იყოს, რაჟამს Page of ms. E: 82V მოიწინენ შენ ზედა ყოველნი ესე სიტყუანი კურთხევისა და წყევისანი, რომელ-ესე მიგცნე თქუენ წინაშე თქუენსა, შეიწყნარე ეგე გულსა შენსა ყოველთა შორის წარმართთა,
და მოიქცე შენ უფლისა ღმრთისა შენისა (2S) და ისმინო ჴმისა მისისა, რასა-ესე მე გამცნებ შენ დღეს, და ჰყო იგი ყოვლითა გულითა და ყოვლითა გონებითა შენითა,
გილხინოს შენ ღმერთმან შენმან ცოდვათა შენთაგან და შეგიწყალოს შენ და შეგკრიბოს შენ უფალმან ღმერთმან შენმან ყოველთაგან ნათესავთა, რომელსაცა განბეულ იყო შენ.
და გან-ღათუ-ბნეულ იყო შენ კიდეთაგან ქუეყანისათ ვიდოე კიდედმდე მისა, მიერცა შე-ვეგკრიბოს შენ უფალმან ღმერთმან შენმან
და შეგიყვანოს შენ ქუეყანას\ა Page of ms. E: 83R მას, რომელსა-იგი დამკჳდრებულ იყვნეს მამანი იგი შენნი. გაკურთხოს შენ და კეთილ-გიყოს და განგამრავლოს შენ უფროს მამათა შენთა.
და განწმიდოს უფალმან გული შენი და გული ნათესავისა შენისა შეყუარებად უფლისა ღმრთისა შენისა ყოვლითა გულითა შენითა და ყოვლითა გონებითა შენითა, რაჲთა სცხოვნდე შენ და ნათესავი შენი.
და მიავლინოს უფალმან ღმერთმან შენმან წყევა ესე მტერთა შენთა ზედა და მოძულეთა შენთა, რომელნი-იგი გდევნიდეს შენ.
მო-ღათუ-იქცე და ისმინო ჴმისა უფლისა ღმრთისა შენისა და ჰყვნე ყოველნი მცნებანი მისნი, რომელსა-ესე მე გამცნებ შენ დღეს.
დღეგრძელგყოს შენ უფალმან ღმერთმან და განგიმრავლნეს ყოველნი საქმენი ჴელთა შენთანი და ნაშობნი მუცლისა შენისანი და ნაყოფი ქუეყანისა შენისა და ნაშობნი ცხოვართა Page of ms. E: 83V შენთანი. მოიქცეს უფალი ღმერთი შენი და იხარებდეს შენდა მომართ კეთილის-ყოფითა, ვითარცა-იგი იხარებდა მამათა შენთა ზედა.
უკუეთუ ისმინო ჴმისა უფლისა ღმრთისა შენისა, დაიმარხნე ყოველნი მცნებანი მისნი და ჰყვნე ყოველნი სამართალნი მისნი და მსჯავრნი მისნი, რომელ-ესე წერილ არიან წიგნსა მას სჯულისასა, მო-თუ-იქცე შენ უფლისა ღმრთისა შენისა ყოვლითა გულითა შენითა და ყოვლითა სულითა შენითა.
რამეთუ მცნება ესე, რომელსაესე მე გამცნებ შენ დღეს, რამეთუ არა სიმძიმე რა არს შენდა, არცა განშორებულ არს შენგან,
არცა ზეცას არს, სთქუა, თუ ვითარმედ: ვინ აღვიდეს ზეცად (12S) და გარდამოგუართუას ჩუენ, რაჲთა ვისმინოთ და ვყოთ იგი.
არცა ზღუასა წიაღ არს, სთქუა, თუ: ვინ წიად-ჰჴდეს ზდუასა და წიაღ მოგუა\რთუნეს Page of ms. E: 84R ჩუენ, რაჲთა ვისმინოთ და ვყოთ იგი.
მახლობელ არს შენდა სიტყუა იგი ფრიად, პირსა შინა შენსა არს და გულსა და ჴელთა შინა შენთა არს ყოფა მისი.
აჰა ესერა, მიმიცემიეს თქუენ წინაშე დღეს ცხორება და სიკუდილი.
ისმინნე თუ მცნებანი იგი უფლისა ღმრთისა შენისანი, რომელსა-ესე მე გამცნებ შენ დღეს, და შეიყუარო უფალი ღმერთი შენი და ხჳდოდი ყოველთა გზათა მისთა და დაიმარხნე ყოველნი მცნებანი მისნი, სამართალნი და მსჯავრნი მისნი, სცხოვნდეთ და განმრავლდეთ და გაკურთხნეს თქუენ უფალმან ღმერთმან თქუენმან ქუეყანასა მას ზედა, რომელსა შეხჳდეთ დამკჳდრებად მუნ.
უკუეთუ გარდა-რამე-იცვალოს გული შენი და არა ისმინო შენ უფლისა ღმრთისა შენისა, შესცთე და თაყუანის-სცემდე შენ ღმერთთა უცხოთა და ჰმსახურებდე შენ მათ,
გა\უწყებ Page of ms. E: 84V შენ დღეს, რამეთუ წარწყმედით წარსწყმდეთ თქუენ და არადდეგრძელ იყვნეთ თქუენ ქუეყანასა მას ზედა, რომელი უფალმან ღმერთმან მოგცეს თქუენ, რომლისათჳს წიაღ-ხუალ შენ იორდანესა მდინარესა შესლვად და დამკჳდრებად მისსა.
მოწამედ ვჰყოფ დღეს ცასა და ქუეყანასა, რამეთუ ცხორებასა და სიკუდილსა დაიდებთ თქუენ წინაშე, კურთხევასა და წყევასა. გამოირჩიე შენ ცხორებაჲ იგი, რაჲთა სცხოვნდე შენ და ნათესავი შენი.
შეიყუარე შენ უფალი ღმერთი შენი და ისმინე ჴმისა მისისა და შეიკრძალე იგი მტკიცედ, რამეთუ იგი არს ცხორება შენი და დღეგრძელება დღეთა შენთა დამკჳდრებად შენღა ქუეყანასა მას მათსა, რომლისათჳს ეფუცა უფალი ღმერთი მამათა შენთა -- აბრაჰამს, ისაკს და იაკობს -- მიცემად მათდა იგი.
