და იქმნა სიტყუაჲ უფლისაჲ ჩემდამო მეტყუელი:
და შენ, ძეო კაცისაო, მოიღე სორსა ზედა გოდებაჲ
და ჰრქუა სორსა, დამკჳდრებულსა შესავალსა თანა ზღჳსასა, სავაჭროსა ერთა ჭალაკთაგან მრავალთასა, ამათ ეტყჳს ადონაი უფალი სორსა: შენ სთქუ, მე შევიმოსე თავსა ჩემსა სიკეთე.
გულსა შინა ზღჳსასა, ბეეელიმსა, ძეთა შენთა შეგმოსეს შენ სიკეთე.
ნაძჳ სანირით Page of ms. Ga: 264v გეშენა შენ [პებულნი ფიცართა კჳპაროსისათანი]. ლიბანით მოღებულ იქმნეს ქმნად შენდა ანძათა სანავეთა.
ბასანით გამო ყვნეს სარეველნი შენნი, ტაძარნი შენნი პილოჲს ძუალისაგან, სახლნი სერტყოანნი ჭალაკთაგან ქეტტიიმისათა.
ბისონი ჭრელებსა თანა ეგჳპტით იქმნეს შენდა სარეცელად, შემოსად შენდა დიდებაჲ და მობლარდნად შენდა ჳაკინთე და პორფირი ჭალაკთაგან ელისეჲესთა იქმნეს სამოსელნი შენნი.
და მთავარნი შენნი, დამკჳდ\რებულნი Page of ed. 1709: 185b სიდონს, და არაბნი იქმნეს ნიჩბის მცემელ შენდა. ბრძენნი შენნი, სორ, რომელნი იყვნეს შენ შორის, ესენი მმართებელებ შენდა.
მოხუცებულნი წიგნთანი და ბრძენნი მათნი, რომელნი იყვნეს შენ შორის, იგინი განაძლიერებდეს განზრახვასა შენსა. და ყოველნი ნავნი ზღჳსანი და ნიჩბის მცემელნი მათნი იყვნეს შენ შორის მიმგებელ შერევნასა შენსა და გექმნნეს შენ დასავალთა ზედა დასავალთასა.
სპარსნი და [ლჳდნი] და ლიბჳელნი, იყვნეს ძალად შენდა, კაცნი მბრძოლნი შენნი, რომელთა ფარები და ჩაფხუტები დაჰკიდეს შენ შორის, მათ მოსცეს დიდებაჲ შენი.
ძენი არადიელთანი და ძალი შენი ზღუდეთა შენთა ზედა მრგულივ იყვნეს, არამედ და მიდუნიცა გოდლებსა შენსა შინა იყვნეს მცველებ; კაპარჭნი მათნი დამოჰკიდნეს სამართთა შენთა ზედა გარემო, ამათ განასრულეს სიკეთე შენი.
კარქიდონელნი ვაჭარ შენდა, სიმრავლისაგან ყოვლისა ძალისა შენისა, ვეცხლი და ოქროჲ და რვალი და რკინაჲ და კალაჲ და ბრპენი მოსცეს სავაჭროსა შენსა.
ელლადაჲ ყოველი და განმავრცობელნი მისნი ვაჭრობდეს შენ შორის სულებსა კაცთასა და ჭურჭელნი რვალისანი მისცნეს სავაჭროდ შენდა.
სახლისაგან თორგამოჲსსა ცხენნი და ცხენოსანნი და კერძოვირნი მისცნეს სავაჭროდ შენდა.
ძენი როდელთანი, ვაჭარნი შენნი ჭალაკთაგან, განამრავლებდეს სავაჭროსა შენსა, რქათა და კბილთა პილოჲსათა Page of ms. Ga: 265r მომავალთა ნაცვლად მისცემდ სასყიდელსა შენსა.
[კაცთა, ვაჭართა] შენთა, სიმრავლისაგან შემყოფისა შენისა შტახსი და პორფირი და ბისონი და ჭრელებულნი თარშით და რამოთით და ხორხორით მოსცნეს საფარდულსა შენსა.
იუდა და ძენი ისრაჱლისნი ეს\ენი Page of ed. 1709: 186a ვაჭარ შენდა იფქლისა ფრდასა შინა; და მიჰრონნი და კასიანი და პირველი თაფლი და ზეთი და რეტინი მისცეს შემყოფისა მიმართ შენისა.
დამასკოჲ -- სავაჭრო შენდა სიმრავლითა საქმეთა შენთაჲთა, სიმრავლისაგან ყოვლისა ძალისა შენისა, ღჳნოჲ ქელბონით და მატყლი მილიტონით,
ღვინოჲ, დედან, იოვან და მეოზელ სავაჭროდ შენდა მოსცეს; ასილით რკინაჲ ქმნული და ეტლის თუალი შემყოფისა შენისა შორის არს.
დედან საფარდულ შენდა საცხოვართა თანა რჩეულთა საეტლედ.
არაბიაჲ და ყოველნი მთავარნი კედარისანი -- ესენი ვაჭარ შენდა ჴელისათა მიერ შენთა აქლემებსა და ვერძებსა და ტარიგებსა და აგარაკებსა, რომელთა მიერ გვაჭრობდეს შენ.
ვაჭარნი საბაჲსანი და რათმაჲსანი -- იგინი ვაჭარ შენდა პირველთა თანა სულნელთა და ქვათა კეთილთა, რომელთა ოქროჲცა მოსცეს სავაჭროსა შენსა.
ხარრანი და ძალანი და დედანი -- ესე ვაჭარნი შენნი, საბლ და ასური და ხარვანი -- მოფარდულებ შენდა.
მომღებელ სავაჭროსა ჳაკინთსა და ჭრელთა და საუნჯეთა რჩეულთა, შეკრულთა საბლებითა და ნავთა შინა კჳპაროზისათა, მათ შორის ვაჭარნი შენნი.
კარქიდონელნი ვაჭარნი შენდა; სიმრავლისა თანა შემყოფისა შორის შენისა და აღივსე და დაჰმძიმდი ფრიად გულსა შენსა ზღჳსასა.
წყლისა შორის მრავლისა მოგიყვანეს შენ ნიჩბის მცემელთა შენთა; ქარმან სამხრისამან შეგმუსრა შენ შორის გულსა ზღჳსასა.
ძალნი შენნი და მმართებელნი შენნი და განმზრახნი შენნი და შემყოფნი შენნი და ნიჩბის მცემელნი შენნი და თან-შემყოფნი თან-შეყოფისა შენისანი და ყოველნი კაცნი, მბრძოლნი შენნი, შენ შორის. და ყოველი კრ\ებული Page of ms. Ga: 265r შენ შორის დაეც\ნენ Page of ed. 1709: 186b საშუალ გულსა ზღჳისასა დღესა მას დაკუეთებისა შენისასა.
ჴმითა ღაღადებისა შენისაჲთა მმართებელნი შენნი შიშითა შეშინდენ.
და შთამოვიდენ ნამთაგან მათთა ყოველნი ნიჩბის მცემელნი შენნი და ეპივატნი შენნი და მპირველობნი ზღჳსანი ქუეყანასა ზედა დადგენ.
და ვალალაებდენ შენ ზედა ჴმითა მათითა და ღაღადებდენ მწარედ და ზედ დაიდვან მიწაჲ თავსა ზედა და ნაცარი დაირეცონ.
და იმტიერნენ შენ ზედა მტიერობანი; და გარე-მოირტყან ძაძაჲ და ტიროდინ შენ ზედა სიმწარითა სულისაჲთა და ტყებაჲ მწარე მოიღონ შენ ზედა.
და აღიღონ შენ ზედა ძეთა მათთა გოდებაჲ და გოდებდენ გოდებათა სორისათა: ვინ, ვითარ ტჳროსი, დადუმებული საშუალ ზღჳსა?
რაოდენი რაჲმე ჰპოვე სასყიდელი ზღჳსაგან? აღავსე6 ნათესავნი სიმრავლისაგან შენისა და შემყოფისაგან შენისა და ზედ-შეყოფისა შენისა განამდიდრენ ყოველნი მეფენი ქუეყანისანი.
აწ შეიმუსრე ზღუასა შინა სიღრმესა შორის წყლისასა. შემყოფი შენი და ყოველი კრებული შენი საშუალ შენსა დაეცნეს ყოველნი ნიჩბის მცემელნი შენნი.
ყოველნი მკჳდრნი ჭალაკთანი დაჭმუნდეს შენ ზედა და მეფენი მათნი განკრთომით განჰკრთეს და ცრემლოოდა პირი მათი შენ ზედა.
ვაჭართა წარმართთასა დაგისტჳნეს შენ, წარსაწყმედელად იქმენ და არა მერმე იყო უკუნისამდე.
