იყოს თუ ვისიმე სიტყუა ჴმობისა ორთა კაცთა შორის ერსა მაგას და წარდგა იგი სასჯელად. განსაჯენით იგი მართლიად, განამართლეთ მართალი, განაცრუვეთ ცრუ იგი.
და თუ იყოს ღირს გუემისა ცრუ იგი, დასუათ იგი წინაშე მსაჯულთა მათ და ჰგუემო იგი, რომლისა წინაშე შემსგავსებულად უსჯულოებისა მისისა
რიცხჳთ ორმეოც, ნუ შეუმატებ მას უფროს. უკუეთუ შეუმატო მას გუემასა, იკდიმოს ძმა იგი წინაშე შენსა.
ჴარსა მეკალოესა პირსა ნუ შეუკრავ.
და-თუ-მკჳდრებულ იყვნენ შენ შორის Page of ms. E: 65V ორნი ძმანი ერთად და მოკუდეს ერთი იგი მათგანი და ცოლი მისი უშვილო დაშთეს, ნუ განვალნ იგი ქმრისა უცხოსა. არამედ ძმამან მისმან მიიყვანოს იგი და შეირთოს ცოლად.
და თუ ესუას მისგან შვილი და დაადგინოს იგი სახელად ძმისა მის თჳსისა მომკუდრისა და არა აღჴოცოს სახელი მისი შორის ნათესავსა მას ისრაელისასა.
უკუეთუ არა ჯერ-არს მამაკაცსა მას შერთვად ცოლი იგი ძმისა მის თჳსისა და გამოვიდეს გარე ცოლი იგი მკუდრისა ძმისა მისისა კართა ზედა მის ქალაქისათა წინაშე ყოველსა კრებულსა მოხუცებულთა თანა და თქუას. ვითარმედ: არა ჰნებავს ძმასა მას ქმრისა ჩემისასა აღდგინებად სახელი ძმისა თჳსისა შორის ისრაელისა.
და მოუწოდის მას ყოველი იგი კრებული მოხუცებულთა ქალაქისა მის და Page of ms. E: 66R ეტყოდიან მას სიტყუასა მას, და თუ წარმოდგეს მათ შორის და თქუას: არა ცოლ-ვიყო ეგე,
მოვიდეს ცოლი იგი ძმისა მისისა მის კაცისა წინაშე ყოვლისა მის ერისა კრებულისა მოხუცებულთა, წარჰჴადოს ჴამლი ფერჴისა მისისა და ჰნერწყოს პირსა მისსა, მიუგოს და ჰრქუას: ესრე ეყავნ კაცსა, რომელმან არა ინებოს შენებად სახლი ძმისა თჳსისა.
და ერქუას მას სახელი შორის ისრაელსა "სახლი ჴამლთწარჴდილისა".
იბრძოდიან თუ ორნი კაცნი ურთიერთას მოყუასნი და მივიდეს ცოლი ერთისა მის მათგანისა განრინებად ქმრისა მისისა მგუემელისა მისგან და მიყოს ჴელი მისი და შებმა-უყოს მრჩობლთა მისთა,
წარჰკუეთო ჴელი მისი და არა შეიწყალოს იგი თუალმან შენმან.
ნუ იპოებინ ჭურჭელსა შენსა შორის სასწ\ორი Page of ms. E: 66V -- ერთი დიდი და ერთი კნინი.
ნუ იყოფინ სახლსა შინა შენსა ოორი საწყაული: ერთი დიდი და ერთი კნინი.
არამედ საწყაული სარწმუნოებისა და სამართალი იყავნ შენ შორის, რაჲთა დღეგრძელ იყო და კეთილი გეყოს ქუეყანასა მას ზედა, რომელი-იგი უფალმან ღმერთმან მოგცეს თქუენ სამკჳდრებელად,
რამეთუ ბილწ არს იგი წინაშე უფლისა ღმრთისა შენისა, რომელი იქმს მაგას ყოველსა.
მოიჴსენე შენ, რაოდენი-რაჲ გიყო შენ ამალეკ, რაოდენი გიყო შენ მგზავრ, (18S), რაჟამს გამოხჳდოდე ქუეყანით ეგჳპტით.
ვითარ-იგი წინააღგიდგა შენ და მიგკუეთა ბოლო იგი შენი მაშურალი, დამადგინარი შემდგომად შენსა, ხოლო შენ გშიოდა და მაშურალ იყავ, და მას არა შეეშინა უფლისა ღმრთისა შენისა.
და იყოს, რაჟამს განგისუენოს შენ უფალმან ღმერთმან შენმან ყოველთაგან მტერთა შენთა, რომელნი იყვნეს გარემოს შენსა ქუეყანასა მას, რომელი-იგი უფალმან ღმერთმან შენმან მო\გცეს Page of ms. E: 67R ნაწილად მკჳდრობისა შენისა, აჴოცოს სახელი ამალეკისი პირსა ქუეყანისასა და არა დაივიწყოს იგი.
