და იყოს, რაჟამს წიაღ-ჰჴდეთ თქუენ იორდანესა მდინარესა შესლვად ქუეყანასა მას, რომელი-იგი უფალმან ღმერთმან თქუენმან მოგცეს თქუენ, და იყოს, თუ სმენით ისმინნეთ მცნებანი ესე უფლისა ღმრთისა თქუენისანი დამარხვად და ყოფად ყოველთა მცნებათა მისთა, რომელსა მე გამცნებ შენ დღეს, და გყოს შენ უფალმან ღმერთმან შენმან ზეშთა ყოველთა ნათესავთა ქუეყანისათა Page of ms. E: 71V
და მოვიდენ შენ ზედა ყოველნი ესე კურთხევანი და გპოონ შენ, ისმინო თუ შენ ჴმისა უფლისა ღმრთისა შენისა დღეს.
კურთხეულ იყო შენ ქალაქთა შინა შენთა და ველთა შენთა.
კურთხეულ იყვნენ ნაშობნი მუცლისა შენისანი და ნაყოფი ქუეყანისა შენისა. მროწეულნი ზროხათა შენთანი და სამწყსონი ცხოვართა შენთანი!
კურთხეულ იყვნენ საუნჯენი შენნი და მონაგებნი შენნი!
კურთხეულ იყო შესლვასა შენსა და კურთხეულ იყო გამოსლვასა შენსა!
მოგცნეს შენ უფალმან ღმერთმან შენმან ყოველნი მტერნი შენნი ჴელთა შენთა და ყოველნი მჴდომნი შენნი შეიმუსრნენ წინაშე პირსა შენსა! ერთსა გზასა ზედა მოგიჴდენ შენ და შჳდით გზით ივლტოდიან პირისაგან შენისა.
და მოავლინოს უფალმან კურთხევა შენ ზედა და საუნჯეთა შენთა და ყოველსა მას, რომელსაცა იქმოდის ჴელი შენი ქუეყანასა მას, რომელ-იგი უფალმან ღმერთმან შენ\მან Page of ms. E: 72R მოგცეს შენ,
და აღგადგინოს უფალმან ღმერთმან შენმან ერად წმიდად, ვითარცა ეფუცა მამათა შენთა, სმენით თუ ისმინო ჴმისა უფლისა ღმრთისა შენისა და ხჳდოდი გზათა მისთა.
და გიხილონ შენ ყოველთა ნათესავთა ქუეყანისათა, რამეთუ სახელი უფლისა ღმრთისა წოდებულ არს შენ ზედა, ეშინოდის შენგან.
განგამრავლოს შენ უფალმან ღმერთმან შენმან კეთილისა მიმართ, განამრავლნეს ნაშობნი მუცლისა შენისანი და ნაშობნი საცხოვართა შენთანი ქუეყანასა ზედა, რომელი-იგი ეფუცა უფალი მამათა შენთა მიცემად შენდა.
და აღგიხუნეს უფალმან ღმერთმან შენმან საფასენი იგი კეთილნი ცათანი და მოსცეს წჳმა ქუეყანასა შენსა ჟამსა შინა მსთუა და მცხუედი, აკურთხნეს ყოველნი საქმენი ჴელთა შენთანი. ავასხებდე შენ ნათესავთა მრავალთა, ხოლო შენ არა ივასხებდე. (13S) ჰმთავრობდე შენ ნათესავთა ზედა მრავალთა, ხოლო შენ ზედა Page of ms. E: 72V არავინ მთავრობდეს.
დაგამტკიცოს შინ უთალმან ღმერთმან შენმან მთავრად და არა ბოლოდ, იყო შენ ზეშთა ყოველთა და არა ქუემო, ისმინნე თუ შენ მცნებანი უფლისა ღმრთისა შენისანი, რომელსა-ესე მე გამცნებ შენ დღეს დამარხვად და ყოფად მათდა.
არა გარდააქციო ყოველთა ამათ მცნებათაგან, რომელსა-ესე მე გამცნებ შენ, Page of ms. E: 75R მარჯულ, არცაღა მარცხლ, ვითარმცა შეუდეგ შენ კერპთა უცხოთა მსახურებად მათდა.
უკუეთუ არა ისმინოთ ჴმისა უფლისა ღმრთისა თქუენისა დამარხვად და ყოფად ყოველთა მცნებათა მისთა, რომელ-ესე მე გამცნებ შენ დღეს, მოიწინენ შენ ზედა ყოველნი ესე წყევანი და გპოონ შენ,
და წყეულ იყო შენ ქალაქსა შენსა და წყეულ იყო ველსა გარე.
დაიწყევნენ საუნჯენი შენნი და მონაგებნი შენნი.
წყეულ იყვნენ ნაშობნი მუცლისა შენისანი და ნაყოფი ქუეყანისა შენისა, Page of ms. E: 75V მროწეულნი ზროხათა შენთანი და სამწყსონი ცხოვართა შენთანი.
წყეულ იყო შენ შესლვასა და გამოსლვასა შენსა.
და მოავლინოს უფალმან შენ ზედა უპოვარება და ნაკლულევანება და უნაყოფოება ყოველსა. რომელსა მიჰყო ჴელი შენი, ვიდრემდის მოგსპოს შენ და წარგწყმიდოს შენ მსთუად ბოროტთა მათ საქმეთა შენთათჳს, რამეთუ დაუტევე უფალი ღმერთი შენი.
მოავლინოს უფალმან შენ ზედა სიკუდილი და მოსრვა, ვიდრემდის მოგასრულოს შენ ქუეყანისა მისგან, რომელსა-ეგე შეხუალ დამკჳდრებად.
და გგუემოს შენ უფალმან ოროლებითა(!) და სენითა სიცხისათა და ცხროთა და წერტითა უსაზომოთა. კაცისკლვითა და გუემითა ხორშაკისათა, გოინითა და დანდალუკითა. ესე ყოველი მოიწიოს Page of ms. E: 76R შენ ზედა და მოგსპოს შენ ქუეყანისა მისგან, რომელსა შეხუალ დამკჳდრებად მუნ.
გექმნეს შენ ცა ზესკნელ მუნ თავსა შენსა, ვითარცა რვალი, და ქუეყანა ქუეშე შენსა. ვითარცა რკინა.
გარდააქციოს უფალმან ღმერთმან შენმან წჳმა იგი ქუეყანისა მის შენისა მტუერად და ვითარცა მიწა ცით გარდამო მოგიცჳოდის. ვიდრემდის შეგმუსროს შენ და წარგწყმიდოს ქუეყანისა მისგან, რომელსა შეხუალ დამკჳდრებად მუნ.
მიგცეს შენ უფალმან ღმერთმან შენმან ძლევასა წინაშე მტერთა შენთა, ერთით გზით მოუჴდე შენ მათ და შჳდით გზით მეოტად წარქცეული ივლტოდი მათგან. და განგაბნიოს შენ უფალმან ყოველთა შორის შარავანდედებთა და ნათესავთა ქუეყანისათა.
იყოს მძორები თქუენი საჭმლად მფრინველთა ცისათა და მჴეცთა ქუეყანის\ათა Page of ms. E: 76V და არავინ იყოს განმარინებელ თქუენდა.
და გგუემოს შენ უფალმან სალმობითა ეგჳპტელთათა, სენითა მით საგურკუელისათა და სიმღიერითა უცხოთა და ფხანითა განუკურნებელითა და სალმობითა, რომელსა ვერ განერე.
გგუემოს შენ უფალმან წყლულებითა, (29S) დაბრმობითა გონებისათა იყო შენ, ვითარცა ბრმაჲ.
შუა სამხრისა ეფეშუებოდი, ვითარცა ეფეშუებინ ბრმა ბნელსა შინა, და არა წარგემართნენ გზანი შენნი, იყო შენ ვნებულ და მიმოტაცებულ ყოველთა დღეთა ცხოვრებისა შენისათა. და არავინ იყოს შენდა შემწე.
ცოლი მოიყვანო შენ და სხუამან მამაკაცმან შეირთოს იგი ცოლად. სახლსა იშენებდე და სხუათა დაიმკჳდრონ იგი. რქასა დაასხმიდე და სხუათა მოისთლონ იგი. Page of ms. E: 77R
უსხი შენი დაკლულ იყოს შენ წინაშე, შენ ხოლო არა სჭამო მისი, არამედ სხუათა შეჭამონ იგი. კარაული შენი მიგეტაცოს შენგან და კუალად არავინ გაგოს შენ, და ცხოვარი შენი მიცემულ იყოს ჴელთა მტერთა შენთასა.
ძენი და ასულნი შენნი მიცემულ იყვნენ ნათესავსა სხუასა, და თუალნი შენნი ხედვიდენ წარტყუენილთა შენგან და ჴელ არა გეწიფოს.
ნაყოფსა ქუეყანისა შენისასა (33S) და ნაშრომსა ჴელთა შენთასა შესჭამდეს ნათესავი უცხოჲ, რომელ არა იცოდი, და იყო შენ მიხუეჭილ და ვნებულ ყოველთაგან.
და იყო შენ გულპებულ და შეურვებულ ხილვითა მით თუალთა შენთათა, რომელ-იგი ხედვიდე შენ.
დაგცეს შენ უფალმან სალმობითა ბოროტითა და მუხლთა და წელთა შენთა მსივა\ნებითა, Page of ms. E: 77V რომლითა ვერ განიკურნო, იგუემო შენ ტერფით შენითგან ვიდრე თხემადმდე შენდა.
და მიგცნეს უფალმან შენ და მთავარნი იგი შენნი, რომელ დაედგინნენ შენ ზედა, ნათესავსა უცხოსა, რომელ არა იცოდი შენ და არცაღა მამათა შენთა. და* მსახურებდე შენ მუნ კერპთა უცხოთა ძელისა და ქვისათა.
და იყო შენ მუნ საბასრობელად და იგავად საკიცხელებისა ყოველთა შორის ნათესავთა, ვიდრეცა მიგიყვანოს შენ უფალმან ღმერთმან შენმან მუნ.
თესლი დიდად განსთესო ყანობირსა შენსა და მცირედ შეკრიბო იგი, რამეთუ შეჭამოს იგი მკალმან.
ვენაჴსა ასხმიდე და იქმოდი, და ღჳნო არა სუა და არცაღა იხარებდი მისგან, რამეთუ შეჭამოს იგი მგრაგნელმან.
ზეთისხილი იყოს ყოველთა საზღვართა შენთა და ზეთი არა ჰპოო ცხებად, რამეთუ უჟამოდ დასცჳვეს ზეთისხილი იგი.
ძეებ და ასულებ ისხენ და არა სარგებელ-გეყვნენ შენ, არამედ წარიყვანნენ იგინი ტყუედ.
ყოველი ნერგი ხისა შენისა და მცენარე ქუეყანისა შენისა მოჰჴოცოს მგრაგნელმან.
მწირი იგი და მსხემი, რომელი იყოს შენ შორის, აღმაღლდეს უზეშთაეს შენსა, ხოლო შენ დაჰჴდე დამართ და იყო შენ ნაკლულევან.
იგი გავასხებდეს შენ და შენ არა ჰპოო*, Page of ms. E: 73R რამცა სესხად უკუ-ეც. იგი თავ იყოს შენდა, ხოლო შენ იყო მისა ბოლო.
მოიწინენ შენ ზედა ყოველნი ესე წყევანი და გეწინენ შენ, ვიდრე მოგასრულონ და წარგწყმიდონ შენ, რამეთუ არა ისმინე შენ ჴმისა უფლისა ღმრთისა შენისა დამარხვად მცნებათა მისთა, რომელი-იგი გამცნო შენ.
იყოს შენ შორის სასწაულები და ნიშები და ნათესავსა შენსა შორის უკუნისამდე ჟამთა Page of ms. E: 73V
ამისთჳს, რამეთუ არა ჰმსახურებდ შენ უფალსა ღმერთსა შენსა სიხარულით და გულწრფელობით.
ჰმსახურებდე შენ მტერთა შენთა შიმშილითა და წყურილითა, შიშლოებითა და ნაკლულევანებითა ყოვლისაგან. და დაგდვას მან ჯაჭჳ რკინისა ქედსა შენსა, ვიდრემდის მოგსპოს შენ.
და მოავლინოს შენ ზედა უფალმან ღმერთმან შენმან ნათესავი იგი შორიელი კიდითგან ქუეყანისათ, რომელნი იბრდღუენდინ, ვითარცა ლომნი, და ეტევებოდიან, ვითარცა ორბნი; (50S) ნათესავი, რომლისა არა გესმოდის მისი,
ნათესავი ურიდი და თუალუხუავი, რომელმან არა თუალახუნის მოხუცებულსა სიბერესა, (51S) არცა შეიწყალის ყრმაჲ ჩჩჳლი.
შეჭამნეს მან ნაშობნი საცხოვართა შენთანი და ნაყოფი ქუეყანისა შენისა, არა დაგიშთეს შენ იფქლი და ღჳნო და ზეთი, Page of ms. E: 74R არცა დაგიშთენ ზროხანი მროწეულთა შენთანი, არცა სამწყსონი ცხოვართა შენთანი, ვიდრემდის მოგასრულოს შენ.
და აღგფხურეს შენ ქალაქთა შენთაგან, რომელთა დამკჳდრებულ იყო, და დაამჴუნეს ზღუდენი მისნი იგი მაღალნი შენნი და ძნელნი და რომელსაიგი შენ ესევდი ყოველსა მას ქუეყანასა, და შეგიცვენ შენ და შეგაურვონ ყოველთა ამათ შინა ქალაქთა შენთა, რომელნი მოგცნა შენ უფალმან ღმერთმან შენმან.
და შეშჭამდე შენ ნაშობთა მუცლისა შენისათა, ჴორცსა ძეთა და ასულთა შენთასა, რომელნი-იგი მოგცნეს შენ უფალმან ღმერთმან, იწროებითა მით ჭირისა შენისათა და რომელსა გაჭირვებდენ შენ მტერნი იგი შენნი ყოველთავე მათ ქალაქთა შინა შენთა.
რომელი-იგი ნუკეულ და ფრიად ფუფუნეულ იყ\ოს Page of ms. E: 74V შენ შორის, თუალ-ძჳრ იქმნეს იგი ძმისა** თჳსისათჳს და ცოლისა თჳსისა, რომელ-იგი იყოს უბეთა მისთა და ნეშტთა მათ შვილთა მისთა, და-თუ-რამე-უშთეს
მიცემად მათა თითოეულად ჴორცისა მის ნაშობთა მისთასა, რომელთა-იგი შეშჭამდეს, და არაჲ დაუშთებოდის იწროებითა მით და ჭირითა, რომელსა-იგი გაჭირვებდენ შენ მტერნი შენნი ყოველთა შინა ქალაქთა შენთა.
რომელ-იგი ფუფუნეულ იყოს და ნუკეულ შენ შორის, რომელმან რაჲთურთით არა იცოდის გამოცდილება სიფიცხლისა და არცა დაედგას ფერჴი ქუეყანასა ზედა სიჩჩოჲთ ფუფუნებისა მისისაჲთ, თუალძჳრ იქმნეს ქმრისათჳს და მკრდისა თჳსისა და შვილთა თჳსთათჳს და ასულთა თჳსთათჳს,
რომელი-იგი გამოსრულ იყოს წყვილთა მისთა, და შეშჭამდეს ნაშობთა მუცლისა თჳსისათა იდუმალ უპოვარებითა მით და იწროებითა ჭირისა მისისაჲთა, რომელსა-იგი გაჭირებდეს შენ მტერნი იგი შენნი ყოველთა შინა ქალაქთა შენთა.
და საშჳლო მისი, რომელნი-იგი გამოსრულ იყუნენ წყვილთა მისთა, და შჳლი მისი, რომელსა შობს, შეჭამდეს იდუმალ უპოვარებითა ყოველთათჳს და ჭირითა მით იწროებისა მათისათა, რომელსა-იგი გაჭირვებდეს მტერი იგი შენი ყოველთა შინა ქალაქთა შენთა,
არა თუ Page of ms. E: 77V ისმინო შენ ყოფად ყოველთა ამათ სიტყუათა შჯულისათა, რომელ-ესე დაწერილ არიან წიგნთა ამათ, და გეშინოდის შენ სახელისა მის პატიოსნისა და დიდებულისა უფლისა ღმრთისა შენისაჲსა.
განაძლიერნეს უფალმან გუემანი იგი შენნი და ნათესავისა შენისანი, გუემანი იგი დიდდიდნი და საკჳრველნი სენითა მით პირად-პირადითა და ბოროტითა.
და მოაქცინეს შენ ზედა სალმობანი იგი მეგჳპტელთანი ძჳრ-ძჳრადნი, რომელ\თაგან-იგი Page of ms. E: 78R შეძრწუნებულ იყავ მათგან.
მოვიდენ შენ ზედა ყოველნი იგი გუემანი, რომელ-იგი წერილ არს და რომელ-იგი არა წერილ არს წიგნსა მას სჯულისასა, და მოავლინოს იგი უფალმან შენ ზედა, ვიდრემდის მოგსპოს შენ.
და დაშთეთ თქუენ რიცხჳთ მცირე, რამეთუ იყვენით თქუენ სიმრავლითა, ვითარცა ვარსკულავნი ცისანი. ამისთჳს, რამეთუ არა ისმინეთ თქუენ ჴმისა უფლისა ღმრთისა თქუენისა.
და იყოს, ვითარცა მხიარულ იყოს უფალი კეთილის-ყოფად თქუენსა და განმრავლებასა თქუენსა, ეგრე მხიარულ იყოს უფალი თქუენი მოსრვასა თქუენსა და აღჴოცასა ქუეყანისა მისგან, რომელსა შეხჳდეთ დამკჳდრებად მუნ.
განგაბნინეს თქუენ უფალმან ომერთმან თქუენმან ყოველთა მიმართ წარმართთა და ჰმსახურებდეთ თქუენ კერპთა მათ ქვისათა და ძელისათა, რომელი-იგი ა\რა Page of ms. E: 78V იცოდეს მამათა შენთა.
არამედ წარმართთა მათ შორის არავე განისუენო შენ და არცადა იყოს განსუენებაჲ ფერჴთა შენთა. მოგცეს შენ უფალმან ღმერთმან შენმან გული ჭუვნიერი და თუალნი ნაკლულევანნი და სული განკაფული.
და იყოს ცხორებაჲ შენი დამოკიდებულ წინაშე თუალთა შენთა და იყო შენ შეშინებულ დღე და დამე და არა გრწმენეს შენ ცხორებაჲ თავისა შენისაჲ.
განთიად სთქუა: ოდესმე დაღამნეს? და მწუხრი სთქუა: ოდესმე განთენნეს? შეძრწუნებითა მით გულისა შენისათა და შეშინებითა მით ხილვისა ამის თუალთა შენთასა, რომელსა-იგი ხედვიდე შენ.
მიგაქციოს შენ უფალმან მუნვე ეგჳპტედ ნავებითა, გზასა მას, რომელსა გარქუ თქუენ, ვითარმედ არღარა შესძინოთ თქუენ მოქცევად აქავე. მიგყიდის თქუენ ჴელთა Page of ms. E: 79R მტერთა თქუენთასა მონად და მჴევლად, და არავინ იყოს, რომელმანმცა მიგიყიდნა თქუენ მუნ.
ესე სიტყუანი არიან შჯულისანი, რომელ ამცნო უფალმან ღმერთმან მოსეს დადებად წინაშე ძეთა ისრაელისათა ქუეყანასა მას მოაბისასა, გარეშე შჯულსა მას. რომელ ამცნო უფალმან მოსეს მთასა ქორებს.
