დაიცევ თთუე იგი ახალთა და ჰყვი იგი დღესასწაულად უფლისა ღმრთისა შენისა, რამეთუ თუესა მას ახალთასა გამოგიყვანა შენ უფალმან ღმერთმან შენმან ღამე ეგჳპტით.
და დაჰკლა შენ მსხუერპლი უფლისა ღმრთისა შენისა, Page of ms. E: 46R ცხოვარი იგი და ძროხა ადგილსა მას, რომელ-იგი გამოირჩიოს უფალმან ღმერთმან შენმან წოდვბად სახელი მისი მას ზედა.
არა შჭამო მას შინა მფოვე შჳდ დღე, უფოველი პური სჭამო ჭირსა მას შინა, რამეთუ მსწრაფლ ღამე გამოხუედ ეგჳპტით და მოიჴსენით დღე იგი გამოსლვისა მის თქუენისა ქუეყანით ეგჳპტით ყოველთა დღეთა ცხორებისა თქუენისათა.
არა იპოოს ცომი შჳდ დღე ყოველთა საზდვართა თქუენთა. არცა განაციოთ ჴორცი იგი, რომელ დაჰკლა მიმწუხრი განთიად დღესა მას პირველსა.
ნუ გიფლიენ შენ ჭამად ურიდად საკლველისა მისგან, რომელ-იგი დაიკლას დღესასაწულსა მას ყოველთასა ქალაქთა შენთა, რომელ-იგი უფალმან ღმერთმან მოგცეს შენ.
არამედ ადგილსა მას, რომელ-იგი გამოირჩიოს უფალმან ღმერთმან შენმან წოდებად სახელი მისი მას ზედა, მუნ დაკლას საკლველი იგი დღესასწაულთა მათ მწუხრი, დასლვა\სა Page of ms. E: 46V ოდენ მზისასა, ჟამსა მას, რომელსაცა გამოხუედ ქუეყანით ეგჳპტით.
შეაგბო და შესწუა და შეშჭამო ადგილსა მას, რომელსაცა გამოირჩიოს უფალმან ღმერთმან შენმან, და მიიქცე ხვალისაგან და მიხჳდე სახიდ შენდა.
ექუს დღე უფოველი შჭამო და მეშჳდესა დღესა განჴსნა არს დღესასწაულისა მის უფლისა ღმრთისა შენისა, არა ჰქმნე მას შინა ყოველივე საქმე.
შჳდი შჳდეული მრგულიად აღირაცხო თავისა შენისა, რაჟამს იწყო მანგლის საქმე მკათა, მიერითგან აღირაცხო შჳდი შჳდეული.
და ჰყო დღესასწაული იგი შჳდეულთა უფლისა ღმრთისა შენისა, რაოდენცა ეძლოს ჴელთა შენთა, რაოდენცა რაჲ განგემარჯოს შენ, რამეთუ გაკურთხა შენ უფალმან ღმერთმან შენმან.
და იხარებდე შენ წინაშე უფლისა ღმრთისა შენისა, შენ და ძენი შენნი და ასულნი შენნი, მონა და მჴევალი შენი და ლევიტელი იგი, რომელ დამკჳდრებულ იყოს ქალაქსა შენსა, და მწირი იგი და ობოლი Page of ms. E: 47R და ქურივი იგი, რომელ მყოფ იყოს თქუენ შორის ადგილსა მას, რომელ-იგი გამოირჩიოს უფალმან ღმერთმან შენმან წოდებად სახელი მისი მუნ.
მოიჴსენო, რამეთუ შენცა დამონებულ იყაე ქუეყანასა მას ეგჳპტელთასა. ამის გამო დაიმარხნე და ჰყვნე მცნებანი ესე.
დღესასწაული იგი ტალავრობისა ჰყვი თავისა შენისა შჳდ დღე კრებასა მას კალოსა შენისასა და საწნეხელისა შენისასა.
და იხარებდე დღესასწაულსა მას შენსა შენ და ძე ეგე შენი და ასული შენი, მონა და მჴევალი შენი და ლევიტელიცა იგი და მწირი და ობოლი და ქურივი იგი, რომელ იყოს ქალაქთა შენთა Page of ms. E: 47V .
შჳდ* დღე ჰყო დღესასწაული იგი უფლისა ღმრთისა შენისა ადგილსა მას, რომელი გამოირჩიოს უფალმან ღმერთმან თავისა შენისა. უკუეთუ გაკურთხოს შენ უფალმან ღმერთმან შენმან ყოველთა ზედა ნაყოფთა შენთა და ყოველთა შინა საქმეთა შენთა და ჴელთა შენთასა, იყო შენ სახარულევან.
სამგზის წელიწადსა ეჩუენოს ყოველი წული ყრმა შენი წარდგინებად წინაშე უფლისა ღმრთისა შენისა ადგილსა მას, რომელი გამოირჩიოს უფალმან თავისა თჳსისად: დღესასწაულსა მას უფოველთასა და დღესასწაულსა შჳდეულთასა და დღესასწაულსა ტალავრობისასა. არა ეჩუენო პირსა უფლისასა ჴელცუდად,
არამედ თითოეულად რაოდენ-რაჲ (17S) ძალი აქუნდეს ჴელთა შინა მისთა კურთხევისა მისთჳს უფლისა, რომელ მოგცეს შენ.
მსაჯულნი, განმგებელნი და მწიგნობარნი დაიდგინნე თავისა შენისა ყოველთაგან ნათესავთა შენთა ყოველთა მათ ქალაქთა, რომელნი უფალმან ღმერთმან შენმან მოგცნეს შენ, და სჯიდე ერსა მას სამართლისა სასჯელითა.
ნუ გარდასდრეკ სასჯელსა, ნუცა სჯიედ თუალ-ხუმით, ნუ მოიღებედ ქრთამსა, რამეთუ ძღუენმან და ქრთამმან დაუყვნის თუალნი ბრძენთანი და გარდააქცინის სიტყუანი სიმართლისანი.
სიმართლით სამართალსა შეუდეგით, რაჲთა სცხოვნდეთ, შეხჳდეთ და დაიმკჳ\დროთ Page of ms. E: 48R ქუეყანა იგი, რომელ უფალმან ღმერთმან მოგცეს შენ.
არა იყოს თავისა შენისა სერტყები სამსახურებელად თავისა შენისა და ყოვლისავეგანი ხისა მაღნარისა გარეშე საკურთხეველსა მას უფლისა ღმრთისა შენისასა,
ნუ აღამართებ თავისა შენისა ძეგლსა, რომელი მოიძულა უფალმან ღმერთმან შენმან.
