ნაშობ იყვნეთ თქუენ უფლისა ღმრთისა თქუენისა. მკუდარსა ზედა არა იტყებდე და არცადა აჩინო ნიში ჴაჴილებისა შუბლსა შენსა შორის ორთა თუალთა შენთა,
ნაშობ იყვენით თქუენ უფლისა ღმრთისა შენისა, რაჲთა არა განჭრათ და არა დასდვათ ბელოტი შორის თვალთა თქუენთა მკვდართა ზედა,
რამეთუ ერი ეგე წმიდა ხარ უფლისა ღმრთისა შენისა და შენ გამოგირჩია უფალმან ღმერთმან შენმან, რაჲთა იყო მისა ერ საზეპურო შორის ნათესავთა, რომელნი არიან გარემოს შენსა.
ყოველივე საცხოვარი, რომელი ბილწ არს, არა შჭამო,
არამედ ესე შჭამო: ჴბო ზროხათაგანი და ტარიგი ცხოვართაგანი, ვაცი თხათაგანი,
ირემი, ქურციკი, გამეში, ხარაბუზი, იამორი.
და ყოველივე პირუტყჳ, რომელი ჭლაკგანპებულ იყოს და აღმოიცოხნიდეს, შჭამო.
და რომელ არა შჭამო, ესე არს, რომლისა ჭლაკნი არა განპებულ იყვნენ და არა აღმოიცოხნიდეს, არცა განმარტებულ ესხნენ ფრცხილნი. (8S) არა შჭამო აქლემი, მაჩჳ და ყოველივე ფერჴმატყიერი, რამეთუ არა აღმოიცოხნიან და არცა ჭლაკი განპებულ აღგს, ნუ შჭამთ, რამეთუ ბილწ არს Page of ms. S: 338R .
ნუცა მომკუდარსა შეეხებით.
და ღორისა ორთა ზედა და განიყოფის ჭლიკი და ჩლიქნი გაორდების, ესე არა აღმოიცოხნის, არაწმიდა თქუენდა არს ესე და ჴორცსა მისსა ნუ შჭამთ, ნუცა მომკუდარსა შეეხებით.
ყოვლისაგან, (9S) რომელი წყალსა შინა არს, ესე შჭამო. ყოველსა, რომელსა ფრთე ესხნენ და ქეცი ედვას, მისი შჭამო.
და ყოველსა, რომელსა ფრთე არა ესხნენ და არცა ქეცი ედვას, მისი არა შჭამო, რამეთუ ბილწ არს.
ყოველივე მფრინველი, რომელი წმიდა იყოს, მისი შჭამო.
და რომელ არაწმიდა იყოს, მისი არა შჭამო:
ორბი, პასკუნჯი (13S) და ყანჩი,
ყურჭი, (14S) ძერი და ყოველი მსგავსი მისი.
სირაქლემი და ბუვი, ყუავი და ყოველი მსგავსი მისი,
და ბუვი, ყუავი, სირაქლემი და დედათმთრვალი, და ქორი და ყოველი მსგავსი მისი.
და ტივი და ყარყადი და აკაური,
და მღამიობი და ბუკიოტი და ყოველი მსგავსი მისი,
და ოფოფი და ძერძერუკი და დედამთრვალი და ქორი და ყოველი მსგავსი მისი,
და ყარყანტი და აკაური და ოფოფი და ძერძერუკი,
და ვარხჳ და მღამიობი და ბუკიოტი და ყოველი მსგავსი მისი,
და ღამიობი მჩქოელი, და ტივი, თესლონოსი, ხარდიონი მსგავსი ამისა და ვარხვი.
და ყოველივე ქუეწარმავალი მფრინველთა არაწმიდათა ბილწ არს თქუენდა და ნუ შჭამთ.
ყოველივე მფრინველი წმიდათაგანი ჭამეთ.
ყოველსავე მსხემსა და მწირსა, რომელი ქალაქსა შინა შენსა იყოს, ნუ სცემ მას, ნუცა აჭამებ და ნუცა სხუასა სცემ, რამეთუ ერი ეგე წმიდა ხარ უფლისა ღმრთისა შენისა. კრავსა სძითა დედისა თჳსისათა ნუ შეჰგბოლავთ.
ათეული გამოსცი ყოვლისავე ნაყოფისა თესულისა შენისა, რომელი იყოს ველთა შენთა წლად-წლად.
და შეშჭამო იგი წინაშე უფლისა ღმრთისა შენისა ადგილსა მას, რომელსა გამოირჩიოს უფალმან ღმერთმან შენმან წოდებად სახელი მისი მას ზედა, მუნ შესწ\ირო Page of ms. S: 338V ყოველივე ათეული იფქლისა შენისა და ღჳნისა შენისა და ზეთისა შენისა, და პირმშოები ზროხათა და ცხოვართა შენთა, რაჲთა შეისწაო შიში უფლისა ღმრთისა შენისა ყოველთა დღეთა ცხორებისა შენისათა.
უკუეთუ შორს იყოს შენგან გზა იგი და ვერ შესწირო იგი, რამეთუ შორს იყოს შენგან ადგილი იგი, რომელი გამოირჩია უფალმან ღმერთმან შენმან წოდებად სახელი მისი მას ზედა, რამეთუ გაკურთხა შენ უფალმან ღმერთმან შენმან,
განჰყიდო შენ ნაყოფი იგი ვეცხლად და მიიღო შენ ვეცხლი იგი ჴელითა შენითა და მიხჳდე ადგილსა მას, რომელ-იგი გამოირჩია უფალმან ღმერთმან შენმან,
და განჰყიდო იგი, რადცა გინდეს და გულმან გრქუას შენ, ზროხად გინა ცხოვრად, გინათუ ღჳნოდ, გინათუ რადმე, რაჲ გულმან გრქუას შენ, და შეშჭამო იგი წინაშე ႾႥ უფლისა ღმრთისა შენისა და იხარებდე შენ და სახლეულნი შენნი
და ლევიტელი იგიცა, რომელი იყოს ქალაქსა შენსა, არა განიშორო იგი, რამეთუ არა უც ნაწილ და სამკჳდრებელ შენ თანა.
მესამესა წელსა გამოსცე შენ ყოველი იგი ათეული ნაყოფისა მის შენისა და მასვე წელსა დასდვა იგი ქალაქსა შენსა,
და მივიდეს ლევიტელი, რამეთუ არა უც ნაწილ და სამკჳდრებელ შენ თანა, და მსხემი იგი და მწირი იგი და ქურივი იგი და ობოლი იგი, რომელ იყოს* Page of ms. E: 43V ქალაქსა შენსა, მივიდენ და შეჭამონ იგი და განძდენ, რაჲთა გაკურთხოს შენ უფალმან ღმერთმან შენმან ყოველთა მათთჳს საქმეთა შენთა, რომელსა იქმოდი შენ.
