TITUS
Vetus testamentum iberice, redactio Gelatica
Part No. 51
Previous part

Chapter: 24  
თავი XXIV


Verse: 1   Link to mcat Link to sept   და იხილა რაჲ ბალაამმან, ვითარმედ კეთილ არს წინაშე უფლისა კურთხევაჲ ისრაელისაჲ, არა წარვიდა ჩუეულებისაებრ კითხვად ზმნობითა, და მიი\ქცია Page of ms. Gb: 78v  პირი თჳსი უდაბნოდ მიმართ.

Verse: 2   Link to mcat Link to sept   და ღმხილველმან ბალაამ თუალთა თჳსთამან იხილა ისრაელი, განწყობილი ტომეულად, და იყო მის ზედა სული ღმრთისაჲ.

Verse: 3   Link to mcat Link to sept   Page of ms. Gb: 180r  და აღმღებელმან იგავისა მისისამან თქუა:
   იტყჳს ბალა\ამ, Page of ms. Ga: 181r   ძე ბეორისი,
   იტყჳს კაცი, ჭეშმარიტისა მხედველი,

Verse: 4   Link to mcat Link to sept   იტყჳს, მსმენელი სიტყუათა ძლიერისათა,
   რომელმანცა გამოცხადებაჲ ღმრთისაჲ იხილა ძილსა შინა,
   ზე-ხილულ რაჲ იყვნეს თუალნი მისნი:

Verse: 5   Link to mcat Link to sept   ვითარ შუენიერ არიან სახლნი შენნი, იაკობ,
   საყოფელი შენნი, ისრაელ!

Verse: 6   Link to mcat Link to sept   ვითარცა მაღნარნი ბორობანნი
   და ვითარცა სამოთხენი მდინარეთა ზედა
   და ვითარცა კარავნი, რომელნი აღდგნა უფალმან,
   ვითარცა ნაძუნი წყლის კიდისანი.

Verse: 7   Link to mcat Link to sept   გამოვიდეს კაცი თესლისაგან მისისა
   და ეუფლოს ნათესავთა მრავალ\თა Page of ms. Gb: 79r ,
   და ამაღლდეს გოგ, მეფობაჲ მისი,
   აღორძინდეს მეფობაჲ მისი.

Verse: 8   Link to mcat Link to sept   ღმერთი მოუძღუა მას ეგჳპტით,
   ვითარცა დიდებაჲ მარტორქისაჲ მას,
   შეჭამოს ნათესავი მტერთა მისთაგან
   და სიპოხე მათი გამოტჳნოს
   და სატყორცითა მისითა მშჳლდვიდეს მტერსა.

Verse: 9   Link to mcat Link to sept   მიწოლით განისუენა, ვითარცა ლომმა და ვითარცა ლომის ლეკუმან.
   ვინ აღადგინოს იგი?
   მაკურთხეველნი შენნი იკურთხნენ და მწყევარი შენნი იწყევნენ!

Verse: 10   Link to mcat Link to sept   და გულმწყრალ იქმნა ბალაკ ბალაამის ზედა და შეიტყუელნა ჴელნი მისნი და თქუა ბალაკ ბალაამის მიმართ: წყევად მტერისა ჩემისა გიწოდე შენ და აჰა მაკურთხეველმან აკურთხე იგი ესე მესამედ.

Verse: 11   Link to mcat Link to sept   აწ უკუე წარივლტოდე ადგიდ შენდა; ვთქუ, პატივგცე შენ, და აწ დაგაკლო შენ უფალმან დიდებისაგან.

Verse: 12   Link to mcat Link to sept   და თქუა ბალაამ ბალაკის მიმართ: არა ანგელოზთაცა შენთა, რომელნი მოავლინენ ჩემდა, ვეტყოდე, მეტყუელი:

Verse: 13   Link to mcat Link to sept   `უკუეთუ მომცეს მე Page of ms. Ga: 182r   ბალაკ სავსე სახლი მისი ვერცხლითა და ოქროჲთა, ვერ ძალ-მიც გარდასლვაჲ სიტყუასა უფლისასა, ყოფად კეთილი მისდა ანუ ბოროტი თავით ჩემით, რაოდენნი-რაჲ მრქუნეს ღმერთმან, ვთქუნე?'

Verse: 14   Link to mcat Link to sept   და აწ აჰა წარვალ ადგიდ ჩემდა, მოვედ და განგაზრახო შენ, რაჲ უყოს ერმან ამან ერსა შენსა უკუანაჲსკნელთა დღეთა.

Verse: 15   Link to mcat Link to sept   და აღმღებელმან იგავისამან ესრეთ თქუა:
   იტყჳს ბალაამ, ძე ბეორისი,
   იტყჳს კაცი, ჭეშმარიტისა მხედველი.

Verse: 16   Link to mcat Link to sept   მსმენელი სიტყჳსა ღმრთისაჲ,
   მიწდომილი მიწდომასა მაღლისასა
   და ხილვასა ღმრთისასა მხილველი,
   ძილსა შინა აღსაშურველებული თუალითა მისითა.

Verse: 17   Link to mcat Link to sept   უჩუენო მას და არა აწ;
   ვჰნატრიდე და არა მიეახლოს,
   Page of ms. Ga: 183v   Page of ms. Gb: 80r  აღმობრწყინდეს ვარსკულავი იაკობისგან
   და აღდგეს კაცი ისრაელისაგან
   და მოსრნეს მთავარნი მოაბისნი
   და წარტყუენნეს ყოველნი ძენი სეთისნი.

Verse: 18   Link to mcat Link to sept   და იყოს ედომ სამკჳდრებელი ესავისი,
   მტერ მისსა, და Page of ms. Ga: 184r   ისრაელმან ქმნას ძალი.

Verse: 19   Link to mcat Link to sept   და აღდგეს იაკობისგან
   და წარწყმიდოს ცხოვნებული ქალაქისაგან.

Verse: 20   Link to mcat Link to sept   და იხილა ამალეკი და აღმღებელმან იგავისა მისისამან თქუა:
   დასაბამი წარმართაჲ ამალეკი
   და თესლი მათი წარწყმდეს.

Verse: 21   Link to mcat Link to sept   და იხილა კინეველი და აღმღებელმან იგავისა მისისამან თქუა:
   ძლიერ არს სამკჳდრებელი შენი
   და უკუეთუ დასდგა კლდესა შინა ბუდე შენი,

Verse: 22   Link to mcat Link to sept   და უკუეთუ ექმნეს ბეორს ბუდე სივერაგისაჲ,
   ასურასტანელთა წარგტყუენონ შენ.

Verse: 23   Link to mcat Link to sept   და აღმღებელმან იგავისა მისისამან თქუა:
   ჵ, ჵ, ვინ ცოცხალ იყოს, ოდეს დადვას ესე ღმერთმან?

Verse: 24   Link to mcat Link to sept   და გამოჴდეს ჴელთაგან კიტიელთაჲსა
   და განაბოროტონ ასურ და განაბოროტონ ებრაელნი
   და იგინი ერთბამად წარწყმდენ.

Verse: 25   Link to mcat Link to sept   და აღდგომილი ბალაამ Page of ms. Ga: 184v   წარვიდა მიქცევით ადგიდ თჳსსა, და ბალაკ წარვიდა თჳსაგან.



Next part


This text is part of the TITUS edition of Vetus testamentum iberice, redactio Gelatica.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.