TITUS
Nemesios of Emessa, De natura hominum
Part No. 8
Previous part

Chapter: 8  
Page: 82  
Line: 1 
თავი VIII
Line: 2 
გემოჲს-ხილვისა-თჳს


Paragraph: 1  
Line: 3    არამედ ვინაჲვე მხედველობაჲ წინათა-შორის ვთქუთ, რამეთუ
Line: 4    წრფელთა წირთა-მიერ ინახვებს; ხოლო ყნოსაჲ და სმენაჲ არა
Line: 5    წრფლივ და მართლივ ოდენ, არამედ ყოველგნით; შეხებაჲ უკუჱ
Line: 6    და გემოჲს-ხილვაჲ არცა წრფელთა-მიერ წირთა და არცა ყოველგნით
Line: 7    იმეცნვის, არამედ მაშინ ოდენ, რაჟამს თანმიეხოს თჳსთა საგრძნოთა,
Line: 8    მაგრა გუართა განყოფილთა. არს უკუჱ გემოჲს-ხილვაჲ ბალღამთა
Line: 9    მიმთუალველ, ხოლო ორღანო მისდა: ენა და ამისი წუჱრი
Line: 10    ვინაჲვე უფროჲს, მერმეცა და ამასვე-თანა ზედაკერძოჲ სასისაჲ,
Line: 11    რომელსა-შორის არს ძარღჳ, ტჳნის-გან შთამომავალი და დაბრყჳლებული,
Line: 12    რომელი მიუქადაგებს მთავრობითსა ყოველთა მისდა შემთხუჱულთა.
Line: 13    ხოლო ბალღამთანი გემოჲს-ხილვითნი რომელობანი არიან
Line: 14    ესე: ტკბილობაჲ და მჟავეობაჲ, და მომმუხაობაჲ და მაჭმუხველობაჲ,
Line: 15    სიძნელე და სიმწარე, სიტუტე და სიმსუქნე. რამეთუ ამათდა
Line: 16    ვინაჲ-ვე არს გემოჲს-ხილვაჲ მეცნე. არამედ მებრ ამათ რომელობათა-ებრ
Line: 17    და წყალიცა* ურომელო ითქუმის, რამეთუ არცერთისა ამათ-განისა
Line: 18    მაჩუჱნებელი გემოჲს-ხილვასა-შორის რომელობისაჲ, არამედ

Page: 83  
Line: 1    სხუათა-ებრ, ვითარ იგი -- სიგრილისა და ნოტიოჲსა, ნერგ-ყოფად
Line: 2    რომელობათა. არამედ სიძნელე უკუჱ და მომმუხველო-ბაჲ
Line: 3    უფროჲს და უმცროჲს ურთი-ერთას განეყოფვიან. არამედ
Line: 4    უკუჱ მარტივნი გემოჲს-ხილვითნი რომელობანი ვინაჲ და
Line: 5    ესეოდენ არიან, ხოლო შედგმულნი -- ბევრეულ; რამეთუ თითოეულსა
Line: 6    გუარსა ცხოველთა და ნერგთასა განგუარებულნი და განყოფილნი
Line: 7    რომელობანი შეუდგან; რამეთუ სხუად ოდეს დახუდეს რაჲ
Line: 8    გემოჲს-ხილვასა-შორის ღორის ჴორცისა რომელობასა მიმთუალველნი
Line: 9    და სხუად -- თხისასა; რომლისა-თჳსცა და ოდეს არა უწყებულ ვიყვენით
Line: 10    წინადაგებულსა ჩუენდა ჴორცსა, თუ რომლისა იყოს გემოჲს-ხილვასა-შორის,
Line: 11    ვიუწყებთ, ვინაჲ ესემცა არა იყო, თუმცა არ განყოფილ
Line: 12    იყო თჳთეულთა გემოჲს-ხილვათა რომელობაჲ. რომლისა-თდსცა
Line: 13    არავინ სადა ესენი ტომობით გარეშეიცვნეს, რამეთუ უსაზღვრო
Line: 14    არიან და ყოვლით-ურთ ურთი-ერთას განყოფილ. რამეთუ
Line: 15    რომელთა-შორის გაძლიერდა ერთი მარტივთა რომელობათაჲ და
Line: 16    ამათ-შორისცა საცნაურ გუართა-ებრ გემოჲს-სახილავთა განყოფილებაჲ:
Line: 17    ლეღჳსა უკუჱ და ჩამიჩისა და ფინიკისა ერთმან ვინაჲვე დაიპყრა
Line: 18    რომელობამან -- სიტკბოებისამან, არამედ გემოჲს-ხილვაჲ ვინაჲვე
Line: 19    განჰყოფს გუართა განყოფილებასა.



Next part


This text is part of the TITUS edition of Nemesios of Emessa, De natura hominum.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.