სიტყუაჲ, ქმნილი იერემიაჲს მიმართ უფლისა მიერ დღეთა შინა იოაკიმისთა, ძისა იოსიაჲსთა, მეფისა იუდაჲსთა, მეტყუელი:
ვიდოდე სახიდმი რექაბისა და მიუწოდე მათ სახიდ უფლისა ერთსა ეზოთაგანსა და ასუ მათ ღჳნოჲ.
და მოვიყვანე იეზონია, ძე იერემიაჲსი, ძისა ხავაზინისა, და ძმანი მისნი და ძენი მისნი და ყოველნი სახლი რექაბისი
შევიყვანე სახიდ უფლისა და პასტოფორიონსა, ძისა ანანიაჲსსა, ძისა ღოდოლიაჲსსა, კაცისა ღმრთისაჲსა, რომელი არს მახლობელ სახლისა მთავართაჲსა, ზენაჲთ პასტოფორიონსა მაასესა, ძისა სელომისსა, რომელი სცვიდა სადგურსა.
და დავდგი წინაშე პირსა მათსა ძეთა სახლისა რექაბისთასა ლაგჳნები სავსეები ღჳნითადა სასუმლები და
და თქუეს: ვერ ვსუათ Page of ed. 1709: 109b ღჳნოჲ, რამეთუ იონადაბ, ძემან რექაბისმან, მამამან ჩუენმან, მამცნო, მეტყუელმან ჩუენმან: არა სუათ ღჳნოჲ თქუენ და ძეთა თქუენთა ვიდრე საუკუნომდე;
და სახლნი არა აღიშენნეთ და თესლი არა დასთესოთ და ვენაჴთა ნუ დაასხამთ, ნუცა იყვნენ თქუენდა, რამეთუ კარავთა შინა ჰმკჳდობდეთ ყოველთა დღეთა ცხორებისა თქენისათა რაჲთა ცოცხალ იყვნეთ მრავალთა ქუეყანასა ზედა, რომელსა ზედა თქუენ ხჳდოდით მას ზედა.
და ვისმინეთ ჴმისა იონადაბისისა, მამისა ჩუენისა, ძისა რაგავისა, ყოველთაებრ, რავდენნი გუამცნნა ჩუენ არსუმისათჳს ღვნისა ყოველთა დღეთა ცხორებისა ჩუენისათა, ჩუენ და ცოლთა ჩუენთა და ძეთა ჩუენთა და ასულთა ჩუენთა.
არაღშენებისათჳს სახლთაჲსა დამკჳდრებად მუნ, და ვენაჴი და აგარაკი და თესლი არა იქმნა ჩუენდა;
და დავეშენენით კარავთა შინა და ვისმინეთ და ვყავთ ყოველთაებრ, რავდენნი მამცნნა ჩუენ იონადაბ, მამამან ჩუენმან.
და იქმნა, ოდეს აღმოვიდა ნაბუქოდონოსორ მეფე ბაბილონელთაჲ ქუეყანასა მას ზედა, და ვთქუთ: აღსრულნი შევიდეთ იერუსალიმდ პირისაგან ძალისა ქალდეველთაჲსა და პირისაგან ძალისა ასურასტანელთაჲსა და დავეშენნეთ მუნ იერუსალიმს შინა.
და იქმნა სიტყუაჲ უფლისაჲ ჩემდამო, მეტყუელი:
ესრეთ იტყჳს უფალი, ღმერთი ისრაილისაჲ: წარვიდოდე და არქუ კაცსა იუდაჲსსა, დამკჳდრებულთა იერუსალიმისათა. არა შეიწყნაროთ სწავლაჲ სმენად სიტყუათა ჩემთა? -- თქუა უფალმან.
და დაამტკიცეს სიტყუაჲ ძეთა იონადაბისთა, ძისა რექაბისთაჲ, რომელი ამცნო შვილთა მისთა არასუმად ღჳნისა, და არა სუეს ვიდრე დღისამდე ამის, რამეთუ ისმინეს მცნებისა მამისა მათისაჲ; Page of ed. 1709: 110a და მე ვითარ ვიტყოდე თქუენდამი, აღმმსთობი და მეტყუელი, და არა ისმინეთ ჩემი.
და მივავლინენ თქუენდამი მონანი ჩემნი, წინაჲსწარმეტყუელნი. აღმმსთობმან და მიმავლენელმან და მეტყუელმან მოიქეცით კაცადი გზისაგან თჳსისა ბოროტისა და უმჯობეს ყვენით სიმარჯუენი თქუენნი და ნუ ხუალთ უკუანა ღმერთთა სხუათა მსახურებად მათდა და დაემკჳდრენით ქუეყანასა ზედა, რომელი მიგეც თქუენ და მამათა თქუენთა; და არა მოჰყვენით ყურნი თქუენნი და არა ისმინეთ ჩემი.
და ძეთა იონადაბისთა, ძისა რექაისთა, დაამტკიცეს მცნებაჲ მამისა მათისაჲ, რომელი ამცნო მათ, ხოლო ერმან ამან არა ისმინა ჩემი.
ამისთჳს ესრეთ თქუა უფალმან ძალთამან, ღმერთმან ისრაილისამან: აჰა მე მოვიხუნე იუდაჲს ზედა და დამკჳდრებულთა ზედა იერუსალიმისათა ძჳრნი, რომელთა ვიტყოდე მათ ზედა; ყოველნი მის წილ რამეთუ ვიტყოდე მათდამი, და არა ისმინეს, და უწოდე მათ, და არა მომიგეს.
და სახლსა რექაბისსა ჰრქუა იერემია: ამისთჳს თქუა უფალმან ძალთამან, ღმერთმან ისრაილისამან: ვინაჲთგან ისმინეს ძეთა იონადაბისთა, ძისა რექაბისთა, მცნებაჲ მამისა მათისა იონადაბისი და დაიცვნეს თანად ყოველნი მცნებანი მისნი ქმნად ყოველთაებრ, რაოდენნი ამცნო მათ მამამან მათმან,
ამისთჳს ამათ იტყჳს უფალი ძალთაჲ, ღმერთი ისრაილისაჲ: არა მოაკლდეს მამაკაცი ძეთა იონადაბისთა, ძისა რექაბისთა, წინა-მდგომი წინაშე პირსა ჩემსა ყოველთა დღეთა ქუეყანისათა.
