და შემიყვანა მე ტაძრად, რომლისაჲ განზომა ელამი, წყრთათა ექუსთა სივრცე ერთ კერძ და წყრთათა ექუსთა სივრცე ელამისაჲ ერთ კერძ
და სივ\რცე Page of ms. Ga: 278r კარისა და სიფართე ბჭისა წყრთათა ათთაჲ და სამჴარნი ბჭისანი ხუთ წყრთაებ ამიერ და ხუთ წყრთაებ იმიერ; და განზომა სიგრძე მისი წყრთათა ორმეოცთაჲ და სივრცე წყრთათა ოცთაჲ.
და შევიდა ეზოდ უშინაგანესად და განზომა ელამი სიფართისაჲ წყრთათა ორთაჲ და კარი წყრთათა ექუსთაჲ და სამჴარნი სიფართისანი წყრთა შჳდთაჲ ამიერ და წყრთა შჳდთაჲ იმიერ.
და განზომა სიგრძე კართაჲ წყრთათა ორმეოცთაჲ და სივრცე წყრთათა ოცთაჲ პირისპირ ტაძრისა უფლისა და თქუა ჩემდამო: ესე წმიდაჲ წმიდათაჲ.
და განზომა ზღუდე სახლისაჲ წყრთათა ექუსთაჲ და სივრცე გუერდისაჲ წყრთათა ოთხთაჲ გარემოჲს მრგულივ სახლისა.
და გუერდისაჲ გუერდისა ზედა ოცდაათ და სამ ორგზის; და ხანი ზღუდესა შორის სახლისასა გუერდთა ზედა გარემო, რაჲთა იყოს შეახლებულთა სახილველ, რაჲთა ყოლადვე არ მიეხებოდინ ზღუდეთა სახლისათა.
და სივრცე გუერდისა ზენაკერძოჲსაჲ შედგმულებისაებრ გუერდთაჲსა ზღუდისაგან უზენაესისა მიმართ გარემოჲს სახლისა, რაჲთა განვრცნებოდის ზენაჲთ და ქუენათაგან აღვიდოდინ ქორედთა მიმართ და საშუალთაგან სამსართულთა მიმართ.
და ელეილნი და თროილნი სახლისანი; და ვიხილე სიმაღლე სახლისაებრ სიმაღლისა შორის გარემო მრგულივ და ხანი გუერდთაჲ სწორი ლერწმისაჲ წვრთამბ ექუს ხანი.
და სივრცე ზღ\უდისა Page of ed. 1709: 206b გუერდისაჲსაჲ გარეგნით წყრთათა ხუთთაჲ და ნეშტნი იგი საშუალ გუერდთა სახლისათა.
და საშუალ საყდართა მათ სივრცე წყრთათა ოცთაჲ გარემოსავლელი მრგულივ სახლისა.
და კარები საყდართაჲ ნეშტისა მიმართ კარისა მის ერთისა ჩრდილოდ მიმართისა სალოცველად წყრთათა ხუთთაჲ გარემოჲს; და კარი ერთი სამხრად მიმართ და სივრცე Page of ms. Ga: 278v ნათლისა დანეშტებულისაჲ, ადგილი ლოცვისაჲ, წყრთათა ხუთთაჲ სივრცე გარემო.
და განმზღრებელისაჲ პირისპირ დანეშტებულისა გზისაჲ, ვითარცა ზღჳსა მიმართ, -- წყრთათა სამეოცდაათთაჲ და სივრცე ზღუდისა განმზღვრებელისა წყრთათა ხუთთა სივრცე გარემოჲს; და სიგრძე მისი ოთხმეოცდაათთა წყრთათაჲ.
და განზომა დამართებით სახლისა სიგრძე წყრთათა ასთაჲ და დანეშტებულნი და განმაზღვრებელნი და ზღუდენი მათნი სიგრძით წყრთაებ ას.
და სივრცე პირისპირ სახლისა და ნეშტნი აღმოსავალად მიმართ წყრთათა ასთაჲ.
და განზომა სიგრძე განმასაზღვრებელისაჲ, პირისპირ დანეშტებულისა უკუანა კერძოჲსა სახლისა მის. და დანეშტებულნი აქაჲთ და იქით წყრთათა ასთანი სიგრძედ და ტაძარი შინაგანი და კუთხნი და ელამი გარეშემობაგულნი.
და სარკუმელნი ბადეედნი და განსანათლებელი მრგულივ სამთასა, რაჲთა იჭჳრებოდის სახლიცა და მახლობელნი, მომშჭუალულ გარემოჲს მრგულივ და იატაკი და იატაკითგან ვიდრე სარკუმელთამდე და სარკუმელნი განხუმულ სამწილად საჭჳრობელად.
და ვიდრე სიახლემდე სახლისა გარეშისა და ვიდრე შინაგანისამდე და ყოველსა ზედა კედელსა Page of ed. 1709: 207a მრგულივ შინაგანსა ზედა და გარეშესა ზედა ზომდა
გამოწახნაგებულთა ქერუვიმთა და ფინიკთა და ფინიკი საშუალ ქერუვიმთასა და ქერუვიმთასა, ორნი პირნი ქერობინსა:
პირი კაცისაჲ ფინიკისა მიმართ ამიერ და პირი ლომისაჲ ფინიკისა მიმართ იმიერ, გამოწახნაგებულ ყოველი სახლი გარემო.
იატაკითგან ვიდრე მობაგულამდე ქერუვიმნი და ფინიკნი წახნაგებულნი.
და სიწმიდე და ტაძარი განღებულ ოთხკიდედ და პირისპირ წმიდათასა ხილვაჲ, ვითარცა შესახედავი
საკურთხეველისა ძელისაჲსა, წყრთათა სამთაჲ სიმაღლე მისი და სიგრძე წყრთათა ორთაჲ და სივრცე წყრთათა ორთაჲ; და რქანი აქუნდეს, Page of ms. Ga: 279r ხარისხი მისი და ზღუდენი მისნი ძელისანი, და თქუა ჩემდამო: ესე ტრაპეზი წინაშე პირსა უფლისასა.
და ორნი კარებნი ტაძრისანი და წმიდისა კარებნი, ხოლო ორთა მათ კარებთა ქცევითთა
ორი კარები ერთსა და ორი კარები მეორესა.
და ნაწახნაგები მის ზედა და კარებთა ზედა ტაძრისათა, ქერუვიმნი და ფინიკნი ნაწახნაგებისაებრ წმიდათაჲსა და მწრაფლები ძელები წინაშე პირსა ელამისასა გარეთ.
და სარკუმელნი ფარულნი და განზომა ამიერ და იმიერ სართულებთა მიმართ ტაძრისა ელამისაჲსათა: და გუერდნი სახლისანი შეუღლვილებ.
