და მოუწოდა მოსე ძეთა ისრაელისათა და ჰრქუა მათ: თუალთა თქუენთა იხილნეს, რაჲ-იგი უყო უფალმან ქუეყანასა მას მეგჳპტელთასა ფარაოს და ყოველსა ერსა მისსა და ყოველსა ქუეყანასა ეგჳპტელთასა:
განსაცდელი იგი დიდ-დიდი, რომელი იხილეს თუალთა თქუენთა, სასწაულები დიდ-დიდი და საკჳრველი, ჴელი იგი მტკიცე და მკლავი მაღალი.
და არა მოგცა თქუენ უფალმან ღმერთმან გული მეცნიერი და თუალნი მხილველნი და ყ\ურნი Page of ms. E: 79V მსმენელნი.
და მოჰყვანდით მას ორმეოც წელ უდაბნოსა. სამოსელი თქუენი არა დაძუელდა, ჴამლნი თქუენნი არა განკფდეს ფერჴთაგან თქუენთა.
პური არა სჭამეთ და ღჳნოჲ და სასუმელი არა სჳთ, რაჲთა გულისჴმა-ჰყოთ, რამეთუ იგი არს უფალი ღმერთი თქუენი,
ვიდრე მოსლვად და მოწევნადმდე ადგილსა მას, გამოგიჴდა თქუენ სეონ მეფე იგი ესებონელთა და ოგ მეფე ბასანისა შემთხუევად და წყობად თქუენდა.
და მოსრენ იგინი (8S) და მიეც ქუეყანა იგი მათი ნაწილად რუბენს და გაადს და კერძოსა მას ნათესავსა მანასესსა.
ეკრძალენით თქუენ ყოველთა ამათ მცნებათა სჯულისათა ყოფად მათდა, რაჲთა გულისჴმა-ჰყოთ ყოველი, რაჲცა გიფლიეს. Page of ms. E: 80R
აწ , ეგერა, წარმოდგომილ ხართ (10S) და სდგათ წინაშე უფლისა ღმრთისა თქუენისა, ერისთავნი ეგე ნათესავთა თქუენთანი და მოხუცებულები ეგე თქუენი, მსაჯულები და სჯულის-მწიგნობარნი ეგე, წინამძღუარნი თქუენნი და ყოველი ეგე კაცი ისრაელისა,
ცოლნი და შვილნი თქუენნი და მწირნი თქუენნი, რომელეგე არიან ბანაკსა თქუენსა შეშის-მკურელითგან წყალთა მავსებელთამდე თქუენთა.
ნუმცა ვინ გარდავალს მცნებათა მათ სჯულისა უფლისა ღმრთისასა, რომელ-ესე გამცნო შენ ღღეს დღე,
რაჲთა გყოს შენ ერად თჳსად, იგი იყოს შენდა ღმერთ, ვითარცა გეტყოდა შენ და ვითარცა-იგი ეფუცა მამათა შენთა -- აბრაამს, ისაკს და იაკობს.
და არა თუ თქუენ ხოლო დაგიდებ მცნებასა ამას სჯულისასა და წყევასა ამას,
არამედ ყოველთავე, რომელ-ესე დღეს თქუენ შორის არიან Page of ms. E: 80V წინაშე უფლისა ღმრთისა თქუენისა, და მათცა, რომელი-იგი არა თქუენ შორის არიან დღეს.
რამეთუ თქუენ თჳთ უწყით, ვითარ-იგი დამკჳდრებულ იყვენით ქუეყანასა მას ეგჳპტელთასა და ვითარ-იგი გამოვედით ჩუენ შორის წარმართთა, რამეთუ გამოსლვასა მას თქუენსა
იხილეთ თქუენ ყოველივე იგი სამსახურებელი ბილწებისა მათისა, კერპნი იგი ძელისა და ქვისანი, ვეცხლისა და ოქროსანი, რომელ იყვნეს მათ თანა.
ნუუკუე იყოს ვინ თქუენგანი მამაკაცი გინა დედაკაცი ნათესავთა შორის ანუ ტომთა, რომლისა გონება დრეკილ იყოს უფლისაგან ღმრთისა თქუენისა, და შეუდგეს მსახურებასა კერპთა მათ წარმართთასა. (19S) ნუუკუე იყოს ვინმე თქუენ შორის, რომლისა თანა აღმოცენებულ იყოს ძირი ნავდლისა და სიმწარისა.
და იყოს, ისმინენ თუ Page of ms. E: 81R სიტყუანი წყევისანი ამის, დაიდვას გულსა შინა და თქუას: ესე უმჯობეს არს ჩემდა, საცთურსა თუ გულისა ჩემისასა მივსდევდე მე და წარწყმდეს უცოდველი იგი ცოდვილისა თანა.
და არღარა უნდეს ღმერთსა შენდობად მისა, აღატყდეს, ვითარცა ცეცხლი, რისხვა იგი უფლისა და შური იგი კაცისა მის ზედა, და ეწინენ მას წყევანა იგი ამათ მცნებათანი, რომელ-იგი წერილ არიან წიგნსა ამას სჯულისასა, და აღჴოცოს უფალმან ღმერთმან სახელი მისი ქუეყანისა მისგან.
და დაჰკრიბოს უფალმან ღმერთმან ყოველი იგი წყევა ძეთა მათ ისრაელისათა, მსგავსად ყოვლისა მის წყევისა, რომელი-იგი წერილ არს წიგნსა მას სჯულისასა.
და ჰრქუან ნათესავთა მათ სხუათა ნაშობთა მათ თქუენთა, რომელნი აღდგენ შემდგომად თქუენსა, და უცხონი იგი, რომელ მოსრულ იყვნენ თქუენდა, რაჟამს Page of ms. E: 81V იხილნენ გუემანი და სალმობანი სნეულებისანი, რომელნი მოალივნნეს მათ ზედა უფალმან.
და იყოს ქუეყანა იგი მათი, ვითარცა წუნწუბა და ნამწურევი ცეცხლისაჲ. ნუ იპოებინ ქუეყანასა მათსა თესლი თესვისა, ნუცა საძოვარი ჴარისა, არცა აღმოსცენდეს მათ ზედა მწუანვილი თივისა, არცა ამაღლდეს, არამედ ვითარცა დაიქცა სოდომი და გომორი, ადამა და სებეიმი, რომელი დააქცია უფალმან ღმერთმან რისხვითა მით გულისწყრომისა ႾႾႾ მისისათა.
და თქუან ყოველთა ნათესავთა: რასამე ესრე შექმნა უფალმან ღმერთმან ქუეყანა ესე, ანუ რამე არს რისხვა ესე დიდი გულისწყრომისა მისისა, რომელ-ესე ყო მათ ზედა?
და თქუან: ამის გამო. რამეთუ დაუტევეს მცნებაჲ იგი სჯულისა უფლისა ღმრთისა მამათა მათ\თასა, Page of ms. E: 82R რაჟამს გამოჰყვანდეს იგინი ქუეყანით ეგჳპტით,
მივიდეს და ჰმსახურებდეს კერპთა, რომელ-იგი არა იცოდეს მამათა მათთა.
და განრისხნა უფალი გულისწყრომით მათ ზედა და ქუეყანასა მათსა ზედა და მოავლინა მათ ზედა მსგავსად წყევისა მის, ვითარცა წერილ არს წიგნსა მას შჯულისასა.
და აჴოცნა იგინი უფალმან ღმერთმან ქუეყანისა მისგან მათისა რისხვითა გულისწყრომისა მისისათა, რამეთუ განრისხნა მათ ზედა ფრიად და განჴადნა იგინი ქუეყანად უცხოდ მოაქაჟამადმდე.
რომელ-რაჲ-იგი დაფარულ არს უფლისა ღმრთისა ჩუენისა, ხოლო განცხადებული იგი თქუენდა და შვილთა თქუენთა უკუნისამდე ჟამთა ყოფად ყოველთა მათ სიტყუათა ამის სჯულისათა.
