უკუეთუ მოსრნეს უფალმან ღმერთმან შენმან წარმართნი იგი, რომელთა მოგცეს უფალმან ღმერთმან შენმან ქუეყანა იგი დამკჳდრებად, და დაეშენო ქალაქთა მათ\თა Page of ms. E: 52R და სახლთა მათთა,
სამი ქალაქი გამოირჩიო შენ თავისა შენისა ქუეყანისა მისგან, რომელი უფალმან ღმერთმან შენმან მოგცეს შენ.
აღწონე გონებასა შენსა გზა იგი მისი. სამად ნაწილად განჰყო საზღვარი მის ქუეყანისა, რომელი-იგი უფალმან ღმერთმან შენმან მოგცეს შენ, განჰყო შენ ნაწილად-ნაწილად თითო ქალაქი, იყოს იგი შესავედრებელად კაცისმკლველთა.
და ბრძანება ესე იყოს კაცისმკლველისა მის ზედა, რომელი-იგი მეოტ იქმნეს და შევარდეს ქალაქსა მას, განერეს. (5S) რომელმან მოკლას მოყუასი იშჳთ, არა ნებსით, არცა ზაკჳთ, არცა ყოფილ იყოს გული მისი სიძულილით მისსა მიმართ გუშინ გინა ძოღან,
შე-თუ-ვინმე-სრულ იყოს ტყესა შეშისა კრვად მოყუსისა თანა და ცემასა მას ცულისასა განერეს ჴელთა მისთა და ეცეს მოყუასსა მისსა და მოკუდეს, ეგევითარი იგი ივლტოდის და შევარდეს ერთსა მას ქალაქთაგანსა და განერეს.
რაჲთა Page of ms. E: 52V არა მახლობელმან ვინმე მის სისხლისამან დევნა-უყოს მომკლველსა მას განჴურვებითა მით გულისაჲთა, ეწიოს მას და მოკლას, რამეთუ შორს იყოს გზა მისი, და იგი არა თანამდებ იყოს, რამეთუ არა მტერობით ანუ სიძულილით იყო მისსა მიმართ გუშინ ანუ ძოღან.
ამისთჳს გამცნებ სიტყუასა ამას, რაჲთა გამოჰყვნე შენ სამნი ქალაქნი განსარინებელად მკლველთა მათ.
უკუეთუ განვრცობით განგივრცნეს უფალმან ღმერთმან შენმან საზღვარნი იგი შენნი, ვითარცა ეტყოდა მამათა შენთა, და მოგცეს ქუეყანა იგი, ვითარცა ეტყოდა მამათა შენთა.
უკუეთუ ისმინნე და ჰყოფდე ყოველთა ამათ მცნებათა ჩემთა, რომელთა-ესე მე გამცნებ შენ დღეს. შეიყუარო უფალი ღმერთი შენი და ხჳდოდი გზათა მისთა ყოველთა დღეთა ცხორებისა შენისათა, შესძინო შენ სამიღა ქალაქი სხუა სამთა მათ ქალაქთა.
რომელ არა დაითხეოდის სისხლი Page of ms. E: 53R უბრალო ქუეყანასა მას შენსა, რომელ-იგი უფალმან ღმერთმან მოგცეს შენ დამკჳდრებად, ნუმცა იპოების შენ შორის თანამდებ სისხლისა მის.
უკუეთუ ვინმე იყოს კაცი, რომელსა სძულდეს მოყუასი თჳსი, მტერობით უმზიროს, აღდგეს მის ზედა და მოკლას და შევარდეს ერთსა ქალაქთაგანსა,
მიავლინეთ ყოველთა მათ მოხუცებულთა მის ქალაქისათა და გამოიყვანეთ მიერ და მიეცით ჴელთა შურისმეძიებელისა მის სისხლისასა და მოკლან იგი.
და ნუ დაჰრიდებენ თუალნი მისნი, ნუცა შეიწყალებენ მას. და განსწმიდო სისხლი უბრალო ისრაელსა შორის და კეთილი ჰქმნე.
ნუ გარდასცვალებ მცნებათა ღმრთისათა, რომელ დაამტკიცნეს მამათა შენთა სამკჳდრებელსა შენსა ქუეყანასა მას ზედა, რომელსა დაგამკჳდროს შენ უფალმან ღმერთმან შენმან.
წამებასა ერთისა მოწამისასა ნუ ირწმუნებთ, რომელი წამებდეს ყოვლისავე უსჯულოებისათჳს და ცოდვისათჳს რომლისა\ვე Page of ms. E: 53V კაცისა მიმართ, რამეთუ ორითა და სამითა მოწამითა დაემტკიცების ყოველივე სიტყუა.
წარმო-თუ-დგეს ვინმე ცრუ მოწამე რომლისავე კაცისათჳს და იტყოდის უსჯულოებასა,
წარმოდგენ ორნივე კაცნი და შეიუბნენ წინაშე უფლისა და მღდელთა და წინაშე მსაჯულთა, რომელ იყვნენ მათ ჟამთა.
გამოიკითხონ მათ ჭეშმარიტებით და თუ იპოოს კაცი იგი წამებასა მას ზედა ცრუსა, სიცრუვით წამებდა მოყუსისა მიმართ (19S) და ზრახვად აღუდგა მას,
უყვედ მას მსგავსად სიბოროტისა მისისა, რომელ-იგი ზრახა ყოფად მოყუსისა თჳსისათჳს, მოსპეთ ეგევითარი იგი ბოროტი თქუენ შორის.
რომელ ნეშტთა მათ, რომელნი-იგი დაშთენ, ეშინოდენ და არდარა შესძინო საქმედ ბოროტის საქმითურთ.
ნუ ჰრიდებს თუალი შენი ეგევითარსა მას. სული სულისა წილ, თუალი თუალისა წილ, კბილი კბილისა წილ, ჴელი ჴელისა წილ, ფერჴი ფერჴისა Page of ms. E: 54R წილ, რაცა ვინ უყოს მოყუასსა, მიეგოს.
