და შემიყვანა მე ეზოდ გარეშედ აღმოსავალით კერძოდ, პირისპირ ბჭისა ჩრდილოდ მიმართისა, და შემიყვანა მე და აჰა საყდარნი ხუთნი, მახლობელნი ნეშტისანი და მახლობელნი განმაზღვრებელისანი ჩრდილოჲთ კერძო პირისპირ.
წყრთითა ასითა სიგრძით ჩრდილოდ მიმართ და სივრცით წყრთითა ერგასისითა.
გამოწერილნი, ვითარ სახ\ედ Page of ed. 1709: 207b ბჭენი ეზოჲსა შინაგანისანი და ვითარ სახედ გარემო სუეტები ეზოჲსა გარეშისანი, განწესებულნი წინაშე პირისა სტოანი სამწილნი.
და პირისპირ საყდართასა არდაბაგაჲ ათთა წყრთათაჲ, სივრცით წყრთათა ასთა, სიგრძე შინაგანად მიმართ გზად წყრთისა ერთისა; და კარები მათი ჩრდილოჲთ კერძები
და არდაბაგები; ქორედები ეგრეთვე, რამეთუ გამოემატებოდა გარემოჲ სუეტი მისგან ქუეშე კერძოჲსაგან გარემოჲსისა სუეტისა, და ხანი ესრეთგამოჲ სუეტი და ხანი და ესრეთ სტოანი.
მით რამეთუ სამკეც იყვნეს და სუეტნი არ აქუნდეს, ვითარცა სუეტნი გარეშეთანი, ამისთჳს გაჰმატდეს ქუეშე კერძო და საშუალთაგან ქუეყანით ერგასისნი.
და ნათელი გარეშე, ვითარ სახედ საყდარნი ეზოჲსა გარეშისანი, მხედველნი პირისპირ საყდართა ჩრდილოდ მიმართთანი, სიგრძე წყრთათა ერგასისთაჲ;
რამეთუ სიგრძე საყდართა, მხედველთაჲ გარეშედ მიმართ ეზოდ, იყო წყრთათა ერგასისთაჲ; და ესენი არიან პირისპირნი, ესე ყოველი წყრთათა ასთაჲ.
და კარები საყდართაჲ ამათ შესავალისათაჲ აღმოსავალით Page of ms. Ga: 279v შესავალად მათ მიერ ეზოისაგან გარეშისა.
ნათლისაებრ დასაწყისსა შორის არდაბაგისასა და სამხრად მიმართ, პირისპირ სამხრისაჲსა, პირისპირ დანეშტებულისა და პირისპირ განმსაზღვრებელისა, და საყდარნი და არდაბაგაჲ
პირისპირ მათსა საზომთაებრ საყდართაჲსა, გზათა ჩრდილოდ -მიმართთა, და სიგრძისაებრ მათისა და სივრცისაებრ მათისა და ყოველთაებრ გამოსავალთა მათთა და ყოველთაებრ ქცეულებათა მათთა, და ნათელთაებრ მათთა და განსაზიდთაებრ მათთა.
საყდართა სამხრად მიმართთაჲსა, და განსაზიდთაებრ არდაბაგის დასაწ\ყისთაჲსა, Page of ed. 1709: 208a ვითარცა ნათლად მიმართ, ხანი ლელწმისაჲ; და აღმოსავალით კერძო შესლვად მის მიერ.
და თქუა ჩემდამო: დასასხდომელნი ესე ჩრდილოჲთ კერძნი და დასასხდომელნი სამხრით კერძნი, მყოფნი პირისპირ ხანებისა, ესე არიან საყდარნი წმიდისანი, რომელთა შინა ჭამოდიან მღდელნი მუნ, ძენი სადუკისნი, მახლობელნი უფლისა მიმართ წმიდათა წმიდათასა, და მუნ დადვოდიან წმიდათა წმიდათასა, ძღუენთაცა და მსხუერპლსა და ცოდვისა ძლითთა და უმეცრებისა ძლითთა, მით რამეთუ ადგილი წმიდა არს.
არ შევიდოდინ მუნ გარეშე მღდელთაჲსა; და არ გამოვიდოდინ წმიდათაგან გარეშედ მიმართ ეზოდ, რაჲთა მარადის წმიდა იყვნენ შემწირველნი და მუნ დაჰკრებდენ სამოსელთა მათთა, რაჲთა არა შეეხებოდენ შესამოსელსა მათსა, რომელნი მწირველობენ მათ, რამეთუ წმიდა არიან; და შეიმოსდენ შესამოსელთა სხუათა, ოდეს შევხებოდინ ერსა.
და დასრულდა განზომაჲ სახლისაჲ შინაგან და განმიყვანა მე გზისაგან ბჭისა, მხედველისა აღმოსავალით კერძო, და განზომა მაგალითი სახლისაჲ მრგულივ განწესებით.
და დადგა სამხრით კერძო ბჭისა, მხედველისა აღმოსავალით კერძო, და განზომა ხუთასი საზომითა ლელწმისაჲთა.
და მოიქცა ჩრდილოდ მიმართ და განზომა პირისპირ ჩრდილოჲსა ხუთასი საზომითა ლელწმი\საჲთა.
და მიიქცა ზღუად მიმართ და განზომა პირისპირ ზღჳსა ხუთასი საზომითა ლელწმისაჲთა.
და მიიქცა სამხრად მიმართ და განზომა პირისპირ სამხრისა ხუთასი საზომითა ლელწმისაჲთა,
ოთხთავე მიმართ განზომა კერძოთა მითვე ლელწმითა და განაწესა იგი და ზღუდე მისი მრგულივ ხუთასნი წყრთანი აღმოსავალით კერძო; და ხუთასთა წყრთათა სივრცე განსაწვა\ლებელად Page of ed. 1709: 208b საშუალ წმიდათა და საშუალ წინმოზღუდვილობისა, განწესებისაებრ სახლისაჲსა.
