TITUS
Vetus testamentum iberice, redactio Gelatica
Part No. 213
Previous part

Chapter: 15  
თავი : 15


Verse: 1   Link to oskijer Link to mcat Link to sept   და იქმნა სიტყუაჲ უფლისაჲ ჩემდამო მეტყუელი:

Verse: 2   Link to oskijer Link to mcat Link to sept   და შენ, ძეო კაცისაო, რაჲმცა ეყო ხესა ვენაჴისასა, ყოველთაგან ნერგთა, მყოფთა ხეთა შორის მაღნარისათა?

Verse: 3   Link to oskijer Link to mcat Link to sept   უკუეთუ მოიღონ მისგან ძელი შესაქმედ საქმარისა, მოიღონ მისგან მანაჲ დაკიდებად ყოველი ჭურჭელი მის ზედა?

Verse: 4   Link to oskijer Link to mcat Link to sept   თჳნიერ ცეცხლისა მიეცეს განსალევნელად, წლითი წლადსა განწმედასა მისსა განჰლევს ცეცხლი და მოაკლებს სრულიად; ნუ საქმარ იყოს საქმრად?

Verse: 5   Link to oskijer Link to mcat Link to sept   და არცა მერმე ყოფასაღა მისსა ყოვლად სრულიად არა იყოს საქმრად, რამეთუ ცეცხლმან ღათუ განლიოს იგი სრულიად, უკუეთუ შეიქმნას საქმრად მერმე?

Verse: 6   Link to oskijer Link to mcat Link to sept   ამისთჳს ვთქუა, ამათ იტყჳს ადონაი უფალი: ვითარ სახედ ხჱ ვენაჴისაჲ ხეთა შორის მაღნარისათა, რომელი მივეც ცეცხლსა განსალევნელად იგი, ეგრეთ მივსცენ მკჳდრნი იერუსალჱმს შინა.

Verse: 7   Link to oskijer Link to mcat Link to sept   და მივსცე პირი ჩემი მათ ზედა; ცეცხლისაგან გამოვიდენ და ცეცხლმან შეჭამნეს იგინი; და ცნან, ვითარმედ მე ვარ უფალი განმტკიცებასა შინა პირისა ჩემისასა მათ ზედა.

Verse: 8   Link to oskijer Link to mcat Link to sept   და მივსცე ქუეყანაჲ უჩინოსაქმნელად, მათ წილ, რომლითა დაეკუეთნეს შეცოდებითა, -- იტყვს ადონაი უფალი.




Next part


This text is part of the TITUS edition of Vetus testamentum iberice, redactio Gelatica.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.