სიტყუაჲ, ქმნილი იერემიაჲს მიმართ უფლისა მიერ შემდგომად წარგზავნისა ნაბუზარდანის მიერ მთავარქონდაქარისა რადამანით მოყვანებად იგი ჴელ-ბორკილითა ყოვლისა თანა განსახლვისა იუდაჲსსა, წარყვანებადთა ბაბილონდ.
და მოიყვანა იგი მთავარ-ქონდაქარმან და ჰრქუა მას უფალმან ღმერთმან შენმან თქუნა ბოროტნი ესე ადგილსა ამას ზედა.
და მოაწინა და ქმნა უფალმან, ვითარცა თქუნა, რამეთუ შესცოდეთ მას და არა ისმინეთ ჴმისა მისისა და იქმნა თქუენდა Page of ed. 1709: 116a სიტყუაჲ ესე:
და აწ აჰა განგჴსენ შენ ჴელ-ბორკილთა ჴელთა შენთა ზედათაგან დღეს უკუეთუ კეთილ არს წინაშე შენსა მოსლვაჲ ჩუენ თანა ბაბილონდ, მოვედ და დავადგინნე თუალნი ჩემნი შენ ზედა,
და თუ ბოროტ არს თუალთა შენთად მოსლვაჲ ჩუენ თანა ბაბილონდ, დადეგ და აჰა ყოველი ქუეყანაჲ წინაშე შენსა; სადაცა არს კეთილ და წრფელ შენდა სლვად, მუნ წარ[ვ]ედ და პირველ ცვალებად ჩემდამდე ვიდოდე შენ [5] და მიიქეც გოდოლიაჲს მიმართ, ძისა აქიკამისა, ძისა საფანისსა, რომელი დაადგინა მეფემან ბაბილონელმან ქუეყანასა ურიასტანისასა და დაემკჳდრე მის თანა შორის ერისა; ხოლო უკუეთუ არა, ყოველნი კეთილნი თუალთა შენთა წინა, სლვად ვიდოდე. და მისცა მას მთავარქონდაქარმან საგარი და ნიჭი და წარგზავნა იგი.
და მოვიდა იერემია გოდოლიაჲს მიმართ, ძისა აქიკამისა, მასიფად და დაჯდა მის თანა საშუალ ერისა, დაშთომილისა ქუეყანასა მას.
და ისმინეს ყოველთა მთავართა ძალისა, ველის შინაჲსათა მათ, და ძალთა მათთა, ვითარმედ დაადგინა მეფემან ბაბილონისამან გოდოლია, ძე აქიკამისი, ქუეყანასა ზედა და, ვითარმედ შე[ჰ]ვედრა მას მამები და დედები მათი და ერი მრავალი და გლახაკთაგან ქუეყანისათა, რომელნი არ განასახლნა ბაბილონდ.
და მოვიდეს გოდოლიაჲს მომართ მასსიფად ისმაილ, ძე ნათანისი, და იონან და იონათან, ძე კარიეჲსი, და სარეა, ძე თანაემითისი და ძენი ოფითისნი ნეტოფათისისანი, და იეზონის, [ძე] მაქაათისი, იგინი და მამაკაცნი მათნი.
და ეფუცა მათ გოდოლია, ძე აქიკამისი, ძისა საფანისი, და მამაკაცთა მათთა, მეტყუელი: ნუ გეშინინყე პირისაგან ყრმათა ქალდეველთაჲსა; დაეშენენით ქუეყანასა ზედა და უქმოდეთ მეფესა Page of ed. 1709: 116b ბაბილონისასა და უმჯობეს იყოს თქუენდა.
და აჰა მე ვზი მასიფას შინა დგომად წინა პირსა ქალდეველთასა, რომელნი მო-თუ-ვიდენ თქუენ ზედა; და თქუენ შეიკრიბეთ ღჳნოჲ და ხილი და შეკრიბეთ ზეთი ჭურჭელთა თქუენთა და დაეშვნენ.შთ ქალაქთა თქუენთა, რომელთა შენ დაგეპყრნეს.
და ყოველთა იუდეანთა, ქუეყანისა მოაბისათა, და ძეთა ამმონისთა შორისთა და იღუ.მესას შინაჲსთა და ყოვლისა ქუეყანისა შორისთა, ესმა, ვითარმედ მისცა მეფემან ბაბილონისამან ნეშტი იუდეას შინა, ვითარმედ დაადგინა მათ ზედა გოდოლია, ძე აქიკამისი, ძისა საფანისი და მოიქცეს იუდეანნი ყოველთა ადგილთაგან, სადაცა განითესნეს მუნ.
და მოვიდეს ქუეყანად იუდაჲსსა გოდოლიაჲს მომართ მასიფად და შეკრიბეს ღჳნოჲ და ხილი მრავალი ფრიად და ზეთი.
და იონან, ძე კარიესი, და მთავარნი ძალისა ველთა შინაჲსანი მოვიდეს გოდოლიაჲს მომართ მასიფად.
და ჰრქუეს მას: [14] უკუეთუ უწყებით უწყი, ვითარმედ ველია მეფემან, ძემან ამონისთამან, მოავლინა შენდა ისმაილ, ძე ნათანისი, მოკლვად სულისა შენისა? და არა ჰრწმენა მათი გოდოლიას, ძესა აქიკამისსა.
და ჰრქუა იონან, ძემან კ[ა]რიესმან, გოდოლიას იდუმალ მასიფას შინა, მეტყუელმან: წარვიდე მე და მოვკლა ძე ნათანისი, ისმაილ, და ნუვინ აგრძნობნ; ნუსადა მოკლას სული შენი და განითესნენ ყოველნი იუდეანნი შეკრებილნი შენ თანა, და წარწყმდენ დანაშთომნი იუდაჲსნი.
და თქუა გოდოლია, ძემან აქიკამისმან, იონანის მიმართ, ძისა კარესსა: ნუ ჰყოფ სიტყჳსაებრ შენისა, რამეთუ ტყუილსა იტყჳ შენ ძჳნად ისმაილისსა.
