Page of ms. Ga: 392v Page of ms. Gb: ? და იყო დღეთა შინა შჯასა მსაჯულთასა და იქმნა სიყმილი ქუეყანასა შინა, და წარვიდა კაცი ბეთლემით იუდაჲსით მსხემობად ველსა მოაბისასა, თჳთ და ცოლი მი\სი Page of ms. Ga: 393v და ორნი ძენი მისნი.
და სახელი კაცისაჲ ელიმელეხ და სახელი ცოლისა მისისაჲ ნოომმინ და სახელი ორთა ძეთა მისთაჲ მა\ლლონ Page of ms. Ga: 394r და ქელლეონ ეფრათელნი ბეთლემით იუდაჲსით. და მოვიდეს ველსა მოაბისასა და იყვნეს მუნ.
და მოკუდა ელიმელეხ Page of ms. Ga: 394v , ქმარი ნოომმინისი, და დაშთა იგი და ორნი ძენი მისნი.
და მოიყვანნეს თავთა თჳსთად მოაბელნი, სახელი ერთისაჲ ორფა და სახელი მეორისაჲ რუთ და დაემკჳდრნეს მუნ ვიდრე ათ წლამდე.
და მოკუდეს იგინიცა ორნივე, მალლონ და ქელლეონ და დაშთა დედაკაცი ქმრისაგან თჳსისა და ორთაგან ძეთა თჳსთა.
და აღდგა იგი და ორნი სძალნი მისნი და მოიქცეს ველით მოაბისაჲთ, რამეთუ ესმა-ყე ველსა მოაბისასა, ვითარმედ მოჰხედნა უფალმან ერსა თჳსსა მიცემად მათდა პურისა.
და გამოვიდა ადგილით, სადა იყო მუნ, და ორნი სძალნი მისნი მის თანა და ვიდოდეს გზასა მიქცევად ქუეყანად იუდაჲსსა.
და ჰრქუა ნოომმინმან ორთა სძალთა თჳსთა: ვიდოდეთ, უკუნ იქეცით თითოეულიდი სახიდ მამისა თჳსისა. ყავნ უფალმან თქუენ თანა წყალობაჲ, ვითარცა ჰყავთ მომკუდართა თანა და ჩემ თანა.
მოგცეს უფალმან თქუენ და ჰპოოთ განსუენებაჲ თითოეულიდმან სახლსა შინა ქმრისა თჳსისასა. Page of ms. Ga: 395r და ამბორს-უყო მათ. და აღიმაღლეს ჴმაჲ მათი და იტირეს.
და ჰრქუეს მას: არა, შენ თანა უკმოვიქცეთ ერისა შენისა.
და ჰრქუა ნოომმინმან: მიიქეცით, ასულნო ჩემნო, რაჲსათჳს მოხჳდეთ ჩემ თანა? ნუ მერმე ძენი მუცელსა შინა ჩემსა და იყვნენ თქუენდა ქმრებ?
მიიქეცით, ასულნო ჩემნო, ამისთჳს, რამეთუ დავბერდი არდა ყოფად ქმრისად და უკუეთუმცა ვთქუ, ვითარმედ არს ჩემ თანა ძალი, რაჲთა ვიქმნე მე ქმრისად და ვშვნე მე ძენი.
და მათ ელოდით, ვიდრემდის განმამაკაცნენ, ანუ მათ ჰგებდეთ არა სუმად ქმრისა? ნუ, ასულნო ჩემნო, რამეთუ განვმწარენ მე უფროჲს თქუენსა, რამეთუ გამოვიდა ჩემ ზედა ჴელი უფლისაჲ.
და აღიღეს ჴმაჲ მათი და ტიროდეს. და ამბორს-უყო ორფამან დედამთილსა თჳსსა და მიიქცა ერისა თჳსისა, ხოლო რუთ შეუდგა მას.
და თქუა ნოომმი\ნმან Page of ms. Ga: 395r რუთისა მიმართ. აჰა, მიაქცია თანასძალმან შენმან ერისა მიმართ თჳსისა და ღმერთთა მიმართ თჳსთა. მიიქეც და შენცა უკუანა თანასძლისა შენისა.
ხოლო ჰრქუა რუთმან: ნუ შემემთხუევინ მე სიფიცხე დატევებად შენდა, ანუ უკუნქცევაჲ უკუანაგან შენსა, რამეთუ შენ სადა წარხჳდე, წარმოვიდე და სადაც დაივანო, დავივანო. ერი შენი ერი ჩემი და ღმერთი შენი ღმერთი ჩემი,
და სადაცა მოჰკუდე, მოვკუდე და მუნ დავეფლა მე. ესენი მიყვენინ მე უფალმან და ესენი შემძინენინ, ვითარმედ სიკუდილმან განწვალოს შორის ჩემსა და შენსა.
ხოლო მხილველი, ვითარმედ მტკიცე არს იგიდასცხრა სიტყუად მერმეცა მის თანა.
და ვიდეს ორნივე ვიდრე მოსლვადმდე ბეთლეემად. და იყო მოსლვასა მათსა ბეთლეემდ, და ოხრიდა ყოველი ქალაქი მათ ზედა და იტყოდა: უკუეთუ ესე არს ნოომმინი?
და თქუა მათდამი: ნუ მიწოდთ ნოომმინად Page of ms. Ga: 395v , მიწოდეთ მე სიმწარე, რამეთუ განმამწარა მე ძლიერმან ფრიად.
მე სავსე წარვედ და ცალიერი შემომაქცია უფალმან, რაჲსათჳს მიწოდთ მე ნოომინად? და უფალმან დამამდაბლა მე და ძლიერმან განმაბოროტა მე.
და მოიქცა ნოომმინი და რუთი მოაბიტი, სძალი მისი, მის თანა, მოქცეული ველით მოაბისაჲთ. და ესენი მოიწინეს ბეთლეემდ დასაბამსა მკისა ქრთილისასა.
