Page of ms. Ga: 240v სიტყუაჲ, რომელი იქმნა იერემიაჲს მიმართ წინაჲსწარმეტყუელისა უცხო-ტომთა ზედა პირველ განწყობისა ფარაოჲს ღაზაჲსა.
ამათ იტყჳს უფალი: აჰა წყალნი აღმოვლენ ჩრდილოჲთა {!} და იყვნენ ღუარად წარმრღუნელად და წარრღუნან ქუეყანაჲ და სავსებაჲ მისი, ქალაქი და დამკჳდრებულნი მას შინა და ღაღადებდენ კაცნი და ვალალებდენ ყოველნი დამკჳდრებულნი ქუეყანისანი
მისაგან მიმართებისა მისისა და საჭურველები[საგან] ფერჴთა მათთა ძლიერთაჲსა და ძრვისაგან ეტლთა მათთაჲსა და ჴმისა ურმის-თუალთა მათთაჲსა. არა მოიქცეს მამანი ძეთა ზედა მათთა [4] მორჩილებისაგან ჴელთა მათთაჲსა.
დღესა შინა, მომავალსა წარწყმედად ყოველთა უცხო ტომთა; და განვრყუნე ტჳროსი და სიდონი და ყოველნი ნეშტნი შემწეობისა მათისანი, რამეთუ მოჰსრავს უფალი დაშთომილთა ჭალაკებისათა.
ახს სიმტიერე ღაზასა ზედა, განვარდა ასკალონი და ნეშტნი ენაკიმეთნი.
ვიდრემდის შეჰკრბებოდით, ვიდრემდის ჰკუეთ [6], მახჳლო უფლისაო? ვიდრემდის არა დაჰყუდნები? კუალადეგე ქარქაშსა შენსა, განისუენე და დაყუდენ.
ვითარ დაყუდნეს? და უფალმან ამცნო მას ასკალონსა ზედა და ზღჳს-კილისათა ზედა და ნეშტთა ზედა აღდგომად Page of ms. Ga: _ .
