TITUS
Vetus testamentum iberice, redactio Gelatica
Part No. 191
Previous part

Chapter: 45  
თავი 45



Verse: 1   Link to oskijer Link to mcat Link to sept   სიტყუაჲ, რომელ თქუა იერემია წინაჲსწარმეტყუელმან ბარუქის მიმართ, ძისა ნირისსა, ოდეს დაწერნა სიტყუანი ესე წიგნსა შინა პირისაგან იერემიაჲსსა წელსა მეოთხესა იოაკიმ. [ძისა] იოსიაჲსისა, მეფისა იუდაჲსსა.

Verse: 2   Link to oskijer Link to mcat Link to sept   ასრე თქუა უფალმან ღმერთმან ისრაჲლისმან შენ ზედა, ბარუქ,

Verse: 3   Link to oskijer Link to mcat Link to sept   რამეთუ სთქუ: ვაჲმე, ვაჲმე, რამეთუ შესძინა უფალმან შრომაჲ ტკივილსა ზედა ჩემსა; დავიძინე სულ-თქუმათა შინა, განსუენებაჲ ვერ ვპოე.

Verse: 4   Link to oskijer Link to mcat Link to sept   არქუ მას: ესრეთ თქუა უფალმან: აჰა მე აღვაშენე, მე დავარღუევ, და რომელნი დავჰნერგენ, მე აღმოვფხურნე მით ქუეყანითურთ ყოვლით.

Verse: 5   Link to oskijer Link to mcat Link to sept   Page of ed. 1709: 122a  და შენ ეძიებ თავისა შენისა დიდთა? ნუ ეძიებ, რამეთუ აჰა მოვაწევ მე ძჳრთა ყოველსა ზედა ჴორციელსა, იტყჳს უფალი და მივსცე სული შენი მოსაშოვნელად ყოველსა შინა ადგილსა, სადაცა ხჳდოდი მუნ.



Next part


This text is part of the TITUS edition of Vetus testamentum iberice, redactio Gelatica.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.