და იქმნა სიტყუაჲ უფლისაჲ ჩემდამო მეტყუელი:
და შენ, ძეო კაცისაო, შჯი, თუ შჯი ქალაქსა მოსისხლეთასა და უჩუენენ მას ყოველნი უშჯულოებანი მისნი.
და სთქუა: ამათ იტყჳს ადონაი უფალი: ჵ ქალაქო, დამთხეველო სისხლთაო საშუალ შენსა, მოსლვად ჟამისა შენისა და მყოფო გულისზრახვათაო, ძჳნად თავისა თჳსისა შეგინებად Page of ms. Ga: 260v მისსა!
სისხლთა მიერ მათთა, რომელთა დასთხევდ, გიბრკუმა და გულისზრახვათა შინა შენთა, რომელთა ჰყოფდ, შეიგინებოდე; და მიეახლე დღეთა შენთა და მოიყვანე ჟამი წელიწადთა შენთაჲ; ამისთჳს მიგეც შენ საყუედრელად წარმართთა და სამღერელად ყოველთა სოფლებთა,
მახლობელთა შენდამი და შორად განშორებულთა შენგან, და იმღეროდინ შენდამი, და ჴმა-ყონ შენ ზედა, არაწმიდა ხარ სახელოანი და ფრიადი უშჯულოებათა შინა შენთა!
აჰა მიმთხრობელნი სახლისა ისრაჱლისანი კაცადი ნათესავთა მიმართ თჳსთა აღ\ერეოდა Page of ed. 1709: 178b შენ შორის, რაჲთა დასთხიონ სისხლი.
მამასა და დედასა ძჳრსიტყუვიდეს შენ შორის და მწირისა მიმართ გარე-მიიქცეოდეს უსამართლოდ შენ შორის, ობოლსა და ქურივსა ჰმძლავრობდეს შენ შორის!
და წმიდათა ჩემთა შეურაცხჰყოფდეს და შაბათთა ჩემთა შეაგინებდეს შენ შორის.
კაცნი ავაზაკნი იყვნეს შენ შორის, რაჲთა დასთხევდენ შენ შორის სისხლსა, მთათა ზედა ჭამდეს შენ შორის და არა ღირსთა ჰყოფდეს შორის შენსა,
სირცხჳლი მამისაჲ გამოაცხადეს შენ შორის და არაწმიდებასა შინა წიდოანსა დაამდაბლებდეს შენ შორის.
კაცადი ცოლსა მოყუსისა თჳსისა იუშჯულოებდეს და კაცადი სძალსა თჳსსა შეაგინებდა უთნოობით და კაცადი დასა თჳსსა, ასულსა მამისა თჳსისასა, დაამდაბლებდა შენ. შორის;
ძღუენთა უსამართლოთა მიისუმიდეს შენ შორის, რაჲთა დასთხიონ სისხლი; ვახშსა და განნამრავლებსა მიიღებდეს შენ შორის და შესრულებულ ვყო თანამონათესავეობაჲ უკეთურებისა შენისა მძლავრებისმიერისაჲ ხოლო მე დამივიწყე, იტყჳს ადონაი უფალი.
და უკუეთუ დავსცე ჴელი ჩემი ჴელისა მიმართ მათ ზედა, რომელნი აღასრულნე და რომელნი ჰყვენ, და სისხლთა ზედა შენთა, ქმნილთა შენ შორის.
უკუეთუ მოთმინე იქმნეს გული შენი, უკუეთუ უძლონ ჴელთა შენთა დღეთა შინა, რომელთა მე ვჰყოფ შენ შორის, მე უფალმან ვთქუ და ვყო.
და განგაბნიო შენ წარმართთა შორის და განგთესო შენ სოფლებსა შორის და მოღებულ იქმნეს არაწმიდებაჲ Page of ms. Ga: 261r შენი შენ შორის
და დავიმკჳდრო შენ შორის, წინაშე თუალებსა წარმართთასა, და სცნათ, ვითარმედ მე ვარ უფალი.
და იქმნა სიტყუაჲ უფლისაჲ ჩემდამო მეტყუელი:
ძეო კაცისაო, აჰა იქმნა ჩემდა სახლი ისრაჱლისაჲ აღრეულ ყოველნი -- რვალ და კალა და რკინა და ბრპენ შორის საჴუმილსა ვეცხლი\სასა Page of ed. 1709: 179a აღრეულნი არიან.
ამისთჳს არქუ: ამათ იტყჳს ადონაი უფალი: მათ წილ, რომელ იქმნენით ყოველნი ერთშეზავება, ამისთჳს მე შევიწყნარნე თქუენ საშუალ იერუსალჱმისა;
ვითარცა შეიწყნარებს ვეცხლი და რვალი და რკინაჲ და ბრპენი და კალაჲ შორის საჴუმილისა გამობერვად მისდამი ცეცხლსა გამოსადნობელად, ეგრეთ შეგიწყნარნე თქუენ რისხვასა შინა ჩემსა და შეგკრიბნე და დაგადვნე თქუენ.
და მოვჰბერო თქუენდამი ცეცხლითა რისხვისა ჩემისაჲთა და გამოიდვნეთ შორის მისსა.
ვითარ სახედ გამოდნების ვეცხლი შორის ბრძმედსა, ეგრეთ გამოიდვნეთ შორის მისსა და სცნათ, ვითარმედ მე უფალმან მივჰფინე გულისწყრომაჲ ჩემი თქუენ ზედა.
და იქმნა სიტყუაჲ უფლისაჲ ჩემდამო მეტყუელი:
ძეო კაცისაო, არქე მას: შენ ხარ ქუეყანაჲ არდამლტვარი, არცა წჳმაჲ იქმნა შენ ზედა დღესა შინა რისხვისა შენისასა!
რომლისა მიმთხრობელნი შორის მისსა, ვითარცა ლომნი მყჳრალნი, მტაცებელნი ნატაცებთანი, შემჭამელნი სულთანი მძლავრებით, სიმდიდრესა და პატივთა მიიხუმენ სიცრუით და ქურივნი შენნი განმრავლდეს შენ შორის.
და მღდელთა მისთა შეურაცხ-ყვეს შჯული ჩემი და მწიკულევან ჰყოფდეს წმიდათა ჩემთა, შორის წმიდისა და ბილწისა არ განარჩევდეს და შორის წმიდისა და არაწმიდისა არ განარჩევდეს; და შაბათთაგან ჩემთა დაიფარვიდეს თუალთა მათთა და შევიგინებოდე შორის მათსა.
მთავარნი მისნი შორის მისსა, ვითარცა მგელნი, მტაცებელნი ნატაცებთანი დათხევად სისხლისა, წარწყმედად სულებისა, რაჲთა ანგაჰრებასა ანგაჰრობდენ".
და წინაწარმეტყუელნი მისნი მცხებელნი მათდა ვეცხლისანი დაეცნენ, მხედველნი ამაოთანი Page of ms. Ga: 261v მემისნენი ცრუთანი, ამათ იტყჳს ადონაი უფალი, და უფალი არა იტყოდა.
ერსა ქუეყანისა\სა Page of ed. 1709: 179b გამომწურველნი უსამართლოდ და დამტაცებელნი ნატაცებთანი, გლახაკისა და დავრდომილისა მიმხუეჭელნი და მწირისა მიმართ ართანამქცევნი სიმართლით.
და ვეძიებდ მათგან კაცსა, მქცევსა მართლიად და მდგომსა წინაშე პირისა ჩემისა ყოვლითურთ ჟამსა შინა რისხვისასა, რაჲთა არა სრულიად მოისპოს იგი და ვერ ვპოე.
და მივჰფინე მის ზედა გულისწყრომაჲ ჩემი ცეცხლითა რისხვისა ჩემისაჲთა მოსრულებად მისსა; გზანი მათნი თავთა მიმართ მათთა მივსცენ, -- იტყჳს ადონაი უფალი.
