Page of ms. Gb: 80v და დაიბანაკა ისრაელმან ატტის და შეიბილწა ერი სიძვად ასულთა მიმართ მოაბისთა.
და ჰხადეს მათ ნაგებთა მიმართ კერპთა მათთასა, და ჭამა ერმან ნაგებთა მათთაჲ და თაყუანის-სცეს კერპთა მათთა.
და შეეჩუენა ისრაელი ვეელფეგორს და განურისხნა უფალი გულისწყრომით ისრაელსა.
და ჰრქუა მოსეს: მოიყვანენ მთავარნი ერისანი და განუქიქენ იგინი Page of ms. Ga: 185r უფალსა წინაშე მზისა და გარე-მიიქცეს რისხვაჲ გულისწყრომისა უფლისაჲ ისრაელისაგან.
და ჰრქუა მოსე ტომთა ისრაელისათა: მოკალთ თითოეულმან სახლეული თჳსი, შენაჩუენები ვეელფეღორისსა.
და აჰა კაცმან, ძეთა ისრაელისათაგანმან მოსრულმან, წარმოიყვანა Page of ms. Ga: 185v ძმაჲ თჳსი მადიანიტისა წინაშე მოსესსა და ყოვლისა შესაკრებელისა ძეთა ისრაელსიათაჲსა. და იგინი ტიროდეს კარსა თანა კარვისა საწამებელისასა.
Page of ms. Gb: 81r და აჰა ფინ\ეეზ, Page of ms. Ga: 186r ძე ელიაზარისი, ძისა აარონისი მღდელისაჲ, აღდგა საშუალისაგან შესაკრებელისა და აღმღებელი ლახურისაჲ ჴელსა მისსა,
მივიდა უკუანა კაცისა ისრაიტელისა საცხობილესა თანა და განგუმირნა ორნივე: ისრაიტელი კაცი და დედაკაცი საშოჲთ მისით. და დააცხრო წყლულებაჲ ძეთაგან ისრაელისათა.
და იყვნეს მომკუდარნი წყლულებასა შინა ოთხ და ოცნი ათასეულნი.
და იტყოდა უფალი მოსეს მიმართ, მეტყუელი:
ფინეეზ, ძემან ელიაზარისმან, ძისა აარონ მღდელისამან, დააცხრო გულისწყრომაჲ ჩემი ძეთაგან ისრაელისათა შეშურვებითა ჩემი შური მათ შორის, და არა მოვსპენ ძენი ისრაელისანი შურითა ჩემითა.
ესრეთ თქუა: აჰა, მე მივსცემ მას აღთქუმასა ჩემსა აღთქუმად მშჳდობისა,
და იყოს მისსა და თესლისა მისისა შემდგომად მისსა აღთქუმაჲ მღდელობისაჲ საუკუნე მის წილ, რომელ უშურვა ღმერთსა მისსა და ლხინება ყო ძეთათჳს ისრაელისათა.
ხოლო სახელი კაცისა ისრაიტელისა, მოწყლულისაჲ, რომელი მოიწყალა მადიანიტიდსა თანა, ზამბრი, ძე ალონისი, მთავარი სახლისა ტომისა სჳმეონისისაჲ.
და სახელი დედაკაცისა მადიანიტიდისა მოწყლულისაჲ ხაზვი, ასული სურისი, მთავრისა მათესავთა სომოთისთაჲ, სახლისა ტომთაჲ არს მიდიამისთაჲ.
და თქუა უფალმან მოსეს მიმართ, მეტყუელმან: ეტყოდე ძეთა ისრ\აელსიათა, Page of ms. Ga: 186v მეტყუელი:
ემტერენით მადიანელთა და მოსრენით იგინი,
რამეთუ გმტერვან თქუენ იგინი ზაკუვით, რაოდენსა გზაკუვენ თქუენ ფოღორის მიერ და ხაზვის მიერ, ასულისა მთავრისა მადიამისსა, დისა მათისა, მოწყლულისა დღესა წყლულებისასა ფოღორისთჳს.
