო,
Line: 11    
ვითარ იგი ცხოველ არს, გრძნობითნი და სხუათა-მიმართცა
Line: 12    
ცხოველთა. არამედ, ვინაჲთგან გრძნობადთა გემოთა-ზედა სხუანი
Line: 13    
სხუათა იგემოვნებენ, არამედ არათუ რომელნი ბოროტთა კეთილად
Line: 14    
აღუჩნდებოდინ და კეთილ ვიდრე-მე არიან, არამედ რომელნი მოსწრაფეთა
Line: 15    
რამეთუ თჳთ თავსა-შორის თჳსსა არიას კეთილ. არამედ
Line: 16    
მსაჯულად და მებჭედ ყოველსა საქმესა-ზედა არათუ იგი და ვინცა
Line: 17    
ვინ დახუდეს, არამედ ჴელოვნებითა ზედმიცევნილი და ბუნებით
Line: 18    
ოდენ მოქმედი.



Next part



This text is part of the TITUS edition of Nemesios of Emessa, De natura hominum.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.